鼎泰豐

营业中

休息中

今日老死生日....就同左佢去鼎泰豐慶祝.我地幾年前一齊去台灣食過鼎泰豐後就迷上了之後返黎香港都有一齊去過當時o係黃埔o既鼎泰豐食過....都好好味(咁當然總係覺得好台灣的有少少分別)上年已經聽講尖沙咀開左鼎泰豐，不過一路都未去試一去到，都好full....要等位原來呢到有部份staff 係o係台灣的調過黎....我地叫左小籠飽,酸辣湯,豬扒麵,排骨旦炒飯樣樣水準都唔错~ 不過最正都係小籠飽....好juicy!! 不過唔知係咪先入為主，始終都係台灣好味d....)唯一要彈的...係上菜方面!唔知係咪多人呢，我地叫左個旦炒飯好遲先上...仲要係我地追左幾次不過staff都好有禮貌o既~

香港既鼎泰豐長期都是人龍不絕, 一直都很想去試但想到要等位就真係卻步..上星期在台北吃過了真係有點心思思又想食, 便約埋家姐姐夫下班去早食囉.. 6 時多不用等我們一行四人便安排入座。 點了不少麵食加一個飯, 沒辦法鼎泰豐就是吃點心麵飯, 有別一般吃上海京菜的有很多選擇。 奇怪是細心侍應落單是卻提醒我們是太多了拍我們吃不下呢。 想想只是5個麵點(其中三個是拌麵理應份量是較湯麵少的), 一客小籠飽, 一客菜肉餃同一個菜肉飽, 蒜泥白肉, 和排骨炒飯,烤夫等等。 最後還是聽話刪減一個麵食。見那邊落單這邊廂食物已隨即奉上真係快到你唔信.. 有點急去拿起相機影相又恐防食物冷掉了, 真係一句講哂好豐富好忙碌呀!很快的吃過所有食物, 大至上和台北的味道分別不大, 只是份量是香港的較為小。好像那牛肉麵, 只是寥落的四塊厚薄一致, 我在台北吃過的是件件都肥厚幾乎是牛肉多個麵架~ 不過很滿意的是那味道仍在, 非坊間賣既一味是味精同腍爛的牛肉, 根本和台灣既牛肉麵是兩碼子回事。擔擔麵一直是我最愛的但香港做的似乎多了芝麻醬近似拌麵不是我杯茶。反之蔥油拌麵是一讚, 就是簡簡單單也可吃出別緻味道, 是麵條和醬油

有朋友仔生日, 於是到鼎泰豐一試出哂名既小籠包一行三個女仔, 未入到去已經排哂長龍,等既時候店員好有禮貌咁俾點菜紙我地揀左食物先,入到去D店員係咁用普通話同我地講"您好"我地仲以為自己似台妹, 仲用埋普通話對答點菜走既時候先發現台式既鼎泰豐原來全部店員都要講普通入返正題先我E個大食妹當然係咁叫小籠包---- 唔錯, 皮真係薄wo, 貴就貴在師傅既技術喇!擔擔麵---- 花生醬好香! 食完仲想叫多碗排骨蛋炒飯---- 好軟既豬肉, 我依個cool牙妹食都唔會痴牙油豆腐粉絲湯 ---- 唔會太淡, 又有豆腐, 腐皮仲包著d肉, 粉絲又幾彈牙wo菜餃---- um... 我覺得媽咪整既仲好食, 好普通喇, 一次就夠喇食物份量其實比想像少, 可能我太大食, 不過8成飽都幾健康優質的服務, 不錯既食物有機會要再去幫襯

果日同老公去咗, d野都幾好食 小籠包(****):一籠有6隻, 上枱的時候好新鮮, 不過樣子不及妁台灣鼎泰豐細緻, 小籠包個"錠"做得大大的, also唔知點解小籠包頂有d硬, 咬開放d湯汁出來, 湯不夠多, 不過味道都ok..... 冷盤干煸四季豆(*****): 又出奇地好食bor, 唔太salty, 都幾入味: 紅燒牛肉麵(*****): 好好食, 個湯夠濃, 有少少辣, d牛肉&牛筋都好淋好入味service 都好好, 不過有d expensive, 2個人, $2xx!!

詳情請看: http://www.fotop.net/tonykafai/cateringartwork/090320dintaifunghttp://www.fotop.net/tonykafai/cateringartwork/090320dintaifung_b是日約會了丹尼士先生、歐陽先生和王小姐到尖沙咀的鼎泰豐試菜。7點到達後，要等了約半小時方能進入。為了爭取時間，侍應期間更奉上菜單為我們挑選。入內坐下後，佳餚便迅速奉上，我們分別點選了紹興醉雞、蒜泥粉皮肉、蒜蓉通菜、蟹粉小籠包、咸肉粽、蝦仁肉絲飯、紅油抄手和豆沙小包。大部分的菜式都具備水準。特別推介的是紹興醉雞，即使不愛美酒的顧客，試過那菜式後，仍能感受到酒帶出雞的鮮味。蟹粉小籠包也是另一推介，外型細小之餘又帶有足夠肉汁，十分可口。而紅油抄手則適合「試辣不肆辣」的朋友，它亦令我回憶起數年前的冬天，到過北京商店「餛飩侯」的紅油抄手(吃下後數秒舌頭即時麻了起來)。此外，甜吃豆沙小包與小籠包的尺碼相若，不會吃膩肚皮。最巧合的是，當結賬時竟發現加一後的價錢，竟是444.4元 (4位)，平均每位只需111.1元而己。

知道鼎泰豐係名店已經好耐了，之前去台灣都食過，今次終於同仔仔去！打開餐牌，選擇比較少，結果食左小籠包，担担麵，肉糭，炒油麥菜，鹵鴨舌．．想講係佢地既服務真係好好，有個阿姐負責洗手間的招待，佢既笑容真係令我感動，因為真係好親切架，好有心想我食得開心ｄ！味道方面，其實又唔算好突出，不過都唔係差，手工比較精細，例如小籠包有骨子既感覺，担担麵味道平均，唔刺激，比較大路，所以無咩驚喜，鹵鴨舌都係比較清，唔係好刺激嗰種，如果期望有好好食既野，可能會略失望了，大力推介，會係因為個服務真係好到不得了，加上唔會差既食物，總算值得排長龍

在台北食過一次鼎泰豐,被優質的服務吸引,返嚟之後,一直都想食!上到新港中心既新店,門口一缸獅子頭好有氣勢店員超級好的禮貌令我回想起台北的旅程,鼎泰豐的服務係優質的,copy了日本式的作風,值得一讚!食物方面,其實選擇比較少,選了蟹粉小籠包,清炒油麥菜同牛肉麵..蟹粉小籠包一客六件,汁多,一咬之下大量肉汁流出,差點淥親條脷..不過證明夠熱,味道都唔錯,只係價錢有點貴..清炒油麥菜味道比較清淡一點,牛肉麵牛肉很入味,湯底好好味,唔會太咸!令我食完碗麵之後差點連湯都飲清雖然價錢貴一點,但係都值得再來

Though we need to wait for quite a long time, it is worth it coz the service is fantastic. You don't need to wait as there're abundant waiters available, and that their service is very nice. What is most interesting to me is that a lot of them actually speak Mandarian, and I just feel like going to Taiwan enjoying a local meal.

鼎泰豐~~~好彩早左黎。。。食630~~~唔洗點等。。如果你要我第成個鐘。我就實唔會去食。。。快餐式ge服務@@落單後d野好快送到。。。2個傻ge叫左好多野呀~~食唔晒。相亦有d唔記得左影。hehe~~~蟹粉小籠包~~ok la~~不過不失。算叫做中上啦。。。"麵巾"~~OK LA~小食野。好難難食GE酸辣湯~唔係我飲GE。但佢覺得淡左D喎牛肉湯~真係好清喎。。牛肉有牛肉味？？XD~應該話個湯有牛肉味~同D牛肉唔"UN"但我覺得肥左D擔擔麵~幾香。但始終唔係專門排骨蛋炒飯~排骨OK~~蛋炒飯唔似用蛋炒GE@@似撈GE~~~但幾好味。。菜餃~OK LA~但都食唔晒><""飽啦。。荔芋小包~話晒叫甜品~要叫上會上GE~^~^~OK LA~都幾香但真係好飽每人食左2隻ONLY~^~^~走果陣。好多人排隊呀~~~~~~~~~~~如果要我甘排。我就實唔會去食囉。唔係話唔好食已經一般囉。。唔需要排甘耐隊囉只覺得

見到openrice鼎泰豐有蠻多好評.所以就同朋友慕名離試試啦一行2人叫咗4樣嘢蟹粉小籠包,皮薄肉汁多.蟹粉味濃,熱騰騰好好食一啖放入口好正春卷我地都覺得唔錯食既時候仲好熱.勝在唔算油膩擔擔麵有點辣，麻醬多而且蠻香.花生味夠濃最後來客豆沙小飽,出奇好味,不太甜,值得一試環境方面,幾闊落,坐得舒服而且呢度既服務好好.雖然好多顧客.但係都好有效率全部都好有禮貌咁嘅價值算好好.可以一試

今晚同個親人上左尼間野食野!諗住咁出名,應該好好食!叫左五味菜!牛展是淡而無味,如果唔睇住佢係牛展,只食味,跟本唔知佢係咩!叫左一份白菜子,樣唔好睇不單止,沒油又無味,只食到熱熱地!份量少又貴!(可能尼份白菜唔知邊度空運到港)叫左兩盅雞湯,陰功,十足十公仔雞蓉面的配料沖水加左兩块雞係度!成份是五份味精三份水二份雞!叫左一份薰魚!尼份都好D,樣似魚,又似炭!少少甜,加少少火煙味!可以食出系名副其實的薰魚!叫左一份紹興醉雞,隻雞好似賣唔出,一陣莓味,再加一陣陣酒味,食起黎好怪,係口度唔想吞,只會想吐!每樣食左一口,同個親友走人!埋單368元!兩人平圴每口$40元!走時,唔係多謝下次再光臨(不過都唔會光臨),而系唔好意思,對唔住!出到門口,仲有一對對人係度等,心諗,又咁多水魚盲中中中上去,送錢!或者尼D食家特別!都係解唔明!

老公同對仔女買完嘢, 個仔話要食小籠包, 佢地咁啱喺新港附近...咁就食鼎泰豐啦...6點9打電話比喺屋企洗緊衫的我, 老公叫我快d, 衫都唔好浪嘞, 因為就入座...咁我7點2飛到去, 點知原來未有位......對仔女等到悶點都要扭蛋....8點10分終於入座了!點了以下菜式小籠包 -- 肉質實, 汁還可以 (絕對比台灣和東京立川店差!) 蝦仁燒賣(?) -- 蝦不鮮, 燒賣好味, 菜餃(?) -- 大人ok 小朋友唔鍾意炒白菜 -- 清炒, 只用鹽調味, 炒得剛好, 可惜洗不淨有小菜蟲一條. (我個人OK 嘅無農藥嘛, 不過老公嘔晒....)蔥油麵(?) -- 麻麻, 無人讚担担麵 -- 老公話都係詠蔾園好, 而我, 好失望呀! 點解同十幾年前係九龍城鼎泰豐食嘅唔同? 點解只有花生醬同胡椒粉味? 雞湯麵 -- 鷄湯味濃, 老公說比台灣的好, 但麵比不上台灣的, 香港的湯 + 台灣的麵就好了!杏仁豆腐 -- 大人ok 小朋友麻麻

好耐冇食過喇！以前係蔡瀾美食坊嘅鼎泰豐就成日食，但搬咗去新港中心後今次都係第1次食，因為次次經過都勁多人，真係好恐怖！今次因為早食，所以先唔駛等位！1) 小籠包仍然keep到水準，皮薄汁多，好味！2) 油豆腐粉絲湯湯底唔錯，唔覺有味精，湯內有油豆腐、腐皮肉卷及粉絲。腐皮肉卷好好味，用腐皮包著啲肉，幾得意。粉絲爽口，唔錯！3) 蒜蓉炒油麥菜啲菜爽口清甜，好味！4) 唔記得咩麵但啲麵都幾彈牙......5) 一口豆沙包太甜，豆沙太多，一般

上星期去試下,一去到勁多人,等左9個字先有位,見咁多人等以為好好食,冇所謂啦.點知一行入去已經同你講得個半鐘食.都冇所謂,但都未坐低已經吹落單...d野來到見到每碟野都好細碟小籠包、蟹粉小籠包、牛肉麵ok咁啦擔擔麵份量真係得幾擔,好似花生醬撈麵咁酸辣湯完全唔掂,得個辣味,街邊求其搵間都好過佢蝦餃,原來係蒸既煱貼加隻蝦仔燒賣,原來係燒賣外型既攞米飯,又硬又冇味d野我覺得係整定晒,你要就蒸返熱出來比你,所以冇煎既食物全晚最好味就係得個豆沙包服務好唔得,吹落單不但只,我同朋友傾計講食物,又加巴口插來講,同朋友講緊野,成日好大聲咁走來"唔好意思,請問要唔要,我幫你收左碟野!! ", 但碟野已經係吉既,唔洗問啦,有時又好大聲咁走來"唔好意思,check下你張單有冇漏野!! ", 總之成晚一見你傾計就係咁打斷你講野,表面好似比服務你,其實驚你講野食得慢,唔想你坐咁耐...每樣份量都很少，最後6個人,埋單每人$160.都唔係好飽總之味道方面好一般, 價錢可以說貴，不太物超所值!真係求其係街既一間上海野都好過佢.真係好失望!!! 唔會再去....

曾經到訪過台灣鼎泰豐,亦未試過之前黃埔個間期望呢一次晚飯,去到,無人等位,心喜,直入無需等位行到有侍應既地方,佢地都好有禮貌打招呼,服務真係好好去到,當然要食小籠包,不過香港既小籠包足足貴過台灣一倍無奈,最後每人一籠,加個排骨湯麵,蛋炒飯,炒白菜小籠包是全部之中最好,亦係最快上菜,不過得六隻,汁多,不過唔夠熱排骨湯麵,感覺唔係炸,放係湯度,淋晒,唔好食蛋炒飯一般,炒白菜更一般,埋單二百六十幾都算可以,但下一次可能要等好耐,因為除左服務外唔值呢個價錢