黃金冰室 (石蔭路) (已結業)

是貪方便之選，因為有天在這邊工程完畢，自行找個下午茶吃吃，於是就走來這邊。早幾小時，看到這邊的早餐都有不少人在等位，想不到下午茶時段竟然沒什麼人。之前吃過這間在深水埗的分店，感覺還可以接受，隨便入去試過下午茶，炸雞脾沙律。沙律份量極之少，可能是一片生菜都可以承載到的份量，有些雜果，份量太少；炸雞脾都算大隻，雖然不算是肉汁豐富，但還不算太乾，質素是高過快餐店少少，但又比生炸雞脾差少少。凍檸茶還算不錯，茶味夠濃，檸檬夠多。以這些有分店的連鎖茶餐廳來說，黃金冰室，無論在這間石蔭還是深水埗吃過，感覺質素都尚算不錯。

今日去食中午飯分別嗌左B、D餐等左陣上個炒飯 一望就唔對路點解鰻魚炒飯有腸仔五香肉丁叫個職員嚟 佢話D餐改左鹹魚雞粒炒飯1.你地夥計落單唔通知聲改左2.鹹魚雞粒炒飯都唔係咁嘅樣然後我話我唔食架喎 先幫我改另一個餐仲要額外等..然後見到幾檯嗌D餐有舉手話唔係鰻魚炒飯要求換其實呢個野開頭幾好 又係愈做愈衰早兩個星期我嚟食早餐 嗌櫻花蝦雪菜肉絲送嚟個陣係三色椒雪菜肉絲問個夥計話櫻花蝦唔係一隻隻大蝦架喎我緊係知啦 但你冇理俾三色椒我呀嘛不如改返雪菜肉絲咪算所以我吾會再幫襯佢態度差！

呢間嘢癡線嫁 一點鐘知道送少左份外賣 打比佢哋同佢講馬上補返 隔咗45分鐘都未送到 再打去追佢哋 佢哋先講 40分先送岀去 等到50分鐘都未收到 你地送唔切唔緊要 麻煩岀句聲 知道你地辛苦 但大家都係岀黎做嘢 送唔到你地黎退返錢比人囉 唔好叫人等咁耐呀

新加入既黃店？呢間黃店好多特色野食。價錢方面中上。此黃店曾經系中大戰中支援中大。提供物資比中大香草燒春雞伴香煎帆立貝（$65） 燒春雞好大隻😍 皮都燒得好香 可惜雞肉有點‘鞋’ 😞扣少少分 好彩佢有配個燒汁比你點 而配菜竟然係紫薯😍😍😍 分量都唔少 紫薯味好重好甜 不過上面加左芝麻醬就有點格格不入 雖然小編都好鐘意芝麻醬同紫薯 😂😂😂 金銀蒜扇貝粉絲蒸肉餅（$62） 扇貝比想像中大粒 上面鋪滿好多蒜蓉十分香口🤤 可惜肉餅味道偏淡 如果醃肉嘅時間耐啲應該更入味 仲可以加啲章魚粒 更加香口同有咬感 如果做到咁 收貴多5至10蚊絕對都係抵食🤪 好味指數：7/10 抵食指數：8/10

全日餐🍜 $45佢個全日餐超級豐富🤩有好多款野食可以揀小編就揀左吉列魚柳+櫻花蝦雪菜肉絲+炒蛋米粉 佢另外仲有跟丹麥多士🍞樽仔奶茶好大樽😂+$8茶奶比例唔錯 亦冇話落糖水重手到得甜味因為佢係冰鎮 所以唔會有因為冰融而淡左嘅情況🧊吉列魚柳好大塊 仲大過小編嘅手掌🖐🏻丹麥多士烘過 微焦 少脆加上佢本身都係千層酥皮 好味😋雪菜肉絲同炒蛋都係普通茶記質素 見到佢真係有粒粒櫻花蝦🦐好可愛成個餐食曬真係捧住個肚走👐🏻*黃金冰室都幾受歡迎 疫市下都排左陣隊💛

出品唔輸尚品，食過下午茶同晚餐，沙嗲牛通牛肉好入味，唔係加鬆肉粉果種。炒公仔麵足料，蒸雞好滑，焗意粉又係好足料，環境坐得幾舒服，推薦大家都去試下。everything is quite well done

好耐無幫襯，附近都唔知食乜好，咁又試吓嚟呢度食。叫咗 3 個餸套餐，但有 2 個落錯咗，原本叫金銀蛋白菜仔佢嚟咗金銀蛋菠菜，另外叫馬蹄蒸肉餅就變咗土魷蒸肉餅 😔😔例湯上檯唔係好夠熱，只係暖暖地。韮王大蝦帶子炒蛋，好香好大碟，蝦夠大隻爽口，金銀蛋菠菜味道唔差，不過如果有啲人唔食菠菜就麻煩! 土魷蒸肉餅其實可以，但老人家食土魷難消化嘛。餐茶好夠熱，茶味夠，但檸檬就孤寒咗啲!埋單有話佢哋知落錯單，點知話未瞓醒就算，我哋已經唔敢彈返轉頭，唔好意思都無句 😑

依間舖喺11月嘅時候曾經支援過中大 提供過物資💛-#鐵板火燄牛柳餐 $98依間冰室比較特別 佢除咗有港式野 仲有西餐🤣今次叫咗佢嘅鐵板餐試下店員將鐵板牛柳送到之後 會喺你面前淋酒點火再講下食物質素啦 因為淋過酒嘅關係牛柳嘅味道完全被酒cover曬 每一啖都係酒嘅味道😕不過肉質都淋嘅 同埋意粉撈埋汁都算不過不失🙂評分:6/10

呢間黃金冰室上年年尾先開我們一家平時在家食多都來過幫襯兩次一次食晚餐一次食早餐比較同區其他餐廳 都覺得價錢親民 味道佳 份量足最印象深刻係黑松露粟米煎肉餅，乾身得黎又juicy， 黑松露味好出 粟米和肉餅比例好，我唔食得甘多炸嘢都忍唔到口食左兩塊另外金銀蛋莧菜和茄子牛肉煲都唔錯 好惹味， 菜既份量都足夠，牛肉可以再多些🤗蒸黃立䱽魚都ok 反而海南雞客飯餐份量比較少好在雞肉都夠滑早餐方面我推介大家試炒蛋多士餐火腿炒蛋無得輸 咸牛肉炒蛋更加美味配上沙嗲牛肉米 經典茶餐廳早餐味道重現江湖我們大飽口福了現在餐廳成日要排隊先可入坐客似雲來的情況可見它質素和價錢都不錯

上星期我和老公到了石蔭的黃金冰室吃晚飯。這間黃金冰室分店開了不久，它的裝修華麗而且時尚，環境乾淨，而且餐廳內有大量卡位，特別適合我這個特別喜歡坐卡位的人。我們點了兩樣菜式。首先是花膠蒸滑雞，花膠很厚肉，很大朵，吸收了下面的雞汁，跟白飯一起吃一流！雲耳蒸雞的雞件也醃得非常入味 中，不會蒸得過火 ，雞仍然很鮮滑，很有雞味。另外我們還點了黃金焗鮮茄豬扒飯。送上枱時散發出陣陣芝士香，大量芝士一同配上鮮蕃茄一同烤焗，享用時特別美味。豬扒亦很厚，很入味。湯方面，我們點了羅宋湯，紅湯酸酸辣辣的，還吃得到牛腩，啖啖滋味。我超級喜歡這間茶餐廳的冰鎮奶茶，奶茶獨立用一個膠樽盛載，與冰粒隔離 啖啖都是香滑而濃郁的冰凍奶茶， 另外也點了一杯懷舊紅豆冰，如果紅豆再煮「淋」一點就完美了！去相：

D肉一啲有味，一啲冇味，鐵板凹凸不平，用飯或者意粉放底令到啲扒難以加熱，原全難入口。相比於出面其他食扒餐的餐廳，簡直冇得比，問個客人幾多成熟，答佢7成就比全熟，完全係渣

話說又陪媽子食飯，食開嗰間食得太多次想轉吓，附近餐廳比我個百彈寨主媽子話唔好，咁就試吓呢間新開架啦。叫咗 3個餐，個四季豆最正常，蝦干蒸肉餅唔入味，只係有豬肉味。 。 。咁起碼都叫做豬有豬味嘅。 。 。豉汁蒸䱽魚個汁怪怪，成餐飯得個四季豆最好食!到餐茶，一試個奶茶便知龍與鳳。 。 。睇相見茶色咁深就知唔掂，還好請侍應幫忙加啲奶，佢哋另外斟咗啲過嚟，加落杯茶度成刻變得咗 😜侍應服務態度好得，媽子要求碗飯熱啲，佢哋較熱啲温度等咗陣先上，呢方便滿足到佢 🤭

石蔭店垃圾收銀員工。事源係我同三個朋友諗住入去食晏，見出面無人排隊，就行入去，但收銀當時正在收銀。好不禮貌同我地講，出番去唔好入住，之後他的同事問幾位？我地話四位，佢同事叫我地入去，我的朋友入了去，而我包尾，個收銀又無禮貌又講，出去先唔好入來住。我見佢咁講，我就話你出面無人排隊，你裏面又有位，你同事叫我地入，入了去都要趕番出來，係真唔係，咁做生意？葵涌唔係得你地一間餐廳咋，我使幫親你。

依條石蔭路既茶記數量多得好緊要，依排又有間新茶記，於是去試下。依個位置之前係間專比大陸人做團餐既餐廳，咁好既位置都拍晒烏蠅。依加轉番做間冰室，配合光鮮既裝修，吸引唔小街坊去食。今日等我閑日去試下佢早餐，都幾平，33$有交易，凍飲加$2。都幾多common茶記花款。我叫左火腿奄列+丹麥多士+雪菜米+凍奶茶=盛惠$35蚊火腿奄列：既炒，好多料，個蛋幾香。丹麥多士：甜甜地咁，幾鬆脆雪菜米：佢碗米粉好大碗，雪菜入面有啲蝦米，幾好，米粉幾軟熟凍奶茶：茶味濃，幾好飲整體上野食幾好，啲碗碟設計都好衛生，唔會比店員掂到碗邊另外想讚下店員細心，搭枱有個呀婆睇唔到字，店員讀晒個餐牌比呀婆，仲幫佢拎埋餐具。