黑珍珠號

营业中

休息中

英式炸魚（大西洋白鱈魚）薯條（$98），炸魚即叫即制（約需要15分鐘），超級大塊+厚肉。外層炸漿少少脆（如果再脆口啲更好），魚肉結實有口感，冇魚腥味，絕對不是 cheap cheap cat fish。可惜薯條唔夠熱辣辣。罐裝啤酒（$15），配埋啤酒，爽呀~~~宇治抹茶奶昔加珍珠（$35），老闆話珍珠係即炒，好熱小心燙口，珍珠的確軟滑糯（但有2粒中間稍硬），奶昔香滑微甜，整體好飲。

呢間餐廳喺大澳嘅地理位置係超好不過佢冇因為呢個優勢而整劣嘅嘢俾客人食反而係好用心，啲嘢好好食熱狗配薯條：呢個熱狗用嘅醬汁好正個包烘到有啲脆脆地㗎炸魚薯條：招牌炸魚薯條炸粉夠薄但好香脆抵食，好食，支持小店😃

價錢合理食物質素唔錯嘅小店🥰店內店外嘅環境都好靚，可以打卡店內有酒精飲品，黃昏喺店外露天座位食嘢應該會幾有feel不過店內得兩個店員，所以多人嘅話要預小小時間等

店面乾淨，見到店主有做廢料回收。每次到大澳都有幫襯，今次飲抹茶珍珠奶昔，味道剛好，不會過甜，珍珠好滑。可惜每次都已經食得好飽，一直未有機會試炸魚薯條！下次一定會試試！

因為想拍下大澳日落照，拍完條巴士龍排到去碼頭。所以打算去黑珍珠號食埋個晚飯先回家。點咗個炸魚柳加薯條。再加杯汽水。埋單都要成$97。個炸魚柳好脆，加埋沙律醬就好滋味。個薯條炸到金黃色。加埋蕃茄醬就更加好食。食店好近碼頭，建議大家如想去拍日落照，拍完最好係度食埋飯。因為大部份大澳食店約六時會關門。

之前係外國食到既炸魚味道，終於都係香港搵到啦！佢用鱈魚炸，真係原汁原味。出面收100幾蚊既都係用龍脷柳做。同埋老闆超nice, 本地大澳人，介紹左好多地方比我去。總括而言，好味兼扺食！😋