龍寶酒家

营业中

休息中

第一次喺呢度寫食評,因為睇完其他人對呢間酒樓嘅食評, 我都想大家可以參考下,值得將我嘅第一次呢間土瓜灣店。新年d親戚返哂大陸 , 所以到今晚先可以聚首, 屋企人有去開龍寶飲茶, 所以就訂左一圍食飯。入到去d工作人員算係快手同周到,只係樓面有少少人手不足的感覺,服務水平因此有少少扣分。 我地食嘅係今日先開始賣嘅$1688套餐, 第一道乳豬就原隻自己剪,可以話係特色又可以話係麻煩, 睇你用咩角度看待, 不過算係多左一個同屋企人嘅話題, 老子劏雞殺鴨解牛都試過, 唯獨未試過剪豬, 大家有興趣都可以試試。 原本個餐12人, 我地得五大人兩小童, 份量上完全可以俾13個大人食, 蠔餅係十分鬆脆又唔散, 比預期中好。炸子雞皮薄脆唔會太咸, 比較健康有帶子炒雞柳西蘭花, 蓮蓉壽包真係值得一提, 唔會造到太大個而且好多蓮蓉, 實在意料之外。因為有d酒樓會做到包皮太厚, 唔知係食緊饅頭定食緊蓮蓉包。最尾水果就係十個橙, 原個未切的, 又係一個可圈可點位, 不過今次因為我地得七個人,索性全部剩餸同橙都帶屋企, 又食又拎。PS.黎緊呀媽生日, 佢指定左返黎呢間食。除左當年食物質素未變差嘅富x/x臨酒樓之後,

落左$300訂，訂左6位年卅晚去食團年飯，但老人家想留返屋企食，咁嗰朝朝早已經打去取消。想話用嗰$300改另一日再去食過，佢話已經留左枱俾我做唔到生意，所以退唔到。有啲失望，如果能夠彈性少少就好。

老來的老人家總說冬大過年, 這句說話總是令我摸不着頭腦, 其實說到尾都是希望節日一家人齊齊整整, 依我所說兩個節日都是很重要的日子, 誰說過冬一定大過年? 今天與男朋友的家人一同外出食飯, 因為做冬關係出面的酒樓預約差不多全部爆滿.... 幾經辛苦下才找到這間龍寶酒家, 今天晚飯終於有着落了! 龍寶酒家位於馬頭涌道大街, 相當易搵! 在場所見酒樓的人流真的很多, 全場爆滿之外而且在外等待進場的客人都有很多! 場面的確十分之誇張. 幸好的是因為有事先預約關係等了數分鐘時間已經可以安排入座, 如果不是真的不知要等到何時才能吃晚飯這裏的價錢收費相當平民, 不會因為節日關係而提高套餐價錢, 除了有優惠套餐之外還可以單點小菜, 客人可以依照自己的喜愛已揀選食物, 真心不錯!燒味拼盤＄158價錢方面屬中價, 燒味拼盤有燒鴨, 叉燒, 雞, 海蜇以及乳豬, 味道方面中規中矩不算太特別有驚喜. 最期待的乳豬肥瘦均勻外皮也算脆身, 唯一可惜的就是拼盤未返熱過, 食落未至於是冷的但如果有微溫的話相信味道會更加好上湯粉絲什菜煲＄72未知是否因為以上湯煮過, 雜菜除了保持爽脆質感之外鹹香味亦很足夠, 鹹味不會

今晚約了舅仔兩公婆吃飯，他們話這裡低食，所以來到這裡吃飯，本來想訂位，不過要八人以上先可以，所以要早些上來等位，等了十分鐘就可以入坐，差不多全滿。濃雞湯煲鮑翅－唔見有雞，只有翅、娃娃菜，菜牌話有一磅翅，翅係唔算靚，雞湯算清。芝士龍蝦伊麵－一般味道脆皮雞半只－一般的，皮脆，唔係新鮮雞。茄子牛腩煲－牛腩算多，味道可以，低食。生炒糯米飯－好味道👍加13％，埋單共$800，人均消費$200，不算便宜。

星期日放假通常同老公奶奶去黃埔飲茶,今次傲雲峰鄰居介紹就去左屋企樓下新開間龍寶飲茶,其實想黎呢度飲茶好耐但係呢間野實在太旺老公唔鐘意等位,今次第一次黎同之前間殘爛東方唔同晒,靚晒等位區仲有張長梳化坐下又諗得幾周到三個人等左10分鐘有位坐,肚餓即時劃點心食,嘩佢蝦餃竟然賣$6.8!!!我好鐘意食既藥膳鳳爪賣$8.8??唔駛諗叫晒佢叫埋南乳豬手,燒賣皇,津菜蒸牛肉,金錢肚,沙律蝦角,九菜餃,蘿蔔糕,棉花雞,呢間酒樓D點心真係好多款比其他飲開茶個D起碼多三四倍,藥膳鳳爪好香當歸味,鳳爪夠淋$11.8三隻比奶奶飲晒D湯沙律蝦角好大隻,熱辣辣唔會油,蝦肉滿晒好爽口,特點黑椒金錢肚夠淋都好大碟,可以辣D仲正!津菜牛肉球懷舊FEEL兩大大粒$10.8,好滑蒸到脹卜卜好新鮮九菜餃蒸過火爛左,味道還可以南乳豬手係奶奶至愛,好大碟滿晒好香南乳味道又夠淋煎蘿蔔糕夠料不過又煎濃左一邊,味道麻麻北菰棉花雞,真好食又多魚肚(無壓味),雞滑魚肚淋總括呢間龍寶點心都好靚味道唔錯,一路飲茶聽到隔離檯D人成日講抵食抵食,自己行出CASHIER埋單,食左十樣野埋單150蚊,抵到漏打個電話比鄰居讚好介紹,原來佢識呢間龍寶酒家

貼錢買難受的食店！因爲新開張就試下，訂了7 點，7:06到達！門口帶位啊姐（xx清 - 公關主任）惡言相向，Show 個手機Mon訓責 "你自己睇下，遲到6分鐘，再拿飛排過！" 未定神被閙個狗血淋頭，頂！我老婆剛好見到 reception 貼著 如遲到10分鐘需重新排過，帶位啊姐竟然想拆自己個牌，話假日晤俾！結果排咗幾張枱，同經理投訴先有位但係望住個X樣真係胃口都差咗，唔信大家試下

上一次實在覺得太抵食，所以很快又再光顧。一樣很多人，大概也是等了30分鐘。今次叫了一蚊雞，頗大隻，又入味，不似將貨就價，有雞鮮味。另外試試$88的原條海參，頗大條，又入味，不會過咸，又沒有用化學品浸發的澀味。十分抵食。今次繼續飲原盅雞燉翅，依然好好味，翅也有2、3梳，湯一樣有鮮雞湯的甜味。其實另外還有叫了他們的花旗參鱷魚燉湯，也是一樣的清甜而帶有花旗參的苦味。見這裏養了不少海鮮，就試試澳洲野生黑海星班，魚肉又滑又鮮甜，很久也沒有吃過那麼好的魚，我相信真的是野生魚，因為養魚是沒有那麼鮮味的。另外也點了魚肚浸菜，魚肚是用低價貨，但也十分好味。最後因為老人家喜愛吃，所以還點了壽桃包，包身是一般的鬆軟，蓮蓉餡也不太甜，但就不是十分突出的包包。短時間到訪兩次也沒有失望，依然物超所值，可能遲一點也會再到訪。

奶奶告訴我土瓜灣開了一間新酒樓，飲茶好超值，所以就去試試晚飯。是晚非常多人，都要等大概半個鐘先有位。我們點了特價燒鵝半隻，皮不太脆，肉質不太嫩又不太韌，但味道是好味的。還有點了$68元的原盅燉翅，這個價錢真的喜出望外，內裏有兩三梳翅，翅針也粗，湯有清香的雞湯味，還有原粒瑤柱及瘦肉。蝦是比中蝦小一點的蝦，新鮮，有鮮甜味，份量也多。龍躉兩味，新鮮及份量也可觀，炒球十分香，蒸頭腩也鮮味。最後還有生果贈送，因貼近八月十五，也有自家製的月餅送，但是味道一般。以這裏食物的份量及質素，再加偏低的價錢，是超值的一餐，一定會再光顧。

同老公來試早茶，上次晚餐已經瀨野，唸住早茶好d，估吾到...大家真係量力而為啦，我已經black list 尼間野，但d姊姊幾好人，真係衰係食物質素太差....希望有改進

Without high expectations, our family had our Sunday dinner here around 6pm. The food was good and the price was fairly reasonable. The roasted goose was huge and tasty. We all loved it. Highly recommended.  

呢間茶樓啲嘢食算係幾平,蝦餃$10.8,平時仲要係$7.8但係味道就一般啦～錦滷餛飩係是先炸定嘅，而且有啲油膩同埋唔夠脆～米粉嘅湯底冇乜味～但係個乳鴿又幾好食，新鮮炸起，豬腳薑唔係好夠入味～不過茶錢就比一般茶樓貴dd 要$8，而且唔係加一而係加13%但係服務態度極好！

How to order? The menu is only for Chinese , nothing is written in EnglishTry to order with photos, but only a few into the menu