龍如酒家

营业中

休息中

尋日難得老公肯陪我入流浮山請我食海鮮本來諗住去明記的但行行下o黎o左呢間佢仲不停咁話我地唔會呃秤o架我地好老實o架我地o係流浮山做o左40年我地唔收加一唔收茶錢o架咁就俾佢混o左入去唉....錯誤的第1步我同老公揀o左1.佢話 13蚊一兩瀨尿蝦 (椒鹽) 一隻佢捉起時好在我有問佢幾重呢隻瀨尿蝦先冇呃秤咋2. 聖子(豉椒炒) 12兩佢話72蚊斤3. 花甲 (油鹽水) 1斤佢話48蚊斤每個菜+40蚊油料費另外加o左碟蒜蓉炒豆苗 $40D o野食味道都算一般 我計過數海鮮我地買o左 $204點知埋單時海鮮收 $276飯 $8 x 3 = $24要收埋酸菜錢 $15(佢話免茶但冇得免酸菜)油料+炒菜 $160total仲要計多 $5 張單 $480我拎部計數機出o黎計佢個伙計仲猛咁話唔會呃你o既唔會呃你o既後來老闆娘俾o左張海鮮單我睇嚇o左我一跳瀨尿蝦計o左 $112 (o個 $10我當豪俾佢)聖子計o左 1斤(之前佢又話係12兩!?) $80 (o個 $8我又當豪俾佢!!)最離譜係花甲計o左我斤半 $84!!我出去問門口海鮮檔佢話煮o左斤半我話斤半都唔會係$84掛!?佢話計o左$56/斤我話

今日放假, 特意同老公仔入黎食海鮮. 雖然之前已經做定功課睇下邊間受歡迎d, 本來都有3間心水, 不過黎到食海鮮, 當然要有得親手揀先開心架麻. 最後揀左喱度. 同我地揀海鮮果位哥哥仔, 非常好人, 數口又精, 因為我地兩個人食唔到咁多, 問佢如果我地中蝦要4隻係幾多錢, 佢好快咁講話4 隻即幾重, 幾錢. 如果你想叫某海鮮, 服務好到佢會講埋比我地聽有客人會覺得咁樣唔抵食. 即佢會好同唔好都同你講, 真係抵讚. 老公仔想食蠔, 但佢話依家s蠔唔當做, 要8月15 打後食先好. 雖然聽到有d 失望, 但覺得佢好,professional.我地上左樓上坐, 有電視睇. 可能係時間早的關係, 樓上得我地一檯, 好似被我地包左場咁.感覺一流. 今晚我地食左... 1. 海鮮湯(送既)味道好鮮甜, 好正. 一飲就知落足料煲. 但係一煲太大, 兩個人真係飲唔晒. 而且湯一凍, 腥 味就出晒黎, 要趁熱飲.2. 豉椒聖子聖子肥美, 一流. 食過番尋味. 相比起本小姐最近於長洲食的那一碟真的天壤之別. 值得推介!3. 豉油皇中蝦好香口, 脆卜卜, 脆到真係想成隻放入口. 連老公仔唔食得蝦都忍

星期日難得約了班莊員一齊嚟元朗玩，先去南生圍再去流浮山睇日落食海鮮，日落就睇唔到，唯有去食海鮮醫肚入到去條大街間間都差唔多，唔記得左之前係openrice睇過邊間好，唯有揀間門口比較多人的，結果就嚟左呢度一行九人點左豉椒聖子、海螺、豉油皇中蝦、清蒸鮑魚、扇貝、蝦醬炒通菜、椒鹽骨、仲有佢話會送個海鮮湯。d海鮮出奇的快上桌，聖子的數量比想像中少，鮑魚就真係無淡味d，其他都ok。但上晒d海鮮後等左成半個鐘都無上其他野，個海鮮湯追左一次單先來，但入面就似芥菜豆腐湯，真係想搵件海鮮都無，而椒鹽骨就追左兩次都無影，結果就cut單走算數。唔知係咪佢地唔做小菜，只係做海鮮就夠呢？咁樣我地每人都食左$162，睇返海鮮的價錢同三聖比真係貴成半，上次同中同係興記度點左條四百幾蚊的魚，食得豐富過佢，但最後每人都只係100多d。對於住左屯門的朋友，未有更好的選擇前還是留在三聖吧

難得同朋友去到天水圍, 於是就一齊搭的士入流浮山食海鮮, 其實我地全部都係第一次去!見兩間餐廳都勁好客咁叫我地入去, 一間叫愛民, 另一間就係呢間龍如! 佢地問我地大約想食幾多錢, 因為我地主要係學生, 唔想食咁貴, 話最多想食一百, 佢地話得我地先入去!侍應帶我地上左二樓, 環境算坐得舒服, 又有電視睇!呢度冇餐牌, 侍應叫我地落去揀下想食咩海鮮, 佢地都好好推荐左幾款菜比我地食, 我地話想食蟹, 佢又話做到比我地, 佢地幫我地決定煮法, 相信佢地唔會介紹錯, 之後都同我地覆左一次單!豉椒炒聖子, 蜆湯, 炸生蠔, 椒鹽排骨, 油菜, 避風塘炒蟹(一碟兩隻), 楊州炒飯, 大菜糕同橙六個人埋單七百蚊, 都不錯啦!

見爸,哥攞咗車,就提意入流浮山食海鮮.哥friend介紹呢間,一行六人.有乜斑兩食(油爆骨,斑炒西芹)一斤鮑魚(每人一隻)一碟聖子(每人都有三四舊肉既)一碟扇貝(每人一隻)一碟椒鹽蝦(每人一隻)一打生蠔(半打蒸,半打炸)一碟油生菜(超勁油)四個白飯三支汽水(細樽裝)甜品生果(大菜糕八件,橙八舊)竟然要$1400,嘩!我情願食Buffet好過,食完後仲超口渴,真係唔熟唔食囉!