黃珍珍泰國菜館

营业中

休息中

放工想食泰國野, 又想坐得舒服, 唔洗同人逼, 就去左黃珍珍如果講泰國風味, 呢度就比小曼谷差d, 不過環境就好舒服, 服務都好好, keep住有人加水, 上菜速度都好快, 不過就會貴小小~

終於有得一試既黃珍珍, 其實只因想食佢既榴槤炒飯,因為平日關係, 唔需要等位就可以入座。朋友話裝修靚左, 但d野貴左叫餸先特色拼盤(春卷, 蝦餅, 雞紮球, 魚餅)講講個蝦餅同春卷個味其實幾好食雞紮球就一般喇, 未夠滑, 有d實, 係唯一"魚餅" 唔係好掂朋友食左啖就有怪味, 似係雪味咁樣, 之後叫人換過2份魚餅, 但最後佢只係俾返一份蝦餅我地, 咬左一啖個份無換返馬拉盞炒通菜, 唔係太辣, 岩晒我期特好耐既榴槤蛋炒飯

當晚和女朋友遊覽完科學園後, 就走到去九龍城呢間黃珍珍食晚飯,由於女朋友不嗜辣, 所以就叫咗豬頸肉﹑泰式炒雜菜和芋頭炒飯。豬頸肉: 很香﹑肉質爽泰式炒雜菜: 很普通, 冇咩特別﹑有點後悔拿呢個餸芋頭炒飯: 有三隻蝦和很多芋頭, 唔錯; 不過飯唔夠熱, 而且很多油, 如果唔講, 仲以為食緊芋頭油浸飯。總體來說, 呢餐晚不過不失, 女友亦覺得滿意, 我亦意外發現那飯油塗在她的櫻唇上, 實在培添美態~

同朋友一齊去九龍城食晚飯,嘩原本唔係諗住食泰國菜,但6點鐘想食間鋪頭已大排長龍,為有轉另一間啦,點知去左黃珍珍, D野貴左好多, 食咖喱蟹時,最受歡迎竟然係法包, 鮮脆, 叫完又叫.... 不過D服務態度真係要改改, 唔係多人D態度就要咁差架,

因著親戚由澳洲回來，我們當然要一盡地主之儀，帶她到不同的地方遊玩。到晚飯時，便到這間九龍城有名的泰國餐廳。先來的有辣椒炒通菜及咸魚炒芥蘭。通菜夠嫩，不錯。芥蘭的味道雖好，只可惜有少許渣。跟著有串燒雞，喜愛是它的沙嗲醬。（但有一小插曲是有兩串燒得未夠熟，要再燒過）另一味小吃是泰式鳳爪，清清的，愛辣的可以點醬汁，很惹味的。還有炸蝦餅，脆脆的外表包著厚厚的蝦肉，用料很夠。當然還有少不得的冬蔭功湯啦，酸酸辣辣的湯很惹味，但可惜它的蝦雖然很大，不過肉不夠實。到主菜，首推的當然是明爐烏頭。魚雖然大，但肉夠嫩，與酸梅湯的味也夾得很好。也有咖喱蝦，咖喱味很好，但可惜蝦肉也是十分之鬆，有不新鮮的感覺。將咖喱汁與脆皮豬扒包配合真是天衣無鏠。不過辣椒蟹就真係太失望了，雖然夠惹味，但蟹肉不足之餘，肉又鬆，真係唔係好得。到甜品時候，是經典的芒果黑白糯米。芒果不酸但又不會過甜，整個甜品是清清的。在吃完一頓惹味的泰國餐之後吃，真的不錯。

為了這餐飯的一張優惠卷與其中一個老朋友之前一晚 “吵嘴” @@英明消費者…..唔可以妥協的一步!!!在他們未到之前, 已草稿了要下的菜單主人翁到時都沒有疑義……黃珍珍炒辣蟹 = 在Menu相中的蟹很大…..上菜竟是如此…..小HK$210 都要那麼小, 我們每人都分不了一份!!但蟹肉可算是鮮甜, 膏及辣的感覺….無!!黃咖哩羊腩 = 總唔覺係羊腩?!!! 分不出是羊還是牛!!!薯仔好似無…..不愛吃薯仔的我也沒所謂!!!其中一個老朋友為了這黃咖哩, 吃多了一碗白飯!!泰式海南雞 = 雞唔太肥, 但明明是普通弄法, 但點解叫泰式賣相唔得; 已經唔係好想食!!泰式紅燒豬手 = 豬手淋, 皮滑肉嫩……不一會已吃了所有!!!但食不出是泰式…….只是有個辣汁跟上, 就叫泰式…無奈中泰式炒雜菜 = 一般…..又叫泰式!!!!泰式炒飯 (可選豬、牛、雞) (選了牛) = 一般……牛肉尚可!香辣乾炒粉 (可選豬、牛、雞) (選了豬) = 辣味少少, 炒得尚算乾身, 唔油!!!冬陰功湯 = 7隻大頭蝦及多菇菇﹐大頭蝦有豐富蝦膏且蝦肉彈牙菇菇鮮味, 湯味濃厚但酸味搶奪了辣味!!主人翁要再叫香燒乳鴿 = 肥

初四去完樂富親戚家拜年, 見去開呢頭, 阿爸阿媽決定行落去附近既九龍城食泰國菜九龍城泰國餐廳選擇眾多, 平時一家人去開既另一間, 但係阿爸阿媽見咁耐無去過黃珍珍便選擇了此店記得以前細個成日都會同阿爸阿媽去黃珍珍食飯, 但係已經幾年無去是次去到黃珍珍的時間是約6:30p.m, 時間雖尚早, 但係已經好多人去到時先問領位員拎飛等位, 我地3個人, 佢話未有細檯要等一陣, 第一張檯就係我地見咁多人, 等下位好正常, 於是一家3口就傾下計, 等一陣, 心諗應該好快有位正當我地期待緊好快有位可以品嚐美食之際, 問題就出現了現場有幾檯都係3位既客等緊位, 因為領位員話無細檯但係有幾檯遲黎既4人客, 領位員就即刻話有檯比佢地入, 但係其實3定係4位都從係坐4人檯我明白D檯多數係4人檯, 比4位客入先係合乎經濟效益, 但係無理由咁對待D客呀嘛?事後問番其他朋友, 發現呢個係黃珍珍規矩, 次次都係咁令到D客唔開心, 領位員又難做, 呢D規矩真係要改!等左15分鐘之後終於入到去食飯, 坐的是2樓, 環境ok幾舒服3個人總共叫左6款菜色, 菜單如下:泰式鳳爪: 同普通的泰式鳳爪無咩大分別, 鳳爪夠爽口,

好久沒有落九龍城吃泰菜, 朋友建議去黃珍珍, 就重遊舊地一下.訂了7 時的桌子, 人不多. 4大 1 細, 菜單如下: 生蝦: , 顏色並非透明, 感覺不夠新鮮, 最重要的點汁太杰, 講真, 只食生蝦, 確是金寶最好.燒羊架半打: 是看了食評跟叫的. 沒有騷味,幾好, 80分.咖哩蚧, 最初叫了小辣, 像番茄旦的完全不辣, 唯有不好意思地叫人拿回去加辣 , 加完之後好像還是不夠辣 , 原來是慢慢辣出來的, 有層次. 可惜蚧肉不是最甜最有口感的肉蚧. 肉質稍為削點 . 點了朱仔包 ( 即迷你硬法飽) , 配合得不錯. 東陰公 : 跟在泰國當地飲的一樣味, 而且跟火鍋一齊上, 夠熱. 飲這個湯一定要夠熱. HK 現在很多地方飲的已變了味, 不好飲. 為了喜歡這種泰國味, 一定會再來. 中SIZE 雖然每人可分到一隻蝦, 可是一樣不是新鮮的, 淋淋的, 扣分. 生菜包: 太喊 ,

今日老媽子生日,成家人去左黃珍珍食飯,我地book左間房,可惜間房比較少,因為我地16個人,我地order左好多野有串燒併盆3打---都ok咖哩炒蟹併法包(d法包好正)加咖哩汁最正!!!炸蝦餅---太大塊炒通菜---咸左d芒果蟹肉炒飯---好好食泰式南乳燒雞---冇咩特別泰式燒豬頸肉--燒得好好味茄汁倉魚汁燒魷筒2份---正等等叫左好甜品椰汁芒果黑糯米芒果燕窩西米露椰汁芒果西米露榴槤西米露芒菓糯米飯d甜品好好味,值得回味'可惜冇影相,下次去補番啦

老公不用OT約佢去九龍城試 Tony Wong cake因為好多人話好味道之後又唔知食邊間味見倒黃珍珍環境不錯便去試下因為同老公兩個人地鋪冇兩人坐位所以往地下那層環境差一級差別好大我們叫了串燒 - 味道一般炒聖子 - 反而個汁味道幾特別, 好味少菜 - 也幾香不過有時覺得九龍城 d 街鋪仔仲好味

其實一直都會幫襯下。。。但上個禮拜六去真的讓我很失望。叫左個4人餐， 等左都好一陣，竟然第一樣上炒飯。你話合唔合理！！！ 同waitress 講， 她回答：落曬全部單。。。負責邊樣o既師傅得閒就煮先。泰國菜沒有分次序上菜。。。 當時我地很無奈，甘都算啦，食食下碟炒飯發現有啲唔熱有。甘就叫個似管理級的人講，點知仲衰，他手拿起碟炒飯，對住碟飯噴曬口水話:廚房係樓下，上一層樓就無可能甘熱傢啦。而且仲講唔停噴唔停。我地都不太想吃。上菜次序：炒飯 差 半熱半冷菜就一般略咸 半熱半冷粉絲蝦煲超咸 紅咖喱軟殼蟹 唯一比較好吃東陰功湯算不錯， 甜品 一般如果你一定要去吃就要坐樓下拉。。如果唔係就無熱野食。

如果朋友不給我那七折卷，我想我是不會來，因覺得這裏較其它泰國菜館貴。不過來了就發現佢真係好好味，下次要再來這裹。今次選了以下食物菠蘿炒飯燒雞青咖喱豬通菜豬仔包泰式春卷我最喜歡青咖喱豬，不太辣，好有質感，豬就乾了少少，但整體到好好。一行8人扣除7折後只是 $346，這個午飯到算起值！找數後又有張折扣卷，咁下次點可以唔來！但員工的步伐真是有點兒幔！

今次一行四人慶祝父親節不過要喺附近搵車位一D都唔易一向都有去開黃珍珍貪佢環境比一般食泰國野嘅地方好一入到去好多人迫喺門口等位好在等15分鐘到都入得泰式炒粉/金邊粉 (HKD50) - 賣相一般 味道普通 比以前遜色 好在唔太油膩燒羊架半打 (HKD88) - 明明係羊 但食落去似牛肉 不過幾好食 幾香咖喱炒蟹 (HKD248) - 同以往一樣 咖喱汁幾甜 同豬仔包一齊食 不過蟹本身唔算太新鮮豬仔包 (HKD20) - 軟返少少會好D海鮮炒飯 (HKD68) - 都算落足料 中規中矩豬肉生菜包 (HKD65) - 個汁好開胃 幾好食串燒半打 (HKD48) - 兩牛兩豬兩雞 全部都okay 點沙爹幾好味總括黎講okay如果無七折一定唔黎食因為價錢同其他泰國野比偏貴

上星期六全家去九龍城搵嘢食, 諗住食泰國嘢又希望坐得舒服D, 所以楝了黃珍珍, 貪佢哋有半圓枱可以坐得舒服D及可以放什物, 六點半去到並唔多人, 見餐牌上唔算太多選擇所以叫咗幾樣例牌嘢柚子沙津: 樣同埋味道一般無什驚喜, 下次可以唔叫炸蟹鉗: 同酒樓飲宴時菜式味道一樣, 不過不失啦泰式拼盤: 整體非常一般, 炸魚餅最唔掂又淋又淡口青咖哩牛腩: 全晚最唔掂就係呢碟餸, 咖哩味完全唔掂又非常之淡色, 牛腩及牛筋唔入味而且切得好碎, 一個字講哂 "唔掂"咖哩抄蟹及焗豬仔飽: 隻蟹本身唔新鮮, D肉霉既, 但個咖哩汁味道反而唔錯, 用來點焗麵飽都幾好食椰汁酸辣雞肉湯: 味道正常榴槤抄飯: 呢個幾好味, 適逢呢排榴槤靚, 所以配合任何做法都會好食的, 碟抄飯味道香甜, 我最後包底食哂成碟, 好滿足總括來講, 同區的泰國食店食物質素都唔會差過佢, 而且價錢亦會平過佢的, 但要講坐得舒服真係無咩邊幾間好過佢的...

一行六人去慶祝父親節大拼盤 – ok, 每樣嘢都有d, 幾好串燒沙嗲牛豬雞 - 熱辣辣，好好味焗椰青咖喱雞– 這個唔錯, 但咖哩唔夠味, 有d失望炒通菜 – 太咸了，要連飯一齊食先得明爐烏頭條魚好 – 一般, d魚肉好"鞋"炒蟶子 – 一般, 有沙辣椒炒青口 – 一般, 青口唔新鮮, 有d梅梅地咁粉絲蟹煲 – 粉絲好多，蟹得３／４隻　．．．　加上是水蟹，下次一定唔會再叫總括嚟講佢ｄ海鮮真係一般，其他嘢就ｏｋ，加上人唔係太多，坐耐ｄ都冇問題，服務亦十分好