龍如酒家

营业中

休息中

今晩係舅父生日飯，一行十人，budget 每人$250 叫老闆發辦叫餸。龍如最正係酥炸蠔同紅燒斑頭腩！送嘅豆腐魚湯，好香豆腐味，魚湯好清甜。豉椒炒蜆豉椒好惹味，不過好多蜆肉都甩晒殼，可能唔係太新鮮。蒜蓉粉絲蒸扇貝扇貝都幾大粒，有蒜蓉粉絲同豉油好味。酥炸生蠔必叫！！超大隻生蠔，蠔味濃又多汁，酥炸好鬆脆。紅燒斑頭腩一魚兩食嘅份量真係唔係好夠喉，即encore。沾上薄薄的炸粉炸完之後打個茨汁，簡直係龍如嘅招牌菜，咁多年都保持到水準。炒斑球起晒骨，啖啖肉，好鮮味。豉油皇大蝦蝦好乾身，豉油皇好好味，不過蝦嘅肉質唔係太彈牙。薑蔥炒蟹好有獲氣，蟹肉鮮甜。臨走仲送蝦羔同蠔油，又食又拎。

2個人食左差不多2千都唔收咭. 收咭要加多50元，嚇死左. 龍蝦走油太乾，冇晒鮮味, 三刀魚蒸過頭，肉質變硬，砵油𧐢都可收. 總括不知所謂. 絕對冇下次，不如去其他冇咁嬲.

話說，一同兩人，去食海鮮！選擇了5道菜！我們由6點已經坐下！但到8時20分！還有兩道未到！服務態度十分一般！如果得閒冇野做可以黎食下！但好貴，係好貴！好耐！祝大家好運！

呢間野係正條街中間，見佢門口光光猛猛，入面環境都乾淨丫，咁咪入去試下揀海鮮時，都有問店員d海鮮幾錢斤，價錢都正路，點知一揀好左，佢就叫我上返去坐好快有得食，一野就閃走左，呢個時候我做左2件好錯既事😫😫😫😫😫1. 無堅持要當住我面過磅，只係揀緊時我口頭話要半斤，問佢2隻大概幾錢咁2. 佢臨閃前，我問係唔係包加工錢，佢話另計，我無係門口捉住佢問我上返2樓再問人，佢地只係叫我自己睇餐牌，一睇，加工費$60/斤😱😱😱咩伊麵底呀，避風塘另外再計喎，我即問咁半斤$30？佢地話最少$50😵😵😵咁無計啦，都揀好哂喇😩2個人叫左5個餸1. 蒜蓉粉絲蒸扇貝 2隻 普通size，連殼手掌心咁大左右，價錢真心唔記得2. 白灼花螺 半斤$11x -120/斤，佢聲稱平過街市3. 薑蔥蠔用前臂咁長咁大既膠袋裝住，1條$100，要左半條，8隻蠔左右，細size，熟左再細d😑4. 炒聖子 4隻一隻同普通原子筆差唔多大，價錢又唔記得😝5. 鹹魚蓉菜粒炒飯 分大/小，要左$80/小，有鹹魚，無菜粒，得蔥粒到戲肉了，埋單～～～～盛惠$618～～～～張單只寫$400（無菜名無斤兩），加工$200，酸菜$18即係2隻扇貝連加工

賴生知道屈小姐係海鮮怪黎，佢又一路好想食次海鮮宴，所以賴生趁今個月託左同事幫手係流浮山龍如訂左一枱6個人，順手約埋其他朋友一齊去食。6點幾係元朗等齊人，就一齊坐K65入去食海鮮啦，一入到去沿住公廁側面條路，即係正大街一路行，途中就會見到龍如嫁啦！一路上仲見到好多海味檔同小食添，D金蠔同龍蝦片望落好吸引呀！行到一半，見到紅色招牌寫住龍如2個字，心情即刻興奮啦，同時個肚都響起作戰既戰鼓聲！賴生埋去櫃臺同佢講［book左嫁！姓賴6個，7點30］，職員就即時叫我地自己上去搵位坐，岩就坐低就得，不過晚飯真係勁多人呢，我地要上到3樓先有位，亦因爲咁，我地6個人自己霸左一層咁，一坐低我地自己較低番個冷氣，仲自己轉埋電視，超搞笑，而佢地亦都專登搵1個人上3樓招呼我地。今晚有咩食呢？就有~~~1） 白灼赤米蝦 （4星）- 蝦肉微甜，爽口，用黎白灼一流，食晒赤米蝦既鮮甜味- 份量好多，好正！- 有人餵食好開心2）薑蔥堀蠔 （4星）- 好肥美既蠔呀！薑蔥煮淋晒，好好味！熱辣辣好香嫁！- 係d 蠔細隻左小小！3）龍躉兩味之炒球 （5星）- 舊舊魚都好大塊，每塊成2cm 厚同手心咁大塊，連埋d超厚既魚皮食，好多

早前到流浮山吃海鮮餐!在天水圍西鐵站乘K65巴士大約十多分鐘就到了，總站下車，很方便呢! 如果時自己開車的話也很方便，因為很多食肆都有免費泊車服務提供。週未和假日這裡特別人山人海，建議大家可以早些去到閒逛一下，然後在八點前入座，因為大部分鋪頭十點前會關門呀!其實我們一家都很喜歡吃海鮮，特別是刺生類。但可惜今次太遲訂枱，預訂不到靚的龍蝦刺生，唯有下次早些訂吧!不過就算只是吃熟食，這裡一點都沒有令我們失望啊! 爺爺較喜歡這店的煮法和食物質素，所以這裡成了我們的飯堂。肚子餓了，大家起動吧!首先每人來一碗蔬菜海鮮湯吧! 雖然是送的，但絕不失禮。今天的象拔蚌很新鮮，一定要點啊! 來個蒜蓉粉絲蒸象拔蚌吧! 既甜美又爽口彈牙啊!再來個蒜蓉開邊蒸蝦吧! 一樣是很新鮮啊!今天的主角-油鹽水浸奄仔蟹出場了! 鮮味又多膏，肥美得來肉質嫩滑。再來個炒斑球，非常香口!到流浮山吃海鮮又怎能不點這個酥炸生蠔呢? 香脆鮮甜又肥美啊!吃了這麼多肉，來一個椒絲炒通菜吧!最後附送果盤和甜品 (甜品是椰汁大菜糕啊! 味道okay!)賣單大約千七元! 吃過這頓晚餐真是很滿足啊!

小妹雖則住天水圍，但若果問小妹流浮山邊間海鮮好食？真的不知道耶！？自問去食海鮮次數不多，即使去食都不太記得名字，尤其酒樓由門外行到盡頭皆是。出面的朋友們興致勃勃地說來流浮山食海鮮，頭大了~有邊間好介紹？不知道呢~唯有誤打誤撞算吧。龍如門口外攞放了許多游水海鮮，雖不知時價是多少？但見朋友們被外表吸引住了。他們說就這間吧！我們一連5人便入內坐。上枱便送上 海鮮魚湯,魚湯呈奶白色，只見湯內有節瓜，味道不算特別鮮甜，當然比不上自家煲的味道。其實小妹並不知道點了什麼餸菜，送上來便食，反正小妹對海鮮沒有敏感。先上枱 蒜蓉粉絲蒸聖子,粉絲滿滿的鋪面，清蒸更特顯聖子的鮮味。 芝士焗龍蝦伊面,小mic知道我對於龍蝦/大蝦芝士伊面鍾情，特別同朋友提議點的。明明在門口聽到問價時因為太貴所以不叫，但最後為何都叫了？就是因為我以前說過喜歡吃，所以昂貴都叫吧！後尾我知道價錢後真的嚇呆了！真的很貴，龍蝦啖啖肉真的吃得過癮，爽口彈牙，奶油色的白汁，混合伊面同吃，不放過每一滴精華。 香煎金蠔,生蠔聽說是補品，因為含有豐富蛋白質，小妹其實普通而矣，不知是否沾上砂糖煎呢？帶點甜甜的味道，蠔身亦煎得乾身。 清蒸鮑魚,肉

昨天我是陪客, 朋友話呢間餐廳是佢去開,就入左去試!可能我第一次入流浮山食海鮮!我覺得地方都ok, 算是乾淨!我地去既時候是平日, 所以都幾靜!我果日成日都好期待今晚呢餐, 結果都沒有令我失望!昨晚我地都叫左幾多野, 包括薑蔥蟹、花螺、清蒸鮑魚、蝦醬通菜鮮魷、楊洲炒飯、自帶魚 等等……..薑蔥蟹: 好香, 有煱氣, 蟹肉入咪,但蟹肉唔離殼! 花螺: 都有鮮味,但味道一股!魚: 朋友帶左條魚過去, 加工費hk$660, 2個菜,我唔知道是否貴啦!蒸魚好食, 魚質滑, 肉完全離骨, 好食!呆一個就炸魚, 買相ok, 都香, 但可能油左d!~我覺得麻麻! 清蒸鮑魚: 係佢地到買, 都幾大隻,蒸得唔錯, 完全離殼!海鮮湯(送既) 都有鮮味,又有豆腐, 蟹肉, 蝦作配料, 唔錯!蝦醬通菜鮮魷: 好香, ,但對我來說油左d!不過都有朋友like!~ 楊洲炒飯: 炒得好, 乾身, 有煱氣, 香又爽, 值得一食!估唔到黎食seafood都有甘好食既炒飯! 服務方面,唔差既, 服務員都好主動,而且有同我地換骨碟, 而且做事都快, 又好識做送甜品同生果我地食!可能我有朋友成日去啦!不過真的幾欣賞個甜品-

海鮮湯送嘅, 奶白色唔好飲有味嘅滾水咁勁淡口瑤柱蛋白菜粒炒飯ok啲飯好腍口感唔錯豆豉鯪魚油麥菜OkD菜有少少老酥炸生蠔粉太厚but生蠔幾肥美豉椒炒蟶子Ok 蟶子幾肥美But 個獻杰得滯蒜蓉粉絲蒸扇貝The best dish大大隻扇貝新鮮, 肥美, 用蒸魚豉油口感唔錯XO炒象拔蚌太靭嘞入面有啲炸魚仔墊高碟餸, 扮哂嘢好味都算But 勁咸薑蔥炒蟹新鮮, but 個獻杰得滯啤酒唔凍真係慘地方尚算乾淨

媽咪生日飯,本身想去三聖食,後來醒起同事話去三聖不如去流浮山,會平d,爸爸見反正開車,無所謂,開多10分鐘已經到了開車去到有$20任泊爛地停車場,因為泊車可減免$20,便跟據介紹入去龍如,係門口揀了海鮮後,入去揀煮法,椒鹽大瀨尿蝦2隻(分6件)蒜蓉蒸6隻扇貝油鹽水蜆薑蔥焗12隻蠔蒜蓉蒸12隻海蝦蛋白炒飯蒜蓉炒唐生菜豆腐湯飯後送橙及椰汁旦菜榚,兩支蠔油味道ok,可能我地星期日又差不多8點幾先食,成間野得返我地一家,平均每人$240比想像中貴,因為據聞三聖有燒鵝食,都係呢個價,差別不大咁。

是晚入到流浮山已經6點多, 落車後沿大街直行到尾剛剛趕得切看日落, 很多攝影發燒友正忙於攝影夕陽西沉的景況無敵大海景,對面便是大陸椒鹽瀨尿蝦好入味, 好大隻, 啖啖肉,仲好新鮮 酥炸魷魚鬚我最鐘意食呢個菜,小朋友的時候吃過,至今仍可吃回"以前"的回憶熱辣辣,真係好好味!!! 一定要試呀清蒸鮑魚一上枱, 我地都"嘩"了一聲, 鮑魚的SIZE很大入口鮮甜而且啖啖肉, 也十分喜歡這菜式 豉椒蒸排骨用來送飯一流,和一般茶樓沒有太大分別蒜茸粉絲蒸扇貝估唔到有得食, 因為早1個月新閒話有人食左中毒不過賣相都不錯 清蒸東星斑肉唔鞋, 好爽口,不過都係好似熟左D D 酥炸生蠔滿懷希望, 聽朋友話一定要識, 但我唔認同!雖然炸得很乾身很鬆化, 但食落真係太油膩了!奄仔蟹這些蟹是有膏的!很香 炸豆腐都係一般, 沒有太大分別服務: 不過不失, 會為害人換骨碟 衛生環境: 店內設有洗手間, 全店冷氣開放衛生環境尚算OK , 可加強地板清潔, 減少水

朋友帶我去流浮山食海鮮話好正, 特別揀間新0既餐廳試下, 咁就中招!個姐姐"請"海鮮0既時候, 已奸奸地, 開大下價, 又想逼你食呢樣果樣,都是是但但, 預0左食海鮮比人劏下, 慣例, 我0地要0左兩隻大賴尿蝦, 兩隻已經一斤噃$240,重有聖子一斤, 扇背4隻, 斑一條180蚊, 蠔一包, 其他都係平0野, 任佢計LA, 六百幾蚊, 但什麼加工費要280蚊, 我都唔知點計出0黎!咪60一碟加工? 我係你間舖買海鮮竟然收我60一碟加工費? 最重要係難食! 最過份係海鮮餐廳都唔識蒸魚, 調味唔得重要蒸到好老! 係得個蒜蓉蒸扇背OK D之外, 其他都好多朋友都話流浮山海鮮好正! 點知我難得入去一次, 揀著間最差0既! 真黑仔!山長水遠去食海鮮, 下次真係要睇下OPEN RICE先!

兩口子去左天水圍濕身公司睇完小貝貝之後, 一時興起去左流浮山食海鮮我地唔係坐的士去, 而且行去!!! 嘩! 好彩食左個下午tea先行去, 如果唔係真係餓住咁行喇入到流浮山, 剛好是太陽下山的時間, 5點半, 已經有好多龍友幫個咸旦黃影寫真喇~5點9左右, 太陽下山了, 我地又要去覓食喇~由東行去西,再由西行去東,看了一遍, 選了一間多人的, 一定無死!樓上雅座, 有電視睇, 但越睇越古怪, d人變晒綠色既?先上小吃兩個: 椒鹽脆花生米及酸橋頭下樓去看了看海鮮, 叫了一只大蟹, 薑蔥炒, 再黎魚背紅燒, 來多4只大扇貝粉絲蒸嘩~原來都唔平呢!!!上菜都好快手下, 唔洗十分鐘就有得食! 先上蒜蓉粉絲蒸扇貝 (都幾大只喎, 大過五蚊銀, 但有3個五蚊銀咁厚, 不過油左少少, 而且蒜泥不夠多!!) 薑蔥炒蟹 (好多蔥, 好好味, 好新鮮呀d蔥, 而蟹就一般, 而且有點咸) 紅燒魚背 (好好味, 好香脆且爽口, 又唔腥, 讚!!!) 蒜蓉炒菜芯 (大條, 而且都算甜, 不過就油了一點點) 甜品--大菜糕和1個細甜橙 (大菜糕出乎我意料之外好吃)但兩人個食左500蚊, 真係有d貴貴地~最美中不足的

今晚我同男友及他媽媽三人行,ＢＯＯＫ左明記食黃油蟹(open rice comment 甘好,咪試下ＬＡＷ),　點知坐低先知要自己去買,真係大鄉哩--"我同男友咩都唔識,去左對面龍如度買海鮮,個哥哥仔好好好專業,黃油蟹一只１０襾重都係$３６０,我地諗要１只定２好,他同我地講,一只就夠啦!因為好漏嫁,好高膽固醇!最多幫我地選只大Ｄ啦!他真係好有心機幫我地選,睇左幾只先选到再帶我們睇其他海鮮,介紹我們食斑馬瀨尿蝦(１６４/斤),平過平時食既好多(２０８/斤),如果椒鹽無咩分別!個哥哥仔又好細心甘幫我們找２只大只既瀨尿蝦,等廚房可以每只分到３件喎!再要花螺,大約１２襾就夠我們食啦!唔夠先再黎買過喎!買海鮮一共HKD580

平時我都會上 Openrice 睇下人地 d comment, 不過自己未試過俾comment, 哩一次為左哩間野, 我專登上黎打左一大段~ 復活節時同屋企人去左天水圍, 一時興起去左流浮山食海鮮…今次係第一次去~~ 去到行左幾間…就俾哩間舖既老闆娘拉客, 佢係咁話:“入黎食啦, 我地好均真架”; “我地開左十幾年, 唔會呃人架”<-- 此地無銀? (之前 “oneonewe” 既 comment 係真的…)咁我就問佢有冇 d 套餐 (e.g. 二/三百蚊幾個海鮮之類..) 佢話有~~ 我就話預左每人 $2xx…. 佢話: “無問題呀, $2xx 可以食龍蝦, 聖子, 蟹…..”. 咁我地就信左佢入去….坐低左, 就點餸… 我地叫親乜, 佢都要 Ban…叫蟹 -> “唔好啦, 食蝦好過”;叫炒蜆-> “不如食扇貝好過啦”OK, 最尾叫左 5 海鮮, 1 炒菜, 1 湯 (Total 6 餸1 湯), 佢話哩度 “八百幾蚊”…開始上菜, 佢 d野食都 OK 既, 係條魚唔夠滑, 蒸耐左… 食左5 餸1 湯, 仲有扇貝未黎, 咁我地就問老闆娘 (係佢落單的) 佢 c