點一龍 (海港城) (已結業)

星期六與家人在海運戲院看完戲，本計劃去Cheesecake Factory食晚飯，但多人等位要等一個多小時，看到附近有這間點心餐廳，便去試一試。結果也滿意的。首先，價錢雖然不算便宜，但考慮到服務、環境，價錢也算合理。環境乾淨，地方夠大，尤其我們坐「卡位」，十分舒適。食物方面，我們各類都試少少。點心我們點了晶瑩透白的蝦餃、鳳爪。較特別是我叫了的涼瓜牛肉酥，介乎鹹點與甜點之間，這種所謂新派點心味道不錯。甜點有口感煙韌的芝麻糕、氣孔綿密的馬拉糕。小菜有菠蘿與青椒洋葱快炒的咕嚕肉，炒粉麵則有鮮菌鼓油王炒麵。服務是好的，經理與我的兒子談話，留意到他身材較瘦，鼓勵他吃飯吃快些，又提到雖然限聚令放鬆，市況仍冷清，因為無遊客，而且很多人失業，經理說見過快餐店一家四口只食兩份早餐，境況可憐。希望疫情快過去，香港經濟能快點復甦。

之前有用卷都去過幾次有卷係抵食和好食的但今個年三十晚發生一件令人十分生氣的事我叫了半隻炸子雞 但今日來到 只有兩件 仲有一件係骨 一件好細我態度良好的告訴女服務員（應該係老闆）我問點解只有二件脾 佢已經好悪反問 「你估我哋員工食左？一定唔會！係咪你食左」之後佢拎返入去出嚟既時候 話「我哋D雞係咁 你個碟canel 我已經掉咗！」咁我哋係想食雞 我話咁你整多一碟嚟啦她回覆「不整了 費事你又嫌三嫌四啦」從未如此受到乞兒一樣對待正價吃完三碟點心也走了以後不會再來

產檢完諗住食左午餐先返屋企，老公想飲茶，就黎左呢間點一龍，平日午市時間人亦唔多，叫外賣嘅人反而多d;睇左餐牌，發現選擇唔多，價錢都唔平，果然係地段問題；最後叫左個飯餐，再散叫點心；最先黎嘅係叉燒包，但size比起平時食嘅細，真係迷你版菜苗餃，味道都唔錯嘅燒賣平時d點心出面好多時都係4件，呢度唔係，得三件，價錢又賣得貴d,咁就真係貴上加貴🥲仲要有件燒賣唔知做咩事無左蝦🥲都唔知係有心定無意，真係覺得好唔抵😓北菇紅棗雞蒸飯豉椒蒸排骨

點心吾錯，起碼食完之後晏晝唔會口渴，起碼冇落味精雞粉！預早訂枱，因為不想父母久等座位，長者罰企輪候座位是很辛苦的事，我們當然是準時到達。食得舒服，味道好，脆蝦腸粉👍，斑斕味馬拉糕係冇斑斕味嘅😝，蝦餃、燒賣飲茶必備，味道屬於正常嘅，楊州炒飯take錯咗潮州炒飯😅，就試吓囉⋯⋯味道突別👍❣️

兩日前，同朋友食過唔係點心放題，試食完之後覺得又幾好食，之後就挑戰佢188免加一下午茶點心放題，結果係有d讓人失望。第一，佢既放題點心選擇唔多。第二，咪道一般啦，正常味道，叫做剛合格啦！結果想食點心，請選擇不是點心放題比較好D.

2020年最後一日天氣寒冷，走去海港城濕平，於是到附近嘅點一龍食晏晝，餐廳座位闊落，光暗適中，氣氛唔錯。可愛小錦鯉 ： 這個賣相精緻，有好香嘅桂花杞子香味，味道不會太甜，推介！斑蘭馬拉糕：綠色嘅馬拉糕第一次食，比傳統嘅馬拉糕多左椰香味，杏仁加斑蘭恰到好處。大人小朋友都啱食嘅推介. 鮮菌豉油皇炒麵：唔油膩，師傅有功架，份量都大碟好抵食. 生磨芝麻小卷：最後甜品有生磨芝麻小卷，芝麻味好重，味道很香，甜度剛好. 得三件，很快就被吃光。為這個午餐劃上完美的句號!

星期日同屋企人飲茶做節， 呢間有得訂座就揀咗呢間。 今日去到嗰陣都覺得奇怪十二點 入座一半人都冇， 拎起張點心紙寫咗五個點心， 包括一個粥點。 等咗大約五分鐘到，食物陸續上枱，我怕個粥凍，第一時間就裝咗個粥食， 一入口第一啖暖ge，只有微温。 其他食物都一樣， 我忍唔住叫過阿姐埋嚟同佢講有咁嘅情況， 佢仲碌大對眼望住我 並且話：「冇理由㗎喎啲嘢即叫即蒸喎。」 我心諗你唔好玩我啦，即叫即蒸五分鐘就有？🤔當下我心諗我終於明點解佢lunch時間入座率一半都冇，呢間嘢冇下次。Be honest， 佢食物味道唔算差，但冬天食嘢唔熱我接近唔到， 情願去食碗熱辣辣嘅魚蛋粉好過😒

同老婆去海港城行街，想去試下JS Foodie，但未夠🕣已經截龍，排下隊都唔俾🥲。卒之去左食點心，門口見到有放題😍，但原來今日冇🥲⋯店內環境不錯，服務都幾好，其中一個店員非常有禮貌，值得表揚👍🏻！我地叫左🖐🏻樣野，啲質素真係好參差下，有啲淡戊戊，有啲好醒神，好似抽獎咁，夠晒刺激🤣！如果要計，✌🏻勝✌🏻負☝🏻和，三皇餃同水煮🐮贏得失球👍🏻，但散叫要抽籤，性價比唔算高，可能放題會比較吸引🧐。

呢排食點心食上癮，未試過食得咁密，仲要係點心放題，爽，因為我中意飲茶呢個文化，可以一路同fd吹下水，一路飲啖茶，食個包。今次來到尖沙咀海港城‘點一龍’，點心放題下午14:30開始，我發覺每間點心放題真係有佢獨特嘅嘢，呢間係煎糯米雞，但我喪食係另外一樣嘢 - 牛柏葉，我發覺而家可以食牛柏葉點心地方越來越少，就算有牛柏葉，但又見唔到金錢肚，2樣嘢基本上唔會出現係同一場合，唔知點解😂呢間仲有樣嘢係連汽水都任飲，點心都偏重口味，正正常常，服務態度都好好，我自己就最中意個牛柏葉。題外話，暫時見唔到一間點心放題係有馬蹄糕的。

之前經過要等位，今日經過冇咩人，所以今日午餐就食點一龍啦。喺海港城，30幾蚊一款點心已經算好抵食了，對於打工仔的我，可以接受。其實我有做功課的，上網查過，食客推薦的糯米蟹，小龍包，馬拉糕...我都有order，對於食物要求唔高的我感覺不錯。同事想食澱粉質類的最後選擇一個52蚊的皮蛋瘦肉粥，入口綿，蛋唔腥有肉味，值呢個價。呢間點心可以食放題的，只是眼闊肚窄，所以選擇散叫。

前星期，有同事試過點心放題，食後評價唔差。所以上星期便約了朋友去試下。唔知係咪疫情關係，原本係網上訂左怡，但因有少少問題遲左差不多30分鐘，居然仲有位俾我。食物方面，點心全部是最傳統果幾款。蝦餃，燒賣，鳳爪，义燒飽，蛋撻蛋。全部都唔錯！

所有餐廳晚上10點要清場，差不多9點，海港城裡的餐廳還有長長的人龍，唯有選擇 <點一龍>。環境舒適，菊普茶好香。夜晚都可以叫點心，也是一個不錯的選擇。腸粉即叫即整，剛剛炸起，吃得出新鮮熱辣，推介奶黃包有流沙，心心眼小籠包亦不錯，蝦餃燒賣不過不失。蟲草花滿瀉，遮蓋了魚塊，每件魚柳啖啖肉。炒飯飯粒太硬，好可惜，可能朋友太肚餓的關係，仍覺得好味，匪而所思。我吃了半碗，朋友吃了3碗。我們不小心倒瀉一地水，由於侍應不多，我們等了一陣，侍應亦樂意清理。快到10點，逐台叫顧客加油，提醒我們快點食完枱上食物，態度友善。

疫情關係禁止午餐堂食，但突然又放寛返，開心的假期一於食餐豐富午餐，唔知幾時又被禁食！ 選了尖沙咀點一龍放題兩小時任食，出點心快食物都是熱的。推薦：雪影叉燒包、蝦餃、小籠包、楊枝甘露流沙奶黃飽，全部都是有翻點的。 不推薦：蛋煎糯米雞(難食，蛋與糯米唔夾)、鳳爪(有雪味)、叉燒同牛肉腸粉(皮厚、上枱微暖)、瑤柱菜苗餃(只有菜苗，食唔到其他料，無味)、桂花糕(難食，硬身，無味)送的燕窩蛋撻-OK，瑞士雞翼-不夠味，微暖整體食物質素是好的，環境舒適，服務態度好，但食到中段才突然通知放題是包汽水任飲，就只叫了一罐可樂，因太飽都不能飲太多了。

對這間點心店充滿期望所以勁失望。之前睇雜誌介紹。話這裡是尖沙咀高級點心的點心尊門店。我老實講中港城的功夫點心抵食和好食個佢多多聲。雖然現在疫情關係有九折。但其實只係唔需要收加一。我和朋友三人其實上半年已經想試一試。但之前因爲疫症暫停開放一段時間。所以一直都無機會。但最近終於開返。所以大家早放時就來試一次。選擇這裡的最大原因就係佢可以選擇時間。沒有落場時間和分段時間。但其實今次真係好失望。因為食物選擇太少。高級點心都沒有太多。有些點心係唔做任食的。根本比普通酒樓選擇更少。老實講用呢個價錢真係無可能會有好評⋯以下係部分的點心：呢款點心見個樣都唔想食。睇樣硬梆梆⋯最後朋友話唔熱和只有一個甜字這個瑞士雞翼。一點甜味都沒有⋯這個蝦餃還可以。已經係最好食燕窩蛋撻-但係賣相很差。高級點心這個賣相？老實講這間點心店放題選擇里。最值得點的就係呢個。點了這個就為這餐畫上句號。我自己都一個人食咗兩碗才滿足。這裡以前點風光我就唔太清楚。但我眼見其實人都唔太多。可能價錢都係一個大問題。尖沙咀這地方你收這個價錢大家對你的食物一定會有所期望。我唔會再試因爲這裡選擇太多。如果真係找唔到其他點心放題。我情願單點，因爲價

之前係荃灣食過點心任食放題，店內所有蝦的食物都做得唔錯，今次就試吓其他散叫野，叫咗個鬼馬菠蘿咕嚕肉加入了炸脆的油炸鬼夠創意，薄薄一層嘅脆漿包住啲半肥瘦肉去炸，咬落很咔一聲好正，另外再叫咗一碟避風塘糯米蟹，饅頭包着糯米造成蟹樣攞去炸，在喺上面灑D避風塘炸蒜蓉，賣相幾得意，食落就比較滯，今次大致上都幾滿意