龍城冰室

营业中

休息中

小編覺得係香港最抵食既平民早餐🤓👍🏻 食過幾間之後都係覺得觀塘分店最好食😎————————————芝士火腿牛角包🥯以早餐計，超級有心，絕對值得為左呢個暖苙苙既牛角包推介呢個早餐————————————沙嗲牛肉麵🍜濃濃既沙嗲牛肉配埋彈牙既公仔麵😚😚係小編食過最好食既沙嗲牛麵，回味無窮😚————————————牛油厚多士🍞用左大量牛油，再經過烘底，出面唔係好多地方有得食🤪好邪惡😆————————————素鮑片火腿絲通粉🥣中規中矩，正常茶餐廳味道👌🏻👍🏻

龍城冰室的食物我一直覺得比茶餐廳好吃，水準比較高，而且很多種類，中式、小菜、西式都有齊，口味大眾化，想不到吃什麼去龍城基本上都找到想吃的。鮮蝦球泡飯 $57今次選了湯飯，大大碗，顏色鮮艷，橙紅色湯底，蝦球份量多，還有瓜瓜菜菜，一看便食指大動，先喝一口湯試試，嘗一口已經滋味無窮，濃厚的鮮味，難怪餐牌上註明記得飲埋個湯，配埋白飯一起吃，餘韻無窮，蝦肉亦是新鮮蝦，鮮甜彈牙，配埋絲瓜，濃厚中帶點清新，一試難忘。另熱飲只需加$3，但因為我是湯飯，便沒有叫了，整碗吃完便滿足🥰

難得去觀塘 但因為唔知龍城原來周圍都有😖所以選擇咗係觀塘食龍城冰室 但好彩冇令我失望😇！一開始係比佢個招牌名肥牛拼海鮮套餐吸引到點知坐低咗之後發現佢啲湯泡飯都幾吸引所以最後嗌咗【韓式泡菜海鮮蝦球花甲豆腐石鍋配白飯】睇個名都知佢一個飯滿足咗好多願望😋雖然啲花甲唔算好多，一隻手可以數得曬嘅數量✋🏻但都算正常大細，唔個啲BB蜆嚟☺️而蝦球都算幾大舊 唔洗剝殼幾方便！而個泡飯我幾中意 有8/10分❤️平時茶餐廳啲泡飯都好港式好普通如果想食韓式泡飯 可能又要去啲韓國餐廳比唔平嘅價錢但依加喺茶餐廳都可以食 而且加$3仲有嘢飲🍹泡飯唔會太鹹但都唔會太水 反正就好好味！有機會一定會再去食過🤤。而朋友就嗌咗 【招牌名肥牛拼海鮮】但事實冇想像中咁好味🫢 因為係椒香味比較重原本睇張圖以為係辣椒嘅嗰種味道 嚟到嘅時候見到佢黃黃青青咁先知原來係唔係辣椒🌶️而係藤椒汁肥牛 不過其實都OK🙆‍♀️但有得再揀我會揀返【韓式泡菜海鮮蝦球花甲豆腐石鍋配白飯】😂

酸菜魚味道適中唔會過酸 魚片質地可以接受 唔會太老 容易送飯 加左d菊花就會可以降下火 唔會食完太熱氣 竹筍比較爽口 可以講算滿意 一個人叫一個酸菜魚係份量足夠嘅 但多一個人就要爭菜食啦😈😈香鍋辣肥腸一上菜就吱吱聲 可以睇得出廚師啱啱煮完就出菜啦 味道都算夠 不過欠奉d火候 肥腸算爽口容易送飯 仲有d蓮藕可以咬下 可能我個人嘅口味比較重 始終覺得點都係多d味好d 整體來講兩個菜式都滿意 不過下次去我都會試吓其他嘅菜式另外仲跟杯飲料可以講號抵食啦

上次過嚟幾有誠意但係今次過嚟就一般 入場查針卡已經態度麻麻叫咗個常餐雞翼炒麵配牛角酥點知就冇牛角酥 落單嘅時候又唔講你個面都嚟咗啦 唔通同你講唔要咩其實已經係失望之一條腸仔好乾一啲油都冇 叫咗個常餐雞翼炒麵雞翼中間係斷骨 我已經食得好辛苦嗰邊仲要煮得唔夠淋 汁亦都唔夠由於我前面已經黑面緊我真係唔想再同佢地講嘢我好似白俾咗40幾蚊😔

服務態度差到無可再差，幫襯兩次外賣都要等超過半小時以上，當中追過幾次單完全唔理，好聲好氣都話丫，完全唔啾唔啋，check下有冇漏都唔check,最後一次仲黑起塊面恐嚇我唔好再追，不知所謂，永遠唔會再幫襯！

唔知大家有無發覺有時日日出街食早餐好容易食厭🥹 可能因為我份人對於早餐比較專一，對港式茶餐廳嘅🅱️餐沙嗲牛肉麵比較情有獨鍾🤣 基本上平時如果出街食早餐，通常都係食開 #dia_沙嗲牛肉麵🍜 （我都知道好邪惡😈🙈）唔知有無人同我一樣呢？🙋🏻‍♀️🙋🏻‍♀️🙋🏻‍♀️ 不過其實甚少轉口味嘅我都有唔係食🅱️餐嘅一日嘅🤣 就係食C餐啦！話說半年之前之前同幾個朋友一齊晨早流流喺觀塘覓食，我地當中有一位正正就係觀塘街坊，非常熟路，帶我地去咗呢間茶餐廳，仲介紹咗外面少見嘅魷魚麵🍜😮早餐C：▫️招牌秘製香辣魷魚公仔麵🦑▫️3.6牛乳炒蛋併腸仔▫️芝士火腿牛角酥呢個早餐只係$35（唔知道宜家有無加價）不過都真係算勁抵！😍😍😍 因為佢用啲料都幾靚，唔係就咁俾塊薄方包你，而係有烤熱咗嘅牛角包🥐，同埋火腿、腸仔同埋炒蛋（3個餸!!!）魷魚麵啲魷魚都起碼有幾塊，好足料🥳 ▫️佢呢度有啲早餐，例如五香肉丁公仔麵/ 榨菜肉絲湯米粉 更加係配埋牛油脆豬🐷🧈 OMG❤️❤️❤️ 可惜我始終都係鍾情沙嗲牛肉麵，呢度嘅沙嗲牛麵只係$32，唔知係咪全城最抵呢？(如果有平靚正嘅可唔可以推介俾我as well)😝 因為我見大多數餐廳啲早餐通常已經賣到

好早已經聽朋友講呢間沙嗲牛麵必試，今次做野要去去觀塘就順便試下佢早餐。點知睇餐牌見到個好盞鬼嘅combination: 香辣魷魚麵？呢d 唔係邊爐先會見到嘅配搭？最有冒險精神嘅我唔會放過呢d 機會。魷魚係勁彈牙同入味，重要係個辣汁，完全符合說明嘅好香同好辣！我轉左米粉，係幼身米粉鎖湯汁一流！順帶一提個丹麥多士，烘熱咗係有heart 嘅香脆口感，都正！杯鴛都係唔錯，其他野食就正常發揮，整體係一間值得再試嘅一間早餐茶記。

夜晚睇完戲，餐廳堂食都收哂，只好係附近買個外賣番屋企食。師傅絕不吝嗇三文魚，用三文魚將牛角酥塞到滿一滿。咬落每一啖都食到三文魚。 煙三文魚鹹香味中帶有少少煙燻味， 牛角酥外皮鬆脆得黎又帶有牛油香味，兩者結合起來非常之夾， 用嚟做宵夜一流。

星期六日放假就可以好悠閒甘去揾早餐食，今次就揀左觀塘龍城食個常餐。龍城既常餐選擇好多，好多變化，麵食既餸方面例牌沙嗲牛肉、五香肉丁、仿鮑火腿一定有，仲有好特別既秘制香辣魷魚，麵底就通粉、米粉、公仔麵任君選擇，加$3可以轉出前一丁或者烏冬。蛋就有煎蛋、炒蛋拼火腿/腸仔，不過就係跟返主食既餐，無得揀煎蛋拼腿/腸。麵包就有火腿芝士牛角酥、丹麥多士、牛油脆豬，強烈推薦牛角酥，有幾次食到烘到好香脆芝士半融狀態既牛角酥，真係返唔到轉頭！今日牛角酥賣曬，我就揀左雪菜肉絲蝦米湯米粉，炒蛋配火腿，丹麥多士，熱鴛鴦，卡路里夠頂到晚餐！龍城既雪菜偏淡口味，唔會太鹹太濃，但有蝦米既香，配米粉一流，如果你係想要麵底淋啲硬啲，記得係落單既時候講埋。丹麥多士烘過但唔太熱，炒蛋夠滑，熱鴛鴦就啡味較濃，個人認為熱奶茶出色啲！

又是茶記介紹時間，今次去了一間龍城冰室，價格比較親民，整個早餐的價格不到$40，現在很少茶餐廳可以早到了，大部份的都是$33起。一進餐廳格局沒有特別，像大連鎖的一樣，唯獨令人感到特別的便是咖喱魷魚公仔麵配芝士火腿牛角酥及3.6乳炒滑蛋拼腸仔，誰不知沒有牛角酥只剩丹麥多士，多士來到枱面更是少了芝士及火腿，認真無言，不過光顧冰室/茶餐廳可以話事的都是店舖，顧客只能妥協。咖喱魷魚味香濃，但較辣，整個咖喱醬只是最後加上熱湯麵，所以建議大家先把魷魚壓落湯，否則有機會吃到凍魷魚，被換包的丹麥多士甜甜烘得亦鬆軟，的確不俗，但個人更想吃牛角酥。餐飲沒有特別，不過如果大家選沙嗲牛的這問牛肉是有用沙嗲醬醃製，並不是選用鮮牛肉。

我本身想訂藍田間龍城餐廳，但唔知點解禁左去觀塘，即刻打去觀塘分店，服務員態度差話已接單，冇得改，唔拎係我既事，總之錢要照俾。講完就即刻cut 線。點解其他可以改，而佢就唔可以改呢？明明就係蝦人既行為。

搭緊巴士08：36嘅時候叫定早餐D，08：37嗌完confirm order，Panda show 08:46有，08：42去到龍城門口，係門到等到08：46，見Panda都話未拎得，再係門口等到08：50，同時見到龍城門口愈黎愈多煩躁咁等緊早餐外賣。08：51行左入去問cashier哥哥，佢望望我手機，然後唔好意思叫我再等等。咁我又打算企出去等啦，點知我見原本企係出面煩躁地等外賣嘅人都入左黎，佢地企係pack外賣個姐姐喪問佢幾時有，我又加入埋一份，到我問嘅時候已經係08：56，點知我同佢講Panda 4099，佢答我無呢個order number喎之後我走左，諗住係panda退錢算，聯絡左佢地CS，話無得退，只可以幫我追，但返9點嘅我係08：58已經走左，panda CS 09：03同我幫已經幫我追左，餐廳confirm係有呢個訂單，請我再稍等都話走左真係搞笑，個個咁得閒慢慢等你個早餐咩，餐廳現金外賣單都做唔切，仲要接咁多panda單，唔會再係panda叫龍城外賣，或者等我他朝有一日有半個鐘時間可以企係佢門口慢慢等再食囉09：04都仲係寫準備中

焗芝士海鮮意粉 $57 其實應該叫白汁先岩本來佢地d外賣已經成日擺係度唔理勁耐先送 服務麻麻依家個份量居然連個盒一半都唔到 餸既份量都少左好多 以前都唔係咁少 底又燶哂痴哂本來之前食過覺得差隔左好耐都冇食佢 今次再試 估唔到仲有得再差 冇下次

新年又來到啦！來到觀塘拜年！又嚟到駿業街先啦！由於夜晚就冇咗堂食。唯有食午餐吧！小編見到有個扒餐做特價！咁就唔理三七二十一，就去排隊，雖然係午餐嘅繁忙時間，排隊嘅時間都唔算太長！可以接受的！入場嘅時候，店員都有大位指示我的位置在哪裏！今次用餐就叫咗個鴛鴦扒配薯菜！仲有湯可以揀，而且選擇都比較多！食西餐，當然係會叫紅湯啦！佢哋有中湯可以揀！正值新正頭，個湯都非常之應節嘅、個羅宋湯就都算唔錯嘅，唔算太鹹！都有好多蔬菜！都幾健康下佢哋個薯菜喺比較特別的！我覺得只係用新鮮薯仔整成嘅薯蓉！都幾花心思啊！至於主角就不過不失，雖然就冇五星級酒店質素，但至少配上嗰蒜蓉汁都好易入口！特別開胃！肉嘅質地都可以好容易的入到口，唔會話太韌！可以話合格，同埋我係第一次食蒜蓉汁，本來唔係太接受嘅！就係因為今餐之後我對蒜蓉汁改咗觀！只服務態度方面，都算唔錯，用餐經歷愉快！