點心到 (廟街)

营业中

休息中

我們很喜歡吃點心，現時開了很多點心店，可讓我們晚上也能享用點心看到這間點心到，環境乾淨，所以就進去了晚市時間，餐廳差不多坐滿客人因為太喜歡吃點心，所以今天來一次放任式點餐沒有看價錢，選自己愛吃的餐廳剛開業，送每人一粒燒賣或蝦餃黑金流沙包 $24奶黃包超流沙，而且十分美，黑色的包配上金色，顯得額外型格原隻蝦燒賣 $14 /2粒因為想吃的東西太多，所以燒賣只點了兩粒，燒賣的上方舖了原隻蝦仁🍤，十分爽口，而且整粒燒賣都好像有蝦的味道金沙脆皮銀蘿腸 $23腸粉內包著脆卜卜的皮，咬下去吃到裡面的蘿蔔餡料籠仔金銀蒜海蝦飯 $36籠仔飯除了賣相較特別外，其實也份外好吃😋飯與海蝦一同蒸過，令整個飯充滿蝦味有兩款燉湯選擇：沙參玉竹燉土雞 $30黑蒜螺片燉肉排 $34茶錢 6元 一位總結：我們沒理價錢而點愛吃的東西之下，兩人賣單都只是$196超抵！一定會再回來吃～

早幾日經過佐敦， 見到呢間點心店試業中， 就諗住去試吓啦！可能因為即叫即整的關係，都需要等待一段時間先可以有食物出， 確實！一籠點心都是熱辣辣！即叫即蒸！平時飲茶必要的都點了，例如蝦餃燒賣、令我喜出望外的是金沙脆皮銀蘿腸， 腸粉整得非常非常滑，入面脆卜卜、好特別！初頭我以為係油炸鬼，原來唔係， 依家啲脆皮瓜， 我第一次食呢個！真心值得推介俾大家另一樣必點的是沙參肉粥燉土雞，個燉湯非常足料！有好多配料！ 味道非常好味！ 很有家的感覺！我哋叫到全枱嘢食、埋單都係二百幾！ 真心覺得抵！他們的價錢都是$2x左右，最貴都係個湯咋！都只係$30！出面閑閑哋一個燉湯都要$50-$60啦！師傅非常用心製作！每道點心都整得好好！好食過啲xxx大酒樓回頭率極高的點心餐廳#點心到

肥妹妹返咗嚟香港咁耐，但都未飲過茶所以佢走以前帶佢去飲茶，滿足下佢啦！冇點到飯類，專食點心。腸粉皮很薄很滑夾住左的油炸鬼，同清甜嘅白蘿蔔口感好有層次。蝦餃係試業期間免費送。蝦餃皮薄彈牙，蝦肉都是爽口新鮮，不同於大型酒樓嘅工廠製造真係食得出係手工。黑松露餃都好好食比蝦餃仲多咗一層菇味真係齒頰留香，仲有黑松露都算俾多足。黑金流沙包食嘅時候要用筷子，如果唔係隻手會黐到金粉，同埋佢嘅流心效果好強勁，係爆汁咁！湯係真係老火湯，依個價錢來講10分抵飲。原隻蝦燒賣都好好味，好足料；仲可以兩粒咁叫 沙律明蝦角，細細隻，剛好一口一隻仲未夠喉，所以想加點點心同甜品。不過好可惜，原來榴槤食品係暫時未有，想食的黑天鵝榴槤酥要留返下次食啦！鮮蝦腐皮卷都好好味，外皮炸都好鬆脆，入面嘅蝦亦都好新鮮。薑蔥牛柏葉，好入味亦都好爽口，墊底嘅蘿蔔亦都好甜。環境乾淨企理，服務都好親切，反應又夠快。重點好抵食，仲要係即叫即做既手工點心，正！

佐敦廟街冇咁雜，行過發現新開咗間點心店，光猛舒適，見個餐牌唔係太貴就入去試吓「燒汁鑲茄子」大大件茄子上邊加咗手打魚肉似乎仲加咗少少墨魚肉落去好彈牙爽口「晶莹鲜虾饺」蝦餃有四粒裝同兩粒裝佢個痞冇平時酒樓嗰啲咁晶凝通透但係裏面個餡就好實在啲蝦都好新鮮「牛肉腸粉」腸粉都幾滑裏面嘅牛肉味道都幾鮮「金錢肚」唔似平時酒樓嗰啲咁深橙色，金錢肚已經好淋，醬汁嘅味道亦都足夠又唔會太咸「黑蒜螺片燉肉排」依個燉湯有一整粒黑蒜頭喺裏面，所以有少少藥材香甜，裏面嘅肉排都有好多件，仲有隻雞腳起裏面，有好多料「沙薑汁燴鮮淮山」想食得健康啲就叫咗依道菜，佢一上枱見到白雪雪以為會冇味道，點知原來砂礓汁已經入晒淮山度但係又唔會好甜「鵪春蛋燒賣」傳統點心，唔係間間舖都有做，鵪鶉蛋坐咗起粒燒賣上邊大大粒。鮑汁雞腳，雞腳夠林，鮑魚汁味濃，仲有啲花生起底依度主打香港製造嘅點心價錢唔算太貴亦都覺得佢幾新鮮。

今日同bb去完九龍公園游水🐳🐳行咗去呢一間廟街嘅點心舖其實即係龍堡酒店隔離已經唔係佐敦係尖沙咀🖐間舖頭開咗兩三個星期裝修好四正又光猛最緊要我仲見到wi-fi㖭💛不過要等位 好在時間尚早我都係等咗十分鐘左右😋我日日都捐窿捐罅搵嘢食呢間幾乎係我成個七月食過最好食嘅一間🙊🙉🙈最黐線係價錢居然唔貴甚至可以講好平更痴線嘅係 真心好好食囉😭😭.🤩🤩🤩大佬級好食❤️蜜汁叉燒腸 $23雖然我幅圖影得好核突但其實真係勁好食皮超薄 可以睇到近乎透明表示咗入面有好多叉燒🤤🤤基本上係啖啖肉 超好味超好味🤭而家已經好少食肆可以做到個皮係咁樣🤭好味都算啦 仲要咁平我真係搵唔到任何文字可以形容我嘅心情😲🧡黑金流沙包 $24個樣有啲普通 我衰貪心大大力咬落去 結果出事成身都係😂包皮其實好薄 入面全部都係流沙奶皇🧀好香蛋黃味又滑 熱辣辣💦💧不過講真 好肥 一人一個啱啱好🤓💛椰絲芒香芒卷 $24芒果勁大粒新鮮多汁又甜出面米皮用芒果汁整 甜甜地椰絲唔係用平椰絲係用粗粒嘢先 豐富口感凍食唔會黐立立 十個like👍👍💚沙律明蝦角 $26睇上去有啲似炸餃子但入面全部都係蝦肉啲沙律其實係另外一隻碟畀你點嘅 老實講唔使沙律醬都夠😚因為

平時番工都無時間去飲茶, 星期六日又多人又貴, 早幾日行過見到依間點心到新開張, 今晚就黎飲個夜茶門面幾靚仔, 我成9點先到都竟然有9成滿座, 我諗早少少黎都要排隊入~裝修簡約得黎企理, 牆身大大隻字睇到有咩點心食, 又幾得意~點心都好多款式, 仲有蒸飯燉湯, 另外menu後面仲有甜品黑金流沙包竹炭包比一般普通蒸包更有口感, 流沙效果不錯, 奶黃味道好沙參肉竹燉土雞燉湯係我至愛, 依個湯非常清甜又熱辣辣, 而且飲落唔似有味精, 見佢d湯料都好足, 應該係真材實料煲出黎推介晶瑩鮮蝦餃本身叫左兩隻蝦餃, 落單時店員話新開張每人送一粒蝦餃或者燒賣, 太好啦❤哩個蝦餃唔止入面足料, 連個蝦餃皮都好好味, 略帶煙韌又香, 真係出色原隻蝦燒賣咁我地就叫埋兩粒燒賣試下啦, 好大隻既蝦係面頭, 而家出面食燒賣多數都係幾粒蟹子裝飾下, 依度d點心都幾有誠意喎金沙脆皮銀蘿腸見佢有個推薦圖係度就即管試下, 唔會淋badbad既腸粉皮入面包住一層脆既類似米網既野, 再入面係白蘿蔔絲, 多重口感而且蘿蔔好甜, 仲有少少芹菜令味道更加香籠仔金銀蒜海蝦飯依個飯上枱既時候, 第一下反應係: 哇, 好抵喎❗只係36蚊,

After our studying session in a cafe, we are strolling around searching for dinner for today. Luckily, we found a new chinese dim sum restaurant which opened recently and they offer some creative and looking delicious dim sum! We gave it a try and walked in, the staffs greeted us nicely and offered us a spacious seats. it looks like they have put effort in creativity and provide a different vision to drive more customers. the menu has a wide of selection of dim sum to pick, the manager kindly su

點心食得多，但平時都會在早晨時食，這次就選擇了在晚上和朋友一同分享。這裏位處於佐敦，距離地鐵站約5分鐘路程。想不到晚上 也會有這麼多人慕名而來吃點心，難道這裏真的這樣優質？燒賣和出面的酒樓 有很大分別， 口感比較紮實， 不像外面的有過多肥豬肉， 而放在燒賣上的鮮蝦 也十分新鮮。金錢肚非常入味， 可見店家在醬汁用料上十分講究。另外點了沙參玉竹 豬骨燉湯， 飲得出火喉十足， 湯底色澤清澈， 但卻味道十足， 是一流燉湯。最後還點了一客椰絲香芒卷， 想不到在點心店也吃到這樣美味的甜品， 少少甜， 口感煙煙靭靭。

我係附近返工見到新開點心店 想去試下Staff 都當我地係街坊咁樣招呼我哋都覺得好窩心❤️一見到門口佢哋嘅裝修都好新淨入面好光猛 心情都特別好有一位男staff 仲主動咁樣推介我哋要食啲咩嘅點心係佢哋嘅招牌菜見到我同朋友係兩個女仔所以佢都主動叫我地叫多啲點心先 蒸飯就最後先嗌首先一個好特別外觀嘅包 見到佢外表係黑蚊蚊上面做好金碧輝煌畫左兩畫 先知入邊原來係流沙包!! 打卡必備佢入面既餡好濃蛋黃味而且甜甜地 熱辣辣食好過隱我朋友因為好鍾意食芋頭 所以嗌左個芋泥包入面係一d 精緻既芋泥餡 甜甜地加埋出面嘅佢仲整咗啲表情上去 生咗小朋友都會好鍾意食至於蝦餃同燒賣佢用咗新鮮嘅肉再加埋好多嘅蝦 蒸出黎新鮮之餘 仲啖啖肉 之後呢我哋就要左個燒汁釀茄子茄子嘅上方會有一舊蝦膠將茄子煎到淋身再淋甜甜地嘅燒汁真係好好味!!至於鳳爪都好入味 係舊式酒樓嘅風味我哋嗌咗一個蒸飯相信份量三至四個人食都夠而且最覺得抵讚嘅係佢嘅蒸飯係即嗌即蒸肉類嘅汁就會鎖死係飯入邊!!!好好食呢個價錢完全估唔到at last 佢又推薦我哋食佢嘅甜品係芒果糯米糍芒果又甜又大件而且糯米夠依依銀銀好啱小朋友食呢間點心店裝修光猛而且坐落去夠闊

上完瑜珈，見有啲肚餓，就同朋友係油麻地廟街附近搵食😋行行下，見到有間新式裝潢設計，貌似新開既點心鋪，中意試新野既我地，緊係要幫襯一下😁入到去，見到枱面既枱紙公開左答案，果然7月13日隆重開業👏🏻最開心既係，開業優惠係: 讚好同分享Facebook 專頁，可以免茶芥。仲有新張期間到店消費，會送原隻蝦燒賣或者晶瑩鮮蝦餃見到餐牌，有些點心的名稱都比較新派，比傳統多了份創意。另外，吾止有點心，仲有湯類同甜品，一次過滿足曬吾同客人既需要。我地叫左以下食物: 籠仔鳳爪排骨飯份量超大，因為用荷葉放底蒸，令到每粒飯都充滿了荷葉香。而且蒸既時間剛好，飯既軟硬度適中。鳳爪排骨都非常入味。適合兩位share, 一位吃的話，就會飽左吃吾落其他野😂黑金流沙包超超超好味，一定要趁熱吃，但小心燙手同口🤣外表望落十分高貴, 令人涶涎三呎。一打開，係流心的！食落有點竹炭香味。應該呢個係招牌點心，只見其他食客想Order, 已經極速沽清了，心入面慶幸自己食到😁豉汁蒸鳳爪食落有小小辣辣地，但非常好味。鳳爪蒸得夠稔夠入味，啲骨都好易甩出來。金沙脆皮銀蘿腸呢個非常值得推介！整碟腸粉有創意同有口感。腸粉外皮滑，中間一層脆脆的，包

今晚係油麻地上堂，約咗朋友係附近食飯～經過呢間點心舖，比佢簡潔明亮既裝修吸引住，入黎試試我們一共點了4個點心，一個湯和一個蒸飯～呢度d點心係即點即蒸，新鮮好味「沙津明蝦角」好香脆，入面有原隻鮮蝦，配上沙津醬食一流～「黑金流沙包」一黎到真係哇一聲超eyecatching! 一啖咬開個包，香甜既奶黃流沙湧出黎～ 新鮮熱辣～正！「金沙脆皮銀蘿腸」係店主推介，我地落單初時依為係蒸腸粉 點知上菜後，一食落驚為天人，佢係一層脆皮包住白蘿蔔絲，最外層再捲上一層腸粉皮脆皮食落卜卜脆，蘿蔔絲又淋又入味，如果大家點呢個點心記得一定要襯熱食，唔係個脆皮就會淋了～「黑蒜螺片燉肉湯」又係另一個必試好物 燉湯好足料，味濃又鮮甜，有准山，雞腳，豬肉，螺片，黑蒜～燒賣大大粒，上面嘅鮮蝦好鮮甜，豬肉夠彈牙最後呢個「籠仔金銀蒜海蝦飯」超抵食，咁大籠蒸飯都只係$36 海蝦切半放上飯面一齊蒸，數量唔少，大約有七、八件，蒸飯吸收晒海蝦嘅鮮甜，配上香蔥一齊蒸，非常鮮味

我係佐敦個頭上完堂，等埋老公放工食晚飯，周圍行下尋覓一下有咩新餐廳。經過見到呢間新開點心舖頭，原來先剛剛開業左幾日，現階段仲係試業期間，但現場已經不乏食客。店內裝修簡約，環境明亮，而且坐得舒服，唔會好迫。新開業期間有優惠喔！餐牌上嘅點心選擇非常多呀，包羅萬有！老闆非常友善，為我地介紹幾款點心佢特別推薦，係必食之選，而且佢話所有點心都係即叫即整，所以要耐心等候。對於我嚟講無食過蝦餃燒賣即係等於無飲過茶！蝦餃燒賣係必食！但平時一籠4件，如果得2個人食，仲要叫2籠就食唔到其他野，但呢到完全無呢問題，提供2件或4件選擇！蝦餃係大推薦呀！非常高水準！比起一般係酒樓食到嘅質素高。我好欣賞佢個皮做得好好，完全唔會好削一夾就爛，有彈性得嚟又有咬口，蝦大隻爽口不在話下啦。燒賣淨睇賣相都知相當唔錯，大大隻蝦仁呀金沙脆皮銀蘿腸呢一個亦好好食，入面脆網非常香脆，就算淋左豉油，亦無減佢嘅香脆度，蘿蔔粗絲香甜，腸粉皮滑又薄，整體做得相當唔錯！炸鮮蝦腐皮卷蝦仁貫徹始終大粒爽口彈牙，新鮮炸起，非常酥脆，食到舔舔脷！籠仔金銀蒜海蝦飯當初以為3x蚊一個飯，份量一定唔會好大，但嚟到原來份量十足！老公讚呢個飯好好食，飯吸左蝦

新店開張，見價錢吾貴，抱住一試無妨既心態，點知我叫既點心整體都係好味既！非常值得推介！店舖前身係Sense，Sense搬左去澳牛對面。以前Sense系開放式茶水間，坐位非常寬敞，而家點心到可能因為需要更大的廚房，所以坐位不算多，舒適度都還可以。不過最緊要係點心好味，服務態度都非常好，感覺很親切！
由於新開張，每人送一粒燒賣/蝦餃，另外like facebook 專頁仲可以免茶介。全店最可愛點心應該系呢個卡通流心芋蓉包。有外表亦有內涵，芋蓉味道易入口，味道不會太濃，都啱小朋友食。跟著推介抵食既籠仔金銀蒜海蝦飯❤️ $36好抵食。黑蒜螺片焞肉排湯，湯都足料，好想飲多d。其他點心都系唔錯既。⭐️Man Man 評語⭐️
係佐敦飲茶好難搵好味既，點心到價錢親民又高質！黎開佐敦一定要過黎試下！