影片
我的小狗儿今天三岁了,今年虽然没有给他做生日蛋糕 , 晚上却和他出外吃火锅 ; 总之就带著 enjoy 的心情出发。来这馆子吃过多次,是喜欢它有大排档风味,菜肴炒来够镬气,最重要是能够带同小狗坐到室外一起吃,Ricky有车位泊又是原因之一;他还可抽烟哩!边炉拼盘~~有鳝片﹑滑牛、虾﹑牛丸、本地生蚝、贡丸、鲩鱼头,腩、鸡蛋、鱼皮饺、猪红、九肚鱼、猪润等等…所有食物都新鲜,个芫茜皮蛋汤底也不错;生蚝熟了没缩水,鳝片切得很厚入口肥美;惟独是九肚鱼难吃
继续阅读
招牌菜
寻晚奶奶同老爷去街,屋企冇人煮饭，老公就提议我地放工自己出街食.撑枱脚~由于老公喺元朗水车馆街附近落车.所以我地就打算喺附近食 ~ 大约19:00p.m.经过"黄金屋"(由于时间尚早.冇乜人.见有冷气风扇.仲有电视睇.就入左去坐低喇) ~ 睇下张餐牌.价钱都唔算贵㖞 ~ 老公就叫左"鹅件拼盘,炸大肠,黄金鸡软骨"...本来我仲想叫多碟"咕噜肉".但一望去切紧卤水既师傅手上碟野"OK大碟".再望下周围未有其他人.即系碟野系我地架啦...咁就决定等D菜上哂先算 ~鹅件拼盘$68 - OK大碟...有几件鹅,几只翼+爪,豆腐,芽菜,花生,生肠,鹅肠.肾,猪耳...(估唔到的足料=正) ; 黄金鸡软骨$48 - 成个碟摆满哂.都几多下,味道都OK唔错 ; 炸大肠$28 - 细细一碟,好香好脆.几好味 ; 另外叫左一个靓仔白饭$6+ 一碗汤河$8 (最后满足到...食到食剩少少野tim ar) 好彩冇再叫多碟"咕噜肉"咋...唔系就更加食唔哂丫 ~ 而系我地食野期间已经开始越嚟越多人喇... 我仲见到有隔离枱叫既"粉丝煲--好似$48or$58.都系好大煲架,其他𩠌菜既份量都系唔细架 ~所以总括嚟讲...哩间野都叫做抵食 ~ 不过环境真系有待改善...因为间中会有d小强仔.蚊仔.苍蝇仔.喺墙.櫈等地方出现...虽然佢既格局系大排档.但都应该要执执佢啰 ~
继续阅读
其实我都食过几次，D「黄金」菜式确系唔错，我最钟意系鳝球同鱿鱼，味道好好㖞!地方系差D，有改善空间! 其实我楼上同楼下都坐过，楼下就企理D，楼上就残D啰! 总括而言，食物得，环境有待改善，不过，大排档算系咁啦!
继续阅读
今晚老朋友【华】约晚饭,咁啱我又休息两日,所以应承咗佢。到七点约埋另一朋友,同【华】一家三口,原约咗去【新星】酒家晚饭,但因另一朋友话【黄金屋】正,加埋我未试过都想试下,所以就决定临时改变场地。晚上七点半到达坐出面,叫咗【黄金鲜鱿、辣酒煮花螺、古法蒸鲩鱼、肉松蒸水蛋、卤水猪头肉 & 虾酱通菜炒牛肉】六个𩠌。(黄金鲜鱿): 其实真系几惹味,但因为除咗咸蛋黄之外,我觉得厨房都系落多咗盐,送啤酒都唔错嘅。(辣酒煮花螺): 螺唔新鲜好多只都肉霉,汁水唔觉有酒味及香味,但系斋劲辣遮掩哂其他味道,呢道菜好失败。(古法蒸鲩鱼): 鱼肉好腥,冬菇及猪肉丝份量好少,冇咩惹味配料一齐蒸,只系事后𪷽啲甜豉油,食落完全唔掂。(肉松蒸水蛋): 普通唔错可以接受,当家庭小菜送饭ok,但唔可以话出色。(卤水猪头肉): 好肥唔烟靭冇口感,铺碟底芽菜好生,豉油又系好鬼死咸。(虾酱通菜炒牛肉): 几大碟,但又系劲咸,加埋牛肉片好少好散,唔掂呀!服务一样唔掂,前亚视艺员事头婆【卢希莱】,全场都唔系太主动,另一个大肥仔+ 一个矮身材光头中年汉 + 高瘦阿姐 + 啤酒推销小姐。上菜只会系咁队埋枱边,唔帮你执位或摆正上枱,好似一定要客人自己接咁,好差! 平时又唔会有侍应,间中行埋嚟睇下有咩需要帮忙,叫咗白饭又唔记得边枱,及叫咗几多碗...唉! 反而果位啤酒推销小姐,佢仲勤力过其他人,又上菜又拎其他牌子啤酒,咁先系做嘢丫嘛! 其他人企哂喺度有鬼用咩!?餐具真系几污漕下,要自己去换几次先揾到较干净替换,自己用茶洗要大力捽先掂,点搞呀!?事头婆【卢希莱】,佢成日著重用好重口吻训导女侍应,但佢自己只挂住食烟及同其他自己人吹水,就算做旺咗个场,自己唔想落手落脚,起码都同客人倾下闲偈打下交情牌啦!下次我唔会再帮衬,因为再帮衬,我惊高血压及肾病。我另一朋友话上次嚟食都唔系咁差,同埋食物唔系咁咸,话可能换咗厨师都唔定。希望【卢希莱】改善下啦! 因为创业难、守业更难呀!埋单唔系贵都系四佰有找~
继续阅读
可能我地坐路边，所以见唔到店内同阁楼几DIRTY！不过我觉得店员o既服务态度唔错，而且一路都有人客来。我地洗完碗筷，佢地好快帮我地收走兜水……汽水等左好耐未到，佢地快水拎来仲会say sorry……我地影d食物，佢地仲讲笑话我地影佢d「商业秘密」……当日主要想试「黄金系列」，点了黄金翠玉瓜及黄金鲜鱿，前者很香口得来又清甜，推介！后者反而有「粉酱太厚」的感觉，无甚特别。街坊小馆来讲都中规中矩啦。
继续阅读