點心友 (已結業)

上星期三在下還在放假期間,走到屯門功夫點心開餐，不足一個星期，在下也走到屯門區工作，順便在這區開餐。原本在下不是想到這裡用膳，可是在下是有點節省時間的想法，從灣仔到屯門去，當手頭上的事務辦妥後才悠然地享用在下的午餐，因此在下的午餐也較平常的延遲了兩個多小時呢！今天不打算在市廣場或附近開餐，卻走到了寶怡花園飲茶。在這裡有兩間點心專門店，一是功夫，二是點心友。功夫點心上星期已經嚐試過，今天就來試點心友。其實點心友已經很想來的，因為一是就不到時間，再不是就不知道怎樣來，經過上次到功夫吃點心，才懂得來這裡。侍者見在下進入，就安排在門口的座位，可是在下一向不習慣坐近門口位置，除非真的沒有位子，就作別論。還好在下來到時，已經是下午三時多，顧客不算多，侍者才引領在下在店子較入位置坐下了。今次喝的茶是鐵觀音。點心友所用的不是茶壼，而是用了茶包，這可能為了節省枱面空間吧。其實在下還是喜歡用茶壼斟茶的，可能是與飲茶文化有關。在下於點心專門店甚少點盅頭飯的，今次卻例外，選了一客鳳瓜排骨飯來吃。在下對於點心專門店所做的鳳瓜排骨飯，沒有預期的那麼好，不是排骨太多骨，就是偏鹹和色澤較深，可是點心友的排骨飯卻較淺色

今年2,3月朋友帶我來品嚐過一次之後，就喜歡上這間小店。食物的份量與價錢有點不成正比，比酒樓的份量小但卻便宜很多！今日想吃一餐又飽又平又好味的晚餐，就同男朋友黎試了。這裡唯一的不好處，就是地方太小，檯太逼，要入坐還要旁邊的人起身讓路，其實很不方便...其實我倆的食量都很少，不過男朋友知道我因工作不開心，而氹我既好方法就係俾好味既野我食，所以2個人一共叫了8樣野！ 真係好過份，不過因為知道佢既心意，所以沒有任何反對 茶得2種，鐵觀音同普洱，2種我都唔太飲，揀左鐵觀音，因為清D。服務好好，個杯未試過冇水！鳳爪排骨煲仔飯好味！3隻鳳爪+5,6年排骨，D排骨好滑，D飯軟硬度適中，好大煲！多少少醬油就正啦！通菜(腐乳)特價菜，$16大大碟，腐乳另上好特別，都好貼心！想點就點，正！不過D菜唔係咁新鮮，有D好黃，要邊食邊揀，但呢個價錢+份量，已經唔成大問題了臘味蘿蔔糕嘩！1件=普通飲茶果D 2件！一共有3件！個味冇乜特別，唔係煎得好香，但唔會好散又夠冧，不過好易封胃，建議多人先好叫。春風得意腸招牌菜，腸粉包住春卷，外軟內脆，其實口感幾得意，但係老實講，味道冇乜特別，而且入面有芹菜，未必人人中意食，不

今日係屯門食晚飯，親戚話有間點心店幾好食，又抵食，便去試下。店內的坐位很迫，很密。不過，最緊要嘢食好味。我哋三個人點左荔芋鴨腳扎、咖哩魷魚、春風得意腸、腐乳通菜、臘腸滑雞煲仔飯、上湯生菜魚球。點心水準不錯，又大碟。春風得意腸即叫即做，幾好味。通菜新鮮，欣賞這店的腐乳醬和通菜分開上，讓客人可以隨自己的口味配醬進食。魚球很彈，很大粒，可能沒加味精，味道偏淡，但都好好食。食完沒有口渴的感覺，可以再光顧。

又是到屯門區找新食店吃午飯的時候，這次同事介紹了這間位於建生邨附近的＂點心友＂。中午到達的時候剛好要等一會兒才能入座，餐廳內的面積不大，檯和椅都是排得密密的。或許是因為檯本身並不大，所以店方沒有提供茶壺，而是供應普洱和鐵觀音兩款茶包和靠店員不斷的加水，幸好店員加水都很勤快，大多數時候杯內都是滿的。店方標榜點心即叫即蒸，從點心紙上看，選擇也不算少。這次我們四人不斷的點呀點，再加上加單的點心及蒸飯，一共點了十多款點心及飯來吃。春風得意腸腸粉皮包著炸春卷，除了腸粉皮是即製之外，連春卷也是即炸的，所以整碟腸粉吃起來也是熱辣辣的。腸粉皮略略厚了一點，包著的春卷剛炸起，所以還很脆。唯一我不喜歡的是春卷內包了我不喜歡吃的芹菜，所以我要邊吃邊把芹菜粒挑出來。珍寶鮮蝦腸這款腸粉用上長碟來把整條腸粉不切斷來上檯，和春風得意腸一樣也是皮厚了一點，不夠爽滑。蝦不算珍寶的大小，但應該不是雪藏蝦，不過也不算十分新鮮。煎蛋牛肉飯和鳳爪排骨飯飯粒蒸得爽身且粒粒分明，沒有黏作一團。煎蛋是荷包蛋，蛋黃還是流心的，加上甜豉油和牛肉拌勻飯粒，怎會難吃？牛肉餅欠了一點彈牙的口感，是美中不足。排骨的骨比肉多，但吃得出應該沒有下鬆

今日放假同老婆大人兩個落去下面點心友食點心，中午時間都唔使點等位入到去坐位就比較窄,地方就不大,但都差不多坐滿...之後就點左幾樣點心,蝦蛟王啲蝦都幾大兄,同幾彈牙叉燒腸就皮簿,不過啲叉燒味道就差啲翠肉瓜就ok,佢地雖然係白灼，但都幾清甜排骨&牛肉球味道不過不失埋單大約$100多啲味道其實都好過一般酒樓

星期日１１點去食，雖然入面滿座，但係等左１０分鐘左右就有位，唔錯叫左７樣野，鳳爪排骨飯，排骨不錯，肥瘦適中，飯就略微不夠乾身，鶉春蛋燒賣唔錯，爽口，唔漏，炸蝦角幾好，即炸，幾脆，唔油膩鳳爪就不過不失，無咩特別。蝦餃同腐皮卷唔多得，因為入邊只有蝦，無其他配料，食落去好寡。南瓜餅，幾油膩同漏總括黎講係唔錯，不過唔適合一Ｄ係想歎茶既人，地方較窄，比較似茶餐廳方式，食完就走。但係，就點心黎講係屯門入面係唔錯，好過好多酒樓，可以一試。

屋企人成日來呢度開餐，我個人唔系好中意飲茶，所以少來，今次第一次屋企人一早落樓霸位，18點就跑去，所以我6點半去到的時候不用等位直接坐真系啖啖肉，對於我呢D吃肉獸來講，唔錯，連我唔鍾意飲茶的，下次屋企人叫我我都會來味道唔錯，態度都幾好，位置細，好忙，但系唔使人提醒都會自動倒茶，像快餐店，吃完不能坐就要走（吃飯一樣就收走，搞到都不敢坐久點）本來想點青菜，屋企人話千期唔好，上次點左菜心，話好似無洗甘，個日有點的人都無咩點吃，就無點青菜其他啖啖肉味道都幾唔錯，超鍾意窩蛋牛肉，就系叫左個馬蹄糕，超級甜馬蹄唔多

點心友較早前曾經上過這裏的排行榜, 但當時實在太多東西要試, 見地點又那麼近所以先讓一讓步~ 今晚又想去一些近近地的地方吃又要吃好東西就即刻想起點心友. 地方比較難找, 找左大約十分鐘左右都找不到, 已開了開飯的定點位找但都是在迷失中...最後問一問位靚仔街坊, 終於找到了~~~~~~~~~~原來就是係寶怡花園一座隔離. 當時已七時多門口已要排隊取飛等候. 幸好等了不久便能入座.待應先遞上點心紙, 急不及待先點了心水的食物.這裏的茶是用茶包不是用茶葉的, 有兩款茶可供選擇(普洱, 鐵觀音) 雖然是茶包但味道頗濃啊~燉湯很快便能上枱, 雖然份量比較少但一打開內裏卻很足料, 燉雞湯有油真是少不免. 先來一口湯..............嘩.....美味呀~~~~~~~~~~~, 雞味很鮮甜但花旗蔘味道偏淡, 不過以這價錢來說絕對是收貨的~跟酒樓一樣能以流心見人~~這個蝦蛟皇一籠只有兩粒, 但話明是皇當然要夠份量才能稱得上皇, 內裏差不多九成都是蝦, 可以說是全蝦的蝦餃皇~聽說這款是本店的招牌菜, 一定要來試試. 賣相似足炸両. 內裏其實是春卷, 我真是第一次嘗試. 但原來有朋友告知這款腸粉

星期6 二個人中午去點心友, 好快就有位! 入面其實都幾迫. 張台又細得二種茶包簡, 簡左普洱 我覺得呢到ge 針茶方式幾危險, D員工拎熱水壺都幾唔穩 , 倒水時候D熱水會周圍彈燒賣正正常常la . 唔多肥肉, 平均都有二/三隻蝦係入面. 我無食到, 眼見都幾大碗, ! 但係只有一個鳳爪 - - 春蛋燒賣就麻麻la . 首先佢拎過來之後, 隔左幾分中就話唔熟, 要拎返去 好彩未開始食 = =, 佢再拎返來, 好明顯係頭先果籠: [ , 入面重要有粒杞子, 肉係正常燒賣果D料, 味道一樣, 連春蛋燒賣入面都有蝦 = = . 麻麻地好食. 唔係好match . 春風得意腸, 好好食 唔單止個賣相特別, 味道一流!! 入面係風卷, 口感比炸兩更好! . 風卷隔左好耐都好脆!!!! 呢到D點心都幾足料ga !! . 二個人4個點心一定飽! ** 外賣只限蒸飯同糯米雞.

點心友開業後，在食評中得到好高評價，無他的，始終屯門沒有這類點心專門店。九個月來，累積十五笑VS零喊面，看來很受街坊歡迎外，食物也保持到水準。不過日常不會無啦啦到那邊走，此餐廳又給我記錄在案。近年妹妹在寶怡花園附近工作，因利成便下她們午餐時也幫襯不少次，更推介紹給我必要去食！今天我就專程過去等妹妹收工，之後大家一起去點心友午餐。十二點八個字我已經到，見等位的人也不少就先拿飛，估不到去流量相當快不用五分鐘就有位了，不過店例需要齊人才可入去。反正有時間，過了手上的號碼後，我在十二點十一個字又返去，本來想再拿張飛等位，點知老闆叫我不需再拿飛啦，只要我齊人就給我們入先...老闆人真好啊。浦進店內，都幾擠迫，不過一早有心理準備，所以這方面不覺是什麼一回事。店色以紅色和木色為主，窗邊掛有’茶’字的燈籠，而牆上及橫樑上貼有很多中國花紋作裝飾，很有中國風的一間店子。坐下後會有店員拿著兩桶一包包人手包的茶包（非現成茶包）來開茶，鐵觀音清香，普洱濃郁，加水是靠店員加的，兩元的茶錢，也算公道。細閱選擇不多的點心紙，一口氣剔六個點心，是日午餐可謂豐富非常～妹妹介紹必食鳳爪排骨飯，哇，份量比我相像中大兜呢，是一

茶錢只係$2點心款式特別炸蝦角真係啖啖蝦肉!臘腸滑雞飯 都好食,不過得一舊仔臘腸鶉春蛋燒賣 好大粒,幾正春風得意腸 呢樣好特別,但味道就一般,下次唔會再點仲有叫桂花糕,個味道好好!我覺得抵食過去茶樓

我本身住係健生,所以成日會去食,另外本身好中意飲茶,但年輕人無計,番工無時間食,放假又唔會早起身飲早茶,呢間點心友!!!實在太適合我!!!!!!茶分別得鐵觀音,普"李".另外留意,早上,下午都係蒸飯,晚市就煲仔飯章魚雞粒飯:蒸飯,煲仔飯都分別食過,章魚雞粒肉餅幾好食,章魚很香,而且唔會太油,煲仔飯就會比較油,蒸飯分量會小d蝦餃:我本身最中意食蝦餃,點心友呢到好大粒,一籠兩隻,皮會有點厚,不過蝦味夠,拉番混!!!春風得意腸:必點!!!超級好味,,腸好滑,有粉味!入面係春卷,有d蝦等等,已經有蔥花,非常香口.要試下!!!蕃茄蛋腐竹卷:難食,湯係超級油,]蕃茄蛋>有蛋有蕃茄,不過蛋+蕃茄都無,好似酸甜汁咁,不過淡到無論,不吃為妙!!!鳳爪:夠味,已經每次食都好淋,又好大隻!鳳爪下面既係芋頭蟹籽燒賣:4粒.好食,豬肉味好濃,而且好大粒,彈牙.皮薄餡靚 至尊鮑魚燒賣:2粒,鮑魚仔係幾可愛,不過無咩味道,但咬口不錯既~下面的燒賣係無分別架叉燒包3個. 好食,包甜甜地,好鬆軟,叉燒汁味道夠濃,已經好杰食叉燒餐包3個,我見其實人食都話可以,不過我當日食完全唔夠熱,只係微微微微暖,仲有d隔夜味.

呢間點心專門店都開左幾個月,但星期日實排曬隊,冇心機等,今日老公休息我地經過見冇咩人,就決定入去試試!入到去環境尚算整潔,佢地係用茶包代替茶葉,d茶味唔掂:不過兩蚊位茶錢唔好要求咁多囉!我地點左鳳爪排骨飯20元,魚翅餃19元,蟹籽燒賣19元同春風得意腸19元共4款.我地認為盅飯最好食,飯好軟熟d排骨好入味,不過鳳爪得一舊,春風得意腸其實係用腸粉包住春卷,都幾特別唔錯,魚翅餃同蟹籽燒賣都好大舊,味道都唔錯!如果唔介意杯茶冇茶味,整體唻講都幾滿意,點心價錢同一般酒樓差唔多,下次會再去試第二d點心!!

近幾年點心專門店如雨後春苟，愈開愈多，但屯門一直未見有專門店，終於上個月屯門第一間點心專門店開業了，可喜可賀，我都係上網看先知道，今日同女友放假，專登早些起身，陣它開門就入去（諗住），點知去到門口已有條人龍，唯有去拿飛，等了半小時（附近商場轉轉）就有位，山竹牛肉：有三個，肉質嫩，但牛肉味不夠，食後會有種好油好滯的感覺，咸水角：我相信係即叫即炸，很香口，外面香脆而內裡軟滑同時帶點煙韌，春風得意腸：即是春卷炸兩，無食過，但賣相幾好，古法馬拉糕：又實又不鬆軟，四寶雞扎：好油腻，但味道幾好，棉花最正，鳳爪排骨飯：飯係最好味，鳳爪只得一隻，排骨舊舊都有肉，份量頗多，環境簡潔，茶葉預先袋好，店員態度良好，爆場時侯都是有禮貌的，但店員對點心用料不熟悉，好多時候都解答不到，滾水壺的壺口過大，每次添水都送帶添埋台上，經過多次添水好快地形成湖，點心好多都好油好腻，小弟受不住，器具又大又長，阻了不少空間，冷氣風大，點心好快地凍了。

間鋪仔細細。但點心比茶樓好味。價錢又抵食。叉燒腸一條過 夠特別 腸粉又滑又足料。咸水角即是炸起 夠鬆脆。叉燒餐包都好味 賣相又得又好味春蛋燒賣。good 最緊要又抵死又足料。