點心到 (廟街)

营业中

休息中

在佐敦看到一間新式的點心店，沒有茶樓的老土味，就和朋友進去試試。店內環境很新，應該是新開張不久，裝飾有少少懷舊風味，幾有趣。點了卡通流心芋蓉包，有三個可愛臉孔，分別是開心，無奈及不開心😂十分攪笑，裏面的芋蓉料都算多，芋蓉味濃，比較偏甜，喜愛甜食的女孩子應該會喜歡💕又點了個籠仔鳯爪排骨飯，飯味幾香，荷葉的香味和排骨的肥油進入了飯内，不錯👍🏻又點了個小食-燒汁釀虎皮椒，紅椒很香辣，喜歡辣的朋友會喜歡。總結環境不錯，食物ok，是新式的吃點心店

晚餐.其實我也很喜歡吃中式點心尤其是腸粉 燒賣 和 包類但不太喜歡茶樓的嘈雜環境所以現在想吃點心的話都會比較多去較新式的點心餐廳.1) 卡通流心芋蓉包 $18造型好可愛而且不是只有外表沒有內涵味道也很不錯暖暖甜甜的流心芋蓉吃起來味道有點像在吃西米露.2) 原隻蝦燒賣 $14原隻蝦爽脆又大隻燒賣果然是我最愛的點心之一.3) 晶瑩鮮蝦餃 $15皮略嫌有點厚看起來沒有很晶瑩但味道還是不錯的.4) 金沙脆皮銀蘿腸 $23有點像炸兩腸粉皮內包著點脆脆的炸皮口感不錯不過就多了點芹菜類的濃味配料.5) 籠仔鳳爪排骨飯 $32看起來很大但其實籠是很淺的不過飯也有兩三碗的份量足夠二至三人分享.6) 椰絲香芒卷 $24其實芒果很香皮也很煙韌但椰絲有點太多蓋過了主角的味道.吃了這麼多才$120多算是很便宜了

又到星期六 梗係去同屋企人食點心 一於嚟呢間專門食點心嘅點心專門店呢度環境唔錯 侍應態度好好坐低到之後就睇下點心有咩好食我哋兩個人分別叫咗黑松露菜苗餃 皮薄餡靚 黑松露味道突出 可以一試蜜汁叉燒腸 一盒六件 大大件 叉燒不太肥 香煎蘿蔔糕 賣相精美 煎得啱啱好蘿蔔落得夠多 不會太過粉上海小籠包 有三件 食落去係會有汁流出黎 大力推薦濃湯鮮竹卷 這個感覺比較一般了少許 不是太多餡 最後食返碗粥清清腸胃 叫咗個螺片滑雞粥 雞肉下得夠多 粥底綿滑 夠晒火候總括來講 每人差不多$60嘅價錢食到咁多點心 質素亦都不錯 可謂性價比甚高

係佐敦做完按摩肚餓 即係搵下有咩吃咁岩係Facebook 見到有朋友吃完 點心都幾令仔就試下 見到有最愛既流沙包梗係試下啦來到我枱熱辣辣 出緊煙 證明即叫即蒸吃要小心 因為入面流沙奶黃 驚辣親呢個係沙蔘玉竹燉土雞好鮮甜 同埋冇咩油 因為雞湯通常都好多油入口清甜 同埋可以滋潤一下呢個係 牛肉腸 腸粉皮好薄 又滑 呢個推薦薄到可以睇到d牛肉

真係唔經過呢頭都唔知原來呢度有咁多間餐廳而當中呢間點心店門面睇到裝修好光猛而晚上六點已經有唔少人食緊所以就抱着羊群心態嘅情況之下黎試吓😂😂點心方面款式都好多選擇～～～叉燒包$18，好多涵🤤🤤下次試埋佢地個奶皇包-控油抄手$22抄手嘅皮，薄個醬汁好惹味唔錯👍🏻份量比預期多牛肉腸粉 $23鹹水角$18 炸得好香口上枱時熱辣辣仲有好傳統嘅鵪鶉蛋燒賣呢個糯米雞足料同大隻得黎，出奇地相比平時食既唔油！一d都唔油膩😍😍😍😍 呢個飲茶既環境唔錯，店員都好主動加茶晚餐兩個人平均除翻開一人六十幾蚊真係超值🥰🥰

這間食店是新裝修，內裏很乾淨，晚上來這區也試試這間食店，入去看看餐牌，有數款蒸飯及多款點心可提供，我們一行三人點了三款不同的蒸飯，有蒸雞飯、牛肉飯、蝦飯，來的時候看了這大籠也感到滿足，蒸飯底下有荷葉承托，所以單看賣相已很吸引，而且每種飯來的時候揭開籠蓋也是香噴噴的，而且也很夠熱，吃下去原來分量只屬一般，不過材料和味道也不錯，先談談雞飯，雞很滑，份量也可以接受牛肉飯，牛肉很薄，味道也可以的蒸蝦飯，這個配合蒜蓉蒸蝦，來的時候香氣撲鼻，不過份量只有五隻蝦，但是價錢十分超值。釀青椒，這個也很好味，不過不嘗辣的你就不可試釀茄子：三件大大粒，分量足夠，味道尚可，不會太油膩上湯浸油菜，份量及價錢的比例可接受總括來說，這間小店性價比很高，有興趣可來試試

近月油尖旺區每星期也有大型示威生，如果非必要都唔想過去佐敦區。估不到星期六晚上這區都靜成咁，不止遊客小； 港人也不多。 和友人交收後，朋友提意不如一齊食餐飯， 我當然奉陪。臨近旁晚順便找開飯地方，行到去佐敦廟街見到一間點心店 「點心到」 裝修設計簡潔，夠光猛。正想在研究有什麼點心選擇之時，店員告知有幾款套餐選擇奉陪，時間尚早的黃昏， 友人帶我到位於佐敦廟街 店內客人不多， 以遊客居多， 而內裡面積也不小，樓底高感覺夠寛敞。 店員為我們加茶後 (沒有茶葉選擇)， 建議我們可以選擇二人套餐                                                                                            點心套餐$134有五款點心、一寵蒸飯， 大家唔使用腦同真心平這兩大條件下， 一於選套餐。 所以點心也火速上枱 晶瑩鮮蝦餃（兩粒）蝦餃外皮煙靱，蝦肉彈牙，爽口，不俗。「金沙脆皮銀蘿腸」是炸兩的變種，將腸粉皮包著薄油炸鬼皮，以蘿蔔絲、西芹作餡，層次相當豐富，蘿蔔夠軟稔香甜，吃時蘸小量甜豉油令味道更鮮香。從不吃青椒的我將整碟「燒汁

早前在佐敦接朋友放工後，時間都較晚，便到附近搵食。看到有間點心店剛剛開業，便一嚐晚上飲茶的風味。因為新店開業，每人可獲送一粒蝦餃或燒賣👍店員亦會主動推介招牌點心及解釋點心做法，讚👍——————————🔸 黑蒜螺片燉肉排湯 $34湯用上整個黑蒜，所以湯偏深色，味道很濃，還帶有甜甜的蒜味，一飲就知很滋補，對於生活忙碌的人，這個湯是個不錯之選~🔸 鮑螺片滑雞粥 $24店家煮這個粥火侯剛剛好，不會煮得太綿，雞肉有六丶七件，每件都很滑嫩，螺片彈牙易咬，小朋友都啱食☺🔹 金沙脆皮銀蘿腸 $23腸粉皮又薄又滑，內層的蘿白絲酥很鬆脆，很喜歡這種外軟內脆的感覺😍🔸 晶瑩鮮蝦餃2粒 $15蝦餃皮很簿，蝦肉飽滿及鮮甜，不錯👍🏼🔹 原隻蝦燒賣2粒 $14原隻鮮蝦配上豬肉及冬菇，大大粒又彈牙，與酒樓的質素相若！🔹 黑金流沙包 $24黑金的外皮非常吸睛，一咬開就知很鬆軟，內含的蛋黃隨之傾瀉而出，邪惡極了😈🔹 豐料糯米雞 $26糯米雞很足料，有叉燒，雞肉，肉碎等等，味道與酒樓差不多，兩個人分黎食就剛剛好，抵食之選👍🔸 沙律明蝦角 $26金黃色的外皮很香脆，蝦肉與蝦餃一樣很飽滿，喜歡食香口嘢的朋友就唔好錯過喇～🔸 醬

佐敦你條街都好多嘢食，行過見到有一間新開嘅點心鋪，就同媽咪嚟食下😳環境光猛，而且唔貴！重點係店員服務態度好好，可能開張無耐，佢哋都好主動問嘢食質素如何。⭐️金沙脆皮銀蘿腸呢個係最推介，腸粉夠滑，入面包住蘿蔔絲酥，重點係入面依然脆皮，10分抵讚，因為好多時候出去食呢個腸粉嘅時候唔知點解入邊都會變淋，就會唔好食，呢個keep到⭐️卡通流心芋蓉包每個包都有唔同表情，好可愛，打卡一流，芋蓉軟綿綿，麵包軟硬程度適中⭐️鮑汁鳳爪睇啲色都知道夠入味，不過我個人覺得可以溫度高少少，因為鳳爪凍左會冇咁淋⭐️燒賣大大粒蝦仁，2個人尼食2粒啱啱好，咁就可以試多啲唔同點心！⭐️香煎蘿蔔糕正常發揮，蘿蔔夠多⭐️鮮蝦腐皮卷外皮打得夠脆，而入邊都好足料⭐️椰絲香芒卷外面係類似糯米糍嘅皮，煙煙韌韌，入邊包住一大舊芒果，用來做飯後甜品就最適合不過

佐敦呢面好少點心店 呢間新開張嘅點心店 環境好光猛 標榜唔收加一本地創作 原料全部都來自香港 試過幾樣點心真心好食 特別係叉燒腸 皮薄餡多又夠滑 超抵讚 叉燒包 都好好味 蠔油叉燒汁加啖啖肉叉燒 勁香 牛肉球 牛肉同豬肉比例九比一 好香牛肉 夠彈牙 超正 食咗十幾碟嘢 二百蚊左右 四個人都夠食 超值

佐敦食店一間開完又一間，所以一有新店開，都會吸引同事去試，今天一行三人，來這裡吃點心就最恰當，原因多款點心都是一籠有三件。蝦餃~新張期，每人送一粒蝦餃或燒賣。由於試食，覺得特別好食。潮州粉果~皮未算薄，但那配角辣椒油令這粉果增加不少分數。金沙脆皮銀蘿腸~新鮮做出來，腸粉皮夠滑，這款點心可算是蘿蔔絲酥和腸粉的化身，筆者很喜歡內脆外軟的口感，值得推介。金粟花姿餅~花姿餅夠彈牙，油夠新鮮，吸引薑蔥牛柏葉~有𡁻頭，夠入味。醬皇金錢肚~和牛柏葉一樣出色。籠仔金汁雲耳蒸雞飯~$32有這份量，抵食之選，見很多鄰座，一支公點一個飯作午餐。黑金流沙包~甜度適中，夠流沙，唯獨質感太腍。整體來說:由於新店，每位店員都很落力，熱情招待，店長不時詢問食客意見，茶錢每位$3 , 如結賬時在Facebook 專頁內按”讚” 的話，可免茶錢，另外沒有任何醬芥收費，而且免加一，中午飯市時段，唔需要有嘆茶的感覺，只著重吃點心的話，這裡算是一個好選擇。

之前一直好想試呢d新式既點心餐廳，今日終於試到。極力推薦想食點心，但又唔想去酒樓又嘈又逼，一定要試試佢!!!卡通流心芋蓉包($18)香軟，可愛又抵食!<推薦>燒汁釀茄子($22)茄子煮到好淋，所以入哂味!香莤牛肉腸($23)腸粉好滑，牛肉好香!<推薦>鮑汁鳳爪($24)一定要試呢樣!同酒樓既好唔同，呢款係硬身d，再加上鮑魚汁好鮮味，好食到停唔到口!!原隻蝦燒賣($14)燒賣係酒樓必點，蝦肉鮮味彈牙!而且可以因應需要order兩粒或四粒都ok<推薦>蝦餃($15)平時酒樓我最中意係食蝦餃，呢度既蝦餃我都好滿意小籠包($24)先吸左D湯再食好正椰絲香芒卷($24)最後叫番個甜品

Boyfriend and I were at Mira and wondering what to eat when we decided ... no mall food. We decided to walk a few minute to Jordan and see what was there to eat when we came across 點心到 (English name: Dim Sum Here). A  brightly lit place serving dim sum all day long. It was new and there seemed to be a good number of other curious diners as well.Decor was very modern but seating was very cramped. You are literally squeezed into each seat.Menu is in English and Chinese. There is no 10% service cha

星期六之尋找小店大行動佐敦區早上10點左右，好多鋪頭都未開，但係又唔想食茶餐廳。行過見到間新開嘅點心鋪，話手造點心，同埋入邊都好似幾多人咁，再睇埋個價錢牌，好似好抵食，於是今個星期六就是食呢間點心啦Menu嘅點心種類好多，有好多種嘅點心都係新式嘅點心，唔使好似酒樓食黎食去都係嗰幾味鮮蝦燒賣原隻鮮蝦配彈牙豬肉加少少冬菇，價錢咁平仲做到咁既質數，真心讚，希望唔會好快加價黑蒜螺片燉肉排$34食到燉湯，仲要夠足料，一個燉盅有雞腳,整粒黑蒜,排骨,螺片,淮山沙律明蝦角呢間鋪頭d蝦真係好鬼正，樣樣點心都原隻鮮蝦上，加埋佢係用蝦膠圍著成隻蝦再黎去炸，好味道三絲鮮蝦春卷春卷皮薄+脆，裡面既餡料好特別，包括有一般嘅紅蘿蔔絲，仲加左白蘿蔔條(細條)同芋頭蓉，口感好新鮮同特別，與一般春卷唔同黑金流沙包超超超超超級讚賞呢個流沙包，睇相都知道流沙好正，一咬落去啖啖汁，另外佢個汁係有一粒粒鹹蛋黃，雖然細細粒，但口感一流，100分推薦。晶瑩鮮蝦餃蝦餃係抵食之選，皮夠薄，餡料十足，大大隻蝦。豉椒蒸排骨依家啲排骨賣到好貴，雖然都估到可能係冰鮮排骨，但佢醃左之後又覺得好好味，食唔出雪味之餘，好有港式點心嘅神祽，$19蚊咁

見呢間點心店新開張, 入面又幾光猛乾淨, 就同媽媽黎試下!點心幾多選擇, 價錢合理!黑蒜螺片燉肉排, 呢個燉湯有驚喜好足料, 黑蒜呢個食材平時比較少食到, 個湯好入味, 媽媽都話讚!!黑金流沙包, present得好靚, 個包望落好飽滿而裡面真係超級流沙(即使放凍左都一樣), 絕對做得出色過出面d大酒樓價錢又平民d!韭黃鮮蝦腸, 腸粉皮一d都唔厚而且好滑!! 鵪春蛋燒賣, 唔係咁多地方食到呢d懷舊點心, 而呢間仲要係整得好食嘅!! 其他嘅點心都相當有質素, 兩個人食左8籠點心, 每人都係一百蚊鬆d, 抵!!!