黑木亭居酒屋 (金馬倫道)

之前在黑木亭居酒屋吃過，又靚又好食，環境食物打卡一流，中午經過見到刺身生蠔午市商務二人前原價$570，打折之後$469，同好友即刻衝入去吃！真心燒蟹甲羅 獨特的橙紅色的蟹形裝飾碟裡面放了雞蛋、蟹籽、蟹膏、青蔥和蟹肉,濃郁的蟹香撲鼻而來，蟹肉蟹膏鮮甜豐富,口感細膩！仲有麵包片，可以夾住吃也相當惹味！薄切白身魚刺身八片 賞心悅目好誘人，白身魚十分新鮮,切片潔白透亮,魚肉口感滑嫩細緻,沾上醬油,味道會更加豐富,鹹鮮味與魚肉的鮮味交織在舌尖鮮嫩七味地雞扒配自製鮮魚湯泡飯雞扒金黃酥脆,味道好特別是由七種不同的香料調和在一起,非常惹味。自製鮮魚湯,湯頭濃稠透亮,飄散著淡淡的海鮮香氣，鮮甜可口,飽滿的米飯充分吸收了魚湯，啖啖都好吃！法國生蠔生蠔新鮮晶瑩,飽滿汁水充盈，入口時,蠔肉Q彈柔軟,蠔汁清澈鮮甜滑入口中蔥鹽封門柳 封門柳鮮嫩多汁,清蔥為滑嫩肉質帶來蔥香！Lunch hour 仲設有自助，有檸檬茶、麵豉湯、沙律、漬物前菜，真是好抵，性價比高！

舊同事飯聚， 去左尖沙咀金馬倫道黑木亭食lunch. 點左個刺身生蠔午市商務二人前。產地直送薄切白-入口爽脆， 上面舖左好似啫喱嘅配料， 入口qq 彈生蠔- 海水味濃， 生蠔肉身肥美。真燒蟹甲羅 - 勁多蟹膏， 加上蔥 蟹籽， 味道回甘， 碗上多士黎食， 中和返味道濃烈嘅蟹膏。柚子豚肉丼 - 用上柚子黎做調味感覺清新， 喺悶熱天氣， 可以開下胃口， 另外， 豚肉份量多， 肥瘦適中。鵝肝和牛石鍋飯-超多和牛粒， 牛味香濃， 鵝肝入口即溶， 加上有我最愛嘅飯焦， 呢個飯大滿足。

踏入位於繁華尖沙咀核心的黑木亭居酒屋，仿如穿梭至東京的小巷弄中。店內裝潢簡約而不失日式雅致，木質桌椅與和風裝飾營造出一片寧靜的食天堂。首先，流心蛋脆片薯仔沙律以其獨特的口感和層次，讓人驚喜不已。蛋黃柔滑流淌，與脆片和薯仔的酥脆形成絕妙對比，每一口都是味蕾的慶典。接著，黃金片立鱗燒的外皮烤至金黃酥脆，內裡魚肉鮮嫩多汁，每一口都能感受到海洋的鮮甜。而啤酒拉麵則是一道創意十足的料理。冷麵搭配黑糖和奶油湯底，甜中帶鹹，啤酒的微醺與奶油的滑順交織，令人回味無窮。常滿卷則是壽司愛好者的夢幻之選。三文魚、吞拿魚等多種魚生的豐富口感，在加州卷中展現，每一口都是海洋的贈禮。火炙左口魚邊卷的表面輕輕炙燒，帶出魚肉的油脂香氣，口感豐富，令人難以忘懷。飲品方面，藍蝶花佛手柑熊茶與蜜桃烏龍熊茶都是清新解膩的選擇。藍蝶花的清香與佛手柑的微苦完美融合，而蜜桃烏龍則帶來一絲絲的甜蜜，為這場美食之旅畫上完美的句點。服務方面，店員的細心與周到，讓整個用餐體驗更添分色。每一道菜品的介紹都恰到好處，讓人感受到賓至如歸的溫馨。總的來說，黑木亭居酒屋提供了一場視覺與味覺的雙重盛宴，是尋找正宗日式料理的不二之選。🌟🌟🌟🌟🌟

難得平日，有得同🐷兩個人食午餐，就試下黑木亭推出既商務午市套餐💚白身魚刺身的味道是鮮甜且濃郁，配上佐醋够醒神開胃。時令法國生蠔的味道鮮美，帶有淡淡的海水味又脹卜卜。真燒蟹甲羅的味道濃郁，帶有蟹肉的鮮甜和蟹膏濃郁，再配上鵪鶉蛋塗上法包，脆味可口。雜錦炸物有天婦羅蝦和炸雞，味道酥脆可口流心蛋牛油果角切魚生丼：結合了流心蛋、牛油果和新鮮魚生的鮮美口感，食落又够creamy 冷蕎麥麵：好岩夏天食，凍凍的蕎麥麵味道清爽最後甜品，朱古力和曲奇雪糕❤️💚

山葵滿盤烤肉依個烤肉拼盤好豐富，有牛小扒，肥牛同豚肉。除左肉類，仲有蔬菜，包括茄子，彩椒，菠蘿。上台有爐興住，保持溫度。牛小扒厚切，唔會太熟，肉質幾嫩，牛肉味重！肥牛用洋蔥絲炒過，幾香口。而豚肉就比較濃味，包生菜食就啱啱好！黑糖啤酒拉麵依個啤酒拉麵幾出色，首先個presentation幾特別，用啤酒杯上，上面有一層厚厚嘅cream，睇落真係好似啤酒，下面係冷麵，不過其實入面係冇啤酒成份，啲cream好滑，將汁清清甜甜，撈埋山葵，紫菜絲同蔥一齊食，成個口感同味道食落好豐富！奶油薯條薯條係用左粗薯，熱辣辣炸得好脆，上面一層勁厚奶油，好正！蜜糖烏龍熊茶 & 紅火龍佛手柑熊茶飲品造型都係100分，小態冰塊好得意，顏色又靚，又係啱啱打卡！味道清甜，配燒肉飲可以解膩。

今日同老公抌低個仔去尖沙咀行街，行完一輪搵吓有咩食，經過呢間舖頭，即刻俾佢嘅佈置吸引住入到去發覺有個餐幾抵食咁，我中意刺身，老公中意生蠔叫左套餐就可以去自助bar任飲日食，有唔同嘅日韓前菜、沙律、老公大讚嘅麵豉湯同埋凍冰冰嘅檸檬茶！套餐首先上刺身，有2隻時令法國生蠔LES HUITRES SAINT MARTIN，鮮味多汁啖啖肉，之後仲有日本直送深海池魚，令人垂涎欲滴，配埋柚子汁非常開胃再黎有個燒物，就係「真燒蟹甲羅」，即場燒住啲蟹膏蟹肉，配埋小小蛋黃汁，啖啖蟹膏味，送麵包一流，老公仲拎埋黎送飯我地叫左兩個飯，一個係鮮嫩七味炸地雞扒配自製鮮魚湯泡飯，而另一個係燒菠蘿炒牛肉井。兩個飯嘅份量都偏大，一定夠晒飽。食到呢度已經覺得好豐富，臨尾仲有兩客雪糕，個擺盤仲要好靚。今次係令我地非常滿意嘅一次用餐體驗。餐廳的裝潢吸引，餐點的味道和份量都岩岩好。

Lunch hour 設有 #自助吧有 #檸檬茶 #麵豉湯 #沙律 #漬物前菜 午市商務二人前刺身生蠔套餐 原價$570 依家優惠$399超豐富😍😍#時令法國生蠔 🦪2隻新鮮 重蠔味 😋#產地直送薄切白身魚刺身 8片幾新鮮👍🏻肉質彈牙🐟#真燒蟹甲羅 $98有賣相📸加熱之後撈勻 滿滿嘅蟹膏🦀🦀配上脆脆嘅多直田🍞任揀兩款午市定食🍱#季節便當 #櫻 $88薯仔沙律➕鰻魚片飯➕炸雞➕玉子➕三文魚刺身兩件➕油甘魚刺身兩件當中 唐揚炸雞 好juicy 😋鰻魚片飯 飯素🍚配上鰻魚 好滿足😌#雜錦炸物冷蕎麥麵 $88有兩款炸物 再配沙律菜➕薯仔沙律炸物 🍤炸蝦 炸雞 #即叫即炸 炸粉薄身 又夠juicy 🤤冷蕎麥麵 🍜 份量好多麵質彈牙 配埋個汁👍🏻最後仲有 #鴛鴦天鵝甜品 🍨 #雪糕球真的太full 了🥰仲要不設加一 每位$200 有找 會唔會太抵 太多野食呀🤣🤣=====================#良心小店 #黑木亭居酒屋 #hker #hkig #hongkongfood #香港加油 #食好西😋 #互推互追互讚 #nofilter

.好正嘅日式居酒屋啊！佢嘅裝修好有日本風，食物就更加特別啦，係日本風味同fusion融合嘅料理！今次試食店員特別推介以下幾款菜式：👉🏻 山葵滿盤烤肉 - 肉食獸絕對唔可以錯過！有兩款牛肉、一款豬肉、墨魚腸同蔬菜；最特別係佢地喺鐵板上煮，唔怕凍曬👉🏻 黑糖啤酒拉麵2.0 - 第一次試咁樣嘅拉麵😂 面頭仲加埋真奶蓋！鹹鹹甜甜好特別👉🏻 鐵板和牛餃子配芝士忌廉汁 - 餃子爆滿咗大大塊嘅和牛肉，再配埋芝士忌廉汁，好好味嘅組合👉🏻 蜜桃烏龍熊茶 - 烏龍茶入面加入蜜桃味，清新得嚟又好好飲.🔻🍽 黑木亭居酒屋 📌 地址: 尖沙咀金馬倫道58-60號國鈀大廈地舖至1樓.#tummysready #tummysreadytoeat #tummysreadyinhongkong #tummysreadyattsimshatsui #tummysreadyforyakitori #tummysreadyforjapanese

今日約左Ah女食lunch, 上次食過黑木亭，覺得唔錯，所以再encore, 我們點了刺身生蠔午市商務二人前套餐，優惠後只是$416😁仲包埋自助沙律Bar, 可以任拎小菜、湯、沙律和飲品等時令生蠔—法國生蠔（2隻）生蠔大只肥美，肉質清爽鮮嫩産地直送薄切白身魚刺身份量有8片，肉質鮮甜，上面加了柚子蜜，可帶出刺身鮮味真燒甲羅燒用上蟹形裝飾碟裝住，下面有小燭火保温，碟上裝滿蟹肉、蟹膏、蟹籽和蔥，配埋多士，口感豐富流心蛋牛油果角切魚生丼份量超多，流心蛋加牛油果角切魚生，好芝味，好有層次感鵝肝和牛石鍋飯一個大石鍋， 鵝肝完整一大塊，油脂豐富，不會腥，超級香！ 和牛大概有四五小塊，熟度剛剛好，有嚼勁。 份量兩人分剛剛好總結這個午市商務二人前套餐，感受到店家用心製作，餐廳員工有禮專業👍

今日晚餐去左呢間位於尖沙咀既日本餐廳，睇地鋪既外表平平無奇咁。上緊樓梯先時候先見到佢地無論裝修定氣氛都做到好似去左日本咁，呢度幾加分的。同埋呢度環境好舒服，如果下次有朋友生日或者想傾偈飲野可以再揀呢度呢❤️野食方面都勁有驚喜，好有特色！唔似一般日本餐廳咁。來來去去都係個啲野。呢個黑木亭原創既黑糖啤酒拉麵就夠曬特別了:⁠-⁠)上面白色那堆係好似奶油來的（我都唔太肯定），小小甜加上黑糖。食落口感有趣！而且感覺似食冷麵的，岩曬夏天食呀！外觀岩曬中意打卡既朋友仔！另外呢間日本餐廳既飲品都好得意！忍唔住同朋友叫左一人一杯，haha...呢隻熊仔真係超得意，而且杯飲品幾好飲添！酸酸甜甜正呀！薯條我覺得就就普普通通啦！只係上面加左啲奶油。但我朋友話幾好食。成碗野佢食曬咁濟...我自己就最中意食下面呢個山葵烤肉盤，岩曬懶人又想食烤肉既我！因為肉本身已經是煮的了呀！下面有火加熱的,非常方便！味道仲好濃郁，夾生菜食就岩岩好了！

今次試咗佢哋嘅骨膠原奶蓋牛骨鍋，流心蛋脆片薯仔沙律同黃金片立鱗燒。話你知，食物真係超有驚喜！黃金片立鱗燒真係好正呀！佢炸得香脆，一啖咬落去，啲鱗片真係好惹味！我就愛呢種炸得好香脆嘅美食，真係一試難忘！骨膠原奶蓋牛骨鍋真係冇得挑剔！佢用最靚嘅牛肋骨同香濃嘅韓式醬汁，淋上牛骨鍋，真係好入味！食落去，啲湯底都好滋味，牛肉又嫩又多汁，令人回味無窮！總括嚟講，黑木亭居酒屋係一間超值得一試嘅餐廳！特別推薦佢哋嘅黃金片立鱗燒，真係驚喜連連！如果你鍾意炸得香脆嘅美食同埋想試吓靚味嘅牛骨鍋，呢度絕對係你嘅首選！

同唔食刺身嘅朋友聚餐，揀來這間位於尖沙咀的黑木亭，餐牌除了有刺身壽司外，還有多款不同創意熟食料理選擇。餐廳還有不同的打卡位置，幾似置身於日本的居酒屋。藍蝶花佛手柑茶（$78），這杯飲品好靚，藍蝶花和佛手柑柚香茶形成了兩層的漸變色，甜香味十足，還有超可愛的熊仔可以影下相。洛神花茶（$48），朋友就揀很養生的洛神花茶熱飲，還有放了多顆玫瑰花，茶味帶點酸香，也是解膩之選。奶油薯條（$98），粗薯條炸得夠哂香脆又熱辣辣，中間有片沙律菜隔住2球香草奶油，奶油質感很濃香細滑，放耐左又唔易塌，薯條配奶油又是一款新的嘗試，薯條食落冇咁熱氣。黑糖啤酒拉麵（$128），呢款是餐廳的推介新品，現時做緊試食價，特製的拉麵放在啤酒杯裡，上層的奶蓋混合上牛油、黑糖醬，模擬啤酒杯的氣泡，而拉麵是以冷麵的型式呈現，入口有涼爽的快感而且麵質順滑，加埋紫菜和芥辣一齊食，拉麵鹹裡帶有甜味再加薄薄的一層芥辣味，多層味道的衝擊，又幾有驚喜。山葵滿盤烤肉（$298），整盤半肉半疏菜，蔥爆和牛、洋蔥牛肉片和五花腩肉份量多多，是混合了日韓的食法，用生菜包肉食是韓式的食法、用芥末點綴牛肉是日式的食法。除了肉類外，還有咸香美味的黑墨魚肉

平時吃lunch 都經過見到這間黑木亭，決定跟同事去試試，見門面很小，以為是很細間，沒想到樓上很寬敞，平時食lunch我都好慳家嘅，今次決定食豪d, 叫了刺身生蠔午市商務二人套餐，原價$570,現在做特價$399,午市免加一服務費，份量超級大，認真抵食。自助區還有無限量供應，前菜、沙律、麵豉湯和飲品。見到午市定食都很平，下次會再來食。❇️產地直送薄切白身魚刺身八片刺身很新鮮，還有魚子鋪在上面❇️時令生蠔生蠔很大只，散發去新鮮的海洋味❇️真燒蟹甲羅多士很脆，里面有大量蟹肉蟹膏，多士跟蟹肉蟹膏一起食味道很夾❇️鴛鴦蕃茄忌廉和牛飯份量超級大，有很足料的和牛，和牛很嫩滑❇️雜錦炸物冷蕎麥麵炸雞塊炸蝦都很脆，冷蕎麥麵很清爽

黑木亭居酒屋 (尖沙咀)星期五晚想食豐富一點所以預約了黑木亭不過預約了也要等約5-10分鐘才可以進入裡面座位不少但全晚一直近乎滿座想去的話最好先預約亦因為人較多相對上也較嘈吵山葵滿盤烤肉 $298半盤肉半盤菜果另有生菜，京蔥絲，檸檬，Wasabi奉上份量也算多肉類都有預先醃好所以淨食味道也很好個人比較鐘意用肥牛包生菜去食口感是最好的但因為烤盤有掃油及肉類煮出來的油份烤盤底都較多油所以菜類都吸了不少油份火焰左口魚邊蜜味PIZZA $168Pizza一份分四件不會太大份因為有用柚子蜜作調味酸酸甜甜幾開胃藍蝶花佛手柑熊茶 $78紅火龍佛手柑熊茶 $78兩杯都以佛手柑味為重個人最欣賞是熊仔冰粒除了作為打卡之用外其實熊仔冰粒是以茶底雪成冰即使融了都不會溝淡味道飲到底部時會覺得太甜所以建議盡量攪混底部黑木亭居酒屋 (金馬倫道) (尖沙咀)尖沙咀金馬倫道58-60號國鈀大廈地舖至1樓

餐廳裝修好靚，好多人、好有氣氛。山葵滿盤烤肉：安格斯、封門牛柳、肥牛烤製完美，肉質鮮嫩多汁，好都香牛味、每口都散發滿滿既肉香。並且配有茄子、黃椒、菠蘿等蔬果配料提升口感之餘，感覺仲冇咁油膩。蜜桃烏龍茶（凍）：蜜桃烏龍茶清新甘甜，茶香同蜜桃風味完美融合。可愛既熊仔造型既冰塊增添口感層次，適合炎熱天氣享用。藍蝶花佛手柑熊茶（凍）：好靚既藍色茶飲中帶有佛手柑清新香氣，口感柔和，帶微酸。冰涼既熊仔冰藍蝶花茶好正🫶🏻