點心到 (鴻星大廈)

营业中

休息中

-點心到🍽️-燒賣/蝦餃 $30平時叫燒賣永遠都係一籠4粒兩個人食即刻飽哂好彩呢度有得2粒咁叫！入面舊蝦勁大隻😋-鮮蝦腐皮卷 $28腐皮卷煎到金黃色有少少焦咁勁好味😍加少少喼汁絕配👍-欖仁榴連酥 $30榴連控必食！好少食點心會有榴連既甜品通常都係乜糕同楊枝甘露🤣佢個酥皮好脆入面榴連蓉勁香😌-薑蔥牛柏葉 $26食點心牛柏葉同金錢肚都必點因為用個個碗蒸特別入味😂牛柏葉勁林唔洗驚咬到牙甩😉-金沙脆皮銀蘿腸 $28呢個腸粉必點！佢入面係包左蘿蔔絲酥勁好味😍個人覺得正過炸兩好多🤣入面蘿蔔絲勁甜😋-籠仔金銀蒜海蝦飯 $42重口味人士必食！佢個金銀蒜毫不吝嗇咁落成籠飯都鋪滿加埋豉油同蝦個個甜味🥲唔鐘意食飯既小編食左2碗🤣-🌟評分:🏅🏅🏅🏅🏅📍地址: 油麻地彌敦道484號鴻星大廈地舖-#foodieluveat#foodisluveat_hk#foodieluveat_油麻地#foodieluveat_粵菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfo

#搞串個pantry而家越嚟越多新式 #點心舖 🇭🇰，除咗一啲排隊名店之外💃🏻，其實都仲有好多選擇✅。有啲仲要喺正旺區🥳，搭地鐵去都好方便🚇。今次就嚟到一間位於 #油麻地 嘅點心舖🥟，不過我哋今次係飲夜茶🌙。呢度嘅茶位每位$5💰。🐥籠仔金針雲耳雞飯($36)雞飯裏面索咗荷葉嘅香味🍃、豉油嘅鮮甜😋、同埋金針嘅甜味🥳。而且係用大蒸籠，份量都幾多，兩個人食都夠晒飽🫄🏻。🦐晶瑩鮮蝦餃(兩粒)($16)呢個絕對係一大賣點，蝦餃非常飽滿😍，裏面啖都係蝦肉🦐，餡嘅份量真係超級多。🐷原隻蝦燒賣(兩粒)($15)燒賣上面隻蝦都算大隻😛，不過最特別係裏面嘅餡，肉🍖嘅比例偏多，唔會好似外面咁好多粉嘅味道😌。🥕金沙脆皮銀蘿腸($28)最外層係滑挘挘嘅腸粉皮🤩，中間脆卜卜🫦，食到最後都唔會變腍，而入面係蘿蔔嘅綿滑😝，好豐富。🏅醬皇金錢肚($25)醬嘅味道好濃郁😋，同時間唔會太鹹，金錢肚同埋蘿蔔都幾入味😆，而且金錢肚嘅質地夠腍。🖤黑金流沙包($25)賣相好特別，黑色配金色👑配搭好啱影相。入邊嘅流沙偏水狀😋， 有起沙感覺，但係唔會膩。🥬濃湯杞子浸時蔬($20)菜心嘅質地適中，唔會太爛或者太硬☺️。上湯都唔會太過鹹，以

食點心唔洗一定去茶樓嘅。宜家有好多點心店，淨係食點心，一個人去食又得，四個人食又得。今次嚟到呢間點心店，啲食物都幾有特色，而且有啲點心可以叫半份，例如蝦餃燒賣可以叫兩隻，小人食就容易分配啦。炭燒山楂鴨絲包都幾特別，其實味道近似叉燒餐包，但係又會有啲清爽感覺。卡通流心芋蓉包除咗個賣相好得意之外、裏面芋頭餡其實都幾好食。鍾意飲湯嘅朋友呢度啲燉湯其實都唔錯，飲咗個黑蒜螺片燉排骨湯，非常之足料。總括而言，如果想食點心都可以考慮來呢間試吓

今日去開油麻地，順便同媽咪飲啖茶食點心！呢間點心店好光猛，又有卡位，坐得好舒服～我地叫左食點心必叫既蝦餃燒賣，金錢肚，雞扎糯米雞，一個湯同一個糖水～蝦餃燒賣可以叫2粒，岩晒2個人飲茶！蝦餃好大粒，蝦肉好爽口彈牙又大大粒～燒賣又係大大粒，好JUICY！卡通芋泥包好可愛，小朋友黎到一定好鐘意，入面芋泥香甜，又滑～金錢肚入味唔會太咸～雞扎又係好足料，有魚肚同埋大大舊芋頭，所有點心都唔會好油膩，同埋係熱辣辣唔會蒸過龍。個燉湯好大碗，入面都好足料，湯好甜好夠味，而楊支甘露好甜好好味，好多芒果肉～overall 黎講食物質素好好，新鮮熱辣，值得encore ！

收工黎嘆靚點心，呢間價錢貼地，質素同茶樓都有得揮，仲唔收加一👏🏻👉🏻咸水角炸得好脆！隻隻都炸到脹卜卜又唔油，必食推介。👉🏻豉椒蒸排骨好大碟，啖啖肉無咩肥膏，墊底芋頭好粉好正🤤👉🏻蝦餃、燒賣啖啖鮮蝦肉，爽滑彈牙。燒賣都好出色，無咩肥豬肉，仲好多汁。👉🏻金沙脆皮銀蘿腸手切白蘿蔔餡幼條裏左層脆漿，炸得好香好惹味。如果少啲油更好。👉🏻潮州粉果有好多爽口嘅沙葛粒粒同香口花生🥜好啱點辣椒油食。👉🏻薑蔥牛柏葉牛柏葉蒸得好透好稔滑，份量好多有7、8塊，食落唔太咸，忍唔住飲左幾啖湯。

平時多數去開佐敦店 呢日本身喺旺角 所以就近啲過去油麻地分店🥢算係我比較鐘意嘅點心店 CP值高 質素唔會比酒樓低👍🏻ꕥ 蝦餃ꕥ 燒賣蝦餃同燒賣都可以揀要2粒定4粒 實在太好啦☺️因為兩個人食 每樣4粒都會有啲滯 而家咁就啱啱好 兩款嘅蝦都好澎湃 尤其是燒賣上面已經有隻大蝦 好足料ꕥ 黑金流沙包唔知幾時開始 流沙包變咗我係我飲茶必點嘅🫶🏻黑金外形吸引 送到上枱熱辣辣 要放一陣先食得 搣開就見到流心效果強勁 食落奶味同蛋黃味亦好濃郁🟡ꕥ 五香鹹水角ꕥ 沙律明蝦角兩款炸點都唔會覺得油膩 鹹水角外層煙靭 味道啱啱好🥟而明蝦角就皮好脆 入面蝦肉滿滿 點沙律醬一流ꕥ 蜜汁叉燒腸食落幾滑 叉燒都比得足料🐷特別欣賞係佢哋嘅豉油調味均勻 鹹甜兼備ꕥ 籠仔香辣排骨飯好大一籠😂送到嚟時 職員會問咗我哋要唔要豉油先加 夠細心👍🏻雖然係排骨 不過肉都幾多 而且都幾嫩 同埋個辣味都幾突出 唔係嗆喉嗰種死辣 而係惹味嘅香辣🌶️除咗飲茶之外 都有其他飲品order 我哋都叫咗奶茶🥤一個係樽裝 一個係杯裝 我覺得樽裝味道濃郁啲 不過杯裝就可以揀少甜等選項

星期日下午12點幾去到見到長龍，諗住即管試下，本來已經問過搭唔搭枱，已經說明不搭，怎知，叫我們3位入去，原來又是搭枱，那位服務員居然叫我們，不坐，出去"再''排隊，我答：這樣就不吃了。我們是排隊等入來的，為何要我們再排隊，不是叫我們在外面再等等。如此態度，浪費了我們排隊時間。如此服務態度，給一星也是多了， 奈何系統只能給一星，沒有負評。

💪🏻 晶瑩鮮蝦餃 ($32)蝦餃嘅外皮好煙韌😋，好完整，唔會濕淋淋咁好容易整穿個皮，蒸得啱啱好！內裏嘅蝦肉餡都好彈牙，大大隻蝦。💪🏻 黑松露菜苗餃 ($27)菜苗餃嘅外皮都係好煙靭，蔬菜量多（個人比較喜歡🤣），蝦肉都彈牙！個人推介一定要叫侍應比碟辣椒油！佢個辣椒油好香口🤤，椒香突出，食到好鮮嘅辣味，好過癮！💪🏻 懷舊鵪鶉蛋燒賣 ($26)鵪鶉蛋燒賣最怕蒸到隻蛋好老。呢間嘅鵪鶉蛋燒賣蒸得啱啱好，唔會鞋口，而且蛋香味濃😋！燒賣外皮都係煙韌（呢間嘅點心皮整得幾好），內有蝦肉同豬肉。💪🏻 沙律明蝦角 ($28)蝦角炸得好脆身，卜卜聲！內裏嘅蝦肉都好彈牙， 同樣大大隻蝦，配有沙律醬去點。💪🏻 濃湯鮮竹卷 ($19)鮮竹卷嘅腐竹味勁香😋，亦都好滑身。內裏有唐芹等材料，都煮得好淋。上湯都有杞子吊味。💪🏻 黑蒜螺片燉肉排湯 ($38)燉湯嘅配料煮嘅時間好長，所以味都好香！雞腳同其他配料炆得好淋！味道：8.5/10性價比：8/10 食住瘦指數：💪🏻💪🏻/5

宜家飲茶食點心🥧唔一定去茶樓架，出名點心既餐廳———點心到😋就有好多款點心任君選擇😋，點心又唔一定要早上飲茶先食得，夜晚想食點心，今晚就來到油麻地——點心到，真係食過翻尋味啊😗餐牌好多經典點心可以揀，我們兩人份量，點左好多好野食：1. 紅油抄手 $25 小小辣夠惹味2. 黑金流沙包 $25 點心到必食點心流沙包，流沙流心超正喔😋3. 香茜牛肉腸 $25 呢個牛肉腸超嫩滑，好鍾意食喔4. 鮑螺片滑雞粥 $26 粥都煲得好綿好滑5. 蜆蚧鯪魚球 $26 呢個都係我必食之選，超好味鯪魚球6. 燒賣（2粒）$15 燒賣一樣咁好食7. 欖仁榴蓮酥 $30 必食榴槤酥喔，招牌點心另外一提，飲茶飲茶當然係飲啖茶食個包啦茶位$5 位，任飲😛大家鍾意飲茶食點心必來點心到啦。

一向傳統嘅爸爸都喜愛係酒樓飲茶，今日突破下去新派點心餐，呢間都係我第二次嚟，Cp值超高一啲都唔輸蝕俾酒樓，最重要唔使搭枱正整地飲茶🫖🤩🤩🤩🤩🤩✨茶介$5/位✨仲免加一🥟各款點心$16/起🥢龍仔金銀蒜海蝦飯$42呢個水準真係正，超抵食～蒜蓉開邊蝦撈埋一齊食令到啲飯好香🥢蝦燒賣$15可以2粒或4粒點，咁就可以試唔同點心🥢黑松露菜苗餃$27皮薄剔透混合菜及蝦肉質彈牙爽口，清淡健康🥢欖仁榴槤酥$30黃金酥脆，一層層飄香榴槤肉，一食令人榴槤忘返🤤🥢薑蔥牛柏葉$26唔係間間有，牛柏葉好腍，有啲蘿蔔墊底，味道做到懷舊口味🥢沙薑汁燴鮮淮山$22除咗點心都要整返個菜，清淡得來脆口🥢楊枝甘露$20一人一碗甜吓，粒粒西米、芒果、西柚粒好有口感🤤仲有好多可愛點心未試，期待下一次

原隻蝦燒賣~燒賣鮮嫩多汁，表面嘅蝦仁爽滑彈牙。蜆蚧綾魚球 一共有六粒，粒粒都好大粒，皮脆肉厚又夠肉嫩鮮甜，配埋蜆蚧醬，熱熱辣食落去，更加鮮香味十足。金沙脆皮銀蘿腸 外層有軟滑嘅腸粉，中間包住黃金色嘅脆皮，入面就有清甜嘅蘿蔔絲。雖然係素食，但帶有三種不同質感，口感確實豐富。沙律明蝦角~即叫即炸，炸到金黃色，大大件夠飽滿，𥚃面有勁多蝦肉，真係好好食。上海小籠包~ 小籠包皮薄餡靚，薄中帶韌，湯汁濃郁，輕輕一咬就肉汁四溢，所以食嘅時候真係小心會爆汁。籠仔香辣排骨飯~整個排骨飯都充滿着荷葉香氣，份量都真係唔少，排骨肥瘦適中，辣度剛好夠哂惹味。

 說到香港美食非飲茶莫屬，經典手工點心、精美創意小食，歎一盅兩件！ 晶瑩鮮蝦餃大大隻蝦餃，蝦肉爽口彈牙，皮薄且有彈性。原隻蝦燒賣頂層放上原隻蝦仁，半肥瘦豬肉和蝦肉粒粒飽滿，口感扎實。 金沙脆皮銀蘿腸軟滑的腸粉包裹著黃金脆皮油炸鬼，裡面還有清甜的蘿蔔，口感層次豐富。 黑金流沙包黑色加金色的造型搶眼，餡是流質沙沙，軟綿香甜，口感柔軟。 四寶滑雞扎鮮竹包裹着嫩滑雞肉、粉嫩芋頭、蟹柳和吸滿汁液的花膠。黑蒜香氣突出，帶有微微的甘甜，為味覺帶來另一番滋味。 沙薑汁燴鮮淮山淮山爽口，搭配沙薑好惹味。

香港人喜歡食點心，歎一盅兩件，除了去酒樓，還有很多點心店舖選擇，不單價錢優惠，茶芥也相對便宜，有些更不收茶芥和加一，絕對抵食。位於油麻地彌敦道的［點心到］，就是一間又好食又抵食的點心店，點心款式多，每日即製，由上午至晚上都有得食，每樣點心熱辣辣上枱，點心控一定要來試試。《燒賣2粒》$15燒賣可以自選要2粒或4粒，除開價錢是一樣的，這點又比酒樓優勝。燒賣真是香港人的至愛。《鮮竹牛肉球》$21三粒牛肉球又柔軟又彈牙，食得出要人手製作的。叫點心怎能不點炸物？《鮮蝦腐皮卷》$28脆卜卜的腐皮包著鮮蝦，濃淡有致，回味無窮。《香煎蘿蔔糕》$20經典的蘿蔔糕，百吃不厭。《籠仔金針雲耳蒸雞飯》$36大大碟的籠仔蒸雞飯只是36元，雞的份量也多，雞肉嫩滑，非常抵食。《香茜牛肉腸》$25牛肉餡豐富，腸粉皮透薄，滑溜溜，淋上甜豉油，正。《沙薑汁燴鮮淮山》$22除了經典的點心，還有健康的蔬菜，這碟鮮淮山炒西芹，絕對是健康之選。《 黑金流沙包》$25黑金色的表皮軟腍腍，非常吸睛，裡面是熱辣辣的流沙奶皇醬，非常好食。食了咁多點心，每人也不用100元，絕對抵食。

油麻地美食攻略20238月美食攻略糯米雞燉湯牛肉球滑雞飯皮蛋瘦肉粥點心到糯米雞超大隻,充滿荷香,有咸蛋,雞肉,肉碎好多料,加埋滿滿既糯米,好飽呀!燉湯 超足料,鮮甜,雞肉多,好滋補黑松露餃,個皮薄包住蝦肉,爽甜香氣足皮蛋瘦肉粥香綿口感滑,肉絲多,皮蛋多牛肉球夠大球!蒸飯,雞件嫩滑,鮮雞肉,加埋金針雲耳大盤抵食好食#點心到油麻地彌敦道484號鴻星大廈地舖G/F, Hung Hsing Building, 484 Nathan Road, Yau Ma Tei #開心香港 #HAPPYHK

餐廳為新派速食茶點,有兩間分店.餐廳地方不大,但裝修光猛地方乾淨,卡位坐得舒適.食物即叫即蒸,仲有奶茶檸茶叫.點心質素不錯之餘,價錢亦實惠!全日免加一,茶錢$5位,二人飽肚滿足亦不過二百蚊,CP值很高!!🔸晶瑩鮮蝦餃($16/2粒)🔸原隻蝦燒賣($15/2粒)每次飲茶都會有蝦餃同燒賣二選一嘅抉擇😅依到竟可選擇兩粒或四粒,對於二人飲茶非常適合👍🏻既可多心兩種點心都食到亦唔會太飽,而價錢相宜.鮮蝦餃外皮晶瑩有彈性,兩者當中嘅蝦同樣爽口新鮮,內餡肥豬肉半肥瘦,口感剛好🔸燒汁釀茄子($23)🔸沙律明蝦角($28)炸物件件有份量!茄子非常厚身,釀上並無腥味魚肉,香口惹味.沙律明蝦角脆卜卜,內裏包裹大量爽口蝦肉,配上沙律醬更為滋味🔸豉汁蒸鳳爪($21) 🔸潮州粉果($19)鳳爪入味,醬汁唔會過甜或過鹹粉果外皮煙靭軟糯,餡料滿滿🔸金沙脆皮銀蘿腸($28)腸粉皮厚度正常,內裏包住脆脆及微甜蘿蔔粒,外脆內軟而帶有咬口🔸籠仔煎蛋牛肉飯($35)香煎雞蛋旁邊放上一大片牛肉餅,肉質口感良好,加上用籠仔放入荷葉,味道更顯特別