黃金美食

不明白為什麼深水埗有咁多間甜品店。呢間位於元州街，最近新開張嘅小店，主打糖水之外，仲有唔少滋補湯水、涼茶、飲品和小食，算係幾特別。我哋點咗喳咋同竹蔗馬蹄水，兩款都係$20。以呢個價錢嚟講，喳咋份量足夠，不過煮得唔火喉，豆類唔夠腍和未夠入味，略為失色。相反，竹蔗馬蹄水就用料十足，清甜解渴，飲落幾舒服。店內座位唔多，大概四五個，我們坐在門口一排高凳，坐得唔算舒服。不過如果外賣返屋企飲，都係個唔錯嘅選擇。…查看更多

第一眼俾呢個龜苓膏造型cute到咗，即刻點一個試試，藥味濃厚。店員態度幾好，鋪頭光猛乾淨唔會一陣味。選擇都幾多，幾好。鋪頭又喺馬路邊，容易揾到，不過停車就要行遠d。…查看更多

行完黃金商場，喺朋友介紹之下黎到近地鐵站D出口的「黃金美食」，一試其性價比高的糖水湯品小食店。店舖細小但可容納20人左右，甜品湯品價錢幾乎時光倒流數十年，竟然可以10幾蚊已經有一支。店家主打即日即煮糖水老火湯同小食，各自帶有不同功效，同時不含防腐劑保證新鮮，而且糖水小食多元化，幾乎太多不能盡錄。掃個大雪櫃裝滿不同款式甜品支裝，乾淨又衛生。每個人都數五至六款食品返屋企，睇嚟好多熟客街坊都幫襯。五花茶：五花茶不僅口感獨特仲清熱解毒，食完燒肉可以解毒。茶中含有一些多酚化合物,能夠抑制碳水化合物的吸收,從而有效控制血糖水平,對糖尿病患者很有益處。桃膠三寶：桃膠又名平民版雪燕。可以補充膠原蛋白，既可以提高免疫力，又能達到美容效果，好鐘意佢加入紅棗增加甜度，滋潤養顏。雞血藤牛大力：牛大力有清熱解毒、 舒筋活絡、 補虛潤肺之效，剛好撞瘀咗可以去瘀，仲可以孝敬老人家治風濕。咋喳：補氣祛濕、健脾、消暑利水，甜度適中，而且老少皆宜，有紅豆、綠豆、眉豆、紅腰豆、三角豆等，仲加入芋頭、西米、椰漿和淡奶。白果腐竹：好綿滑，質感一流，仲可以清熱。能清除燥熱，使身體舒暢，亦能延緩皮膚衰老，防止皮膚粗糙。馬蹄粉千層糕：煙煙韌韌，老人家都咬到，甜度夠曬，仲有馬啼香，十蚊一盒大特價。朋友喜歡老火湯，一次過叫晒三款咁就唔使揀。土茯苓牛大力五指毛桃：湯水都以健脾為主，因脾臟運作順暢才可提升排濕效力。 春日去濕食材眾多，如扁豆、牛大力、土茯苓、五指毛桃等，這些食材功效主要是健脾、行氣利濕，啱晒而家嘅天氣。北芪黨參紅棗圓肉：有補血養顏、增强免疫力、擴張血管、改善微循環及增强造血功能等作用，對於血氣不足嘅女士更加適合飲。西戟杜仲肉從蓉淫羊霍：男士壯陽補身好腰好神好男人可以靠佢，俗稱湯品版偉哥。總結：湯品十分足料 所有糖水湯品都是時光倒流價錢性價比超高 物有所值…查看更多

呢間小店好多選擇，糖水、糕點、湯水都有，有時會有啲新產品推出～楊枝甘露有新鮮果肉-芒果、新鮮西柚，口感豐富，鮮甜美味，酸甜開胃桃膠三寶最受女士歡迎的飲品，有養顏滋潤的功效。有啲甜水店處理桃膠不夠好，會有啲硬身，呢間就冇呢個問題，晶瑩剔透，重膠質。桂花糕好抵食，有兩層，上層係清香嘅桂花糕，下層係椰汁糕，層次豐富。火龍果糕鮮艷紫紅，每口都食到粒粒火龍果肉，營養價值高，食多都冇罪惡感。千層糕做緊大特價，$10元一大盒，煙韌軟糯老火湯土茯苓牛大力五指毛桃薏米-健脾祛濕，利水消腫北芪黨蔘紅棗杞子元肉-增强體質抗流感巴戟杜仲肉蓗蓉淫羊藿-補腎陽，強筋骨以上3款湯，做到進補調理的功效👍另外，岩晒懶煲湯的人，碗都不用洗。小燒賣、腸粉港式小食都有！呢間小店充滿香港地道特色～豐富多采。…查看更多

行深水埗想食中式糖水， 見呢間未試過而且價錢合理， 就試吓。 喜愛芝麻糊， 希望唔好中伏。 姐姐拿到來， 看看賣相唔錯， 吃下去， 掂， 已經想到下次會再來。 值得試吓！ 看到店舖是有心去做甜品的。…查看更多

無意中上網見到篇報道講油柑汁嘅好處多得很抗衰老促進心臟健康抗癌…剩剩等而香港並不是很多地方有得賣上網搵吓搵吓就搵到呢間小店其實佢個位置都唔算隱世喺大馬路一間糖水舖隔離佢嘅裝修簡陋得很我見佢有堂食，亦都可以叫外賣佢個雪櫃有好多飲品同糖水嘅種類價錢唔係好貴我嗰個油柑都係10幾蚊飲落去甜甜地….有啲回甘嘅感覺個味道幾得意另外買咗支西瓜汁俾友人飲好明顯係加咗糖水不過見佢啲糖水真係唔係好貴有時懶得自己煲嘅經過買支飲都唔錯…查看更多

呢間小店似係新開張，咁啱經過見佢都幾土炮下，不過又有啲人買下買下，就入去睇下。佢寫到明全部都係$10一支，共有20幾款，好吸引。我就買左一支美顏桃膠三寶同一支消炎降火黑豆飲品。桃膠入面有皂角、雪燕絲、桃膠、紅棗，非常足料，味道清甜，甜道剛剛好，桃膠煙韌，雪燕絲一條條，紅棗又夠甜，真係好滋潤養顏。黑豆消炎降火飲品唔記得左入面有啲咩，不過黑色嘅食材降火解毒係有一定功效，雖然味道就不及桃膠飲，不過飲完好舒服，當涼茶一飲都不錯👍…查看更多

有次無意之中發現呢間糖水舖，裝潢真係好簡單，行過都未必為意，裡面有兩三個座位但基本上都係以外賣🥡為主，價錢真係好平好平，平到你唔信！熱糖水例如腐竹雞蛋糖水、紅豆沙、仲有茶葉蛋等等就會喺門口用碗裝，而凍糖水同涼茶就會放喺雪櫃，全部都係支裝，可以一路行一路飲🥰屋企人個個唔同口味，有啲要桃膠有啲阻要椰汁西米露，所以次次過嚟一買就至少買半打糖水返屋企😙我自己通常食陳皮紅豆沙🫘，呢支係凍嘅$10 ，雖然平但足料，見到有紅豆、陳皮、薏米、蓮子，唔甜亦唔杰身，呢個價錢性價比無得輸😂…查看更多

鋪頭簡陋但超值今日去深水埗阿明買下午茶，經過幾間糖水鋪，一碗綠豆沙都差不多30蚊，有無搞錯，本來放棄，上網搵下，話哩間新開好抵，咁眯去睇下門面同鋪內裝修都好簡陋，餐牌都系手寫，大部分都系傳統糖水，鋪內系無檯無堂食，吾重要啊！最重要價錢都系15蚊。最後買左兩個糖水加茶葉蛋。優點- 性價比高- 糖水吾會太甜核桃露（$15）3分- 女服務員話系自己磨，味道吾錯，系”傑”左D.綠豆沙（$15）4.5分- 綠豆都算有起沙，又有落足夠海帶，味道好茶葉蛋（$10蚊三隻）3分- 好耐無見過咁抵價錢，蛋都算大蛋，外殼都是碎開等佢入味，系茶葉味吾夠香同比較鹹。…查看更多

今晚同老婆去完深水埗食晚飯，行去新高登商場隔離個停車場攞車啦！見到有間糖水舖，主打中式糖水，就行過去望下啦！見到佢個餐牌全部手寫，重要寫到好鬼潦，本身都覺得無咩heart，隱約見到杏仁露，陳皮紅豆沙，綠豆沙同埋核桃露咁啦！於是我地就叫左碗杏仁露同埋核桃露外賣啦！價錢超值，都只係15蚊一碗，呀姐就重要不到滿一滿咁，俾錢果時見到有茶葉蛋賣，竟然係10蚊3隻，唔洗諗啦！買埋啦！40蚊攪掂。返到屋企開箱，杏仁露真係食得出自己磨，唔係開粉，食落去重有d杏仁沙，糖水好香，好濃，但係又唔會死甜，絕對超出15蚊嘅預期。跟住就到核桃露啦！因為頭先碗杏仁露令到我地好高期望，一開，滿滿嘅糖水再加上香味，試啖先，糖水都係好濃，唔會水汪汪，而且都食得出係自己磨，食落去有d渣，而且好香核桃味，絕對推介。最後就到茶葉蛋啦！好入味，同埋食得出係媽媽嘅味道，隻蛋好大隻，應該係湖北蛋，蛋白同蛋黃都好入味，又係唔會死咸，好香，10蚊3隻絕對係超值。而家e個時勢開店好艱難，姐姐真材實料，絕對推介，重要咁平嘅價錢，完全係性價比超高，之後一定再幫襯，咁有媽媽味道嘅小店真係買少見少。…查看更多