黃珍珍泰國菜館

营业中

休息中

成班澳洲幫幾年無見，覺得呢度坐得舒服，可以傾耐o的，所以約左係呢度聚會。5個人，叫左個大拼盤，紅咖哩雞，青咖哩蔬菜，冬陰功同一個炒飯。好細食喎~哈~拼盤值得推介，可以試唔同既食物。咖哩雞都可以，送飯好~炒飯睇落唔太吸引，好似白雪雪無味咁，但係撈汁食就好~冬陰功每人分到一隻大頭蝦，好辣~青咖哩菜，唔好食~水汪汪，無味道~炒菜會好o的~

媽媽比較鍾情泰國菜，所以做人個女的，就要早兩星期打黎訂位啦！六點半到達，已見人頭多的是，真係可以講話係人頭湧湧！好不容易才迫到前頭去問一下領位員，告訴了訂位人數及姓氏，沒有回應！咁即係想點呢？再問，又扮聽唔到，掛住寫即場等的號碼，完完全全沒有理會過我！激氣死我！之後，我再派妹妹問多一次，佢先話有就叫我地！咁即係點呀？訂左位都要等，咁我訂黎做咩呢？人又多，企都無得企，你又唔理我，真係唔想我番轉頭再幫親你既姐！Wendy姐!等的時候，才發現佢地既訂位制度好有問題！我地兩星期前訂３個又得，佢地訂９個又唔得！再到後來，點都無得訂，咁即係點呢？黎到又無位比我，紙都唔比一張！好喇，媽媽出口再問，佢先話下一張比我地！你究竟想點呀？講野又細聲，叫人地點聽你講野呀？係唔係要圍住你先聽到你講野呀？真係唔知對住你笑好，定係鬧你好喇！等上十五分鐘，分得一張紙，紙上有ＢＸＸ，又唔同我地講點搵枱，問其他服務員，又要等上三十秒！點解你唔一早話過我地知係地下個層呢，等我地左搵右搵！串燒沙嗲牛豬雞六串全部都熱辣辣，好好味，牛唔太香口膠，豬又唔鬚，雞又好香！下次可以叫夠一打上！如果有埋羊就誇啦啦！泰式炒粉唔太油，份量都好

以前每年總會一家人去1,2次食, 因為媽咪鐘意食泰國野, 黃珍珍夠大坐得夠舒服,味道又ok.近年幾無去過, 星期五晚再幫襯, 一路食一路覺得味道唔同咗, 賣相都唔同埋.柚子沙律...柚子苦澀, 汁無乜味...成餐飯9個人都食唔曬...留到最尾都淨翻1/5兜...以前咖哩蟹係有滑蛋feel, 辣度適中...今次個汁係似一個碟頭飯嘅汁, 無乜辣度, 色澤變咗橙紅色...並唔可以好似以前咁, 要order成10隻豬仔包黎yam汁...今次叫咗5隻包, 食咗4隻之後已經無人想再yam汁...個明爐烏頭條魚好鬼大條...並唔係大條就抵食, 要好味先翻尋味, 大條得黎又預先蒸熟曬, 魚肉好"鞋", 又無魚油香, 越煮越"鞋"但又唔入味, 本身個酸辣清湯已經唔係好夠味, 要自己再加辣先好D...失望...主菜大退步, 好咗side dish補到d分, 泰式鰻魚好肥美..雖然好多骨; 榴槤炒飯雖然略油, 但成碟飯都充滿榴槤香; 榴槤汁保持水準, 只係唔夠凍...以前試過叫榴槤汁, 老細話榴槤唔夠靚, 勸我地唔好叫啦~~呢個態度好好, 應該應用落上述兩度主菜黎保持水準...其他野唔係差, 只係無咗以前好

:和朋友兩個人叫了冬陰功,好香味道適中,酸辣鳳爪夠辣,黃咖喱羊腩普通,用法式麵包點嚟食幾好味,但係個包硬左少少,串燒牛肉,豬肉每樣三串,唔夠熱麻麻好食,最後叫了芒果糯米糍好味

到訪幫襯黃珍珍很多次﹐但來總店吃都是第一次。 這裡環境很大﹐餐廳來放了不少泰國神像。雖然這店一共三層﹐但到晚飯時間亦能坐滿顧客。詳細看了他們的餐牌後﹐選了以下好幾款菜式﹕冬陰公- 因選了細份量﹐所以沒有火爐盛載著。 湯料有三隻大蝦及多粒草菇﹐味道酸多辣少﹐太座不太喜歡。辣椒糕炒青蠔 – 因青口本身味道不是很濃﹐所以這道菜主要以其汁料作主要味道。因汁料下了檸檬葉及九層塔﹐所以味道不錯﹐但青口份量不多。焗椰青咖喱雞– 因其濃香的椰汁味道﹐杰杰的青咖喱汁香而不辣﹐每次都能送下兩碗飯。但這次到這總店叫這道菜真的令人失望。 首先整個椰子不知道他們是用火燒過時還是在焗爐內太久﹐整個椰子外殼都亦燒至黑色。 內裡的青咖喱汁味道與之前所吃過的差不多﹐但青咖喱汁稀如開水﹐跟本不能用來送飯。是在那麼多黃珍珍做得最差的。明爐泰色烏頭魚 – 雖然一條烏頭絕對不值這價錢﹐但也算一道蠻有特式的款色。烏頭放在盛有味道酸酸的湯上﹐而底下的火爐不停地煮著湯汁﹐另烏頭完全吸收了下了多種香草味道酸酸的湯底﹐越食越開胃。白飯及油飯各一碗 – 白飯很熱﹐飯質軟軟熟熟。油飯側只是微暖﹐飯質偏硬﹐好像放了很久。食物質素不錯﹐唯一比較

同老婆仔慶祝半周年紀念日聽朋友介紹黃珍珍好食,老婆又想試泰國菜最後去左黃珍珍當初以為兩個人點唔知咩食點知前前後後叫左五個,食到好飽當初點左三個,之後追加兩個,就係冬蔭公同面包...好好食好彩早到,6點幾就到,唔使等位,叫野食都好快黎到,靜靜地,O岩兩個人慢慢食飯傾下計之後開始人多了...整體來說,環境同食物幾好,服務一般...都算物有所值...

因為mama中意食泰國野~所以黃珍珍係九龍城首選!食左幾年~水準仲keep到~菠蘿飯同串燒仲要係必叫架tim~^^南乳雞~好食~x)如果叫咖哩~點可以少左法包~正正~泰式炒粉~少少辣~好好味~我最中意~緊係甜品啦~雜錦西米糕~咖啡味同斑蘭葉都好特別!

友好同事生日, 知道他比較鍾情泰國菜, 鄰近公司而又比較出名的算是這, 雖也有多年沒來, 但翻香食評這還是對辦的, 午市套餐四位用有$388, $588和$688三款, 一年一次就要個好的"精選大煲翅餐($688)", 因時間比較趕, 所以一早預定好等來到就好上菜泰式海王大煲翅 - 套餐中可從官燕蟹肉南瓜羹和它二選一, 大家都認為大煲翅較吸引所以點選這個, 論味道鮮甜但未算濃郁, 標榜用上四兩翅, 吃時也會見有一梳梳的, 除了翅外還有蟹肉冬菇等點綴金柚大蝦沙律 - 蝦肉彈牙爽實, 但略嫌鮮味不足, 柚肉清甜多汁, 配上新鮮蔬菜, 確是頭盤首選泰式南乳燒雞 - 同事興奮的吃著炸蝦片, 但至二十過後的我已不好此. 說實話從來不對這存好感, 因每次吃到的總是又乾又鞋, 而今次炸得仍有點過火, 但可幸不算過乾, 點些酸甜醬也免強收貨咖哩炒蟹 - 又是二選一, 辣椒羔炒其實也有一點吸引力, 但因同事不吃得辣, 所以就要了咖哩. 蟹身比想像中細, 咖哩不香也不辣, 從前喜歡用它的蛋汁來撈飯, 但現在不見蹤影下令人大失所望鮑汁螺片炒椰菜苗 - 螺片鮮味欠奉但不失煙韌彈牙, 而來到不是如套餐所標明的椰

在下今天初試牛刀，將我的第一次送給珍珍。約了中學時代的“project鐵三角” ── 兩陳一李，到九龍城寨一聚，到黃珍珍落腳，廢話少說，上菜！1. 冬蔭功湯 黃珍珍的冬蔭功湯，材落都落足，對於不嗜辣的我，酸辣程序都適中，兩位陳小姐就認為可以更辣。而為了更切合香港人的口味，黃珍珍的有加椰子汁，中和了辣味，個人很喜愛！2. 泰式燒豬頸肉 惹味版的中式叉燒加三中蝦片，穩穩當當，醬汁蠻好味！3. 泰式柚子沙律 對於 “沙律怪”的我，任何一碟普通的沙律我都愛，而珍珍這個也真的普通！哈！ 85%都是柚子肉，加入少許乾蔥、花生、蝦米粹及咸味醬料，有多三隻小蝦！就是這樣！中規中矩！4. 三味魚柳 甜酸醬加炸魚柳，又一中規中矩作品，好處在於沒有一般茶餐廳或大排檔的甜酸東西的那陣刺鼻的酸味。其實不值一讚，應該是要追樣才合格！5. 泰式咖喱炒蟹 如果這是她的招牌菜，珍珍應記十個大板！賣相可以，不過還是杷蟹蓋放上面好，懶得很！蛋漿埋芡，不過得個看字！她實際上是不怎樣有咖哩味的！我都不接受，一個咖哩痴會有比八十後更強的反對意欲、衝動！6. 小甜品 – 芒果糯米糍、椰汁糕、芝麻糕 雖然得四

一行7人去黃珍珍食dinner，環境好好，好優雅，好多christmas既裝飾，叫左8樣野，我皮膚敏感，我有幾樣都無食到，我講下我有食果d，泰式炒粉絲好好味，好香，加少少青檸汁食，酸酸甜甜，加埋d芽菜，值得推介！燒豬頸肉燒得唔會太乾，保留左肉汁，外皮脆脆地，不過好多地方既燒豬頸肉都差唔多薑米炒飯主要黎講係好香，薑味唔會太濃，但我覺得太淡

我本身極度愛吃泰國菜，卻一直未試過到九龍城吃泰國菜，今次終於有機會了，本以為會和家人到一些小型的店鋪食，但原來訂了枱吃黃珍珍，即管試下啦! 黃珍珍作為泰國菜龍頭大佬坐鎮九龍城，裝潢當然要有派頭一去到心裡在想：「會不會只是門面做得好，但食物不外如是？」一行六人點了很多東西吃，大概有燒豬頸肉：很多菜館所謂的燒豬頸肉其實都是炸的，但這兒的可以吃出燒過的味道，一小碟醮的醬味也很不錯。串燒（牛／雞）：平時叫串燒都只會點雞肉串，因為怕牛豬會太韌，這裡的牛串燒都不錯，但個人還是覺得雞肉好味點。咖喱羊煲：我不吃羊所以不知味道如何，但家人覺得麻麻，我也看到那些咖喱汁很浠，賣相麻麻紅咖喱軟殼蟹：軟殼蟹還是元氣壽司那些好味，這兒的不夠肥美，而且太油，加上咖喱汁後有點膩，不過本身味道都幾好泰式炒粉絲：本身叫粉絲沙律，但來錯了，這味菜味道不錯，但很辣我和媽分別點了椰青喝，我那個很嫩，她那個太老了，吃完味濃的食物喝一口椰青真的很令人享受。黃珍珍的食物質素不俗，同場很多客人都是外國人和白領人士，可能是因為它的名氣和格局吧。價錢比起其他泰國菜館當然偏貴，但這兒環境舒適，適合朋友聚會談談天，所以值不值實見仁見智。唯一問

很久沒去黃珍珍吃飯了, 原因九龍城實在有太多選擇, 而黃珍珍又較其他食肆貴了一點點, 但自從有了小孩子後, 可以選擇的食肆少了很多... 今次帶住阿B風塵僕僕, 黃珍珍是錯不了的選擇, 坐得舒服, 侍應服務又細心, 覺得貴少少都係值得嘅~~ 侍應安排的坐位本來有點凍, 我怕冷到阿B, 侍應(我估其實係老闆)二話不說幫我們較細啲個冷氣今次點了一客鮮蝦榴槤炒飯, 好正, 無得頂, 飯炒得乾身, 唔油, 蝦係鮮蝦, 唔係雪藏貨, 最正個榴槤, 不論味道口感都balance得好好, 我會為了這個炒飯再去!其實食物水準中上, 可惜食完都無乜印象

提早去黃珍珍慶祝父親節!唔係我想像中咁好食!我地7 個人叫左:1)咖哩蟹: 得個樣, 無咩咖哩味, 但都隻蟹都多肉既。2)2客豬仔飽: 好食, 剛剛焗起的, 脆的, 用黎點D咖哩蟹汁就最正啦。3)炒聖子: 個樣好卜卜, 好似好SPICY, 但其實唔係囉, 不過好似油浸咁。4)香芒蟹肉炒飯: D 芒果食落無味, 好似普通炒飯咁! 但D 蟹肉比預期多。5)生牛肉湯河: 普通貨式。6)2 客芒果粫米糍: 好食!7)雙色芒果粫米飯: 我諗淨紫米會好食D! 阿爸有9折咭!埋單都7百幾蚊! 都幾貴! 其實都唔算食得多野。 不過服務同環境都幾好!! 可能早既關係無咩人!

Dessert is incredibly surprising !!After full meal, we have order Mango sticky rice and assorted Sago pudding.Dishes:Shrimp Sashimi $ 88 (S)Satay skewer $ 48 (6 pieces)Ma-Lai-zen fried veggieDeep fried Shrimp Cake Chicken red curryChili paste fried razor clamDessert:Mango sticky riceAssorted sago pudding ($ 24/ 6 pieces):green- herbal leaf flavourPurple- Taro ( with Taro paste inside the sago) Yellow- Mango fleshbrown- coffeeblack-sesame with water chestnutwhite- coconut with corn

今晚一家人同媽咪食飯, 遲來慶祝母親節, 有心唔怕遲推介: 泰式豬頸肉, 燒魷魚泰式豬頸肉 - 呢味真係好正, 好香口, 唔會太肥膩, 咬落好"林" 食完一舊又一舊, 停唔到手!燒魷魚 - 好香好入味, 咬落唔"韌" 少少燶燶地好鬼香, 正! 咖喱蟹 - 個咖喱汁正到暈~~~ 唔辣, 椰汁同咖喱汁混得比重適中, 入口能大眾化, ,蟹肉係OK, 但一咬到個蟹感覺到有沙~~ 如果唔係都一定推介, 整體都不錯啦!炒聖子 - 好夠香的辣味炒聖子, 好食, 只係"韌" 些少! 炒芥蘭 - 好食 , 但菜唔夠嫩 最後整三個甜品, 椰汁糕, 芒果糕 ~~~~, 正! 但唔夠凍, 凍D會仲正!!! Overall, 不俗! 環境優靜, 裝修佈置好, 如果唔係有七折劵埋單, 就真係貴佐DRe: 折扣劵係要分時段用o架! 我地係晚上九點入座