龍如海鮮酒樓 (已結業)

我朋友去開呢間酒樓話d海鮮唔錯, 襯住假期lunch時專登帶我去一次, 去到首先係對面威記買魚, 朋友同我一齊買左一隻賴尿蝦, 十零隻東風螺, 4隻鮑魚仔, 同埋一條約斤半重龍"等"斑仔. 坐底之後朋友話事椒鹽賴尿蝦, 辣酒煮東風螺, 鮑魚仔同條魚都係清蒸, 椒鹽賴尿蝦d膏都幾多, 不過椒鹽味好似唔係好夠重. 辣酒煮東風螺, 好重沙爹味, 蓋晒d東風螺味, 另外東風螺質感比較"刃"左dd, 清蒸鮑魚仔, 鮑魚仔d肉質幾爽甜.主角龍"等"斑仔, 雖然細條左dd, 魚肉十分幼滑, 酒樓d豉油亦配合得好好. 十分欣賞~ 其實佢地d醬汁都唔錯~服務唔錯, 環境係好舊式酒樓咁, 唔收開酒費, 兩個人埋單約$700, 雖然偏貴左小小, 食海鮮都要預返咁上下價錢.

0黎鯉魚門食海鮮,通常都揀龍如,因為冇0甘易俾人呃.揀0左料就0黎呢度整,俾油料費就得,唔駛煩.但提醒大家千祈唔好要0個D酸薑蕎頭皮蛋花生呀0甘,要俾錢0架,唔食的話一定要拒絕伙計襬落0黎,唔係喊都無謂.必叫象拔蚌兩吃,肉要0黎油泡,0岩0岩熟好爽口,肚就煲粥,啖粥好甜,粥渣點D豉油,食埋.仲有泥魚孟,又係要個兩食,肉就炒球,啖啖肉好魚味,骨要0黎整椒鹽骨,又脆又香,真係"骨都冇得剩"!