齊柏林熱狗店 (德田廣場)

营业中

休息中

以前間唔時都會食，諗住好耐冇食，所以叫咗外賣，點知同以前既完全唔一樣，叫左2個熱狗餐，39蚊2塊既雞扒，黎到既竟然係以前既一塊再切開一半咁當2塊賣比個客；牛油粟米但係冇牛油，兩個熱狗啲芝士縮哂水，個包勁淋應該冇烘過，仲要其中一個既火炙芝士辣肉醬熱狗，大家可以睇吓幅圖一開真係咁嘅樣，入面得2粒洋蔥同埋一啲茄醬，仲有唔知點解有芥末醬；本身諗住都算，點知果晚我地食完相繼肚痛肚屙，屙足2日屙埋水！所以本身我一般都唔會點樣留評論，但呢間食完真係太深刻，唔可以唔話俾人知，呢餐最滿意嘅係罐可樂，雖然本身叫咗無糖，佢黎咗原味紅色嗰隻，但至少呢樣個size同個味係冇變到☺️

孫兒中午放學後想吃熱狗做午餐，便到這店購買，店裏只有一人操作，付過錢後，店員把熱狗包放在扒爐上燒烘，因剛放學，有幾名顧客過來光顧，他忙於收錢，沒理爐上的熱狗包已烘致兩邊有燒焦黑了，之後他想把這包制作熱狗給我，我說這包太焦黑了，不宜小孩吃，他黑面回應說：我一對手做嘢咋，有幾焦黑呀，我買的全是燒焦的。之後繼續製作，把這包給我。我說你沒人手操作，把包烘過龍焦黑，客人可以出聲嗎？他說你一就要，不然退款給你。因孫兒好想吃熱狗包，忍氣取了包，回去把焦黑部分全部剪掉。這樣的服務態度，你說可行嗎？

經過德田街市，就打算買個外賣返屋企食，見到有呢間熱狗連鎖店諗住冇死喇，點知就賴嘢啦！睇定Menu之後行去店前落單，店內只得一個店員，不停喺度整緊包，我叫佢話吾該落單啊，企咗喺度3分鐘佢都冇理過我，好喇，終於理我問我要乜，我就嗱嗱聲講咗要個漢堡包餐拎走，再問佢多句飲嘅係咪下便嗰啲揀？點知佢答都冇答我就俾咗張單我掉頭走咗，繼續去整佢嘅包！ 我都未講飲咩？佢就走咗。。。咁我心諗唔好阻住佢做嘢啦，等一陣拎外賣嘅時候可能佢先會問我飲咩等咗10分鐘，終於拎得我個外賣，外賣已經包好左，裏面直接係紅色可樂？？但我明明未講飲咩㗎喎， 於是我就打開外賣袋同佢講我唔要紅色我要黑色可唔可以同我轉？（都仲係好好態度） 點知個店員本身已經西面，而家仲要發老脾，好大力咁拎咗罐黑色可樂掉落張枱度，我已經忍住唔發脾氣，但佢一副勁乞人憎口面我真係忍唔住！我話，你而家咩態度呀，使唔使發脾氣？？一講佢就勁大聲咁鬧返我話我點解當初唔講飲咩要而家先講？？話自己好多單，話我阻住佢時間dup佢波鐘，跟住bi-li-bla-la咁鬧到全條街都聽到佢把聲， 佢把聲大到我完全插唔到咀，阿生，唔係大聲代表你岩呀！！佢鬧完一輪，我問佢你講完未

平時lunch time趕時間的話 間唔中會食下熱狗味道上正正常常 以前德田翻新前有間叫V28嘅麵包店雖然唔係好似齊柏林咁連鎖 但賣相好過齊柏林呢間嘅賣相可以話係得menu圖嘅50%溫度則還好 唔會熱到食唔到 亦唔會凍冰冰間店非常細所以工作人員5隻手指數得晒平時lunch time 人都唔算好多但啲工作人員就手腳慢收銀即使唔睇樣都feel好hea結果有時都要等10分鐘度先攞得攞嘅時候仲試過襟錯number (唔係話人唔可以有失誤 但加埋一種散漫嘅感覺 啲嘢食又唔係特別好味 隔離兩大排外賣式餐廳 又唔係特別快 隔離或上面m記5分鐘有得攞 就令人唔太想再食佢咁)總結 嘢食正常 service有待改善