影片
以上资料只供参考，请与餐厅确认详情
不明白为什么深水埗有咁多间甜品店。呢间位于元州街，最近新开张嘅小店，主打糖水之外，仲有唔少滋补汤水、凉茶、饮品和小食，算系几特别。我哋点咗喳咋同竹蔗马蹄水，两款都系$20。以呢个价钱嚟讲，喳咋份量足够，不过煮得唔火喉，豆类唔够腍和未够入味，略为失色。相反，竹蔗马蹄水就用料十足，清甜解渴，饮落几舒服。店内座位唔多，大概四五个，我们坐在门口一排高凳，坐得唔算舒服。不过如果外卖返屋企饮，都系个唔错嘅选择。
继续阅读
第一眼俾呢个龟苓膏造型cute到咗，即刻点一个试试，药味浓厚。店员态度几好，铺头光猛干净唔会一阵味。选择都几多，几好。铺头又喺马路边，容易揾到，不过停车就要行远d。
继续阅读
行完黄金商场，喺朋友介绍之下黎到近地铁站D出口的「黄金美食」，一试其性价比高的糖水汤品小食店。店舖细小但可容纳20人左右，甜品汤品价钱几乎时光倒流数十年，竟然可以10几蚊已经有一支。店家主打即日即煮糖水老火汤同小食，各自带有不同功效，同时不含防腐剂保证新鲜，而且糖水小食多元化，几乎太多不能尽录。扫个大雪柜装满不同款式甜品支装，干净又卫生。每个人都数五至六款食品返屋企，睇嚟好多熟客街坊都帮衬。五花茶：五花茶不仅口感独特仲清热解毒，食完烧肉可以解毒。茶中含有一些多酚化合物,能够抑制碳水化合物的吸收,从而有效控制血糖水平,对糖尿病患者很有益处。桃胶三宝：桃胶又名平民版雪燕。可以补充胶原蛋白，既可以提高免疫力，又能达到美容效果，好钟意佢加入红枣增加甜度，滋润养颜。鸡血藤牛大力：牛大力有清热解毒、 舒筋活络、 补虚润肺之效，刚好撞瘀咗可以去瘀，仲可以孝敬老人家治风湿。咋喳：补气祛湿、健脾、消暑利水，甜度适中，而且老少皆宜，有红豆、绿豆、眉豆、红腰豆、三角豆等，仲加入芋头、西米、椰浆和淡奶。白果腐竹：好绵滑，质感一流，仲可以清热。能清除燥热，使身体舒畅，亦能延缓皮肤衰老，防止皮肤粗糙。马蹄粉千层糕：烟烟韧韧，老人家都咬到，甜度够晒，仲有马啼香，十蚊一盒大特价。朋友喜欢老火汤，一次过叫晒三款咁就唔使拣。土茯苓牛大力五指毛桃：汤水都以健脾为主，因脾脏运作顺畅才可提升排湿效力。 春日去湿食材众多，如扁豆、牛大力、土茯苓、五指毛桃等，这些食材功效主要是健脾、行气利湿，啱晒而家嘅天气。北芪党参红枣圆肉：有补血养颜、增强免疫力、扩张血管、改善微循环及增强造血功能等作用，对于血气不足嘅女士更加适合饮。西戟杜仲肉从蓉淫羊霍：男士壮阳补身好腰好神好男人可以靠佢，俗称汤品版伟哥。总结：汤品十分足料 所有糖水汤品都是时光倒流价钱性价比超高 物有所值
继续阅读
呢间小店好多选择，糖水、糕点、汤水都有，有时会有啲新产品推出～杨枝甘露有新鲜果肉-芒果、新鲜西柚，口感丰富，鲜甜美味，酸甜开胃桃胶三宝最受女士欢迎的饮品，有养颜滋润的功效。有啲甜水店处理桃胶不够好，会有啲硬身，呢间就冇呢个问题，晶莹剔透，重胶质。桂花糕好抵食，有两层，上层系清香嘅桂花糕，下层系椰汁糕，层次丰富。火龙果糕鲜艳紫红，每口都食到粒粒火龙果肉，营养价值高，食多都冇罪恶感。千层糕做紧大特价，$10元一大盒，烟韧软糯老火汤土茯苓牛大力五指毛桃薏米-健脾祛湿，利水消肿北芪党参红枣杞子元肉-增强体质抗流感巴戟杜仲肉蓗蓉淫羊藿-补肾阳，强筋骨以上3款汤，做到进补调理的功效👍另外，岩晒懒煲汤的人，碗都不用洗。小烧卖、肠粉港式小食都有！呢间小店充满香港地道特色～丰富多采。
继续阅读
行深水埗想食中式糖水， 见呢间未试过而且价钱合理， 就试吓。 喜爱芝麻糊， 希望唔好中伏。 姐姐拿到来， 看看卖相唔错， 吃下去， 掂， 已经想到下次会再来。 值得试吓！ 看到店舖是有心去做甜品的。
继续阅读
您可能会有兴趣的...