黃金雞

营业中

休息中

黃金雞油飯🐔($36)全部既食物都係用紙既外賣盒裝, 以呢個價錢黎講兜飯算大, 而且好足料👍🏽 有大量紅蘿蔔絲, 油雞同埋黃黃的雞油飯🤤 雞肉勁嫩滑, 飯係好香雞油味得黎又夠爽身, 再加埋個海南雞飯醬, 簡直係一絕, CP值超高💢五香豬髀飯🐷($36)呢度既豬髀係超級好食, 豬髀肉夠嫩滑, 豬皮夠軟夠厚身而且充滿骨膠原, 口感好正, 重點係滷得超入味, 配埋個白飯簡直係冇得頂🙉, 而家諗返起都流曬口水餐廳既位置比較唔起眼, 但係係個人覺得絕對值得去食, 因為CP值真係超級高🤩 重點係佢絕對冇因為多人幫襯而改變水準同價錢, 真係好抵讚

黃金雞喺黃到發光嘅餐廳招牌嘅黃金雞飯，類似於海南雞飯，飯就香，雞肉夠嫩滑。黃金香茅雞翼飯嘅雞翼炸得非常脆口，香味十足。叫飯仲會送碗例湯🤣📍：黃金雞 (筲箕灣)筲箕灣海利街6號海利大廈地舖

黃金雞喺筲箕灣西灣河交界, 平時行經都唔太覺放完工想食雞飯就決定去拉搵佢出黎, 沿筲箕灣道行轉入海利街終於搵到即刻叩左個黃金雞飯($36), 由於店內位置唔多, 決定外賣,黃金雞飯D雞非常滑, D飯好香!!! 前面有酸甜嘅蘿蔔絲同荳苗仲送左杯冬瓜湯

店舖位於內街，第一次去會比較難搵，店面都比較細，大約有10個位左右，都係吧台型式，但耐心等下好快都有位。午飯時間好多學生同打工仔幫襯。食物方面，招牌雞飯，雞件滑一滑，飯有好香黃疆味。配菜有一D 紅蘿蔔絲同豆苗，配埋薑汁黎食係一絕，每次食都落勁多。另外佢會附送一杯雞湯，好清甜好飲。另外都可以外賣原隻雞，都有好多小食同飯餐選擇。但我個人比較推薦招牌雞飯。店員服務好好，好有愛，超真心推薦良心小店，行過一定要幫襯下。

阿張點餐👦🏻$36 《黃金雞飯》評分（10分滿分）：7️⃣食評💬：自己一個吃晚飯選擇其實很多，也不用吃得很好，平靚正就好了！今次選擇食一間食雞出名嘅店舖，亦係黃店！呢個雞飯比較特別，唔係中式亦唔係新加坡式，面頭會有酸嘅橙蘿蔔絲，酸酸甜甜好開胃。而下面有大概六至七件雞，大件夾抵食。醬料方面佢一盒會有兩隻醬，有甜豉油同埋蒜蓉薑，仲送一杯例湯！除咗雞飯外，仲有五香豬髀飯同埋秘製牛腩飯都出名，亦有每日唔同嘅特色飯可以試試～

西灣河餐廳報導今日試左黃金雞一間泰式餐廳 店內貼滿文宣黃金雞飯只係36蚊價錢相當合理飯夠飽肚咁既價錢一定係十分之抵水準稱不上極品 但比市面大部份海南雞飯都要優勝 比起市面上大半既雞飯都要好食雞滑都ok 總結都算好食雞飯都有雞油香店員好客有禮一次十分滿意既下午茶👍🏻👍🏻👍🏻 晚市較多人下午茶就一定有位個人認為如果堂食可以有再用餐具就好

終於有少少時間去試「黃金雞」，本身老闆同同事食緊飯，但因為我專登行去，所以問「真係無啦，我專登行過嚟！」「您等10分鐘啦，見你專登行過嚟！」「邊樣方便食邊樣！」秘制牛腩飯跟雞湯蒜香雞翼老闆同員工好友善，好似去咗朋友屋企食飯咁！$40唔使有牛腩飯，覺得好抵！下次買例牌加餸先！原來下午佢哋會落一落場，安排晚餐既食材；想食緊要留意返時間。另外，老闆提我，休息或賣晒不定時，去到無開，唔好唔開心，下次再幫襯過，小店一腳踢，無辦法！

街坊小店，在內街位置，估計租金相對比較低一點，有助降低成本，這樣就可以多啲注重在食材及食物質素。而店的地方細及坐位不多，外賣返屋企食會好啲，但勝在價錢平及好食。相比太安樓海南雞專門店，黃金雞好食得多。雞肉又嫩又滑，味道好。秘制牛腩飯也好食。而且食完唔會口喝，所以應該無乜加味精。另外避風塘薯角也有特色，值得一試。食過這間的黃金鷄，以後不會再去太安樓海南雞專門店。可以話平靚正。老闆應該係用心經營，是街坊良心店。

啲雞同豬髀都好夠味味道非常好 價錢又合理！雖然小食唔算好多但唔品質唔錯！ 佢仲有咖喱飯...今次食唔哂咁多下次可以再試！附近街坊必吃之選！今日肚餓食左兩個飯都唔洗80仲有湯送！

我地係街坊，有一次經過見到咪幫襯下，叫左秘制牛腩飯和黃金雞飯，意想不到勁好味！仲好味過太安樓海南雞！另外送純雞湯當茶飲，正！包裝好有心思，用紙盒包得好似一個便當咁，而且牛肉也不會煮得太老或太生，D牛汁入左飯食起黎好香好入味，雞肉更加冇得頂！絕對係隱密高手💪🏻💪🏻👍🏻👍🏻最感動係恩愛夫妻檔，好好禮貌和招待，好窩心！難得見到咁努力同溫馨的拍檔！老闆一個人係廚房，老闆娘係出面落單執嘢，有一次見到老闆不小心用刀切親手，老闆娘好緊張咁衝入去睇，呢D不起眼的小舉動但是充滿了人情味和溫馨，係依家呢個香港好少見，希望生意好之餘，都希望佢哋可以長久廝守。

呢間係屋企附近既餐廳，係一間係內街既小店，以前行過見到，但通常都係食完野行下消化都話下次去食...我昨天懲罰唔到佢，今日就要替天行道! 不過咁... 可能因為佢休左兩日，今日開都要準備同埋好多人想懲罰佢地... 我地12點幾到，入面已經有人，之後亦陸續有人，仲要爆到係出面等!黃金雞油飯 $36咁講，係西灣河黎講，海南雞唔難搵，好食既，平既都有! 不過... 呢到有位坐，同都係好好食! 絕對係CP值高!五香豬脾飯 $36我掛住食我自己個個，完全無理過男人呢盒，但佢話都好好食，佢其實夾過幾次俾我，但我好專心食我自己個盒XD避風塘薯角 $36有分唔同辣，我地叫左大辣，但唔算好辣，不過對唔食開辣既人黎講，佢辣架! 男人話佢覺得要再多尐乾蒜，而我就覺得夠既，只係薯角比較乾身所以佢“痴”唔起，我就點左茄汁黏起堆碎,所以好好味! 不過下次會去試其他!青檸soda $16我覺得唔夠青檸，可以再多少少青檸Overall, 係好好食，但因為得兩個人，大家俾尐耐性. 同埋我見有人買兩隻雞外賣(之前訂左既)，佢攞左個壺落去俾放湯，都俾足成壺佢! 係啊～個湯應該係用剩下既雞骨煲(我估)，好有住家湯無味精既味!以

前排有日sick leave, 睇完醫生黎買野食順便支持下有良知小店。我問店員（都可能係老細，唔知）有咩推介，佢好細心，見我病左😷叫我唔好食雞（明明佢地主要係賣雞）吃左個豬脾飯，應該係因為病左冇乜胃口，唔係特別吸引。但都覺得個湯好清甜，絕對唔同其他地方嘅味精湯今日有機會再試：炸雞軟骨，分量多。好咬，炸得剛剛好，好香口。唔會好厚粉，又唔會炸得唔夠咬落去成口油。送啤酒一流。下次朋友黎gathering 我會買呢個做小吃！今次我喺下午備貨時間去，睇佢地整咩方便啲，費事阻住晒所以外賣返屋企。既然返屋企飯可以自己煲，就叫個例牌。好感激佢地俾雞胸（我最喜歡雞胸）。唔乾，又唔會滑得不合理。醬兩款，都好特別，好泰式香料味重，從未試過，另一款疑似豉油不會咸到死。注意！堂食都會用外賣餐具，如支持環保最好帶盒去。😊我兩次都帶盒去，好順利✌🏻整體都唔算貴，三四十蚊一個飯連湯，可多飯少飯雞軟骨$38一定唔係一人份量，亦冇粉團扮雞軟骨，一個人食到反艇中....

擒晚同屋企人騐住一齊食晚飯，我又好想食鷄，上網到處找一些食店。 看到西灣河附近有間叫小店叫黃金鷄，唔騐就出發。 揸車去，在小街內，舖面細細，約可坐10個人。 有三位服務員，一坐低就叫半隻鷄、一個牛腩飯、小食拼盤同油菜。 個鷄絕對驚喜，又嫩又滑，好好味！。牛腩好冧（雖然我唔太鐘意食）但家人全讚！小食拼盤個薯球好邪惡，有芝士心，堅正。 唯一唔好處就是舖面小，一食完要走（唔好阻人做生意），下次會叫成隻鷄回家慢慢嘆！

平時食開雞飯今日試下依個紅咖哩牛腩飯其實個味同平時食既咖哩唔同有椰香味 好正有少少辣同少少咸，但係送飯食一流呀🤤啲牛舊舊都大大舊，全部都好淋用輕輕力已經可以分開平時食唔曬啲飯既我竟然食曬啲飯，直得一試呀大某樂都要五十幾蚊咖哩牛啦所以絕對直得試有驚喜

《西灣河抵食之選》得知有間年輕人開既小店聽講又抵又好食就去試下我地一行2人叫左海南雞飯x1 同埋豬脾飯x1各$36渣!! 仲要包埋雞湯!!呢個價錢依家真係好少有基本上雞同豬脾都無咩骨豬脾仲係好surprise既軟身真係一試難忘 可以做食堂佢堂食都係用外賣盒&餐具我支持走塑所以自備左餐盒同筷子店主同職員都好肯配合裝落我自己既容器（你知啦...有時出到去用自己盒仲要比人鬧架...環保唔易做）仲即日買多各一盒外賣番屋企比屋企人試下 佢地都好滿意以後外賣有著落