黃金閣 - 澳門賽馬會會員會所

营业中

休息中

最近派往信德中心工作，平時午飯時間很趕，及比較人多。其實，中心內食店選擇不算少，但大部分係快餐形式，想坐低慢慢飲杯茶，食個包，傾吓計，比較難！今次，偶然機會，有人看到傳單，知道黃金閣有優惠，做特價，大家起哄，齊齊去試新嘢！地方很寬敞，光潔明亮，靠窗有景色，坐得舒服，招呼很不錯！獲知原來星期六，及日，午餐點心及小菜，有八折優惠，大家開心食….全部點心，即時制作，不是預先做好的，新鮮熱辣，當然，味道佳！傳統點心款款皆有水準，值得一提，傳統的臘腸卷，個包很鬆軟，臘腸不肥膩，不過瘦，唔鞋口，唔韌，真係好味道到，唔停得口吖！👍👍特別是小菜，見真功夫，椒鹽九肚魚，香脆可口，椒鹽份量足，九肚魚鮮嫩！ $78香芋雞粒炒飯，份量大，香味撲鼻，香芋正，飯炒得乾身，大家吃得很飽足！小食$20，琥珀合桃，一大兜，食到停唔到口！非常滿意的一餐，值得推介，必會再來！

係上環想坐得舒服食飯，可以考慮去呢度。不是會員專用。就咁行入去就有人帶位。叫左三個點心加三個午餐套餐。叫套餐就唔洗諗。1）蝦蛟，好正常2）燒賣，好正常3）炸豆腐，我喜歡吃，所以好吃，正常味午餐套餐1）叉燒海蜇，正常2）湯，冬天飲湯，湯粒粒，味道正常3）菠蘿咕嚕肉，正常4）薑蔥炒牛肉，正常5）戒指釀豆腐，正常愉快用餐👍🏼👍🏼👍🏼正常服務。

－間很傳統的中式菜館，裝修亦一樣。－步入的印象好差😦因為門口帶位的那位先生，問我貴姓留位的，當時我是2人的，我答溫先生3位，跟住佢帶咗我去一張已經坐咗2個人嘅枱，我話唔係喎！跟住佢帶返我出去嘅時候話「求先問你又話係，語氣係好差的。我心諗有冇搞錯🙄咩態度？𨍭頭佢反應算快，即刻話唔好意思，係我搞錯！」其實其他所有侍應都係非常好禮貌的👍🏻講返食物，蝦餃燒賣，所有點心都係好味的，干炒牛河遞上嘅時候亦係香噴噴的😋而且仲送甜品！用餐體驗係滿意的👍🏻

餐廳係港澳碼頭附近，今次特登嚟慶祝生日晚飯。餐廳性價比好高，份量大之餘，嘢食熱辣辣，又入味，總算係不過不失！停車可以泊喺港澳碼頭，不過最多兩個鐘😂今次喺度慶祝生日，蛋糕嘅切餅費基本上係豁免嘅！套餐好彈性，可以搵服務員寫到個菜單啱心水為止！特別推介東星斑，壽包，鮑魚鵝掌。餐廳款式選擇多，仲有得包房環境唔錯，包房沒有最低消費👍🏻絕對適合慶祝，應酬，等等。生日餐廳仲好有心思幫手佈置咗房間，所以都可以話好滿意😆🤗

之前還以為澳門已經沒有賽馬, 友人更新我是沒有賽狗, 還有賽馬, 於是澳門賽馬會還是有運作的, 而在信德中心的會所餐廳, 也許是因為會員人數不太多的關係, 原來也開放給其他食客, 名為黃金閣的粵菜餐廳, 格調也比附近的高. 定價不是太貴, 特別是套餐價, 半隻玫瑰露豉油雞再加點心也只是三百多元左右, 前者做得不錯, 除了豉油夠入味外, 雞肉嫩滑, 再熟度和肉質間取得好好的平衡, 再加上玫瑰露的香味, 以同類菜式來說算是高質. 燒賣和叉燒腸外表簡單, 但能做到皮薄餡多, 最重要是吃得出即叫即制的新鮮味來. 當預製點心變成潮流, 能夠有點心師傅在廚房即包即蒸, 這種本身應有的東西, 在現在香港的粵菜界卻變得越來越罕有.

在上環飲茶，好喜歡去美心大酒樓，當日青蛙突然記此間，歡迎非會員惠顧，以前去澳門乘船一定經過感覺高檔，曾經有米親戚擺酒，還希望有機會試吓。 進入去其實像普通酒樓一樣，黃色枱布底有多張白色枱布， 椅都係用與枱布差不多顏色布笠住， 唯一唔同此處得兩三枱客人， 心知不妙。 最好食前菜-豆乾燒肉粒， 醬油少少甜， 有少許菜脯粒。 煎釀三寶$48， 唔會太油，味道適宜，但點都唔好過美心。 菠蘿叉燒包$42， 三個 ，一口叉燒包， 皮冇特別好， 餡料冇特別呀靚，此價不值。 最唔抵食馬拉盞$29，三啖， 夾埋都唔夠一件馬拉糕， 冇特別好， 蝕咗。 香煎鍋貼$36， 肉質唔滑， 有冇特別香，都係唔及美心好。 唔試過點知老婆好呢！

哥哥生日飯局, 約了去 黃金閣  -  澳門賽馬會會員會所,  上環地鐵站.  交通好方便.之前只招呼會員, 所以無計劃到此.  現在去除要求, 去試下也好.哥哥請食套餐,   價錢中等, 招呼一般.  小食用合桃, 幾好食.頭盤:  燒味雙拼燒腩仔拼叉燒. 燒腩仔皮脆, 少脂肪.   叉燒, 肥瘦均勻, 肉質鬆軟, 調味到位, 蜜汁味濃.    海蜇, 青瓜伴碟夠爽口.每人龍蝦半隻, 配伊麵, 龍蝦好大只, 色香味俱全.  配備刀叉.  龍蝦肉質飽滿緊實,  味道鮮美.  紅燒竹笙雞絲翅   每人一碗, 食材可以,  調味 OK.清蒸海斑蒸得時間剛好, 魚肉鮮嫩, 好新鮮又滑.  花膠炆冬菇,  花膠同冬菇炆得夠軟腍, 調味不錯.  伴有生菜,炒飯  用了貝柱, 露筍, 紅蘿蔔粒, 炒料豐富,  吾油膩, 口感好.另外加了生日桃包 一籠  6 個, 好熱, 內有蓮蓉, 蛋黃, 壽包好軟身, 好滑. 最後送上紅豆沙, 好味, 甜度剛好.聚餐地點及食物不錯.  有商場泊車.

今日去左上環黃金閣食中餐😋呢間餐廳係朋友介紹的，話片皮鴨好抵食，於是就去試下，咁我哋叫左個京式片皮鴨2食，二百蚊都5洗，超抵食，另外仲叫左薑蔥粉絲蟹煲、啫啫芥蘭煲等等

今日係中秋節，開始拆開月餅食。我一向對月餅係好一般，所以大部份係人哋送。在沒有期望下，開咗盒(黃金閣雙黃白蓮蓉月餅)當早餐食🥮，竟然有驚喜。👍🏻白蓮蓉：好滑而且唔會太甜。月餅外皮：好香焗得出色。蛋黃：有蛋黃油流出嚟㗎，味道好香濃，正。p.s.唔覺唔覺一次過食晒一個，一定要飲返杯番石榴茶平衡返。

在這裏出席婚宴，第一次來，平時是要會員才可訂位，但婚宴不用。第一個感覺是場地不錯，服務亦非常好，侍應都笑容滿面，環境舒適清潔，地點又方便。餸菜方面，原本沒有太大期望，但這次也有不少出乎意料之外的驚喜。這晚的菜單為：鴻運金豬全體每隻乳豬都配上閃閃發光的心心眼翡翠金姿帶子西芹鮮魷帶子金泊芝士球賣相精美，以一個炸得卜卜脆的巢裝著着12粒有少許金泊鋪在面的流心芝士丸蘭花玉環柱脯西蘭花🥦瑤柱釀節瓜，也有些生菜作配菜紅燒竹笙雞絲翅好像很久沒在飲宴吃過翅了原隻湯鮑魚扣花菇👍細細隻的鮑魚炆得夠軟腍，配菜為菜苗清蒸大海斑魚肉鮮嫩黃金脆皮雞這個沒試蒜香雞粒炒飯不錯金瑤燴伊麵不錯紅蓮百合燉銀耳足料好味，甜度剛好😋美點雙輝映兩款甜點一冷一熱，兩款也很味美😋環球鮮果這個簡直是吸睛之作，上枱時乾冰一直冒着煙，令整個場面非常壯觀，吸引了整台賓客立即舉起手機拍照拍片。令大家都非常開心。生果種類也多😍

已經係第二次嚟呢度出席婚宴第一次去姑姐嗰餐嘅時候已經留下好好嘅印象，上菜快，味道好，服務佳，聽講價錢亦都合理，所以我姑媽都大力推薦比佢啲friends今次主人家其實就是我哋屋企同姑媽嘅mutual friends，都係去完姑姐個婚宴，決定都要喺度搞不過今次係比較簡單，只係幾圍招呼相熟嘅親友，同樣，嘢食都係好味，新鮮。全晚淨係影咗呢張食物相因為隻龍蝦實在太大太正啦，多肉入味，仲要一人一隻有機會都想試下呢度平時嘅食物，睇下係點樣

踏入適婚年齡, 近這幾年宅女身邊不斷有朋友成家立室, 眼看著求學時期常常嘻笑怒罵的一班柴娃娃, 轉眼間巳成為別人的妻子/丈夫, 更開始培育著下一代, 想起來真是感觸良多. 不過近年看過某些報導說婚宴在年輕一輩的情侶眼中巳漸變成為一種炫耀或個人表演的節目, 完全失去了當初設宴的意義. 個人認為, 其實設宴的目的也是想聚集一眾親朋好友來歡聚一個晚上, 懶理什麼才藝表演, 能夠來跟相識的親戚朋友們向一對新人送上祝福, 開開心心吃喝一晚, 不就是最滿足的事了嗎?而這晚好友設宴地點位於上環的澳門賽馬會, 聽說平常需要是會員才能光顧的. 位置絕不難找, 就在上環的信德中心內, 只需出了地鐵走5分鐘左右便到步. 因為知道一般婚宴都比較遲開席, 所以宅女在7時多左右才到, 但巳經見到內裡有不少人在打麻雀和跟新人拍照.餐廳地方其實都頗大, 內裡屬長方間格, 是夜設了17圍, 桌子都是分左右2邊擺放, 中間空出一條寬闊的通道, 而座位跟枱與枱之間的距離亦很足夠. 而最注目的除了一對新人之外, 當然是餐廳最盡頭的小高臺了. 地方雖不是很大, 但那邊的燈光控制柔和得來又搶眼, 加上上方和旁邊的水晶燈作伴, 簡

今個中秋，第一盒吃的月餅是冰皮，跟著又有機會吃回傳統的。澳門賽馬會會所黃金閣，原來也有出月餅的，客顧送來的一盒雙黃白蓮蓉月餅，老細不吃便益了我們一眾下屬。中國人的習俗，每逢佳節，就有機會遇到此等著數，月餅就成了我們的下午茶。個人對月餅沒有偏好，冰皮又吃、蓮蓉、豆沙都吃，甚至其他古靈精怪的也吃，但最喜歡是吃油潤的鹹蛋黃。試過這款由黃金閣出品的雙黃白蓮蓉月餅，質素不賴，一眾同事都讚有水準，白蓮蓉幼滑香甜，甜度可接受，鹹蛋黃油水充足，味道甘香，再配杯普洱，很不錯呢！

裝修有型, 坐得好舒服,只係招呼會員, 當然名副其實的是想享受好服務,好點心, 享受環境，所以都幾好。服務人員態度很友善，又細心有禮貌, 給了4分, 感覺幾好!同客飲茶, ,點心質素很好 , 燒味拼盤亦做得好好, 味道好好。會員埋單 (Not me , of course), $ - I don’t know ! I don;t care !It must be very expensive!

※‧※‧※‧※‧※‧※‧※‧※‧※‧※可能係最好食嘅雙黃白蓮蓉月餅每逢佳節，親戚和朋友們都喜歡互送禮物，今次是友人送來的一盒雙黃白蓮蓉月餅，雖然在中秋節時段，各式各樣的月餅──冰皮月餅、雪糕月餅也頻受歡迎，但個人認為傳統月餅亦總要多多少少有一些。主要是這月餅的白蓮蓉十分香甜軟滑，吃過多種牌子的雙黃白蓮蓉月餅，這是最好吃的，白蓮蓉的質感特別幼細，比美心的雙黃白蓮蓉更美味可口，值得推介。※‧※‧※‧※‧※‧※‧※‧※‧※‧※