點小館 X 旺旺烤活魚 (已結業)

出黎深水埗買野，順便到附近搵食，見有間點心舖開左，環境唔錯就入去試下先。點心選擇都幾多，價錢貼地，早市仲有孖寶優惠添。開左壺普洱茶，茶味都ok水夠滾，枱邊仲有個電池爐可以煲茶，鐘意飲熱茶黎講係一個好設計。金針紅棗走地雞煲仔飯雞件幾滑，吸左紅棗味好香，而且飯有飯香仲有少少飯焦添，好食。蔥花蝦米腸腸粉有咬口，蔥花同蝦米下得多。啤梨咸水角外皮煙韌香脆，餡料鹹香，加上造型可愛啱晒打卡，必叫啦。皮蛋菜苗餃其實係鮮蝦菜苗餃加入皮蛋，多左一份綿滑同皮蛋獨特嘅味道，喜愛皮蛋人士可以一試，個人覺得幾夾幾好味。香芋松子餃以為係素餃原來都有豬肉碎，有芋香同松子香，綿綿地但松子又有咬口，唔錯。蜆蚧鯪魚球鯪魚球彈牙又炸得香口，蜆蚧醬勁濃鹹香鮮味，正喎。乳酪小白兔好得意嘅兔仔呀，滑嘟嘟的，中間有芒果醬好香甜。點心有水準，卡位好坐立，深水埗食點心又多個好選擇。

今日與同事到深水埗辦公事，放工後一齊到附近晚餐，見到這間點小館食烤魚、酸菜魚、雞煲……等，食完可以繼續加料食火鍋，所以今晚揀了食點小館。老壇子酸菜魚，要了一條，湯底有酸菜，味道小麻小辣，裏面不但有很多的魚及酸菜，還有很多金菇菜及有豆卜……等等，魚份量頗多，魚肉切得很薄無骨，入口很嫩滑，酸酸甜甜帶著少少麻辣，好惹味！廚師還將魚頭及魚骨，全部用椒鹽炸 過，入口香口又帶點脆，滿滿的椒鹽很惹味！廣島蠔份量都頗多，有十隻，不是很大隻，是中等的廣島蠔，味道頗不錯的。牛柏葉切得不是很大件，但不算太縮水，入口爽脆的很喜愛食，價錢平民。自選三拼，有雲吞、韭菜餃及魚皮餃，各有四粒，味道頗不錯，當中以雲吞最為美味！當然，食火鍋我都愛配埋個飲品，食得更美味！

深水埗西九附近 開咗新嘅烤魚酸菜魚雞煲價錢合理 而新開張仲有八八折就試下 想試烤魚 所以叫左首創烤筍殼魚鍋 麻辣 小辣 必加酸菜火鍋配料好多選擇 叫左萵筍 薯粉 自家製雲吞皮併韭菜餃 烤筍殼魚鍋黎到份量好大筍殼魚黎到已經八成熟 翻熱就食得 推薦筍殼魚 食落魚肉好滑又冇咩骨除左成條魚 仲有好多配料 芽菜、蘿蔔、青瓜、豆卜、金菇都有岩晒鍾意食配菜嘅我味道方面 叫咗麻辣小辣 正常辣度加咗酸菜 佢嘅酸菜爆炒過 增加左成煲烤魚味道既層次加埋配料 兩個人真係多到食吾晒呀 仲有好多佐酒小食下次多d人黎可以同雞煲一齊試吓

📍 餐廳：點小館·功夫點心旺旺烤活魚 (深水埗)地址：深水埗長沙灣道270號御匯地舖1️⃣ 金針紅棗走地雞煲仔飯 $28個飯正常Size，雞肉肉嫩多汁，加上金針同紅棗食落更加惹味。2️⃣ 小館蝦餃皇 $36真係唔錯，入面勁多蝦肉，蝦肉夠晒新鮮，口感彈牙爽口，必食之選👍3️⃣ 手打牛肉球 $26牛肉球大大粒，牛味濃郁，口感爽滑。4️⃣ 鮮蝦燒賣皇 $36燒賣食落好Juice，咬一啖都有爆汁效果。5️⃣ 皮蛋菜苗餃 $22第一次食有皮蛋嘅菜苗餃，味道都真係幾唔錯，啖啖都食皮蛋獨特嘅味道。6️⃣ 薑汁雞包仔 $20薑汁味道唔算太濃郁，同平時食開嘅雞包仔差唔多。7️⃣ 茶芥 $5

成日食酸菜魚，食酸菜烤活魚你又試過未？深水埗一向多美食，除咗糕餅店，車仔麵，而家仲有烤魚啦！呢間烤魚係西九龍政府合署對面果條街，估唔到隔一條街人流就靜左，但就靜雞雞開左一間新嘅烤魚小店。。。今次都係朋友帶我過嚟，佢番工成日經過話lunch time嚟食過點心，覺得幾好食，所以今次同我試下晚餐。。餐廳分左右兩邊都幾大，基本上以卡位為主，枱都好闊落，坐得好舒服！晚餐烤魚為主，揀一款烤魚，再揀湯底，再加各款火鍋配料。先食烤魚，再打邊爐🍲。酸菜bb辣烤魚原來烤魚係先烤熟，再加酸菜湯落去食，可以再加配料落去打邊爐。估唔到個魚烤魚再落湯食入口都係滑，唔會好柴好乾。而啲魚肉又吸哂啲湯汁，好食喎！烤魚本身都有好多配料，大量酸菜芫茜，豆卜，金菇，芽菜，蘿蔔。呢啲配菜都好好食！特別一讚佢個酸菜，醃得入味唔會過咸過酸，真係可以就咁食入口。。。田雞打邊爐必備田雞，只要唔好諗原本個賣相，就咁食入口係好好食嘅，腳仔粗粗又嫩滑😂鴨血我又係覺得放落去打邊爐真係好夾㗎！好食過豬紅好多！鴨血有獨特嘅味道，好滑唔會有腥味。一份有10片，應該成盒㗎啦，38蚊好抵食。手打雙拼丸兩款丸分別係蝦丸同墨魚丸。墨魚丸絕對有驚喜！入面係