影片
话说我住响新蒲岗都好多年，大部分都系街坊经营，好有人情味。哩间齐记两𩠌饭而家成为左我嘅晚饭必选5名之内。一星期一家帮衬最少一次，佢哋唔只食物又大份又好食（$36两𩠌，$42三𩠌，又可以买净𩠌，$50两款净𩠌），同埋好有人情味，对客人好似朋友咁！首先想讲佢哋店舖好干净好光猛，令我觉得好安心。但系因为铺头细，最多只有16款选择。但系每一样都好好味我真系好少见卖两𩠌饭嘅全部店员咁有互动性，佢哋会不停介绍𩠌菜，大家互相帮助，见到多人姐姐应付唔切，厨师会上前帮手，大家好有活力，见到熟客又会倾下计，有时会问候下，真系好窝心。我自问有选择困难症，次次去到都唔知食乜，姐姐每次都落力介绍各款菜式，比佢哋推一推又会拣到。我最欣赏佢哋系肯听意见，应该有好多人反映个生炒骨骨多过肉，佢哋已经转左咕噜肉啦！ 果次我唔想拣，比个肥妹仔介绍下先知转左咕噜肉 真系啖啖肉呀！正呀！仲有佢哋个 莲藕土鱿煎肉饼， 3样材料都好合符比例，超正！大大块劲抵食！仲有南瓜排骨同虾酱猪肉，正到无人有。不过佢哋个位置都几偏僻，所以无乜人知，希望哩间小店有更大嘅生存空间！香港人帮香港人！加油呀！我食两𩠌饭无乜点影相呀，只系影左一张咋 真系劲大盒！ 真心推介，值得一试再试！
继续阅读
齐记美食🌭💛净双𩠌 （$50@1盒） 生炒骨🍗好多骨好少肉，好甜好酸，都好油腻😿滑鸡蒸鸡🐥啲鸡好滑，但成个𩠌都好油好咸。如果捞𩠌还好，就咁食会肾亏😿三杯鸡🐥佢个三杯鸡好甜，但都好食嘅。只系唔系三杯鸡嘅味，冇麻油香又冇九层塔味，又冇咸味😿椒盐猪扒🍗猪扒炸粉偏厚，有啲位冇肉净系得炸粉食。椒盐味系0呀，得少少少少咸之外，冇味架😿Extra comment🖍:•佢系齐柏林副线，但佢嘅热狗同鸡块真系好食好多，双𩠌饭唔得掂😿
继续阅读