影片
电话号码
52947229
营业时间
今日营业
12:00 - 21:00
星期一至日
12:00 - 21:00
公众假期
12:00 - 21:00
公众假期前夕
12:00 - 21:00
以上资料只供参考，请与餐厅确认详情
以前间唔时都会食，谂住好耐冇食，所以叫咗外卖，点知同以前既完全唔一样，叫左2个热狗餐，39蚊2块既鸡扒，黎到既竟然系以前既一块再切开一半咁当2块卖比个客；牛油粟米但系冇牛油，两个热狗啲芝士缩哂水，个包劲淋应该冇烘过，仲要其中一个既火炙芝士辣肉酱热狗，大家可以睇吓幅图一开真系咁嘅样，入面得2粒洋葱同埋一啲茄酱，仲有唔知点解有芥末酱；本身谂住都算，点知果晚我地食完相继肚痛肚屙，屙足2日屙埋水！所以本身我一般都唔会点样留评论，但呢间食完真系太深刻，唔可以唔话俾人知，呢餐最满意嘅系罐可乐，虽然本身叫咗无糖，佢黎咗原味红色𠮶只，但至少呢样个size同个味系冇变到☺️
继续阅读
孙儿中午放学后想吃热狗做午餐，便到这店购买，店里只有一人操作，付过钱后，店员把热狗包放在扒炉上烧烘，因刚放学，有几名顾客过来光顾，他忙于收钱，没理炉上的热狗包已烘致两边有烧焦黑了，之后他想把这包制作热狗给我，我说这包太焦黑了，不宜小孩吃，他黑面回应说：我一对手做嘢咋，有几焦黑呀，我买的全是烧焦的。之后继续制作，把这包给我。我说你没人手操作，把包烘过龙焦黑，客人可以出声吗？他说你一就要，不然退款给你。因孙儿好想吃热狗包，忍气取了包，回去把焦黑部分全部剪掉。这样的服务态度，你说可行吗？
继续阅读
经过德田街市，就打算买个外卖返屋企食，见到有呢间热狗连锁店谂住冇死喇，点知就赖嘢啦！睇定Menu之后行去店前落单，店内只得一个店员，不停喺度整紧包，我叫佢话吾该落单啊，企咗喺度3分钟佢都冇理过我，好喇，终于理我问我要乜，我就嗱嗱声讲咗要个汉堡包餐拎走，再问佢多句饮嘅系咪下便𠮶啲拣？点知佢答都冇答我就俾咗张单我掉头走咗，继续去整佢嘅包！ 我都未讲饮咩？佢就走咗。。。咁我心谂唔好阻住佢做嘢啦，等一阵拎外卖嘅时候可能佢先会问我饮咩等咗10分钟，终于拎得我个外卖，外卖已经包好左，里面直接系红色可乐？？但我明明未讲饮咩㗎㖞， 于是我就打开外卖袋同佢讲我唔要红色我要黑色可唔可以同我转？（都仲系好好态度） 点知个店员本身已经西面，而家仲要发老脾，好大力咁拎咗罐黑色可乐掉落张枱度，我已经忍住唔发脾气，但佢一副劲乞人憎口面我真系忍唔住！我话，你而家咩态度呀，使唔使发脾气？？一讲佢就劲大声咁闹返我话我点解当初唔讲饮咩要而家先讲？？话自己好多单，话我阻住佢时间dup佢波钟，跟住bi-li-bla-la咁闹到全条街都听到佢把声， 佢把声大到我完全插唔到咀，阿生，唔系大声代表你岩呀！！佢闹完一轮，我问佢你讲完未，讲完到我讲！我话，第一我企咗喺度几分钟，你都冇行过你同我落单冇理过我，到你终于同我落单，我问你系咪可以拣其他嘢饮，你就冇理过我冇答过我走咗去整包， 我点同你讲饮咩？ 我见你多单做都体谅你唔特登叫返你过嚟讲，谂住你拎外卖𠮶阵先拎比我喇， 点知就俾你闹！！仲喺度发脾气，当时佢仲声称自己冇发脾气，不嬲都系咁完全冇问题！我真系想讲，你对住你老细系咪都系咁嘅态度？我话好啦，你觉得你自己冇发脾气，你咁嘅态度系冇问题嘅，咁即系你本身个人格有问题，你自己检讨吓， 我唔会再帮衬你依间嘢！因为你令到我食个lunch无端端要受气！仲要根本吾好食，块包厚劲，肉劲薄，干净净， 真系奉劝各位，唔好帮衬佢！！
继续阅读
平时lunch time赶时间的话 间唔中会食下热狗味道上正正常常 以前德田翻新前有间叫V28嘅面包店虽然唔系好似齐柏林咁连锁 但卖相好过齐柏林呢间嘅卖相可以话系得menu图嘅50%温度则还好 唔会热到食唔到 亦唔会冻冰冰间店非常细所以工作人员5只手指数得晒平时lunch time 人都唔算好多但啲工作人员就手脚慢收银即使唔睇样都feel好hea结果有时都要等10分钟度先攞得攞嘅时候仲试过襟错number (唔系话人唔可以有失误 但加埋一种散漫嘅感觉 啲嘢食又唔系特别好味 隔离两大排外卖式餐厅 又唔系特别快 隔离或上面m记5分钟有得攞 就令人唔太想再食佢咁)总结 嘢食正常 service有待改善
继续阅读