齊柏林熱狗店 (萬寶大廈) (已搬遷) 新店位置

之前經過成日大排長龍，今日難得冇人山人海就決定入去買黎食。辣肉醬熱狗、士林原味熱狗兩款熱狗都有烘包，咬落香脆，香腸係唔同款式，但食落各有特色，能夠配合返相應嘅醬汁同配料，個人黎講比較鐘意有溶芝士嘅，因為好香濃，但另一個其實都好食。至於薯條都炸得唔錯，金黃香脆，而且提供左番茄醬以及千島汁係正嘅。粟米都好大杯，而且帶有牛油香，加$12就有兩個配菜，絕對超值！整體而言，熱狗非常高質，下次有機會，會再光顧！

今日晏晝食熱狗外賣叫咗個火炙芝士辣肉醬熱狗+12蚊配牛油粟米同Zero另外再叫咗個小食炸魚薯條火炙芝士辣肉醬熱狗好好味 推薦熱狗多芝士 個辣肉醬唔算好辣條腸啲皮都脆卜卜+12蚊配咗個牛油粟米杯同冇影到相嘅Zero唔算特別但拎到返屋企都熱辣辣會冒煙個隻炸魚薯條佢配千島醬同茄汁炸魚條好好味炸得好脆薯條都整得唔差唔會多油同唔會冧炸嘢最緊要係熱佢做到全部嘢食都即叫即整所以要少少時間等但熱辣辣係值得等少少時間同埋服務亦都非常好知道等得耐咗少少店員會主動即刻講唔好意思而且依家慈雲山店同御茶有合作超過50蚊收據就可以到御茶買嘢有85折

恭喜發財年初四，終於開返啦，食咗好多次，終於記得嚟寫返個食評。好鐘意食哩間Zeppelin Hotdog ,熱狗好好味 好多汁，仲有佢哋落足料，我呢啲鐘意食芝士嘅人嚟講，簡直係天堂呀，佢哋嘅芝士好香好好味，趁熱食一流，整好個下仲識拉絲最重要店員好有禮貌

首先要讚既係幫我收錢既後生仔👍🏻佢好有禮貌之後就要讚佢個熱狗🌭️其實我唔係好鐘意食包類既野 我好驚會好乾 但佢又無喎 加上小食 都係睇圖叫 都唔知自己叫左乜😂😂😂記得係menu既第一個 😂因為佢無人堂食 我唔知可唔可以堂食，不過我拎番屋企有有點遠 番到去都凍曬，但個味依然好食，當然啦如果熱辣辣相信會更好，同埋酸酸地幾開胃 自己食一個都已經好夠飽😋😋😋