影片
寻日黄雨后趁停雨落街医肚，同屋企人老公仔女走左去呢间小店食饭，几鬼好。佢伙记系门口都好招呼，赞，老公见佢有鸡煲，又有烧烤食，又试吓.坐低叫左鸡堡，烤鸡肾，鸡皮，个女至爱嘅烤牛扒，老公想食嘅烤由鱼，d嘢食上得ok快，先来个鸡煲，好香好惹味。哈原来落干红椒，香叶同my favourite薯仔，d汁好入味，滚左食到一半个侍应都主动加水good ah, 其他烧烤都出色，佢嘅烧烤牛扒超大块，食落发现好厚身，肥瘦3/7分布，烧烤刚好熟多小小，无血水，好得㖞,so ,从质量去评，呢个牛排好食到，其他烤鸡同鱼都见师傅慢工出细货，烤鱼系一盘上，连埋配菜配料如芫茜红椒香叶都几鬼好食，难得个汁唔咸。小店中有呢个水准，难得。注：仔女食到唔停口,下次影番多D相
继续阅读
是日星期日有点凉爽，晚上行到美景街，周围行下揾嘢食，行下行下见到呢个小店几骨字，又有我至爱嘅烧烤牛串，梗系入去试下，我点了烧牛仔骨一份$58,烧玉子豆腐一份，另外见有一大围台点份鸡㷛，哗!我都好鬼钟意食，但得我同妈两个人惊食唔哂，so,我只叫半只鸡㷛，先讲个鸡㷛系gas炉上，好足料，最正系佢落埋薯仔同香叶，更入唒鸡味同惹味的酱汁，简直系鸡㷛嘅灵魂，先卖$108!我系上水食半份都仲无味．都要$188!!边有呢个水准!另外，烧烤安格斯牛扒如图，真系好多肉汁juicy又腍身，好食到无朋友，直程拍得住跑马地bar snack,但系呢度先卖58!!我的天!又系土地问题，跑马地租贵，连份扒都成$128系一小份，呢度真系又好食又大份!烧玉子豆腐就ok la.last order 份烧肥牛卷，都食得出个师傅有心机烧，超好味，系刚好烧熟，仲keep juicy, no fridged smell无雪味!我都好少见有小店咁唔起眼都咁好心机煮!忠心希望你keep住水准，下一次同大班friends 再gathering.注- 见隔离台叫烤鱼超大盆，都忍唔住影张相
继续阅读