點小館 X 旺旺烤活魚 (已結業)

第一次如此用餐體驗 差到要開post寫評論。。。以下情況發生在早午餐繁忙時段：連假訓醒打算與友人食點心，支持下小店唔去酒樓，卻不幸遇上不禮貌對待。1. 座位安排不靈活變通 - 明白假日多人等位是必然的，但短短一小時內連入幾張四人枱都唔回一張二人枱，到真系等左一個鐘店員才覺醒問我地介唔介意搭枱，才安排入座2. 侍應下單/待客混亂 - 茶水部在我們入座前已問好我們要什麼茶，茶到桌爽快俐落; 反觀我們對面搭枱的一對夫婦是坐下來才點茶，結果卻上錯茶了。另外，他們見到有一張二人座丢空，既然要再等茶到，向店員查詢想調過去坐，被店員一口拒絕，謂繁忙時段要多忍讓。。。轉頭已安排另一對人入座3. 侍應態度惡劣，員工之間毫不協作 - 當日是公眾假期，早茶時段至11am。我與友人在10:55am畫好紙準備點餐之際，有員工衝埋黎一手搶去我們手上的點心紙話「冇喇完左喇。」呢下真系火滾，點解可以咁冇禮貌搶走張點心紙，而且並未夠11am何以有權話早市已完？我行出去同員工理論，原來佢地入唔切單（5分鐘可以入唔到一張單？）而侍應與入單員並無溝通，但入單系你地既責任，何以剝削其他客人既權利？都唔系志在平果十幾廿蚊，重點系

六點半左右嘅時間去到人唔多，內在環境好闊落，店內座位數量唔算少，所以一入去就已經即刻有位坐（全部軟沙發卡位）👭🏻🍗菜單選擇豐富，基本上打邊爐餐廳裏面見到嘅菜點都可以搵到,餐廳招牌就係烤魚，而魚主要就有三種選擇：沙巴魚,鱸魚,龍躉魚我地揀左龍躉魚($388)仲係最熱門嘅酸菜味,我哋叫左小辣，對於食唔到辣嘅我黎講係完全handle到，整條魚已事先烤製過表面已呈現焦黃色十分誘人，再浸上酸菜味濃郁的湯汁完全掩蓋腥味,味道真係冇得頂!當然我哋另外都有點唔少配菜，包括有：-手切特級安格斯牛肉，大大盤靚花紋牛肉，唔係薄薄地一片嘅肥牛, 肥瘦適中牛味十足👏🏻-水魷魚，口感爽脆，卡路里冇咁高（減少罪惡感）最適合用黎過下口🥰-鮮鴨血，份量好足，係偏實淨嘅我個人比較偏好嫩滑嘅豬血🤣🤣-娃娃菜+唐生菜，比想像中更加大碟，到最尾幾乎食唔曬🤣再加上鍋底本身都有娃娃菜😍總而言之CP值高味道絕對對得起價錢，有時間一定會返黎encall！👍🏻

今日嚟深水埗做嘢，晏晝想嘆下一盅兩件，同事推介呢間新開嘅「點小館」。餐廳午市主打手作點心，而晚市則以烤活魚作招徠。點心嘅款式非常之多，有煎炸類、蒸類、包類及甜點等，另外亦有幾款賣相吸睛嘅創意美食，如沙灘沐浴雞、啤梨鹹水角、乳酪小白兔等。先嚟兩個蒸點，皮蛋菜苗餃 ($26) 同 鮮蝦燒賣皇 ($36)。菜苗餃外皮唔算好薄，不過入面嘅餡料就非常飽滿，蝦隻新鮮爽口，菜苗清香翠綠，加上甘香軟綿嘅皮蛋，啖啖滋味。燒賣大大粒，豬肉餡刴得夠幼細，七分瘦三分肥，蝦肉彈牙味鮮，配上面頭嘅蟹籽，入口鮮香爽彈，十分不錯。蜜汁叉燒腸 ($28)  腸粉皮好滑，入口熱辣辣，叉燒軟腍有彈性，而豉油亦咸甜適中，味道調配得宜，絕對係用心之作。米通鯪魚球 ($28)  鯪魚球外層加咗碎米粉去炸，食落非常脆口，魚肉鬆軟多汁，配上蜆蚧，咸香味出晒嚟，正！ 另外呢個以籠仔盛上嘅走地雞荷葉蒸飯 ($48)  表現亦不俗，冬菇爽滑肉厚，雞肉醃得好入味，質地嫩滑，而且食落更帶陣陣荷香，美味。玫瑰豆沙角 ($24)  豆沙角外形脹卜卜，用糯米粉糰包裹住豆沙餡，入口外香脆、內軟熟，食起嚟仲有啲似麻糬嘅拉絲效果，加埋起沙嘅豆沙餡，層次豐

📍 點小館 X 旺旺烤活魚 (深水埗)深水埗長沙灣道270號御匯地舖👀突然好想食烤魚，同fd去深水埗買野經過見到呢間點小館有烤魚食，就入去食😆➡️活烤龍躉魚（酸菜味）👅一上黎，哇！好大份，魚燒得啱啱好，魚皮帶d焦香，酸菜都好好食😋，入面仲有芽菜，金針菇，豆卜，芫荽同埋原粒烤蒜，好食同好多💰$377➡️炸魚皮👅攞嚟浸烤魚汁真係正，魚皮唔會淋，脆卜卜💰$38➡️手切特級安格斯肥牛👅牛肉顏色紅豔，肥瘦均勻，咬落好濃郁牛味😋💰$288➡️水魷魚👅新鮮，份量多，恰一陣食得，唔會好靭💰$48➡️嫩鴨血👅鴨血都好新鮮💰$38➡️娃娃菜💰$32➡️唐生菜💰$32👅建議叫一份，好多食唔曬😂🀄️總結：野食質量同價錢符合性價比，多d人食會好d😂🤣我同fd食唔曬😂推薦指數❤️❤️❤️❤️❤️

這次去了一家位於深水埗的中菜餐廳，白天是吃點心的，晚上是吃酸菜魚和小炒的😎。環境裝修新派時尚，以卡位為主較舒適。點心選擇多元化，還有特色小吃，價格經濟實惠🙈。-💥沙灘沐浴雞 HKD$58，這個造型很特別，坐在椅子上感覺特別🤩，底下還有多士。雞肉肉質嫰滑，做到皮脆肉嫰的口感。另有泰式辣醬拌著吃，感覺較惹味😆。-💥啤梨咸水角 HKD$28，這個造型也很特別，以啤梨型態登場，一份有三件。咸水角口感煙韌酥脆，裡面的肉味道不太咸，整體口感豐富。-💥陳皮蒸肉排 | 醬王蒸鳳爪 HKD$26，這兩款點心平常也會點來吃，熱辣辣的味道很香。肉排肥瘦適中，肉質腍身入味。鳳爪容易咬開，味道較濃郁一點。-💥乳酪小白兔 HKD$28 | 椰汁桂花糕 HKD$20，最後當然要吃甜品，其中一份造型精緻🤩。乳酪小白兔太可愛了吧😚，味道酸酸甜甜，還有爆爆珠拌著。椰汁桂花糕味道清甜，有種冰涼透心的感覺。-

這間點小館 X 旺旺烤活魚位於深水埗，係一間唔止係得點心同時都有酸菜魚食嘅店舖，店面環境簡以係以木系裝置🤔，令到環境坐著感覺簡單舒適😙，我覺得都算唔錯!.小館蝦餃皇 $36呢一籠蝦餃皇賣相都幾好🤔，皮薄通透煙韌包住爽口彈牙嘅蝦肉😋，口感味道都算唔錯!.啤梨咸水角 $28呢款咸水角賣相都幾特別😍，係以綠色啤梨造型做賣相，同以往咸水角味道冇乜分別🤔，外脆口內煙韌口感都唔錯，好有傳統風味😋!.手打牛肉球 $26呢碟牛肉球望著都幾好🤔，色澤味道口感食到入口帶點牛肉香味😙，口感又唔會太過腍身恰恰好都唔錯😋!.沙灘沐浴雞 $58呢隻沐浴雞賣相都幾特別😲，金黄香脆口嘅外皮十分之吸引，望著特別之餘好似好正🤤，外脆內腍身味道都幾好😋!.百花釀魚肚 $32呢款釀魚肚食到入口魚肚口感帶點腍口，索哂D汁液令到魚肚入哂味😋，佢嘅百花口感鮮味帶點咬口又彈牙!.乳酪小白兔 $28呢款小白兔甜品賣相好可愛😍，以又白又滑兔仔造型十分之吸引😮，食到入口帶有乳酸味道酸酸甜甜好好味😋，加埋D橙色爆爆珠甜酸合一!.椰汁桂花糕 $20呢款桂花糕賣相通透🤔，食到入口清香桂花味😙帶點透心凉感覺，配埋下層椰汁香帶點甜潤😋感口感軟綿綿!

點小館 深水埗一講西九龍中心, 即閃出勇者挑戰明將及大大球抵食又多口味架ICE CREAM。行完街好熱, 行入商場涼下冷氣同搵地方食飯看到間舖點小館,早上中午食點心, 晚上就是打邊爐雞煲。格居顯得份開鮮明同高級。$148半隻雞煲，可選辣度的。一端上香噴噴，雞肉件好入味濃郁。$68 青口鮮甜肉類一定是離不開牛豬雞, 勝在收費合理$78 黑豚肉$48 青瓜拼皮蛋辣辣地甚為開胃。$9 細啤酒，太平啦！汽水soda water 竟然是玻璃樽呀！特別夠氣好飲，一個字爽。蔬菜$32油麥菜 $32 大豆芽可以吸埋d雞煲醬汁，極之惹味打完邊爐仲可以有時間即衝上去買雪糕食,解熱又暢快, 完美架一餐。其實佢架點心好吸引, 可惜夜晚無, 如果晚市都有得食就PERFECRT了。,邊打邊爐,邊食中式蝦餃燒賣叉燒包。

我同MY BOSS最中意就係食雞煲因為夠惹味食完之後仲可以變火鍋😆今次去嘅點小館 除左以上嘅 仲有烤魚食！不過今次試左雞煲先($228/1隻)雞肉份量 絕對係啖啖肉醬汁調較得岩岩好 香濃撲鼻雞肉配上惹味醬汁 完全入味 配合得岩岩好至於火鍋配料上都有好多選擇除咗肥牛同午餐肉係必點之外大家都可以試吓佢嘅手打丸雙拼最正嘅係佢哋玻璃樽汽水再次出現🥤🔥新張期間有88折 真係抵食好多！#烤魚 #雞煲 #火鍋 #小菜 #火鍋配料

今日去咗深水埗一間日頭食點心夜晚食烤魚嘅餐廳，夜晚嚟到梗係食烤魚啦，今次係第一次嚟所以試咗個最平嘅$288烤魚，另外再加左$18嘅酸菜。條烤魚好快就送到嚟，下邊有個爐燒住，等多5分鐘左右條魚就開始滾，條魚嘅份量都幾大我諗有差唔多一斤重，條魚分開咗一半咁樣上見到條魚係煎過嘅，下面仲有啲蓮藕，芽菜伴碟。我哋嗌咗一個麻辣小辣試一試，開始嘅時候唔算好辣，但係慢慢滾起咗之後就開就變得幾辣啦，如果唔食得辣嘅可以嗌佢哋嘅BB辣㗎。我哋仲嗌左一份兩人牛肉同蔬菜拼盤，大概都有十幾塊兩個人食啱啱好，價錢仲幾抵，其實條魚都幾大份食完條魚再加埋啲牛肉我哋都飽咗九成啦。最後仲要提一提佢哋仲有個優惠9.8就有支細枝裝嘅藍妹， $10都唔使就有一支真係好抵飲呀，一路食辣嘢一路飲啤酒真係爽呀。

深水埗長沙灣道270號御匯地鋪員工服務好 食物質素高冷氣足夠 打邊爐都唔會熱 本身食過一次 覺得唔錯 所以再幫親叫左個泡椒味既烤龍躉鍋 超巨型烤龍躉外脆內嫩 本身都8成熟 即刻食得上到來個外皮煎到金黃香脆 入面魚肉嫩滑唔會有腥味 啖啖肉 少骨 之後條魚吸哂湯汁 更加滑 個湯底香而辣 食完之後仲可以打邊爐手打墨魚丸 爽口彈牙 結實唔會粉粉慢慢去嘴嚼 墨魚味充滿口腔肉質滑 墨魚味濃吸收魚同湯精華8寸巨蟹棒放入去吸收埋個湯汁 好惹味京蔥未試過用來打邊爐大火放入去一陣就熟新鮮得來 又帶點甜味 唔會放太耐 舊式玻璃樽汽水打邊爐一流放耐左都唔會走汽 相比鋁罐更耐用有唔同口味選擇

點小館深水埗長沙灣道270號御匯地舖環境闊落 位置大 冷氣夠服務員態度非常好友善 禮貌！會用心推介食品每次經過見到都會幫手換碟大部份都係卡位 正！可以有自己既小角落 用明火烤魚 唔係用電㗎所有嘢都好食 係蝦丸差少少🤏叫左個招牌烤鉗魚鍋（香辣味）超級大條 兩個大男人先食得哂鉗魚一分為二 外皮煎到金黃色 魚肉嫩滑淋上左香辣汁 咬落香脆 魚肉厚身 無咩細骨 啖啖肉配料 有豆芽 豆腐 娃娃菜 吸收哂個麻辣汁烤魚 酸菜魚 雞煲 依家仲有八八折優惠招牌烤鉗魚鍋$288.0龍蝦丸$36.00黑椒牛丸$36.00芋絲$32.00京蔥$28.00蝦丸$68.00日本稻庭烏冬$22.00

星期日同朋友聚會，去左深水埗附近睇電腦硬件。之後想食烤魚，而家坊間都好多，朋友話長沙灣政府合署對面有一間都唔錯，見地點近就試下。入到去呢度，環境企理光猛，枱與枱之間唔會好近，傾偈最好。我地點左個烤魽魚，之前係有d其他店食過d烤魚份量好少。但呢度份量好多，成條魚肥美，兩個人食都好夠，我地要左BB辣，對於我地唔太多得辣既朋友就剛剛好。食野除左要有份量，魚本身都好重要，條魚肉質鮮嫩，索哂d汁超好味。做到成舊夾仲keep 到唔會爛左融哂係d湯度。下次有機會要試下其他魚。呢度烤魚都算近期試過性價比最好。另外，我地叫左個安格斯肥牛，牛既紋理分明，脂肪比例唔錯，牛味香濃。下次會試下貴d既手切雪花肥牛，睇下會唔會仲正。丸類就點左我最中意既鮮蝦丸，蝦味足，同外面好多無乜蝦既蝦丸是淵之別。之後就要淥個烏冬，索下湯食埋就夠飽。最後一提係呢度既職員都好友善，服務周到，加湯呀，點菜或要其他野都好快手同nice 。總括嚟講，呢度係一個驚喜既發現，之後會再嚟。

路過見到呢間新開既點小館，裝修乾淨企理，重點係貼左張poster話新張期內烤魚88折😂好似都幾抵，就試下啦！🌟招牌烤鉗魚鍋$288.00烤魚有三款魚五款味道選擇，我地揀左招牌烤鉗魚鍋麻辣中辣。鉗魚冇乜骨，肉質又幾嫩滑，推薦！除左魚，個鍋仲有豆卜、娃娃菜、芽菜等配菜，絕對夠飽.🌟手切安格斯肥牛$168.00安格斯肥牛肥瘦均勻，就算煮耐左都唔會硬👍牛味濃郁，好食呀😋🌟響鈴$32.00平時打邊爐必點見呢間餐廳午市好似係做點心，下次路過都可以試下

疫情哩幾年，無得北上食野。多左惠顧本地食肆，同朋友周圍搵好野食。最近發現長沙灣政府合署對面（即長沙灣道270號御匯地舖）開左一間-點小館.功夫點心旺旺烤活魚，晚市食酸菜魚，新張期間88折優惠😍吃完酸菜魚仲可以打邊爐～好正！朋友訂左座確認後好快入去，餐廳好闊落，環境光猛，好多卡位，坐得舒舒服服食晚餐。招牌烤魽魚鍋$288揀左哩款烤魽魚，湯底係酸菜味揀BB辣，加酸菜$18。條魚勁大條，肉質鮮嫩，啖啖肉，勁多酸菜好開胃，仲有好多配料，金菇、娃娃菜、豆腐卜、青瓜、 芫荽、芽菜、蘿蔔。另外飲品叫左兩支玻璃樽可口可樂，又凍又解渴。吃完魚後就打邊爐，點左幾樣火鍋配料：❤️手切安格斯肥牛$98🧡手打蝦丸$68💚唐生菜$32💙日本稻庭烏冬$22哩度唔止烤魚好味，火鍋配料好有水準，手切安格斯肥牛，塊塊厚身，肥牛雪花紋理分明，吃落口好重牛脂味，超正。手打蝦丸也很驚喜，每粒大粒之餘，充滿濃烈既鮮蝦味。唐生菜新鮮爽口，加埋好味勁滑稻庭烏冬，圓滿既晚餐😌不得不讚哩度侍應服務，非常親切有善，招呼一流，不會怠慢客人，吃魚時，會提客人調細番個火慢慢享用，吃火鍋時又主動幫我地加番湯底。👏🏻👏🏻👏🏻

最近係深水埗見到有間烤魚新開幕～所以就即刻入去試下先！$288 一份烤魚，同出面好似差不多～但條魚就好大條！仲大過個鍋！同好厚肉，冇乜骨，肉質仲好滑！我地叫左個酸菜味就覺得好惹味啦！本身以為唔夠食仲叫多左份蔬菜🥬～差點食唔晒，其實兩個人叫一份魚都夠多同飽～不過想盡興d就叫多左個小食～鬼馬雙拼～超級脆入面又有墨魚肉～好正食到咁上下緊係想叫番枝氣水！呢到係玻璃樽裝、夠晒氣！呢餐總括來說真係不錯～位置夠闊，唔會迫迫夾夾咁～好舒服