黃金泳灘意大利餐廳 (已結業)

第二次食這裡的下午茶了。第一次食的是乜乜拉麵，但覺得麻麻哋咋，仲無公仔麵好食。食咗一半就食唔落。味道好淡！今次食咗欖油炒天使幼麵！賣相已經好吸引啦！有啲菇，青瓜等等。平時唔鐘意食菇嘅我都食晒，其他青瓜個啲「林沈」嘢就唔喜歡。但無影響到個麵，雖然有點油但接受到！真係好好食，回味無窮！另外，有個似泰國人嘅待應勁好nice。禮貌十分滿意！係沙灘玩完再去呢間餐廳試下

行開黃金去食TEA, 叫左炸雞翼尖, 香口, 但乾左D。COCKTAIL見佢4-50蚊好平, 原來好細杯, 不過都算有酒味, OK LA。fruit punch 不過不失, 裝飾幾靚。環境就OK GE, 特別露天位,但勁多蚊...

One would be wanting to dine at this place, due to the superb location.... However, the food is pathetic ... Nowhere italian... I ordered a roasted boneless chicken ... The chicken served was just chicken skin & bones, way undercooked & lacked flavour.. When I raised this with the waiter & manager, they gave a dry sorry as an answer.. I asked for a feedback form & they said they don't have any... Never go to this place again.

最愛到黃金海岸泳灘聽海浪聲，過一個悠閒下午，這間餐廳已經光顧過幾次，感覺不錯，食物質量都算不錯~兩個人叫了兩份下午茶，干抄牛河: 味道很好，有鑊氣，不過牛肉有些少咸，可能我平時吃得比較清淡吧，整體算不錯~公司三文治:相比起干抄牛河，公司三文治就普通了些，冇乜特別。

set dinner for two有ABC選擇既 但見C餐最吸引<價錢都最貴就選呢個啦  598FOR TWO樓底好高 好舒服 對住海都好靚 唯一唔好就係太黑我諗黃昏黎會仲好蒜容包 < 太脆了 冇左包個種味道 但都合格既 最搞笑係湯都未到 點唔到包黎食頭盤水牛芝士蕃茄 幾FRESH 如果凍D就更好煙三文魚 唔錯 鵝肝多士 好正! 肉醬雲吞 唔覺"涵" 好食呢個湯就叫左龍蝦湯同埋南瓜湯 前者是不錯的 後者就好一般了 要加胡椒先有味而且唔覺有南瓜味 牛柳我點左5成 十分好大蝦天使面 < 天使面唔好食 好似米粉咁之後朱古力梳乎厘同埋意大利芝士餅 十分好最後要講一講 店員服務好到加零一 不停換碟加水 又教我地點樣食個梳乎厘

    相約友人在黃金泳灘食晚飯,因為這朋友很久無見,所以想帶他去這個特別的地方,   他從將軍澳遠到而來,所以黎到都9點,幸好,還有晚餐Order我哋選擇二人套餐C,   有我最愛的牛柳,扒虎蝦,聽経理介紹仲有新到的法國生蠔,我毫不猶豫Order半打,   因為我食過法國生蠔味道較濃,経理推介Gillardea比我哋,我還加一杯白酒配搭,其實我心裡  很想飲生啤,就在旁邊看見擺放so feel good!有1664,Hoegaaden!感覺很新鮮,特別.....爽呀!!即時拍照留念!原來,餐廳巳新裝修,幾年前,我曾到過此處食飯,已經唔同,現在煥然一新,有浪漫氣氛,今次晚餐最值得推介是生蠔,爽口海水味重,有鮮甜的蠔味,後段還有榛子味小小cream口感,配埋白酒,味道真係提升不小. 主菜免翁牛柳,肉質鮮嫩,牛柳5成剛剛好,味道唔錯虎蝦夠新鮮,有兩隻,剛好和朋友分享,惜天使麵不夠爽,但內裡的帶子很鮮甜.  我和朋友在此一邊食一邊傾,心情放鬆,渡過3小時  下次再黎,一定叫多啲朋友,食完再飲!  掛住食,都唔記得影相添......

果日同老婆同2個囡黎到黃金泳灘玩，玩完一輪，見肚餓，附近有間意大利餐廳，一半露天、一半室內，俾人感覺幾舒服 所以就決定入左去擦餐勁！露天果到一望出去就係沙灘，個景唔錯，但係如果無風就會熱左囉所以我地果日簡左坐室內。入到去先知地方幾大！加上佢簡單的裝潢真係令人好relax好舒服，我諗同朋友食住野傾計其實會係個唔錯的選擇服務亦不錯。果日都真係幾好彩，個待應話藍貝係新鮮運到，所以我地就即刻嗌左一客，果然無令我地失望總體來講，依間近泳灘的意大利餐廳的確唔錯！不單止有意大利食品，仲有幾種中式食品，可能想做埋外國人生意啦 所以我覺得黎到黃金泳灘都可以黎依間餐廳試下，值得推介！

在黃金海岸沙灘旁的西式餐廳多不勝數, 而且有特別裝修的也不少, 今次是朋友介紹所以一試.在海灘旁散完步時間大約13:50分抵達.門口有LUNCH SET招牌, 價錢約$60~$98一位, 不是太特別,我們也打算散叫.朋友指定要坐室內的窗旁靜靜的看著海邊, 因為係weekdays 所以人流很少, 我們悠閒寫意地看著MENU...朋友說必吃推介是豬扒包及藍青口. 但豬扒包要待到tea time 才有, 最後我們都是以正價order.我們ORDERED 藍青口 (已沒有發售,但餐牌上沒有註明而且小食MENU也是 ) , 豬扒包 , 大蝦沙律, 菠蘿冰及凍檸茶.我很喜歡喝菠蘿冰, 一般普通冰室提供$18~$20的質素是白糖+水+罐頭菠蘿, 顏色是透明+黃, 但今次是有菠蘿汁的即是成杯都係濃濃的黃色, 底部有菠蘿粒(都是罐頭既~), 飲落好香又不太甜大蝦沙律真的拼湊了一隻龍蝦圖案, 好有心思 , 有6隻手指大的蝦肉, 有著仔, 椰果, 蘋果, 蕃茄 及哈蜜瓜伴碟 , 好味 ! 來到一定要食既豬扒包, 賣相真係唔錯, 又大個而且薯角又多又大粒, 咬落口係脆,跟住林, 鬆軟, 同香 (大家應該

Extremely good service! Very nice, proactive waiters with heart. They will proactively come at the right timing to serve you with bread, water, collecting used dishes. They will also conduct causal chat with you and provide suggestion.The food were also amazing tasty. Per the waiter the cook was from hotel and that's explain the good production. We go with 3 people and we ordered three set dinners. Each set include the appetizer , soup, main course, dessert and drink. We paid Hkd521 in total whi

鬆弛，是我對這間餐廰的形容。老實說，它並不是一間很正宗的意大利菜館 (儘管它名叫意大利餐廰)。我在菜單上，可以見到乾炒牛河等中式小廚。可是，這都無損廚師對西餐烹調的技巧。這裏的食物，是可以的。尤其是以芝士為主調的菜式，更是份外香濃。最重要的是，它面向着大海。我坐在露天茶座上，一邊望着大海，一邊吃着午餐，這種人生的享受，我會用鬆弛去形容。

星期日心情靚, 跟男友走到18咪半的黃金泳灘, 想找個近海邊的餐廳, 一面嘆美食, 一面享受人生.這家店算是老店, 開了好幾年, 男友以前也偶爾來過, 我就第一次, 抱着試食心態.我們點了:法國焗田螺: 口感不錯, 配上薯蓉, 加點Tabasco辣椒醬, 非常ok~香煎法國鵝肝配意大利黑醋蜜糖牛油汁: 本來想點白酒煮美國藍貝, 但待應說售罄, 才改點這道菜. 鵝肝煎得不錯, 但口感......外面很香脆, 裡面很水, 應是材料問題 (百多元的鵝肝, 不能要求太多), 但黑醋很好味, 配上麵包一同吃, 還算ok~主菜是帶子配薯蓉, 帶子煎得剛好, 口感不俗, 整體算不錯的一道菜, 很ok~配上比利時啤酒 Stella Artois, 當然什麼都ok啦~坐在露天走廊的位置, 秋風送爽, 我們共談天說地了三個鐘才買單, 雖然酒錢比主菜錢貴, 但買單的男友, 卻亳不介意, 果然是個啤酒男~

星期日飯餐時間總是亂的，早餐遲食，午餐自然不想食。食下午茶自然不想食晚餐。所以我決定食一餐黃昏下午茶。我和老公選擇有沙灘、有日落睇的餐廳。在那裡可欣賞一家大細在沙灘裡玩樂，俊男索女曬日光浴，我們的心情因著環境也愉快起來。老公要了一份"乾蔥白酒藍青口闊意粉"下午茶，$108包熱飲。上菜時發現意粉被那藍青口、乾蔥和蕃茄遮蓋著。藍青口數一數有12隻，size雖然細了一點，但味道鮮甜足可補夠。我要了一份"焗蕃茄豬扒飯"下午茶，$68包熱飲。因為是下午茶所以我接受少飯和薄豬扒，我滿意的地方是飯底乾身，沒有多餘油份，薄豬扒味道一般，沒有特別驚喜，但茄膏對我來說比較多了點。

趁2月13日星期日，提早慶祝情人節，就選了在屯門黃金海岸沙灘的意大利餐廳，貧這裡近海邊、有情調，服務亦不錯。今次可以用喜出望外來形容。我倒選了一個438元的2人套餐，頭盤有田螺、蝦沙拉、蜜爪拼火腿。配合得宜，沙拉汁正。餐湯是龍蝦湯主菜是烤羊架、燒龍利柳配天使麵羊架叫了7成熟，好正，內質鮮嫩。龍利柳入味，而且加上雜菌，配合得好。天使麵配有新鮮帶子及蝦。略油膩。甜品是心太軟蛋糕，外脆內軟，有暖朱古力流出，正。

周日一朝早同幾位朋友仔到屯門小欖小步遠足…中段轉折到黃金海岸來個中午飯…簡單醫個肚再上好友家耍樂…好友話哩間餐廳應易手冇耐…不如去試下新主上場質素如何??...餐廳對正黃金泳灘, 雖然已踏入12月但天氣仍和暖…加上哩日有活動舉行, 沙灘人潮正多, 好喧鬧呢!!...餐廳入口處地上放著數個黑板手寫餐牌…內部餐椅陳設等裝潢簡單, 勝在樓底有兩層高, 日照充裕, 帶點熱帶風情, 有個大水吧, 聽講晚上有live band表演添; …外面架有小陽台撐著一排大陽傘, 喜歡的可以選擇戶外對著泳灘o既餐桌…Set lunch餐牌有7-8款…約$68起…都係餐湯+主菜+咖啡/茶…名為意大利餐廳, 但見主菜款式似普通港式西餐/茶餐廳咁...較為令我地聯想到意大利的, 有”菠蘿火腿比薩”…!!...仲留意到隣座數檯D客人食即食麵餐之類…就是生意難做了吧???又見餐廳英文名尾二字為Casual Restaurant…”casual”一字又真夠貼切了!!...食物同服務確實夠隨便又隨意…點解??正在爭札於選邊款好之時, 身穿花哩碌夏威夷恤o既服務員大叔催我地一把, 一句”快餐啦!!?”…吾見手上餐牌寫著, 就

這是一個休閒的星期六。我放棄了一班人的敍會，竟然又有另一敍會等着我，很意外… 更意外係在boxing day 收到聖誕禮物，同食左一個美味的下午茶…跟友人在沙灘上走着，見沙灘旁的餐廳環境不錯，於是坐低休息。餐廳分室內室外，不太冷的冬天，坐室外看海最好。雖是下午茶時間，只有三數台，靜靜的，好舒服。二人點了紫蘇薄餅及萍果批。紫蘇新鮮香甜，好多mozzarella芝士，餅皮邊香脆可口，食幾件都唔膩。而個萍果批同樣出色，皮鬆脆可口，萍果諗而不太甜。食物實在美味，於是叫多一個甜品tiramisu。雖不是很甜，但不及前者出色。多謝友人給我一個快樂的下午…