點心到 MIX·大排檔

营业中

休息中

呢間點心到之前食過lunch已經覺得佢好正，原來佢地夜晚係做大排檔嘅menu😍都幾新奇，今日就同屋企人黎左呢到食飯啦🤤🤤🥢黑金流沙包 $10佢晚市都仲有啲點心可以叫下，所以我地就叫咗2款唔同嘅包點😆黑金流沙包個賣相好吸引呀☺️佢上面仲有啲金黃色啲閃粉，咬落口即刻感受到佢啲溫度同埋熱辣辣嘅流心醬😝😝好香嘅奶黃味👅🥢卡通流心芋蓉包 $10呢個包勁得意😻真係睇得又食得呀😌😌睇落成隻玉桂狗咁😍😍超cute呀😜😜芙蓉包嘅口感好鬆軟🥺甜度啱啱好，好易入味😜🥢乾炒牛肉腸粉 $72平時食乾粉牛河就食得多啦，今次見到呢個有炒腸粉😻😻都幾有新意思😛😛好想試下呢個🤤腸粉煮到好香口同好吸味，夠哂鑊氣😚仲唔會話好乾身👅真係好惹味👍🏻🥢英式芥末牛柳粒 $98芥末同牛柳粒真係絕配😍😍食落又唔會刺鼻，牛柳粒肉味仲好鮮香濃郁🤤🤤口感嫩滑😚帶有小小油脂但食落口唔會太膩，令人食完一粒又一粒😜🥢楊枝甘露 $22夏日炎炎，食飽最好叫埋碗甜品消下暑，真材實料👍🏻食到啖啖果肉，好有口感😉🥢白飯 $12加2碗白飯配埋小菜就真係啱啱好，價錢又抵食，真係想推介下比朋友仔😚

今日去旺角買完金魚，順路去洗衣街點心到.Mix大牌檔吃晚餐。點心到夜市餐牌多元化，有海鮮，豬，牛，蛋，豆腐，燉湯，多款招牌菜，甜品等。雖然好多小菜都吸引，因昨晚吃了火鍋放題，今晚吃得清簡些。先來一盅杏汁燉白肺湯($42)。個湯夠熱又足料，火喉夠，味清甜又潤肺，不錯。自家製秋葵野菌扒豆腐($78)也是店的誠意之作，值得推介。豆腐香滑有豆味，秋葵野菌鮮味，健康有營。深海墨汁海鮮麵($98)好食。麵彈牙有咬口，帶子，蝦仁，鱿魚和番茄都可口。出品媲美西餐廳出品。吃得滿意，最後忍不住叫了份楊枝甘露($25)做甜品，為這餐劃上完美句號。這店經濟抵食，不用加一，茶錢每位$5，吃飽飽盛惠$248。難怪未到7pm已8成滿座。

這間點心店日間是賣點心, 而晚市便會有小炒，主食.menu更有多國籍語言，日本韓文也有🤣💠黑蒜螺片燉肉排湯 $40Stewed Pork-bone Soup w/ whelk slices & black garlic 加入了黑蒜湯味濃郁.啖啖湯汁鮮甜美味.💠沙嗲粉絲金菇牛肉煲 $82Satay Beef in Pot 牛肉軟腍，沙嗲味香濃，還有超多的粉絲和金菇，吸滿了沙嗲汁，食落味道很好❤️💠京都骨 $76 Sweet & Sour Spareribs 甜酸醬做得很好，味道跟咕嚕肉醬相似.豬骨多肉又大件，肉質也不會嚡.外皮咬落又香脆.💠紅燒豆腐 $68Braised Vegetables & Tofu除了豆腐還有菜心，冬菇.醬汁也是香甜有咸香.豆腐炆得稔又爽口.💠黑金流沙包 $10Steamed Egg Yolk Runny Bun一分開，鵬湃的奶黃心流出😍😍麵包鬆軟，奶黃味香濃又不稀.💠卡通芋蓉包 $10Steamed Cartoon Taro Bun賣相超討人喜歡，超可愛😍😍入面包著芋泥，芋泥夠香甜.

🚩點心到·MIX大排檔依間點心出名就人人都知，今次就同屋企人嚟試吓佢嘅晚市！依間分店就主打大排檔嘅菜式，同樣都係免加一，茶錢都只係$5一位！相當之抵食呀😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈豉汁蒸大鱔 $138事關母親生日我就去咗稻香慶祝，同樣地都係點咗條鱔😌點知一上枱蒸籠就大啦，鱔就得幾件同埋都幾薄😵‍💫今次就試吓依間嘅蒸鱔！我諗依度都有半條鱔左右，出面買都差唔多要依個價錢！佢仲要好厚肉，火候啱啱好，唔會蒸到淋曬，keep到鱔嘅爽口！佢嘅調味都好正，唔會淡茂茂，亦都唔會鹹到要送飯，大推大推！🌈乾炒牛河 $72一直都覺得依啲炒粉炒麵好考驗到廚師嘅工架！一碟好嘅乾炒牛河，除咗要有鑊氣之外，亦都要唔油膩，牛肉亦都唔可以有梳打粉味！依碟嘅乾炒牛河我覺得佢各方面都做得好好，首先一上枱就已經聞到嗰陣鑊氣味，而且超級熱辣辣！食完個碟都唔油，而且牛肉份量超級多，同媽咪食極都仲有😆雖然佢冇落泡打粉，但係佢嘅牛肉都唔韌，值得表揚😋

之前食過佐敦果間點心店 今日行開旺角得知呢到有分店過嚟試下佢既小炒Menu選擇超多同埋好細心分左類：牛肉、豬肉、煲仔、菜，每款煮法都有十種口味，多元化。坐位舒適，仲有新鮮海鮮櫃我地兩個人叫左2個餸，一個主食同一杯野飲。麻辣雞煲 - $88見佢係推薦菜式，價錢都好抵食，一百蚊樓下，姐姐話可以揀小辣，落完單大概十分鐘內都上到枱。個煲真係熱辣辣，啫啫聲。 個煲辣得黎唔攻鼻，雞有十幾件，醃得入味，配菜亦都有洋蔥、黃椒、紅椒、芫茜，非常野味👍🏻 叫個白飯就送飯一流！椒絲腐乳炒通菜- $66呢個菜其實可以改做其他菜，姐姐講左5-6款菜，後尾我地都係揀左最classic既通菜。菜好新鮮，好大碟，唔會太咸，食得出落左酒，味道唔會好單調干炒牛河 - $72要試間餐廳既野夠唔夠火候，一定要叫炒野。呢到既牛河好夠鑊氣，又唔會太油，咸咸既河粉加埋洋蔥甜甜地，味道好有層次。都係好大既一碟。仲好貼心比埋辣椒醬。卡通芋蓉包 - $10呢個係甜點黎，但可以就咁叫一個包真係好好呀！包個樣都好得意，入面餡係有粒粒既芋泥，清甜唔假。凍檸茶-$18好大的一杯，唔知點解覺得佢好好飲，味道夠，又解渴🤣🤣

之前試過點心到嘅點心餐廳，今次就約埋朋友試下佢嘅小菜，餐廳位置幾好就係正旺角金雞廣場地下。餐廳感覺比佐敦分店高級好多，環境光鮮企理。餐牌價錢相當大眾化，同朋友唔想食咁飽，所以只係叫咗二個小菜加糖水。冰鎮咕嚕肉 ($88) : 賣相靚仔份量幾多，而且重要 $100 蚊都唔洗 😍 咕嚕肉口感外脆內軟，冰爽酸甜，另外仲有青黃椒同菠蘿作為伴碟，CP 值幾高嘅菜式。花膠海鮮小米粥 ($99) : 粥底口感綿綿，海鮮粥加入了南瓜令味道更鮮甜，花膠同海鮮都勁足料。😍楊枝甘露 ($25) : 非常足料，平過出面糖水舖。

再次黎食，鐘意店舖的環境，柔和的燈光同枱與枱之間有適當的距離，唔會太迫2個人叫左3個餸配白飯鑊氣豉椒炒蜆 $89有碟都係蜆，蜆的份量算多，蜆肉清洗得好乾淨冇沙，豉椒汁仲可以撈飯冰鎮咕嚕肉 $88每塊咕嚕肉都大大嚿，肉的質感好林，一啲都唔韌清官茄子 $63每粒茄子都好似嚿五花腩，每粒都充滿茄子汁，呢個餸真係配埋飯一流白飯 (2碗）$24白飯每碗都壓到一個小山丘，建議細食嘅女仔可以同朋友share 一人一半店舖免加一收費，會收茶芥，每位$5

好耐無出去食晚市, 好想食啲小菜小炒! 喺旺角好多野食選擇, 但俾間店舖環境光猛又好闊落既點心到 MIX·大排檔吸引左!😍趙生 + 趙c9 實在太肚餓, 叫左4個餸!🤭🍴冰鎮咕嚕肉-每次食小菜都必點! 咕嚕肉外脆內軟, 因為冰鎮, 外皮更加脆口, 非常好食!🤤🍴炸大腸配鳳梨-大腸無異味, 炸得未算脆口, 但配上鳳梨, 完全消除油膩感!🍴黃金鮮魷-魷魚唔韌, 黃金 (即係咸蛋黃) 好甘香, 炸得又香脆, 做小食一流!🤤🍴火腩大鱔煲-好大煲, 啲鱔超肥美, 肉質好彈牙! 煲仔仲有冬菇, 豆腐, 火腩, 相當豐富!

好耐都冇食大排檔啦 冇諗到依家食大排檔都可以咁舒服呢間點心到MIX·大排檔環境好舒適樓底高夠光猛 座位好闊落唔似平時食小菜坐得咁迫水煮避風塘鵝腸鴨血 $108估唔到呢個鵝腸鴨血會咁大煲入面有鵝腸 鴨血 芽菜 粉絲雖然望落去好紅 食落去都唔會話太辣送飯啱啱好 我唔係好食得辣都覺得ok鵝腸唔會好肥 咬落好爽脆鴨血份量好足 好入味唔會好腥個湯底唔係淨係得個辣字 用咗好多唔同香料 香辣得嚟小小麻 好惹味 唔會好油膩薑蔥魚雲煲 $88魚雲煲炒得好香 魚雲肉質厚實嫩滑蔥蒜味好香濃 帶出咗魚嘅鮮味炸漿啱啱好唔會太厚份量都幾多 食落有十件左右略嫌唔係好夠熱黑金流沙包 $10@另外食埋個黑金流沙包當甜品呢度可以逐個逐個嗌咁就唔使驚浪費咬落去啲流沙流曬出嚟熱辣辣好滿足白飯$10@茶芥$5@

行過旺角金雞廣場發現一間幾抵食嘅點心😗裝修不錯又幾多選擇😗沙律明蝦角是必點！😍超多彈牙鮮味蝦肉，新鮮炸起很香脆，點沙律醬食好好味🍤卡通芋蓉包好可愛😙芋泥唔會太甜又好有芋頭味，包很鬆軟燒賣蝦餃正常發揮😋大大隻蝦又皮薄餡靚，兩個人嚟食叫兩隻都得仲有荷葉籠仔飯食🍚我叫咗籠仔金銀蒜海蝦飯，開邊海蝦方便食，超多蒜頭豉油撈飯食都好正🥳最後食埋楊枝甘露做甜品，好多料芒果好甜，好吃😀Lunch人均around $80~

呢間位於旺角金雞廣場嘅點心到Mix大排檔好受歡迎，原因佢嘅食物夠多元化又高質。呢度日抖係點心專門店，而夜晚就搖身一變成為大排檔做風味小菜。我同朋友隨意點咗幾款大排檔小菜，之後發現全場大部份食客都有點呢幾款小菜，原來咁受歡迎。冰鎮咕嚕肉份量相當多，而且仲有青黃椒同菠蘿，同樣都咁好味。咕嚕肉外面包住醋糖漿，遇上冰後凝固，感覺有啲似食冰糖葫蘆，而入面就勁多肉汁好Juicy。椒鹽九肚魚一向都係我嘅至愛，最鍾意九肚魚滑滑嘅肉質，外脆內軟嘅感覺真係好好味。飛天通菜煲帶點點嘅辣味，我就覺得夠晒醒胃，而且份量一啲都唔少，最鍾意食惹味嘅蔬菜。食完小菜就食甜品，主要都係點心款式。榴槤雪媚娘入面係真嘅榴槤肉，一咬開已經有榴槤飄香，鍾意榴槤嘅朋友一定會非常欣賞。黑金流沙包係竹炭味嘅麵包，入面再包住流心奶黃餡。記得要小心食用，因為入面嘅奶黃真係會流晒出嚟。卡通芋蓉包賣相真係非常可愛，而且佢每個包都會有唔同嘅公仔。入面嘅芋蓉真材實料，充滿芋頭香味而且微微帶甜，老人家就最啱食。呢間點心到Mix大排檔真係好有風味，而且坐得舒服又乾淨，下次想食大排檔就一定會再諗起嚟呢度。

今日提早一日帶媽咪飲茶慶祝母親節，再去買禮物，中午時段都較多人，但等15分鐘就有位，點心夠熱辣辣，同埋味道幾好。我地3個人點左6個點心加個籠仔蒸飯，岩岩夠飽，total $240，服務有禮，點心亦都上得快。懷舊點心之一的鵪鶉蛋燒賣，半肥瘦豬肉好爽彈，滑溜嫩口，鵪鶉蛋軟彈，蛋黃軟綿帶香。牛肉球夠大粒又足料，啖啖肉又嫩腍，腐竹皮較吸汁好味。豆苗黑松露餃，都好香松露味，但就無咩豆苗，反而似蝦餃，好多爽口蝦肉。沙律明蝦餃，以為沙律醬係餡內，但原來只係炸蝦餃，再自己沾沙律醬，比較普通，但味道可以。叉燒腸，個皮夠薄又滑溜，叉燒大大粒有咬口，味道好又真材實料，讚。籠仔蒜蓉蒸蝦飯，好香蒜味同蝦味，個飯吸哂d精華好正，有2隻半蝦，肉質爽彈新鮮，好好味。山渣鴨肉包，個皮脆身，鬆軟微彈包點，餡料十足，鴨肉酥香夠嫩。

《港式鑊氣小炒🔥》———————————————#點心到MIX大排檔 💓-收工想出去旺角行吓，趁而家開返晚市，就順便食埋晚飯，經過金雞廣場，見到大排長龍，超級爆場，就知道呢間港式小菜唔簡單😚-呢間餐廳除咗主打點心之外，晚市都會做好多撚手小菜，夠晒鑊氣，就好似佢個名一樣，有大排檔feel😍-餐廳走新派設計，環境非常光猛，座位都算寬敞，地方乾淨唔馬虎，坐得幾舒服😌-我哋揀咗佢嘅獨家菜式大肚婆炒飯，個名勁搞鬼，呢款特式炒飯實際是薑米炒飯，加入薑粒據聞對大肚婆嘅身體有益處🤰所以就改咗呢個名～炒飯裏面加入肉粒、蛋碎同香蔥，口感豐富，重點係超級大碟，份量十足，夠晒抵食😋-其他小炒都非常之有鑊氣，飛天通菜煲亦係佢嘅拿手小菜，上枱嘅時候原煲上，熱辣辣，非常惹味🤤 蠔餅亦都煎得好香口，呈金黃色🧡-⭐價錢參考：大肚婆炒飯：$78香煎蠔餅：$88飛天通菜煲：$76🍌抵deal 指數：7/10💰人均消費：$120

疫情咁耐冇飲過茶，放工喺旺角行街見到有間幾新嘅點心店，見佢入面幾新淨，啲位又闊落，就走入去試下。點知原來夜晚係冇點心😂 不過睇落餐牌又好似好多唔同款式嘅港式小菜，又有我最鍾意嘅流心包，就即管畀個機會佢啦。因為個餐牌實在太多選擇🤣要叫店員過嚟推介下，佢哋都好有禮貌咁介紹咗幾款獨家同推薦嘅小菜。最後我哋揀咗獨家嘅飛天通菜煲、都係獨家嘅黑松露炒蝦球、仲有我至愛嘅椒鹽白飯魚。😋獨家飛天通菜煲 💰76蚊好耐都未食過咁爽口嘅通菜，而且一打開個蓋重做到香味撲鼻。火候控制啱啱好，啲菜唔會好似其他地方咁煮到一pat嘢！最緊要係咁大煲都係76蚊！😋獨家黑松露炒蝦球💰98蚊 一嚟到就畀佢嚇親，唔使一百蚊有咁嘅size😀而且啲蝦球真係有黑松露嘅味，證明夠曬捉料，而且啲呀仲好大隻同埋數量夠多🦐🦐🦐😋椒鹽白飯魚💰75蚊食港式小菜點可以少得椒鹽菜式～ 大大條白飯魚，熱辣辣脆卜卜。唔係好多鋪頭重有白飯魚🥲如果你嚟到一定要試，我個人推介！😋黑金流沙包💰10蚊/個雖然食到好飽，但本身係想食點心，點都要叫返個黑心流沙包做甜品。呢度最好就可以一個個咁嗌，唔使驚太多食唔曬，同朋友一人一個。即叫即蒸，上到枱面熱辣辣。自己唔小心篤

冇諗過要打千字文🤣👍🏻我老公由上車到落車不停讚🤭仲要話:唔好話我冇帶你食好嘢😤❤️❤️❤️超幸福🫠🫠🫠呢個真係不得不介紹😌超級正！之前同哥哥去食過點心早餐都已經覺得好好食！今晚同老公去食好西🤭我老公狂讚呢到超高汁！唔輸得！食物榴槤雪眉娘睇OR話呢個好快會冇，所以一去到就即刻問有冇🥺剩返3個😏yeah!!原來係D24榴連整！超用心同好揼本(傾傾吓計，店長哥哥話我哋知🤭)屋企人唔食榴連，岩晒我地去偷歡🤭超幸福感覺❤️❤️❤️👍🏻(Gur😮‍💨啖氣都好大陣榴連味🫣)招牌紅燒BB乳鴿呢個都好正！乳鴿味好香，個皮脆卜卜！招牌野🫵🏻好野👏🏻個BB SIZE都幾大隻🤣好多肉食我老公狂讚❤️❤️❤️招牌冰鎮咕嚕肉我看圖識字🫠見到佢咁有冰咁過癮就嗌黎試下…呢個真係要食！廚房佬嘅剋星🤣🤣🤣我老公成日都話咕嚕肉唔係個個都整到😤終於今日試到咁高質嘅咕噜肉！啖啖肉🤤外脆~内軟🥳外冷🧊~內熱🔥黃金鮮魷我老公揀啲野真係好抵食🤤超多舊！我最怕食魷魚🦑😵‍💫因為好多時都係好似食緊擦字膠咁🤣𡁻死人但呢個真心正，一咬😲一撕😣就𡁻到🤓啲炸米粉索晒啲咸蛋黃味又勁好食😋👏🏻👏🏻👏🏻👏🏻👏🏻👏🏻👏🏻下次可以帶埋2件細嘅過黎食早啲😋encore !!