黑木 (已結業)

人生中食過最差的串燒，無論食材，燒烤技術，味道，只值最多$200/位，竟然收$888/位再加一，兩位埋單$2028，我唔知自己食佐D咩？ 食材普通，而且收費連加一平均每位$1000，簡直係離譜！，11串串燒竟然收$888/位，請問有邊串覺得你可以收咁貴啊？串燒肥豬肉，串燒白果，串燒釀冬菇加溫泉蛋，串燒食剩的北寄貝群邊，燒無骨雞翼，口感差，乾，燒秋刀魚，腥，魚唔新鮮，完全無一個合格。我會考慮到消委會問一問情況，祝你好運 完！…查看更多

不嬲食咩菜式去開邊度就邊度，好小會試未食過嘅鋪，今日忍唔到試新野就出事，服務真係好好，但野食同價錢完全唔成正比，完全無樣野係好食，由其啲串燒仲衰過街邊阿伯燒果啲，永世唔會再去…查看更多

串燒omakase 第一次食每樣材料好特別廚師好有heart 但全部d味好唔夾口感又唔夾Ingredients 分開黎講係好味但放埋一齊好怪例如牛奶布甸好滑口感似panna cotta 但佢加左d好甜既red bean paste 就完全唔夾但本先個牛奶布甸已經係甜我prefer 佢加類似coulis 既texture 但係matcha flavour 先再加red bean paste 會好d 燒菠蘿加糖已經好甜再落埋rum 係太甜直情overpowering 食唔到菠蘿本先d 味…查看更多

前排同事介紹咗一間位於尖沙咀嘅日式串燒居酒屋<黑木>，大讚食物質素同味道都唔錯，值得一試😝 中意食串燒嘅我當然唔會錯過。雖然餐廳門口唔顯眼好易行過龍😂 但一推開門就好似到咗日本咁，店內環境整齊舒服，裝潢、佈置及擺設極具日式風格，啱晒一班好掛住日本嘅食客過黎食餐正嘅串燒Omakase ($888/人) 同Chill下😏沙律有三款食物，日本白栗米、沖繩黑糖腸同牛油果。白栗米爽甜多汁；黑糖腸外層咬落香脆惹味；牛油果熟度剛剛好，吃起來綿軟順滑。呢個沙律配搭幾特別，誠意滿分💯日本蘋果汁 (另加$38)食串燒最啱就係飲返杯蘋果汁😝 蘋果汁味道清新、酸酸甜甜的，又可以中和一下串燒嘅油膩感清酒燒蛤蜊餐廳選用了日本貴妃蚌，大大隻又厚肉😍 師傅燒制嘅火候剛剛好，貴妃蚌唔韌兼無腥味，而且口感爽彈。加咗清酒同煮，更能帶出鮮味，咬落亦散發住淡淡嘅清酒香氣😋免治雞肉釀冬菇配溫泉蛋餐廳選用了日本九州走地雞，雞肉夠嫩滑，加入口感爽脆嘅雞軟骨令口感層次更豐富。冬菇咬落多汁，同溫泉蛋一齊撈勻食就更香更滑溜🤤沖繩水雲漬鯖魚底層係沖繩水雲，入口黏滑可口，口感非常獨特。個人唔太中意食鯖魚因為太過油膩，但連同水雲一齊食就大大減輕個份油膩感👍 師傅喺水雲漬中加入了柚子汁及柚子皮，令整個味道酸酸甜甜又帶點清新，亦為食下一款串燒前先清一清味蕾😌牛舌串配日本青椒仔師傅燒牛舌串時特別加入大葱煮韓國麻油同少少辣椒，所以食落更有牛香更惹味。牛味濃，而且肉質軟嫩，咬落充滿肉汁；日本青椒仔爽口，亦帶點牛舌嘅油香，正😋無骨雞翼雞翼肉質好嫩滑；雞皮又脆卜卜，簡單用鹽來調味已經好好食👍黑豚豬腩荔枝卷估唔到荔枝都可以喺串燒裡面出現，好特別好有驚喜🙈 黑豚豬腩包住荔枝，可以平衡豬腩肉嘅油膩感，食落唔會好乾，感覺清新😆美國安格斯牛肉串配紫洋蔥粒賣相精緻吸引🙈 牛肉味濃，肉質有嚼勁但唔會過韌鞋口👍 再喺牛肉串上撒上紫洋蔥粒，別具風味，加倍滋味昆布紫菜清湯白布烏冬食咗咁多串燒仲有少少肚空空，呢個時候黎返碗熱湯烏冬就啱晒啦~ 白布烏冬雖然只得一片，但口感煙韌🤤 湯底先係亮點😍 絕對唔係味精湯，飲落清清地但好鮮甜😌甜品共有兩款，冧酒燒菠蘿以及綠茶紅豆蕨餅。記得先食燒菠蘿🙈 加咗冧酒黎燒嘅菠蘿更加香，外層焦脆，食落酸甜多汁，開胃解膩😆 綠茶配紅豆永遠係perfect match! 蕨餅外層沾滿了綠茶粉，散發住濃郁嘅綠茶香，吃起來口感軟滑煙韌，而且唔會太甜。面頭上仲有少量金薄，好睇又好食👍美味滿足嘅一餐，完美嘅一個晚上😋…查看更多

壽司刺身壽喜燒omakase 通通試過，串燒omakase 就未食過，今日同好耐冇見嘅朋友嚟到黑木試吓佢嘅串燒Omakase。毫不起眼嘅店門，推門一入就係一係裝潢簡潔別緻嘅木系日式居酒屋🏮，好期待呢一餐😍先嚟前菜牛蒡 青豆 蒟蒻白粟米🌽，生吃好清甜，有甘庶嘅味道。牛油果，沙律菜，沖繩黑崎腸唔會勁油勁膩，外皮口感帶脆，都唔錯🥃清酒煮日本貴妃蚌好大隻好厚肉，超級juicy，好有口感，清酒混合蚌嘅鮮味，好味到連殼上嘅汁都飲埋。🐓免治雞肉釀冬菇配溫存蛋採用日本走地雞，加入了少少雞軟骨而成嘅免治雞肉，和冬菇完美配合，再加上滑嘟嘟嘅溫泉蛋🥚，增加滑溜口感。🐟海藻水雲漬配鯖魚魚味重，再加上新鮮嘅柚子皮粉，味道清新又提鮮。海藻水雲漬酸酸甜甜，醒胃，入口又滑身🙊。🐮牛舌芯係牛舌中最軟腍最軟滑嘅位置，牛味濃郁，佢嘅醬汁係大蔥煮韓國麻油，有少少麻辣味道，有畫龍點睛嘅效果❤️，日本青椒仔爽口好食😋🐣雞翼燒得非常有水準，皮脆肉嫩又Juicy🐥，勁細心去埋骨，就咁鹽燒都好鬼正😋🐷豬腩荔枝卷薄薄嘅豬腩捲住原粒荔枝🤩，荔枝嘅清甜味可去一去豬腩嘅油膩感，感覺好清新，味道又好夾🥰🐮安格斯牛肉燒得剛好，唔會乾晒柴，肉質軟腍唔嚡口，加上紫洋蔥碎，味道更正更有口感😬昆布紫菜清湯白布冬烏冬食左咁多重口味嘅串燒，飲番碗熱辣辣嘅清湯最好不過，再加上一條長嘅白布烏冬，好暖胃😍甜品係冧酒提子燒菠蘿，紅豆抹茶蕨餅，菠蘿外層塗上冧酒提子糖漿，入口黐黐甜甜的，再加上菠蘿本身嘅香甜味，好食度爆燈🥹，質感煙韌軟糯嘅蕨餅配上紅豆🫘抹茶🍵真係好match，好好食😋每人$888，另加一，飲品另計。…查看更多

第二次黎黑木，有咗上次嘅經驗，今次一搵就搵到餐廳門口，依然係一貫嘅低調環境清幽，冇嘈吵嘅音樂，可以安靜舒適咁享用食物今次食嘅係888嘅omakase，包前菜沙律串燒主食甜品，我同朋友都非常滿意首先上嘅係鱈魚乾，暖暖地，食住傾陣計，沙律就到沙律有蟹子蟹肉青蘋果，開胃清爽好味清酒煮蛤蜊超厚肉，非常鮮甜，冇得輸雞肉釀冬菇，配埋溫泉蛋，口感相當豐富蝦餅彈牙，上面撒滿蝦子👍燒到咁脆身嘅燒鰻魚真係第一次試，魚味好濃，而且多一份濃濃燒過嘅焦香雞串燒：雞肉嫩滑，雞心爽口呢度嘅牛舌都好唔錯，雖然唔算厚身，但都好爽脆薄薄嘅豬肉裹住窩筍，菜蔬都可以處理到好惹味呢個燒牛都幾有記憶點，連下面墊底嘅粟米都處理到好香，牛肉好軟lum，燒到啱啱好白布烏冬及格有餘啦最後收尾個甜品真係好正👍👍👍燒菠蘿完全冇渣，咬開外面，入面真係爆汁，甜到入心，喺食完啱啱咁多肉之後食呢個甜品，真係完美咁解膩，十分滿意👍總結：omakase呢個價錢合理，食物滿意，我自己宜家除咗食物之外都好重視個用餐體驗，呢度我好滿意，環境清幽，上餐個節奏好好，就算食咗兩小時，都唔會覺得耐，因為佢keep住有上菜，呢兩小時keep住進食而唔係白等，而且服務員添茶個速度好快，一見你冇茶就即刻添，我好滿意👍👍👍…查看更多

經朋友介紹，尖沙咀有間日式餐廳主打串燒Omakase ，一餐可以食到十二款唔同既串燒同小食。我聽完後覺得幾特別，於是約埋好友一齊去食！餐廳使用了日式既木門，而門邊懸掛了一個刻有餐廳名字<黑木>既燈箱，好有日本風情既感覺。由於我同好友六點半左右來到，人流不算太多，加上環境非常舒適，好岩我地一邊食，一邊傾談心事第一道- 鱈魚干配沙律醬。食入口既時候，我感覺到鱈魚干燒得非常香脆，而且還有暖暖既餘溫。若想提升味道，可以點一點沙律醬，令整體味道變得更為惹味！第二道- 沙律。沙律內有牛油果、青森蘋果，以及青瓜絲，味道清甜多汁，好岩宜家夏天既季節食，令人愈食愈開胃。第三道- 免治雞肉釀冬菇配溫泉蛋。我第一口吃了冬菇，估唔到冬菇入面仲包著免治雞肉。呢種配搭我第一次嘗試，冬菇既濃香再配上鮮甜多汁既雞肉，味道出奇地夾，令整體口感變得非常豐富。而溫泉蛋亦好香滑，滲出香濃既蛋香味。第四道- 汁燒南非鮑魚。餐廳員工把一隻大大而飽滿既鮑魚原隻送上，而廚師為了方便食客進食，亦非常細心地將鮑魚切成一片片！鮑魚非常新鮮，口感鮮甜彈牙，而醬汁更加提升了鮑魚既鮮味。第五道- 牛舌配蘆筍。我本身非常鍾意食牛舌，但又怕食到又厚又韌既牛舌。幸好呢間餐廳燒出既牛舌恰到好處，雖然望落紅紅的，但並不代表過生，反而呢種生熟程度，食落口中入口即溶，口感特別嫩滑，完全無令我失望第六道- 蝦膠串燒蝦餅。入口蝦味濃郁，蝦膠新鮮彈牙。由於蝦餅外灑了黑醋，同時亦有沙律醬，味道咸咸的，又帶點甜味，非常特別。第七道- 燒白鰻配柚子皮。鰻魚燒完後外脆內軟，出面既鰻魚皮燒得香脆，而入面既鰻魚肉非常香軟白滑，另外再灑上即磨既柚子皮，味道清香，大大增加魚香既美味。第八道- 鹽燒雞翼。雖然較簡單既一道菜，但雞肉燒得香口嫩滑，雞肉外皮亦很香脆，係串燒界必定要點的菜式。第九道- 萵筍配黑豚肉。黑豚肉雖然帶點油膩感，但配上萵筍既清新爽脆，完全中和了黑豚肉既濃味，令整體感覺反而變得健康清新。第十道- 牛油粟米配安格斯牛柳串。牛柳燒出來充滿濃郁既牛香味，肉質完全不韌，最特別莫過於牛柳串上既紫洋蔥，令整條串燒更加香口惹味。第十一道- 清湯白布烏冬。白布烏冬煙韌彈牙，而暖暖既清湯非常清甜，令人可以清除今餐既油膩感，幫助消化。第十二道- 焦糖燒菠蘿配抹茶蕨餅。今餐甜品我非常喜歡滿意！一般最常見既甜品不是雪糕，就係啫喱，但呢度既甜品與眾不同，而且睇得出餐廳既誠意同用心。右邊既燒菠蘿燒得香脆，入口時吃出菠蘿外圍既焦糖糖香味，而燒菠蘿一咬，清甜多汁，充滿香濃既菠蘿果香味。左邊既抹茶蕨餅煙煙韌韌的，上面放置了一些紅豆蓉同金箔，整體感覺非常賞心悅目，真係食得又睇得…查看更多

今日同朋友黎咗尖沙咀一間叫黑木既日式餐廳到食熟食Omakase鱈魚絲加埋漿汁一齊食真係一流蟹子沙律 同埋台灣愛文芒蝦膠上湯北寄貝，個湯好鮮甜入味免治雞肉饟冬菇，店員話雞肉係用九州雞軟骨，點埋温泉蛋一齊食，好好味 汁煮花螺 依度d串燒好有水準，牛舌拖羅，口感一流，燒得好有水準 去骨燒雞翼加牛油粟米，燒雞翼燒得好香，仲要無骨，正紫菜白布烏冬甜品都有三款，北海道牛乳布丁，菠蘿同十勝紅豆蕨餅，布丁上面仲要有金箔，真係色香味俱全，為今餐晚餐畫上完美句號…查看更多

好耐冇食Omakase，今日同朋友黎咗間叫黑木既日式餐廳食返餐豐富既Omakase第一道係蟹子沙律 跟住係蝦膠加埋台灣愛文芒，好特別既組合，但係好好味上湯北寄貝，個湯好入味，北寄貝好鮮甜免治雞肉饟冬菇，用九州雞軟骨加埋温泉蛋一齊食，真係一流 汁煮花螺，花螺好入味 牛舌拖羅，牛舌燒得半生熟，再加露荀汁一齊食，好夾 去骨燒雞翼加牛油粟米 鹿兒島豚肉加蝦膏窩荀 最後一道熱食係紫菜白布烏冬甜品都好豐富，有菠蘿，北海道牛乳布丁同十勝紅豆蕨餅每一樣都好好味，真係令人難忘…查看更多

我怕吃生冷，但又想吃omakase，於是友人便帶我去這間日式小店，專做熟食餐廳小巧但精緻，佈置充滿日式風情。是晚我們坐在吧枱，能夠近距離觀看料理師傅準備食物。吧枱也方便師傅烹調完食物可以立即放在食客面前，很高級的享受。餐前小吃是枝豆蒟蒻明太子。 明太子分量頗多，粒粒分明。蒟蒻調味入味，再配上枝豆，有三種不同口感，絕對是誠意十足。沙律有北海道白粟米，牛油果和沖繩黑豚肉腸。牛油果吃下比較暖胃，中和了沙律的冷感。白粟米還是第一次吃，應該是生吃，咬下非常甜美多汁。沖繩黑豚肉腸亦燒得惹味。沙律配搭豐富，吃下一點也不冷。清酒燒東京蛤蜊蚌，再配上蔥和鹽調味。蛤蜊蚌上桌時熱騰騰的，含著滿滿的汁和清酒。肉質吃下鮮甜彈牙，燒的火候剛剛好。這種清新的做法更加能帶出海鮮的清甜。雞髀軟骨免治雞肉釀冬菇撈溫泉蛋。釀冬菇 咬下多汁，溫泉蛋煮得剛剛好，蛋白吃下滑滑的，蛋黃撈上雞肉吃相當特別。燒鰻魚十分考功夫，鰻魚是蒸完後再燒的，吃下會比較脆身。另外鰻魚上還加了少少柚子皮磨下的粉末，令口感更加清爽，不油膩亦不會有腥味，很合我胃口。燒去骨雞翼，吃下很方便 。雞翼肉特別嫩滑，而皮燒得少少焦脆，口感層次豐富。再加上少少酸酸的檸檬汁，十分惹味。厚燒牛脷用上韓國麻油再配上日本大蔥醬， 伴碟有青椒仔。牛脷絕對考驗師傅對火候的控制，這個牛脷吃下軟硬度剛剛好，還飽含著肉汁。醬料亦十分香口，再配上青椒仔吃下解膩。鹿兒島黑豚腩片荔枝串燒。荔枝大大粒，十分清甜。包裹著的豚腩片鹹香可口，兩者夾著一起吃真是絕配。美國牛肋條肉，用蔬菜汁浸過，再淋上滿滿的燒汁。燒的火候剛剛好，牛肉軟度適中，吃下油香四溢。配上小小菊花片，美觀之餘又可達到幫串燒降火之用。這一餐相當豐富，吃了各式各樣精美的串燒後，還有一個烏冬呢。這是昆布清湯白布烏冬，第一次吃這種白布烏冬，吃下順滑又有咬口， 昆布質地嫩滑口感也很特別。最後甜品是冧酒焦糖燒菠蘿配綠茶蕨餅紅豆蓉。我們十分期待這個燒菠蘿，因為在吧檯上看見師傅燒了很久。吃下果然香味四溢， 外皮焦糖香脆可口，咬下果汁飽滿。綠茶蕨餅也不太甜，和紅豆蓉十分匹配。最後還要說一下這裏的蘋果汁十分好喝。跟外面喝的蘋果汁很不同，更新鮮清甜。…查看更多

不知道大家喜歡食OMAKASE嗎?一般的OMAKASE 都是刺身和壽司。可是, 這家是特別的。這家可是串燒的OMAKASE, 頗特別, 沒有餐廳, 劃一價錢。這道充滿驚喜, 把雞肉釀在冬菇東中, 再配上流心的雞蛋汁, 美味這道是日本青森蘋果配上半隻牛油果, 十分開胃和美味串燒和牛配上竹筍 - 入口即熔化磯燒鮑魚 - 沒有腥味 - 幼嫩鮮甜特別的燒鰻魚 - 日本味十足燒和牛串 - 配上一部分的鮮甜粟米, 剛剛好中和了牛肉的油脂感覺燒菠蘿配上綠茶紅豆決餅最後埋單 HK$1954。真心而言, 價錢不是相宜, 但是食物質素有保證, 烹調手法高超, 餐廳職員用心, 用膳環境舒適。絕對適合享受生活態度的你來一試…查看更多

隨著年紀增加，個人價值觀開始不同，開始不會那麼著重錢，賺多也賺少其實沒有太大分別。應該好好享受人生才對得住自己。有見及此，特意從Openrice中找到這一間Omakase日本餐廳，完成人生人生To-do-list其中一件事。黑木餐廳位於尖沙咀金巴利道，地鐵站出發不用十分鐘便到 ，地點方便。餐廳內裝修簡單，但一絲不苟，很多小擺設也看得出設計者的心思。而且值得一讚的是餐廳座位安排得不算很迫，感覺令人舒服。我們一行二人叫了兩份Omakase。枝豆明太子蒟蒻(⭐⭐⭐⭐💢)清新開胃的前菜，爽口的蒟蒻配上明太子枝豆，吃起來感覺清新，令人食慾大增。牛油果 北海道白粟米配沖繩黑豚肉腸(⭐⭐⭐⭐💢)黑豚肉腸外皮脆口，十分惹味，配上清甜可口的白粟米和牛油果，巧妙的中和了豚肉腸的油膩感。日式梅酒 (⭐⭐⭐⭐💢)梅酒有很香的果味，容易入口，酒量不佳的我也能輕易接受。東京蛤蜊蚌​(⭐⭐⭐⭐💢)蛤蜊蚌肉厚而且鮮甜，配上日式清酒一起煮，味道更加豐富，令人一試難忘 。​雞髀軟骨麵豉雞肉釀冬菇配溫泉蛋(⭐⭐⭐⭐💢)十分考功夫的一道菜，味道吃起來層次豐富。免治雞肉鮮嫩，而且雞軟骨嚼口十足，配上溫泉蛋一起吃，感覺更為嫩滑。燒鰻魚(⭐⭐⭐⭐💢)鰻魚肉質肥美，吃起來油脂感十足。鰻魚燒得較為乾身，吃起來十分脆口。配上新鮮的柚子皮，味道更為豐富。燒牛脷(⭐⭐⭐⭐💢)牛脷是厚切的，起來肉質鮮嫩，配上麻油和日式大蔥一起吃，令人停不了口。 鹿兒島黑豚腩片荔枝(⭐⭐⭐⭐💢)黑豚腩肉肥美多汁，配上當做清甜的荔枝，感覺新鮮。美國牛肋條肉(⭐⭐⭐⭐💢)這可為今晚最令人驚喜的串燒，廚師烹調時間適中，吃起來肉質鮮嫩多汁。昆布清湯白布烏冬(⭐⭐⭐⭐💢)最後來一個烏冬，吃點澱粉質才飽肚的。清湯清甜，簡單的配上昆布和白布烏冬已經很好吃。燒菠蘿配綠茶日式蕨餅(⭐⭐⭐⭐💢)菠蘿是用冧酒燒過的，吃起來鮮甜，而且邊邊有一點焦脆。配上味道較淡的日式蕨餅，為今天的晚餐劃上完美句號。總括而言，這間餐廳食物質素十分高，每一件菜式都顯得出廚師的非凡廚藝。下次有機會也必定會再來 。 ~~~~~~~~~~~~~~~~~~~~~~~~ 黑木 尖沙咀金巴利街8號地下2號舖推介菜式：廚師特選👍🏻地點方便 👍🏻海鮮鮮味 👍🏻廚藝高超…查看更多

尖沙咀有好多高CP 嘅廚師發板，今日就嚟咗天文台道嘅黑木食$888嘅Omakase。首先有前菜鱈魚乾，啱啱整好暖暖地，有淡淡嘅魚味，可以點蛋黃醬開開胃。沙律有生粟米、黑豚肉腸同日本桃，粟米爽口清甜，日本桃味道清清地，中和豬肉味濃嘅黑豚肉，沙律落咗少少醬油調味唔會太dry。 之後係蛤蜊蚌，用咗清酒燒，上面撒咗少少竹炭葉。隻蚌脹卜卜好好肉地，咬落去啲清酒滲哂出嚟。軟骨免治雞肉釀冬菇配溫泉蛋，冬菇夠彈牙，同雞肉混合得好好，蛋嘅蛋白又滑，蛋黃又香濃 ，食嘅時候撈埋溫泉蛋一齊食好惹味。白鰻，廚師先蒸後烤，配自製鰻魚汁，餐廳加咗新鮮柚子皮加強香味，白鰻外脆內軟 食完喺咀入面仲留有魚嘅餘香。雞翼淮山漬，雞皮好脆，雞翼去咗骨容易食。燒蝦餅，加咗蝦子，分外有蝦嘅鮮味，蝦餅外皮香口，同時蝦肉彈牙。燒牛脷青椒，餐廳用咗自家製醬油蒜調味，惹味之餘帶出牛舌嘅味道，青椒亦都燒得好爽脆。汁燒美國牛柳，上面加咗洋蔥，牛柳味道香濃，肉質軟熟。白布清湯烏冬，作為最後一道菜，可以清一清味蕾，雖然係清湯但係仲有昆布嘅味道。甜品有冧酒燒菠蘿同綠茶蕨餅配紅豆蓉。先食菠蘿，以免被紅豆味蓋過，燒過嘅菠蘿更加香甜，菠蘿頂有小小脆，有焦糖效果。綠茶同紅豆簡直係絕配，上面仲有金箔，非常精緻。我哋仲叫濁酒，比清酒甜，而且米味比較重。…查看更多

約了很久，終於今天和朋友來吃Omakase 了，這間店門口比較低調，而google 地圖也有一點偏差，找了一會兒才找到。 但進去之後感覺很舒服，日系的感覺做得很好我們叫了個套餐，先上來的是牛油果沙律，很香滑。然後就是清酒燒大蜆，非常肥美，而且清甜，可見食材之鮮，更重要的是沒有沙，很好之後有一份雞肉釀蘑菇配溫泉蛋，個人感覺味道剛好，多重口感都能享受得到。之後有燒鰻魚，非常好吃，外脆內軟，而且味道出色！而牛舌爽口夠味，我和朋友都很喜歡。最後來了一份焦糖菠蘿和紅豆抹茶麻糬甜品作結。總的來說，我會推薦給朋友呢！…查看更多

預約了一個月，終於都到了約定日子，跟閨蜜都準時到達，侍應姐姐熱情有禮推介師傅發板的set，時令食材即席烹煮，令人十分期待。前菜是鱈魚乾，送酒一流，朋友點了生啤，而我就點了杯梅酒。牛油果山梨縣蜜桃黑豚肉腸沙律，非常清新，蜜桃超香甜。侍應很細心待我們每道菜吃完才上菜，就不怕涼掉。有海鮮～清酒燒蛤蜊，非常新鮮，連湯汁都充滿酒香。九州雞肉釀冬菇配溫泉蛋，濃香蛋汁包裹香香的菇和肉，非常美味。鹽燒九州無骨雞翼，師傅細心將骨拆掉，啖啖肉品嚐。鹽烤鰻魚，外表乾身內裏juicy。日本青椒配大蔥煮韓國麻油牛舌，軟糯又多肉汁。鹿兒島黑豚肉包萵笋串，肉和菜的無縫結合。美國安格斯牛柳粒配蒜蓉牛油粟米肉，濃味之選。昆布紫菜湯白布烏冬，第一次試像一塊白布的烏冬，挺特別的。甜品是甜酒燒菠蘿、十勝紅豆配綠茶蒴餅，甜美圓滿的一餐。…查看更多