黃明記粥粉麵家

营业中

休息中

今日同老公一早有野做入咗九龍城，但可能太早周圍啲餐廳都未開，又見到呢間粥粉麵店啱啱開門就入咗去坐。第一個感覺係店內比較殘舊，雜物多，個人覺得環境有改善空間。入親麵店，我老公一定點雲吞麵，今次亦唔例外，而我就叫咗碗好耐無食嘅牛腩麵同一碟芥蘭。老實講，呢碗雲吞麵好一般，雲端細粒得黎無乜鮮味。牛腩麵就相對好味啲，湯底亦够濃味。不過呢碟芥蘭又係好一般，蠔油隊多咗，菜葉亦有些少黃。編結而言，雖然店嘅食物價錢不算貴，但係同樣嘅粥粉麵店質素比呢間好嘅其實唔少。

以前我會特登揸車去食，搬舖之後第一次，也睇過其他人的食評。裝修不評論，但入到去睇到，真心覺得亂，四圍紙皮箱貨物，但我聞唔到其他人講嘅臭味噏味坑渠味味道，真係比以前淡左，應該話冇咁濃味，魚皮餃正常冇問題，墨魚丸退步差咗好多，冇墨魚味，粉感好重，豬肉丸正常冇問題，墨魚鬚爽口好味，云吞正常冇問題豬雜係最好味的呢個同以前差唔多，麵底粉底係比以前大碗咗我幫襯咗超過40年，由以前住官官塘到住粉嶺，都係因為想食而特登揸車去食，但味道真係冇以前咁好，我會再去的，希望可以改善

黃明記老字號，地鐵站宋王臺落車行一陣就到。專程去食，新舖位冇咗以前嗰種年代感，係一個好高嘅樓底，坐落都舒服。下午茶時段去到不斷有人入黎食野，坐滿。墨丸河，墨魚丸非常出色，而且又5粒。下次打算叫一碗淨墨魚丸，自家製辣椒油好向，令到成碗米粉更加好味！會再食

去到九龍城當然去黃明記！我老嗲由佢大排檔到舊舖，幫襯了近50年！依家搬左去元朗加上身體唔好，都好少出黎行！今日，同佢出黎九龍城買下潮州嘢，問佢食乜好嘢，問左十次八次，都話要食「黃明記」🤦🏻‍♂️😆去到先知搬了新舖，樓面大左少少，人士(好似)差不多。4個人叫了4碗粉麵，一個淨「墨魚鬚+墨丸」，油菜、炸魚皮、2杯凍飲，都係200幾好似😅(埋單無乜研究，因為要照顧老豆)。食物，我覺得水準保持，似乎重大碗左、啲丸大左。魚皮好香好脆。係油菜老左啲。總體上係好嘅。最梗要老嗲老媽開心(不過老媽其實想去「百樂」的😆😆😅)

幫襯左20年，搬咗去新鋪，裝修變咗茶餐廳，入到去一陣渠味已經想走人，但已經落咗單，未開餐已經無胃口，食物嚟到三扒兩撥食完即走人，短期內唔會再去，希望將來會改善。

黃明記今日去咗九龍城，呢間老字號黃明記，搬咗新舖之後一次都冇食過，今日決定試試佢墨魚丸牛腩河墨魚丸同以前一樣，好好食，但係個湯底淡咗好多，真係唔同咗墨鬚河墨鬚OK，唔算好韌，接受到，但係湯底真係淡咗好多😩黃明記粥粉麵家 (九龍城)🏠：九龍城沙埔道40-42號地舖☎️：27162929

一間老店，食老本！上世紀出名老麵店，一代宗師，好地地、但吾可以與時並進，原地踏步，不進則退。其實店鋪位置吾錯，旺中帶靜，但坐位安排有D怪，所以感覺吾到凝聚力，麵店又吾似，茶餐廳感覺又欠奉。再者店鋪門前可以泊車，附近又有咪錶位，鋪租應該吾會太貴，老闆可以做到一個相宜價錢、做其良心企業，服務大眾。況且e家又有港鐵站，有麝自然香，做點推廣、慕名而來、理應有一定客路。期望接班人聼吓民意，好好改善，否則只會淪落變成一間的士佬飯堂，可惜、可惜。

見到咁多負評，都心知不妙。冇錯地方大左好多，但係啲裝修勁奇怪，冇咗以前黃明記嗰種舊式麵店嘅感覺，依家變咗間奇怪茶餐廳😓！·仲要間餐廳勁臭，好像充斥着屎渠嘅味道🤢，口罩都唔想除。·仲要成間舖都好混亂，周圍都係啲濕咗嘅紙皮、紙盒，想唔想像到成件事有幾臭😭😭·叫咗碗我最鍾意嘅紫菜墨丸河…一飲個湯，已經知道唔同咗，變到好淡，似飲有味嘅水多啲。·墨魚丸得返好少，得個幾粒，墨魚丸嘅味道還好啦，都仲似以前嘅，但係個湯底真係好差！·最後食多幾啖，因為啲廁所味實在太臭，頂唔順，野都未食完就走咗！·好失望，佢搬舖係一個錯誤嘅決定，我估以後都未必會再返嚟啦·好伏

諗住老字號實冇死🥲晏晝大概12點去食，一入去，可能因為落雨，勁大浸怪味，罨罨地咁，已經唔太開胃，餐廳衛生情況都麻麻，不過都係俾幾廿蚊食碗麵，所以環境都勉強接受到到。嗌咗一碗墨鬚麵(聽講係招牌嘢)，一碗牛腩撈麵，一碟炸魚皮。墨鬚麵普普通通，牛腩過咸，似車仔麵牛腩，牛筋酸酸地😟麵鹼水味太重，炸魚皮夠脆，但唔知係咪食完牛筋嘅關係，魚皮食到有少少苦。。。最後埋單$16X總括而言，所謂粉麵老店，試過就算，下次經過都唔會入去

講起老麵店，舊風味，真係要落去九龍城呢一間老麵店「黃明記」。佢哋已經喺九龍城屹立左幾十年，最近佢哋有老舖搬咗去隔離街，富豪東方酒店附近。我和朋友在門口排隊，等咗大約20至25分鐘就可以入坐啦，我哋點左紫菜四寶河同埋牛筋腩河，當然都要點埋炸魚皮啦。紫菜四寶河，紫菜好香，魚皮餃跟其他麵店不一樣，口感好好。牛筋腩河，牛腩好淋，牛筋好煙韌，湯底也好香，推介👍🏻炸魚皮，其實好一般，唔夠乾身，唔夠啐，真係要搵葉翠翠。如果擬價錢來看，價錢和食物都成正比的，大家可以一試。

之前都有幫襯開黃明記，係舊鋪都經常去幫襯啦，搬左新鋪都去幫襯左幾次，啲態度差到爆。有一次叫左外賣，成張寫單噶紙擺係個河粉上面，嗰大叔睇住我，直接當冇事發生，攞起張紙繼續打包，我就話咁都得。佢仲態度好惡劣咁話點啊，你唔滿意埋重新整過咯，最後我都係冇叫佢重新再整過，費事廚房幫我加料。啲態度真係差到我唔會再幫襯了， 衛生又差，味道又冇以前咁好食。希望啲員工噶態度可以有改善，唔好搞到去食嘢，仲要睇佢哋面色。

黃明記其實已經食咗好多年，佢搬之前都仲有去幫襯，大約兩個月前，味道已經出咗啲問題！好啦，尋晚星期日諗住是但食啲嘢返屋企睇奧運，搬咗新店之後都係第一次幫襯，點知又係咁樣，食物水準仍然冇改善，叫咗個牛腩河，牛腩又碎又乾又奀又柴皮！招牌墨魚丸！唔知點解同以前嗰個口感完全唔同晒，只係食到好重粉狀口感嘅嘢！埋單時同事頭婆反映，我問佢係唔係轉了師傅，佢話唔係，都係講埋啲門面野hea 我。完全係投訴接受，態度照舊嘅感覺！所以跟住都費事再講！如果轉左新環境黎計，我覺得比以前仲污糟咗，出邊枱面啲嘢又痴痴立立！其實一直都好支持黃明記！都唔知點解會搞到咁嘅地步！希望佢哋早日醒覺！執返正啲嘢！

幫襯咗十年左右，對上一次食「黃明記」，應該只係一個月前，水準保持。今日再去食，發現佢由啟德道搬咗過隔離沙甫道，鋪頭新咗又大咗，但明顯地係做唔切，兩碗粉麵等咗25分鐘先上到枱， 枱枱都係食曬碟菜等碗麵，而一向好好食又必叫嘅墨鬚，竟然超超超難食，又硬、又靱、又無味，咬都幾乎咬唔入，吞都幾乎吞唔落， 隔離枱亦有好多出錯單情況， 咁樣嘅質素絕對對唔住呢個價錢，同埋以前嘅招牌。 唉..... 要暫時放入blacklist名單， 短期內都唔會再幫襯。