點好味 (已結業)

是日回舊公司探下班舊同事, 到一點佢地放工, 佢地就帶左我去這間位置於工廠大廈入面的點心店食午餐, 講真位置不算好找, 唔熟工廠區的都要搵下地圖. 上到樓上一出電梯, 如果唔係跟住佢地行, 我根本不知那個門口入去就是食點心的地方. 一入去, 簡簡單單, 絕對不是食環境的食店啦, 還可以啦. 坐低就點野食的點野食, 洗杯的洗杯. 我望一望了張點心紙, 點心款式不算很多, 而我也不是很知那款比較好味, 所以就由他們發板, 我等食算了.三個人叫左以下的點心:出名的雪山叉燒飽及雪山杏汁飽: 我就食了個叉燒包, 熱辣辣, 加左五分, 外皮脆脆的, 加多四分, 叉燒甜甜的, 加埋那一分, 是十分的叉燒包, 不過入面有一點比較生的洋蔥, 唔太食的比我扣番零點五分, 哈哈, 但這個包真係好好味.而杏汁我個人麻麻, 但見同事們一咬開, 有一點流心的感覺, 所以我相信這個包應該會跟叉燒包一樣值咁高分.鮑魚酥: 大拿拿26蚊一粒, 而點菜者又點左一粒咁大把, 佢地就讓左比我這個第一次食的人, 鮑魚仔有咬口, 但又不會太硬, 而酥底的牛油味比較重, 味道也不錯, 有一點點"漏", 還有真係貴左少少.筧菜餃

一半價錢o既點心....因為份量減半，適合喜歡食多類型點心而細食人仕，點心和蒸飯份量亦然。如果正常份量的荷葉飯就需要卅幾蚊 (OK好味)，炒麵份量細.....要十八蚊。本店有好幾款出名點心，叉燒包 (兩小個一份)、菜苗餃和春卷比較出色，反而最基本蝦餃皮厚肉細、燒賣(新鮮蒸但肉其實已經變味...) 令人失望，蒸腸粉香滑但温熱，一口小籠包細細粒容易食，但皮破內無湯汁(如相)。正如其他評家所言，工廠樓服務態度當然一分錢一分貨啦!

此店地點唔算方便，試過一次已經夠了。點心味道大致上精緻好味,好過某些屋邨酒樓，值得推介,價錢尚算實惠，不過有些點心比較貴,可能用貴價食材啦!!服務方面,店員態度唔太好,冇乜禮貌,希望日後有改善啦!!IMG:11]蛋煎糯米雞,雖然用蛋啦漿煎,但唔會煎得太乾身,糯米軟綿綿,味道幾好.鮑魚片滑雞飯,雞肉滑滑,個汁調得幾好,配以熱辣辣白飯,幾好味.雪影杏汁餐包,包皮脆脆,杏汁熱辣辣,唔太甜,好好味,阿蘇今次終於冇介紹錯.仲有個雪影叉燒餐包一樣好好味,個人感覺同車氏差唔多,但個皮比車氏做得更好.脆皮米網海鮮腸粉,冇乜特別,得個脆字,味道一般.龍太子餃造形精緻,龍蝦肉新鮮,好好味.鮮露荀蝦餃皇個皮做得麻麻,但荀蝦比例剛好,蝦肉彈牙,幾鮮味.哺魚蝦燒賣味道幾好,夠哂彈牙.原隻鮑魚雞粒酥好好味,個酥皮做得鬆化,鮑魚炆得淋時有咬口,值得堆介.

我從未遇過一個態度差到不堪入目的伙計。 在這裡，你們可以好好品賞品賞這個「寸爆伙計」。 在book位時已說明是七位，但去到只安排了是兩人兩人對坐的小檯子，共三張，還在廚房路口位。 我們要求轉檯，但已無檯可轉。 「寸爆伙計」開口：「其他人都是這樣坐，你們怎會坐不下。」本來都算，我說：「那麼我坐在則邊吧！」「寸爆伙計」立即負氣地說：「不可以，這是廚房路口位，要出入。」隨後，他到我們背後執其他檯時，他的身體刻意地推撞我們的椅子，嘴巴還要不斷地說我們不是，簡直在”聊架” 。 這店主也看見，但沒有處理。 最後，我們起身往門口離開，去了別處吃飯。 這究竟是一間甚麼食肆？？？ 我們是來吃飯，不是來受氣。 如果是無檯，大可以推了booking, 為何要客人這麼受氣！！！ 我們不是第一次光顧，這裡價錢也不便宜，每人平均要HK60.00落樓。 不過，經過這次，以後都不會再光顧。

同2個同事..難得落觀塘做野...聽到阿蘇介紹既點心舖係觀塘開了分店, 便來試一試...可能是新開未太多人知的關係..暫時無須要排長龍..雪影杏汁餐包...熱辣辣...超好味...要小心一口咬落去, 辣親個咀仔... (我見大角咀分店食評係一碟三個, 但這裡是一碟兩個....價錢好似無大分別...咪即變相加價?! )杏仁茶味道淡了點...所以叫了雪影杏汁餐包...便可以不點這個.....馬拉糕($10)不太甜....很古早味...有兒時食那種蔗糖香味..不像而家那些只有蛋香...脆皮米網海鮮腸粉, 有帶子 及 蝦, 餡料新鮮...味道不錯.....黑松露燒賣....燒賣ok...舖在上面的黑松露不夠香...這個下次可以不點...蘿蔔糕...味道不錯...同馬粒糕一樣...有種久遺了的兒時味道...很久未有食過這種味道..牛肉球...比其他酒樓好味...千島醬網皮春卷...食不出什麼餡, 淮山醉香雞($15), 很好味...多點酒香更加好...整體很好味...下次會再來...不過好似只開一至六.....

一間堂皇既環境可以令一間食店升級, 令佢既知味道增高, 但亦令到佢既收費增加. 但一間美味既食店就算無華麗既裝修, 只有簡約既設計其實都可以令一間食店引人入勝. "點好味"就做到呢一點, 簡單既食物, 平淡既裝修, 甚至隱閉既位置都可以令人慕名而來. 要搵到佢既真正位置可以話難唔難, 但絕對唔易搵, 身處工廈之中, 要搵佢真正既入口, 相信唔問人唔會知, 就連佢既升降機都唔曉用, 愚昧既我地, 就搭左次順風lift啦... ...步入正題, 吸引我地去搵佢既原因有二, 第一, 佢既招牌菜 - "雪影杏汁餐包", 同埋佢既高貴菜 - "原隻鮑魚雞粒餃". 第二, 份量少, 每樣兩件, 方便兩個知己可餐, 但當然今餐我地係五人用膳. 好, 再深入解構佢既美食... ...原隻鮑魚雞粒餃 - 鮑魚雖小, 但係如期之內. 肉質炆得好淋, 一咬煙韌, 咬得開, 絕對唔嚡. 酥皮底, 中間再加上叉燒, 分開叉燒酥同鮑魚, 味道仍佳.脆皮米網海鮮腸粉 - 粉皮好滑, 米網勁脆, 海鮮有蝦同帶子, 味道一流. 外滑中脆入軟, 正!!蜜汁叉燒腸 - 可能無燒味牌, 叉燒唻自街外, 變得實左, 嚡左d.蛋