黑木亭-お食事処 (玉成大廈) (已結業)

🗺位置：容易到達，隔離就系輕鐵站，小巴站，同巴士，交通方便🌐環境：佢有分外賣部同堂食部，外賣部既野5算好貴，選擇都好多。🤵服務：服務好細心，一黎到就已經馬上倒水。筷子個d擺位都好有講究，果然系日本餐廳。要讚一讚既系，服務員好耐心甘解決我既問題，對菜單內容都好熟悉。而且收捨碗都好快手，見到有吉碗就會自己收拾。🍣菜品：有選擇困難症既我，直接叫左個雙人餐，抵食d。刺身好新鮮，食落5會腥。 饅魚卷好食！入面卷左炸蝦，青瓜，又脆又爽！加埋上面舊饅魚，成件事好夾！之後就系我最期待既壽喜燒，d料多到滿瀉🤣🤣🤣d肉都多到不得了，勁豪。食到最底仲有粉絲！d粉絲吸哂壽喜燒湯既味！😍勁好食！另一個主食叫左個饅魚飯，飯上面有味粉，饅魚下面有滑蛋🥰🥰d滑蛋處理得好好，入口即化。

早排聽到朋友講 原來元朗開咗黑木亭 二話不說即刻約咗朋友去食叫咗6個items 同朋友share 食 超級滿足🧡第一個餸嗌咗青紅蘋果蟹子沙律🥗($98)份量2-4人share 啱啱好，甜甜酸酸好開胃 👍🏻唐揚小池魚($68)有成20-30條😘 $68好抵食 做下酒菜幾好A5黑毛和牛串($98)A5和牛果然係唔同啲 一上枱已經勁香，食落去仲要肉質鮮嫩💯 ‼️沖繩黑糖燒菠蘿🍍($38)菠蘿嘅鮮味加埋沖繩黑糖🍍🍯 甜甜酸酸好好味‼️‼️食完前菜同串燒 全晩最重點highlight🧡就上菜嚕!!DIY壽司刺身盤($599)💯💯💯💯有海膽拖羅帶子三文魚同魚子!! 自己可按自己喜好配搭食材 又睇得又食得🥰🥰呢個壽司盤我個人係十分推介啦！！💯超級滿足的一餐🤣🧡so far 服務都幾好 座得都幾舒服🥰下次有聚會再去試埋其他野先~~~

元朗高質日本料理 上次食過後仍然掛念🫢今次又叫了不同的料理 驚喜度滿分.🔸DIY壽司刺身盛 $599看圖已感到十分吸引 又可以自由配搭來吃份量也好多~ 刺身厚切 好新鮮肥美!- 三文魚六件-海膽-赤身兩件-拖羅兩件-帶子四件-櫻花魷魚-芥辣八爪魚-三文魚籽-壽司赤醋飯 & 紫菜 (可以任添).🔸青紅蘋果絲蟹子沙律 $98好少見到用蘋果做蟹子沙律食落感覺更清新鮮甜.🔸唐揚小池魚 $68原條小池魚用唐揚做到外酥脆成條都可以食 好惹味.🔸蒲燒鰻魚串 $38肥厚鰻魚用了大量蒲燒汁燒即叫即做 一定要盡快食~.🔸A5黑毛和牛串 $98和牛串十分多汁 肥而不膩.🔸沖繩黑糖燒菠蘿 $38甜品選了燒菠蘿 用黑糖燒過後更能保持爽甜.📍黑木亭-お食事処 (玉成大廈)📌元朗裕景坊15-25號玉成大廈地舖

放假又係食好東西的日子，今日入開元朗，見到有週末二人餐，咁吸引一於試試佢😋週未放鬆二人餐$398好吸引，有三款刺身、四件卷物、兩款主食同兩杯果汁🍹刺身好厚身同新鮮，八爪魚咬落去鮮甜多汁、三文魚肥美、油甘魚油脂豐富👍🏼鰻魚牛蒡炸蝦卷，層次好豐富，饅魚下面包住壽司米飯，入面仲有牛油果、肉鬆、炸虾同牛蒡好足料😋壽喜燒定食配烏冬，湯底味道濃郁，牛肉配上洋蔥同壽喜燒汁多多都食得落😌仲有烏冬好爽口彈牙黑松露忌廉石鍋烏冬豬扒定食忌廉配烏冬原來係咁夾，味道濃郁食出芝士拉絲感覺🤣豬扒新鮮炸起，脆卜卜得黎入面係嫩滑，一啖豬扒，再加埋黑松露配烏冬正👍🏼套餐仲有兩杯果汁，係富士山櫻花杯呀🌸，好有心思

同朋友一齊放假約左食呢間元朗鬧市中有特色的日本餐廳我地黎到見有個「週未放鬆二人餐」好抵食..有刺身有卷物仲有定食同甜品....多野揀之餘, 份量仲係大大份架~!!!!開心的一個LUNCH!!!!!!!!!!!!!!!!!!!!!!!佢仲有好多款MENU有LUNCH SET都好抵咁!!下次再黎試~三點刺身盛 - 刺身新鮮, 平時唔特別鐘意三文魚的我都覺得幾鮮~鰻魚牛蒡炸蝦卷 - 好大舊~但係唔係話多飯..係餡料都多~食完仲有一個飯同一個烏冬~HAHAAA不過有牛蒡的卷物平時都少食..幾特別~流心熔岩蛋三文魚飯 - 出色...佢的三文魚數量唔少, 加埋芝士同沙律醬, 雖然感覺少肥但係但係真係好好好好夾好好味~中間個流心蛋將成件事昇華左!!!仲有真係幾大個下, 大家唔洗驚d二人餐會食唔飽人~hahaaaa壽喜燒定食配烏冬(牛肉) - 牛肉量多, 睇得定好食~菜好多, 佢呢個價錢有咁的量真係好抵食呀!!烏冬都好食=]!!!!!!好多菜!!!!!!!湯底味濃但係唔會過咸!!唔好睇好似細細杯~真係要介紹下!!!!!!!一杯係蘋果汁, 一杯係菠蘿汁~我想講杯菠蘿汁好好味...............

黑木亭(元朗)晚上於元朗晚餐，朋友介紹到黑木亭食日本嘢；餐廳比較特別，前面做外賣後面係餐堂；坐低就覺得去咗日本嘅居酒屋一樣，好有日本feel！餐牌全部用相片，比較吸引和容易點餐！咁我哋就點咗一個好特別嘅細味六杯號做前菜，一個常滿卷壽司，再加多一個什錦炸物拼盤和三個串燒做主菜，最後再加多兩杯簡單嘅蘋果汁同橙汁！好快啲餸菜就嚟到，雞尾酒蠔好特別，打卡必選，細味六杯蠔，就好有蠔嘅鮮味，佢有三款；每樣兩杯！我就最鍾意泰式嘅酸辣味了！而常滿卷嘅壽司亦都好特別，每嚿壽司會有兩款唔同嘅魚生包喺外面，有三文魚有劍魚等等，食落好鮮甜！再加埋大大粒嘅魚子，實在係超好味！而雜錦炸物拼盤都有炸生蠔和炸蝦，炸得外脆內軟！而炸豬軟骨雖然有少少硬，但係食落都唔錯；三個串燒就最好味係燒菠蘿；燒雞翼都有佢嘅特色，辣辣地！翠玉瓜就有芝士同埋蜜糖兩款都好好食，總括來說，坐得舒適食物合適！

去元朗搵朋友玩，見到呢間鋪舖頭出邊裝修幾靚，於是就諗住入去試吓，咁啱有個二人餐可以包埋刺身主菜嗰啲食，於是就叫左一個二人餐試吓。💛週末放鬆二人餐💛三點刺身盛有三文魚，油甘魚同八爪魚。最令人感到驚喜嘅係八爪魚，一般嘅八爪魚都會好韌，但係呢個反而幾軟腍，幾好食。💛鰻魚牛蒡炸蝦巻 一上到黎就覺得個卷真係好大件好抵食。都真係比得幾足料，鰻魚同炸蝦都幾大嚿，食落口好滿足。💛黑松露忌廉石鍋烏冬配吉列豬扒定食鍾意黑松露味道嘅一定要試吓，超級濃郁嘅黑松露香味，配烏冬索晒啲汁真係好好食，吉列豬扒個皮都唔會太厚，幾好食。💛壽喜燒定食配烏冬(牛）牛肉份量都算幾多，雖然唔係和牛嗰啲程度，但都食得出個新鮮程度都唔錯。至於壽喜燒個汁都調得幾好，甜鹹適中，最後淥埋烏冬食幾唔錯。唯一就係一開始等佢滾都有啲耐，搞到個人好肚餓。💛菠蘿汁個杯真係幾靚，而且成個杯都係雪凍左，加上菠蘿汁酸酸甜甜咁，幾開胃。

依期真心忙，趁週末抖抖氣係必須的，《黑木亭》喺屋企附近開左分店，之前主打做壽司外賣🍣，依家有埋堂食，一於試下。星期六日有週末放鬆二人餐（$398）一款指定刺身盛合、一款巻物，自選2款主食連飲品2杯, 其實夠晒我哋一家三口食。🥢三點刺身盛 分別有厚切三文魚、油甘魚和八爪魚。每款2件，刺身色澤光潤，口感黏稠，魚味香濃新鮮。🥢鰻魚牛蒡炸蝦卷這個飯卷真係有驚喜，鰻魚好大塊，仲有炸蝦，加上鰻魚汁、青瓜，口感更好。主食選2款，有刺身丼、壽司拼盤、湯拉麵、定食等。🥢黑松露忌廉石鍋烏冬配吉列豬扒定食 石鍋上枱時仍冒着氣泡，熱辣辣要稍放涼才不怕燙咀。黑松露忌廉汁濃郁又好creamy, 離遠都傳來一陣菌香，烏冬每條都掛滿醬汁，滑身而煙韌，配搭新穎又飽肚。吉列豬扒係另外上既，份量都幾大，炸得香脆金黃，咬下去肉質又軟滑juicy, 一啲都唔乾唔鞋，又夠入味👍🥢泡菜豆腐豚肉鍋配日本珍珠米因為其他人都怕辣，這鍋是給自己自私食既，不過其實只屬小辣，加埋豆腐豚肉係絕配，份量仲唔少添。裡面仲有啲粉絲，吸左泡菜湯更惹味。套餐包2杯果汁，選左橙汁和蘋果汁。另外，見佢平日午市定食都唔貴，外賣都幾多選擇，下次可以試下。

老闆請食飯，揀了附近的一間日本餐廳，有大食大當然要吃價錢夠狠的魚生丼飯。我點了一份滿屋四季丼飯，有三片三文魚、三隻甜蝦、拖羅蓉、三文魚子，刺身新鮮，沒有有腥味，每款刺身份量不少，剛剛配合到飯的比例，很滿足😋。而前菜都不差，枝豆是炒過微暖表面帶點鹽，有誠意。麵豉湯味道濃而不太鹹，飲完不會感到口渴。茶碗蒸，蛋滑味道濃郁，進食時很舒服。由於包了場，坐位擺位可能調整過，但環境新整舒服，服務員態度亦很有禮貌，一應俱全，價錢對得住食物的質素。

黑木亭-お食事処 (玉成大廈) (元朗)元朗裕景坊15-25號玉成大廈地舖====================今日同朋友去左元朗覓食，呢間黑木亭喺其他地方見過佢其他分店，但我地之前都未食過，見環境幾靚幾岩打卡，menu幾吸引，所以去試試佢，我地叫左好多野食，成枱都係。白飯魚乾作為前菜，d 魚炸得好酥脆，有啲微微咸咁嘅味道，幾好食武士醬汁雞翼雞翼皮脆入面好嫩，令人一食就會流口水，好食石板A5宮崎和牛切：牛肉好嫩好多汁，肉質好鮮美，一口咬落去就會有啲肉汁噴出嚟，放喺整熱左嘅石板上，keep 住個溫度，真係好好食！深海池魚薄切肉質彈牙，有啲微微甜咁嘅味道，真係好鮮美，廚師刀功好到家，厚薄一致荔枝豬肉卷：荔枝同豬肉卷成一體，豬肉嫩滑，荔枝果香味好濃郁，令人食完都會想再食一次。我地食完都幾滿足，有機會會搵日再去❤️

經過見到呢間元朗新開張嘅居酒屋，即刻要試吓先。門口有得買外賣魚生刺身丼，入面裝修都幾靚幾好坐。週末放鬆二人餐 $398店員推介呢個抵食二人餐，有刺身盛，卷物，兩份定食，兩杯果汁三點刺身盛(三文魚二切，油甘魚二切，八爪魚二切）刺身都幾新鮮，唔錯唔錯👍鰻魚牛蒡炸蝦老卷味道都幾好，鰻魚有微微炙燒過，好香炙燒四合丼估唔到咁大碟🤣 有三文魚，油甘魚，左口魚同埋蟹柳，好豐富！壽司拼盤（六貫） 拼烏冬六件壽司係餐廳預設冇得揀，但係都好啱食，烏龍都唔錯佢地用嘅杯好靚😍 富士山呀！整體食物同環境都唔錯👍

這間黑木亭係尖沙咀開到嚟元朗，位於元朗裕景坊係一間地舖，之前係尖沙咀食過都覺得幾好，唔知到呢一間會唔會有驚喜😚!.週末放鬆二人餐 $398套餐包括指定刺身、指定卷物、定食兩款、甜品及飲品.三點刺身盛呢一款剌身盛分別有三文魚、油甘魚同八爪魚，店家用咗好有特色嘅碟子盛載😍增添食慾，三款剌身食到入口味道鮮味😋口感嫰口!.鰻魚牛蒡炸蝦卷呢一碟炸蝦卷望著都唔錯🤔，卷物包裹紫菜、炸蝦、牛旁，同時配埋佢嘅珍珠米粒粒口感內脆外腍，上面放咗美味嘅鰻魚，令到整件炸蝦卷多從口感更加美味😋!.灸燒四合丼 呢一款四合丼賣相夠哂夠引，整款色香味😚都好正，有四款不同剌身望著都好想食🤤，尤其是佢嘅炙燒三文魚油份十足入口嫩滑😋，我覺得真的唔錯!.山•吉列豬扒丼飯呢一碗丼飯份量十足😲夠哂豐富，整碗丼飯滿滿紫菜條、木魚絲其他配料，吉列豬扒食到入口金黃香口肉質腍嫩鬆軟味道都唔錯😋，配埋丼飯粒粒口感軟硬適中，整碗丼飯嚟講都幾好食!.飲品呢兩杯蘋果汁 、菠蘿汁帶點清香果味😙，蘋果汁香甜帶點蘋果香味，菠蘿汁帶點酸甜菠蘿味😋，尤其是食飽咗消一消都唔錯!.​

我今日黎到位於元朗既黑木亭食飯，首先講下佢哋嘅蘋果汁同橙汁。呢兩杯飲料味道好自然，唔會太甜。特別係蘋果汁，味道好濃郁，有啲微微嘅酸味，令人好開心。橙汁味道就比較清新，有啲淡淡嘅甜味，好解渴。再講下佢哋嘅壽司刺身盛。呢個菜式係一個生魚片嘅拼盤。生魚片新鮮彈牙，仲有啲薄脆嘅海苔，真係好開胃。每種魚都有啲唔同嘅味道同埋口感，好豐富。整個拼盤做得好精緻，好適合拍照留念。再講下佢哋嘅和牛串同鰻魚串。和牛肉質好鬆軟，每一口都好juicy，加上啲烤過嘅味道，真係好好味。鰻魚串就更加出色，香味濃郁，烤得啱啱好，魚肉滑嫩，真係令人回味無窮。佢哋嘅烤串都係烤過，表面烤得啱啱好，內裡仍然juicy，真係好食到不得了。總括而言，呢度嘅食物好美味，令人一試難忘。如果你鍾意日本菜，咁就一定要嚟試下啦！

元朗多嘢食就無需多講，日本菜都多到總有一間喺左近，同事介紹依間日本菜幾抵食就去試試。「週末放鬆二人餐」 $398，套餐已包刺身+卷物，另可選二款定食和果汁～餐廳外有定食、壽司、刺身售買，見到都幾多人買定食有14款不同種類揀選，有壽司、丼飯、拉麵、壽喜燒、定食、鍋物、陶板燒，可按個人喜好選擇。最後揀咗灸燒四合丼及泡菜豆腐豚肉鍋配日本珍珠米三點刺身盛(三文魚二切，油甘魚二切，八爪魚二切)套餐已包指定刺身，魚生新鮮，肥美厚切，八爪魚好彈牙，性價比高！鰻魚牛蒡炸蝦卷另一套餐包括指定卷物，燒香鰻魚鋪面，咬開好香魚油味，第一次食牛蒡原來咁脆！加上炸蝦果種脆口感好特別，好值得試！泡菜豆腐豚肉鍋配日本珍珠米感覺最回本嘅係鍋物，平時食都要成舊水鍋，除回本之外，泡菜豆腐都係我鍾意食，湯底辣辣地送飯食一流，豚肉佔咗半鍋，豆腐、椰菜、金菇等都擺到滿一滿，唔驚食唔飽灸燒四合丼一向麻麻地食魚嘅我今次居然大讚！燒香左口魚油香四溢，如果唔係個鍋食到飽飽要嗌多幾碟食，真係超回味！其他三款火灸種類分別係三文魚、蟹柳、鰻魚，每樣都燒到好香口，加埋醬汁食好惹味，順帶一題，丼飯份量好多，發覺依到嘅份量都偏多，2位男士食都夠飽！

元朗一向都多美食，難得住元朗嘅朋友放假，專登入去同佢食個晏就，今次想食日本菜，就去咗呢間——🌟黑木亭-お食事処🌟見佢有個週末放鬆二人餐包好多野，幾抵食🤩._.🌟🌟🌟 / 週末放鬆二人餐 / 🌟🌟🌟🐟｜三點刺身盛｜🐟（三文魚二切，油甘魚二切，八爪魚二切）刺身係厚切，有三種魚類刺身，每種刺身都有兩塊，新鮮唔錯·🍤｜鰻魚牛蒡炸蝦卷｜🍤蝦卷四件，大大件，裏面炸蝦材料已經好飽滿，面頭仲有鰻魚，成個卷物好豐富，食到好滿足☺️·🍣｜壽司拼盤（六貫)拼烏冬｜🍣因為我想食壽司所以揀咗呢個壽司拼盤，六舊唔同刺身嘅壽司，滿足味蕾又飽肚·🐖｜黑松露忌廉石鍋烏冬配吉列豬扒定食｜🐖我推介朋友點呢個，感覺味道好吸引，上到枱已經聞到好香嘅黑松露香味，忌廉汁勁濃稠，勁吸引，啱曬鐘意食黑松露忌廉嘅人，仲有吉列豬扒大大嚿，炸到勁香脆，食完好滿足💕·🍎｜蘋果汁｜🍎🍍｜菠蘿汁｜🍍._.