黑川刺身壽司專門店 (已結業)

經過見到新開，睇到餐牌第一個反應係「哇！都幾平喎」而且學生餐都只係$40，就入左去試...結果好失望。朋友叫左壽司食，我都叫左兩舊，無可否認價錢係平既，但係啲魚生真係好薄。附近有另一間壽司店同佢價錢差不多，三文魚都係$3一舊，學生仲有9折，但質素好過呢間好多。另外我地仲叫左鰻魚煎蛋飯成碗飯最好食就係啲醃蘿白同啲紫菜絲...首先佢碗飯真係冇乜汁，然後條鰻魚唔知點解好鞋好實好多骨最後我揀左奶凍 冇飲汽水 但個奶凍都係冇奶味 反而似森永牛奶糖既味 真係試完一次就算了😓😓😓唯一值得讚既係佢既香芋丸小食 係幾好味既 但有啲痴牙。…查看更多

夜晚攰攰哋唔想出去食飯，見到呢間食評好似幾好， 所以我叫咗外賣兩個魚生飯， 一個係全店最貴嘅黑川極上魚生丼和海膽三文魚魚生丼， 加埋成二百幾蚊 。 點知道咁就中伏了! 魚生極度唔新鮮又有渣又難食， 海膽發臭， 北寄貝 好似擦膠咁，白飯超硬又有怪味， 用化工wasabi同唔知乜嘢嘅豉油。 我食到真係想嘔真係從來未食過咁難食嘅魚生飯，我實在唔明白憑咩可以收取這個價錢。 本人人生第一次寫喺呢度寫食評 ， 因為真心唔想有人再受害!!…查看更多

講過幾次...因為有朋友係附近出沒...所以經常都會係紅磡搵食!今次就講下一間叫做新開的小型壽司店...當大家而家經常食 爭X同魚X的時候..其實早年香港要食壽司一係就去貴貴壽司店...一係就去街坊日本野食...呢間好明顯係後者...鋪頭由幾個後生仔開的...當然你要食好高級的魚生..呢到係幫你唔到的..但係你想食得好過爭X魚X但又唔想去元X咁貴既時候...呢到就幫到你....因為係星期六去,所以冇午餐...但如果有午餐會平平平好多....因為係假日，所姒所有壽司都係單點的~當日叫左就如圖示.....魚料係比爭X魚X好....價錢亦只係貴小小...如果大家有機會經過..都可以試下...同埋入面其實有蠔賣...我見價錢唔貴同幾多人買...我食左45分鐘已經有3,4個人黎買...所以品質應該唔錯~…查看更多

食完肚痛！！！難食到忍唔住要上黎打腐皮滿心期待，以為有一間又平又正嘅刺身店新開點知。。信左之前嘅食評，超伏！！魚生極唔新鮮😥。。。放入口唔知自己食緊乜D 飯又乾，壽司醋又唔夠，仲有陣化學怪味唉 真係唔知點形容。。。。雖然好平，但係佢差到真係請我都唔會再食。。食完啲咁嘅野, 心情真係好低落返到屋企柯到。。。。。。。。。不過其實係食唔飽嘅情況。。。埋單每人都要一舊水。。。。。。。。。。。。。。。。。。。。。。。。。相信個又要寫好多「好評」去洗走我呢個腐皮，算啦我相信第二個人中咗伏都會上嚟再寫。。。唉…查看更多

喺紅磡區返工,,自從七月初發現此店開始,,就已經不斷幫襯. 每星期必定和同事來一兩次,,晚上亦會外賣帶回家中,,水準如一. 除咗食物質素好之外,,服務態度亦非常好,,而且價錢非常合理.有次試過星期一幫襯,,我哋叫咗一個三色刺身和三文魚親子丼,,師傅後來話三文魚喺前一日賣晒,,佢竟然願意以劍魚和油甘魚代替,,份量一啲都無減少. 實在太有誠意！良心好店:)…查看更多

屋企附近開左間壽司店啲食物賣相吸引又幾平就試下好無味幫襯左兩次外賣蟹籽燒玉子燒玉子入面有芝士加蟹籽食哂四件唔會漏效率都好快 又可以係whatsapp落單好方便！太好味既關係即刻試下堂食黑川主要做外賣所以堂食位置唔多七點幾八點去食可能要等一陣堂食之前食左少少嘢叫左唔係好多壽司+貴妃蜜汁鮑片嘢食好快就上壽司飯上刺身真係好新鮮三文魚壽司3蚊一件 叫10件都係30蚊鐘意食魚腩都係5蚊一件 絕對抵食一坐低就想搵下有無鮑片食見到刺身度無失望左一陣發現原來係小食一欄度出現25蚊10塊真係超值！食完之後係會想再嗌黎食最後仲叫左個軟殻蟹卷物個人比較推壽司同鮑片賣單都係百三蚊到平時去食壽司份量會叫好多又想食平價質素好既壽司一定要試下黑川…查看更多

叫左黑川蟹皇飯 北海道魚生丼  醬燒熟帶子壽司 櫻花魷魚軍艦 三文魚腩壽司蟹柳蟹子蟹糕配合起黎一流 蟹糕撈渾飯底野味香口 而且價錢經濟 飽肚而且性價比高 魚生新鮮 味道鮮甜 特別係帶子 鮮甜無雪味壽司粘度、醋味、大小適中   鋪仔細細 堂食座位較少  侍應招呼親切友善埋單都唔使200  侍應送了一個奶凍 甜度適中可以再幫襯…查看更多

第一次寫食評😝可以喺whatsapp order真係好方便🙆🏻 總共嗌咗42件壽司，2款卷物，4個手卷，等咗15分鐘，收到whatsapp就可以拎🙆🏻 去到覺到堂食嘅地方唔太大，所以外賣自取應該比較好🙆🏻太肚餓所以無影相，壽司比平時食嘅細小小，但以呢個quality同爭鮮咁嘅價錢，真係好抵😍 買過300蚊，仲送咗三文魚刺身😋壽司好新鮮，卷物都好味。平時食元X都會叫灸燒三文魚同軟殼蟹卷，今次叫咗鹽燒三文魚同蟹籽軟殼蟹卷，真係好正😝下次會再試下啲丼!!…查看更多

開頭諗住食幾舊頂下肚，點知愈食愈多🙈食左咁多款壽司全部都好食，無伏用料新鮮，生蠔同海膽都超好食～特別推薦海膽壽司、鹽燒鵝肝～店員又親切，仲主動送左碟炸芝士年糕俾我地重點係價錢好合理，比出面連鎖壽司店平少少，但係好食好多😲出面果d真係唔抵食，係到食過之後唔想再去第二度食啦簡單黎講就係平靚正，一定會再黎唯一比較可惜就係地點唔就腳😟但係紅磡想食壽司一定會黎呢間！誠意推薦！（唔記得影相無相post😵）…查看更多

有一日行過，見到有一間新開既日本野。所以試下。。。地方唔算難揾。。。有外賣提供。食物新鮮。價錢大眾化。新開幕，有剌身優惠。。真係好抵食。。重有生蠔食。喜歡食生蠔既朋友唔好錯過。。。…查看更多

新開小店🎉🎉值得一讚三文魚腩刺身～北寄貝～甜蝦好正～最愛海膽軍艦新鮮～好食蟹棒芝士蟹子軍艦平時啲做得外賣呢啲舖頭都好普通～黑川俾我感覺很好～食物好新鮮真心會再黎～做外賣多～但有堂食(有少量位置)店舖整體乾淨～…查看更多