點心到 (廟街)

营业中

休息中

好鐘意去呢啲新式既點心食店，點心既款式夠多夠新穎，而且好方便今次黎到呢間點心到，每位茶錢只係3蚊，好平🤩，而且某啲點心仲可以揀兩粒定四粒，唔怕份量太多，可以再試多幾款😋1️⃣晶瑩鮮蝦餃 （2粒）（$15）2️⃣原隻蝦燒賣（2粒）（$15）3️⃣黑松露菜苗餃 （$26）4️⃣燒汁釀茄子 （$23）5️⃣黑金流沙包（$25）6️⃣楊枝金露（$20）7️⃣金沙脆皮銀蘿腸（$26）佢呢度既蝦真係好大隻好爽口，尤其是燒賣都有原隻蝦好爽😍小編最鐘意佢個燒汁釀茄子，上面既魚肉炸得好脆，下面既茄子又夠稔夠入味，成個配搭好好另外黑金流沙包都好鐘意，佢size比一般酒樓既流沙包細少少，一個人食都唔怕太大件，一咬落去入面超流心，蛋黃味好重😋金沙脆皮銀蘿腸同黑松露菜苗餃小編就第一次試，前者我覺得有少少似炸両，咬落去好脆口，食落都幾特別👍🏻

今日我呢個點心控去到呢間“點心到”試下先，見到“新鮮出籠”呢四個字更係心心眼啦😍點心款式都幾多選擇架，而且價錢都幾抵食☺️叫左個推介點心：金沙脆皮銀羅腸見到個名都好好奇究竟係咩嚟😂嘩，腸粉超熱上枱😍而且腸粉皮非常細滑，咬落去原來有脆卜卜既 油炸鬼中間再包住爽脆蘿蔔絲， 令到成嚿腸粉食落有幾種唔同既咬口，口感勁豐富，好好味🤤食點心我一定會叫燒賣，呢間好好可以俾客人選擇四粒或兩粒，岩就岩曬我呢啲眼闊肚窄但又咩都想食下嘅客人😋燒賣大粒，蝦又大隻，食落彈牙😜濃湯鮮竹卷有成半碗濃湯既份量，浸住滑溜溜既腐皮，索曬啲濃湯，入曬味😋我仲飲埋個濃湯添囉🤣最後食埋個甜品。。。榴槤雪媚娘擺盤設計襯曬色咁款，仲要用金色托起個主角🤣真係有種簡單而隆重嘅儀式感。。我喜歡😍大大粒軟綿綿🤤咬落去榴槤肉勁香，而且啲CREAM做到滑溜細緻，簡直係為呢餐作一個完美既句號❤️❤️今次係食得開心，因為食物水準真係唔錯，最緊要係佢樣樣都夠熱，而家份量一定足夠，價錢又合理，😎😎下次再去食過先😉😉

📍 餐廳：點心到 (佐敦)地址：佐敦廟街286-298號華志大廈地下6-8號舖之前去開旺角嗰間，估唔到佐敦呢頭都有分店，質素一樣咁好，價錢仲平少少添👍👍👍1️⃣晶瑩鮮蝦餃(2粒) $152️⃣原隻蝦燒賣(2粒) $15蝦餃同燒賣都可以兩粒咁叫，蝦夠大隻，而且爽口彈牙，認真抵食。3️⃣濃湯鮮竹卷 $18鮮竹卷同平時食開嘅有少少分別，濃湯底好鮮甜，鮮竹卷完全吸收晒濃湯嘅鮮味。4️⃣鮮竹牛肉球 $19 牛肉球好大粒，牛味重，口感嫩滑。5️⃣潮州粉果 $19晶瑩剔透，餡料豐富，真材實料。6️⃣金沙脆皮銀蘿腸 $26超鍾意食呢個，中間有好多清甜嘅蘿蔔絲，外層用新鮮即炸嘅油炸鬼包住，食落非常香脆。7️⃣籠仔鳳爪排骨飯 $32好大籠嘅籠仔蒸飯，荷葉嘅香氣完全滲透響米飯入面，表面鋪滿鳳爪同排骨，份量十足。8️⃣茶芥 $3/位

平時已經很喜歡喝茶，🍵今天晚上和朋友一起喝茶做dinner，選擇很豐富，🥰我們叫了幾款，😙都覺得很好吃。作為鹹蛋黃控的我，🤓當然要叫黑金流沙包，表面採用食用碳已經很華麗，😎上面的金箔更顯高貴，🥢裡面的流沙餡料，鹹香之餘又不會太過甜，味道剛剛好。😫經典的鳳爪排骨也值得一試，應該是餐廳自己做，所以很地道，🤤醬料也很香很入味。另外他們的糯米雞也不錯，🐤份量很大，非常多料。🫓腸粉應該自己拉，所以更加有口感，很香的米味，入口很好。🥘金錢肚有咖喱味，吃下去也非常爽口。

平安夜唔係食西餐，係去左飲茶食點心✨點心到✨$3 一個茶位食飽飽就由佐敦行去尖沙咀🌈晶瑩鮮蝦餃🌈原隻蝦燒賣🌈蜜汁叉燒腸🌈香茜牛肉腸🌈豉汁蒸鳳爪🌈鮮竹牛肉球🌈四寶滑雞扎❤️卡通流心芋蓉包包包好cute，芋蓉微微甜。❤️沙律明蝦角岩岩炸起，上枱係熱辣辣，好香脆。入面大大隻蝦❤️蜆蚧鯪魚球蜆蚧有少少辣，食落好惹味。❤️懷舊臘味糯米包真係唔知幾耐未見過糯米包，糯米包包住糯米糯米粒粒分明，好足料。

奶黃流沙包包我喜歡.特色卡通包包更喜歡.奶黃流沙包.可以話去酒樓/茶居是必點點心。最近在OpenRice見到佐敦區有間（點心到）有我的喜愛流心包包及趣意卡通包包點心。今日特意到來（點心到）會見我的最愛！點餐如下： 1. 茗茶 3元位 X 2 位. 2. 醬皇金錢肚. 3. 薑蔥牛柏葉. 4. 黑金流沙包. 5. 卡通流心芋蓉包. 6. 沙礓汁燴鮮淮山.茗茶 3 元位 X 2 位. 全單免加一服務費.（飲茶吃點心是首選！）醬皇金錢肚.牛肚唔韌.好淋身.醬汁味濃.好入味.醬汁如果多番少少更好！薑蔥牛柏葉.薑蔥味濃.好味！但不及倫敦酒樓更加好味！今日主角黑金流沙包.外型吸引.包點唔算大.咬開流沙勇出.流沙味甜.可惜唔夠鹹蛋黃香味.但都算系中上之選！卡通芋蓉包.外型趣致.芋蓉餡料唔算多.芋蓉清香甜可口！沙薑汁燴鮮准山.暫時我未見別處有這點心.相信是這處特點之作.淮山入口鮮甜爽口.配菜還有西芹和木耳.入口有少許沙薑味.吃愛吃素的人喜愛的特選！

聖誕假期食咗太多西餐，要轉下口味，食下一盅兩件，今日同朋友黎到佐敦一間點心專門店，試咗好多招牌點心，我地點左：黑金流沙包$25Size比起出面細粒少少，流沙餡好好味，呢個size啱我哋，太大個會好快飽！晶瑩鮮蝦餃$15兩隻/原隻蝦燒賣$15兩隻鮮蝦爽口彈牙，兩樣都係必點嘅！人少可以淨係叫兩隻，留返個肚試多啲其他嘢呀嘛。燒汁釀虎皮椒$23有青椒同紅椒，紅椒係辣辣地嘅，幾惹味！金沙脆皮銀羅腸$26蘿蔔清甜，皮薄餡靚，好食！籠仔金銀蒜海蝦飯$40荷葉味唔算好重，不過份量搭夠，抵食呀！黑蒜螺片燉肉排$38足料燉湯，黑蒜嘅香味，不錯。楊枝甘露$20甜度對於我來講啱啱好，作為呢餐嘅總結，好味！食咗咁多嘢埋單先係二百蚊左右，好抵食，食物有水準，會再幫襯！📍佐敦廟街286至298號華志大廈地下

呢個點心店食過幾點，水準十分穩定，所以每次經過都會黎食。食店坐位不多，但每次等五至十分鐘便可以入座。呢間餐廳既招牌菜係黑金流沙包、黑蒜排骨湯、金沙脆皮銀蘿腸粉，金銀蒜海蝦籠仔蒸飯。如果你係第一次黎，建議你可以點招牌菜。因為我食過幾次，所以今日主要叫其他點心試下。鮑汁鳳爪($28) - 鳳爪十分入味，最底會有好多好入味既花生，值得一試！薑蔥牛柏葉($24) - 味道唔錯，但係份量比較少，只有4舊，兩個人岩岩夠食!燒汁釀虎皮椒（$23)- 之前食燒汁釀茄子 ，覺得好食 ，燒汁釀虎皮椒質素都係咁好 。佢係即叫即整，熱度十分夠。                                          沙參玉竹燉土雞湯 (盅) ($36) - 盅內十分足料，湯味清甜，十分滋潤。凍奶茶($18) - 呢個餐廳最特別係除左茶外，仲可以另外點奶茶咖啡，味道正常！ 餐廳唔收加一，茶錢每位3元，所以十分抵食，大家都可以去試下！

每次午餐諗唔到食咩就想食點心，搵下有邊間點心時，見呢間係附近，就入去試下。喺出邊等咗一陣，好快就可以入去，入面好多人餐單係用QR code數好方便，見到隔離有長者未識用QR code，待應會幫手寫單👍🏻👍🏻不過中午人流多，見鋪頭一個收銀，兩個送餐，人手唔太夠，想搵待應都要耐心等候。呢個流沙包比一般茶樓細嗰啲，但個皮係好軟，個餡入面都好好食金沙脆皮銀蘿腸，推薦大家食！佢入面係卜卜脆，食得出係即刻新鮮炸👍🏻呢度嘅菜苗餃同我平時食開嘅有啲唔同，上面用黑松露點綴，蝦同菜苗嘅比例啱啱好，比到我對菜苗餃新嘅體驗👍🏻鳳爪個汁唔錯因為好大食嘅關係，所以嗌多個飯，網上見人哋話個飯好少，我諗其實因為佢用扁而大嘅蒸籠嚟裝住，所以先會顯得個份量好少，呢個份量夠一人食，味道正常最令我有驚喜係鮮竹卷！推薦大家食！由細到大都一定會嗌鮮竹卷食，不過後尾大個就食到厭啦因為真係好飽，今次唔夠飽嘅情況之下想嗌埋佢嚟食。嚟到嘅時候見到佢個湯好清，試咗一啖哇正！好濃嘅豆味，個湯成個魚湯咁，好好飲！第一次將成個鮮竹卷都清晒，仲要飲埋個湯🤣🤣茶位每人$3，抵呀！整體嚟講，如果想試新式點心嘅話，呢間唔錯！

聖誕節假期 每每都是到處去的日子今日去佐敦搵野食餐廳以 白 木色為主題 簡單既感覺亦都有背景音樂 成個感覺幾唔錯黑金流沙包好出名上碟都覺感好正 好豪氣咁個包唔會蒸到好水 岩岩好 個包仲係乾身流沙好香 熱辣辣松露豆苗餃 $25/3粒餃皮口感好好 feel到係新鮮有淡淡松露味沙參玉竹燉土雞湯 $34聽個名都覺得好補聖誕食太多熱氣野 又晏訓 天氣凍凍地 飲返個雞湯補補個身雞味好重 材料都好多 好實在既感覺手工布拉腸粉 $20有條菜係面頭腸粉好滑 不過不失

平時已經很喜歡喝茶，🍵今天晚上喝茶做dinner，選擇很豐富，🥰我們叫了幾款，😙都覺得很好吃。作為鹹蛋黃控的我，🤓當然要叫黑金流沙包，表面採用食用碳已經很華麗，😎上面的金箔更顯高貴，🥢裡面的流沙餡料，鹹香之餘又不會太過甜，味道剛剛好。😫經典的鳳爪排骨也值得一試，應該是餐廳自己做，所以很地道，🤤醬料也很香很入味。另外他們的糯米雞也不錯，🐤份量很大，非常多料。🫓腸粉應該自己拉，所以更加有口感，很香的米味，入口很好。🥘金錢肚有咖喱味，吃下去也非常爽口。

最近鐘意去餐廳式經營嘅點心餐廳，飲茶食點心，今日老公係呢頭做野，見到呢間餐廳就入左黎食。餐廳裝修好日式，簡潔，舒服，好似置身於日本，食港式點心。🌈晶瑩鮮餃 （2粒）蝦餃皮晶瑩剔透，餃皮特別有韌性，材料紮實，好有水準。🌈黑松露菜苗餃餃皮軟薄，有淡淡黑松露味,仲有啖啖爽口鮮蝦。🌈五香鹹水角口感外脆里糯，咸中帶有一絲甜味，令我回味無窮。每次去茶樓，鹹水角就成了必點的小吃之一。🌈紅油抄手川菜馳名小吃，味道麻麻香香，而醬汁又帶點黑醋味，十分開胃，令人不禁一啖接一啖，辣度比較適合香港人。🌈豉汁蒸鳳爪我從細到大都好鐘意食嘅一道點心，鳳爪又滑又軟而且夠入味。🌈醬皇金錢肚呢個金錢肚，醬汁濃郁，爽滑軟腍，非常入味。🌈薑蔥牛柏葉爽口又唔靭，份量都唔少。🌈黑金流沙包奶皇控嘅我，飲茶必食，好香奶黃味而且皮薄，食多幾隻都冇問題。🌈鮮蝦腐皮卷腐皮香香脆脆，餡料鮮嫩多汁，腐皮包住爽口彈牙蝦肉樣樣點心都用料十足，侍應服務周到。

之前係旺角見過點心到中午多人排無食到，今晚早收嚟飲夜茶！菜單點心到同酒樓差唔多，少少特別係燒賣同埋蝦餃都可以兩粒或者四粒咁樣叫。方便兩人嚟食，同一價錢可以一人一粒又食燒賣又食蝦餃，留返個肚食其他嘢！原隻蝦燒賣 2粒 $15蝦仁蝦籽才都幾爽口，豬肉大大份量。燒賣皮軟身少少但包到豬肉滿滿。黑松露菜苗餃 $26黑松露嘅味道唔太重，反而佢入邊嘅蝦肉令人驚喜啲，因為份量多又彈口既！蝦肉、菜苗、紅蘿蔔，整體好健康同賣相幾好！豉椒蒸排骨 $20排骨份量好多，睇吓仲有好幾條芋頭！芋頭勁軟香濃，好食！排骨豬肉豬肉味有，唔係豬蘇味！豉油豆豉嘅份量啱啱好，適合女仔食唔怕肥！四寶滑雞扎 $28魚肚入味吸汁多汁！芋頭同豉椒蒸排骨既芋頭一樣！雞肉冇皮大大嚿，厚肉，正！金沙脆皮銀蘿腸 $26幾特別！酒樓好少見，值得試！白腸粉皮入邊包住一個炸皮，有少少似外邊做嘅油炸鬼咁樣，但係佢再入邊係白蘿蔔！素腸粉都可以做到個味道咁豐富幾好食！白蘿蔔一條條，條條夠林又有汁，冬天食蘿蔔冇錯！籠仔金針雲耳雞飯 $35特別註明係金鳳米！飯量返二至三人份量，酒樓有時都有呢一種飯大d size，但通常都要$88以上。呢度嘅菜式就算你一個人或

黎佐敦揾FD，睇到哩間鋪頭食點心好似唔錯，咁試試。今日揀咗晶瑩鮮蝦餃，懷舊鵪鶉蛋燒麥，燒汁釀虎皮椒，紅油抄手，濃湯鮮竹卷，豉椒蒸排骨同濃湯杞子浸時蔬。點心喺即叫即蒸嘅，所以都要等耐少少。蝦餃可以叫2隻或者3隻，我地兩個人，當然叫2隻啦，咁可以試多幾款點心。蝦餃皮好薄，蝦好大一隻，食落好彈牙好鮮甜，同埋冇雪味，唔錯。燒汁釀虎皮椒煎得啱啱好，食落好香口。裡面啲鯪魚肉餡好彈牙，配啲醬汁有少少酸味，好夾。不過辣椒都有少少辣，我食就啱啱好，FD食就覺得辣咗D。紅油抄手好大一份，大大件抄手仲有5件，配上香醋同辣油一起食超好味。宜家出面好少可以食到鵪鶉蛋燒麥，可能哩件嘢整落都幾麻煩。鵪鶉蛋蒸得啱啱好，唔會太熟，食落入口即化，同燒賣都幾夾。豉椒蒸排骨都幾大一份，排骨有差唔多10件，排骨蒸得好幼滑，同埋好重蒜味。底下芋頭嗦哂醬汁，好粉好惹味，完全唔夠喉。濃湯鮮竹卷湯底好鮮甜，鮮枝竹嗦哂湯汁鮮甜味，每一啖都好滿足。菜心整得啱啱好，食落好脆，菜心加咗少少調味已經好夠味，唔需要太重調味cover咗D鮮甜味。最後買單唔哂加一，食到超飽都唔夠150HKD，勁抵LOL!

去開佐敦就搵下嘢食，行去廟街就大把嘢食諗起都好似好耐冇飲茶，所以就睇下有冇啲中餐，見到有一間就入咗去食，間鋪都係算大，不過就兩人位置比較迫唔算太寬敞，但梳化位尚算舒服。睇佢嘅餐單覺得雖然點心數目係偏小，但係見隔離位啲食物都賣相唔錯，估計應該都係重質素嘅點心店，第一輪嗌咗蝦餃，燒賣，菜苗餃，蘿蔔糕呢啲傳統大路點心，見佢幾好燒賣蝦餃都可以淨係嗌兩隻，方便想食其他菜色嘅我，等咗大概十分鐘就開始上菜，見到啲蒸點全部都係冒曬煙咁上菜，蝦餃入面啲蝦係爽口同埋啲皮非常薄，燒賣見係滿滿嘅豬肉所以覺得都好開心。朋友最鍾意嘅蘿蔔糕，覺得佢冇味精，而且煎得金黃色。不過我張枱真係比較細所以就唔可以係咁嗌太多嘢食，如果唔係拎嘢食就會有少少麻煩。之後仲有嗌幾款腸粉，叫咗混醬腸粉，布拉腸同埋牛肉腸，布拉腸覺得非常之煙靭，混醬腸粉畀嘅醬汁好多，牛肉腸見到佢嘅皮都係比較薄，入面亦都係足料嘅，有六大部分。之後都有嗌鵪鶉蛋燒賣，覺得出面冇乜地方有得食，所以就嗌咗嚟食，佢啲鵪鶉蛋好大粒同埋皮同肉都痴得好埋所以唔會好容易跌咗出嚟。鮮竹牛肉球份量都係多嘅，同埋幾鍾意餐廳係將啲醬分開上，咁就可以唔使怕太過重味道。自己最鍾意就係佢嘅