麻辣香鍋

营业中

休息中

走進旺角心臟地帶，未到食飯時間個肚已經開始打鼓。雙腳不由自主地行咗黎呢度#麻辣香鍋 ，地點方便之餘，菜式選擇種類多，除咗川菜之外，仲有各式各樣嘅小炒、雞煲、烤魚都可選擇！叫左嘅菜式都熱辣辣，即叫即整😋✦黃金四季豆✦炒四季豆本是一道家常小菜，只要外層沾上薄薄的一層炸漿，加上鹹蛋黃，炸香，口感香脆，加點新意就讓它變成香口惹味的菜式👍。✦ 招牌香鍋✦** 醬香（不辣）+新鮮鮑魚（4隻）+ 海蝦+豬頸肉+ 雞件+油麥菜+薯粉樣樣份量滿滿，入面仲有好多配菜！鮑魚非常彈牙且有鮮味，另外薯粉綿糯，亦是必點之選✦金桔檸檬茶✦✦凍檸樂✦食物質素及服務俱佳，想吃川菜定會回頭！

約朋友旺角食飯聚一聚，喜歡食辣嘅今日揀咗《麻辣香鍋》。招牌香鍋~可選擇香辣/麻辣，我哋揀咗香辣(微辣)，自選配料，選了幾樣：新鮮鮑魚爽滑彈牙、牛柏葉索滿汁好可口、牛肚有口感得嚟唔韌、田雞醃得夠入味、仲有爽口萵筍，整體上香鍋味道都做得好出色，加入辣椒及香蔥等炒香，非常惹味。金湯酸菜魚(微辣)~賣相已經相當吸引，魚片肉質又香又滑，份量好足，配料包括酸菜、萵筍、菇類、薯粉等等，湯底味道唔錯，微辣程度都偏辣。蒜香拍青瓜~食辣嘢搵呢個解一解熱氣。紅糖糍粑~新鮮熱辣辣即叫即做，糍粑本身唔甜，沾少少紅糖漿，特別美味。 凍檸茶~

天氣咁熱冇乜胃口，一於去麻辣香鍋，食辣嘢刺激吓味蕾！呢度夜晚都幾多人，好在我哋去嘅時候啱啱有位。嚟到麻辣香鍋，一定要食佢哋嘅香鍋，選擇夠多，而且味道好好😋☺️☺️ 我哋今晚眼闊肚窄啊，嗌咗好多個配料：豬頸肉、肥牛、午餐肉、芝士腸、豆卜同埋薯粉，上枱嘅時候勁大兜，真係色香味俱全👍👍👍 我哋另外加咗一碟乾煸四季豆，兩個人食就好足夠了！豬頸肉同午餐肉都係必食推介，煎得香脆，同埋香辣嘅味道真係好正。豆卜都好正，吸味一流。一路食辣嘢，一路飲冰凍嘅凍檸茶，麻甩又開心😂食到咁飽，每人都係百幾蚊，真係好抵食。

麻辣香鍋呢間店我同老婆都幫襯咗好多次因為我哋兩個都比較鍾意食辣🌶️🌶️🌶️味道同服務都一流每次入到嚟嘅服務態度都係唔錯嘅體驗今次我哋就揀咗三樣菜麻辣香鍋乾扁豆角同埋香辣魚皮🥘麻辣香鍋😘😘😘我哋就揀咗五樣餸、有豬頸肉魷魚鬚、田雞同埋貢菜辣就選擇咗中辣一如既往嘅好味道🥣乾煸四季豆✌️✌️✌️有少少辣麻辣非常爽口🥢魚皮非常香脆爽口每次必食👍👍👍📍 麻辣香鍋 (旺角)旺角砵蘭街198號地舖

放完假係要還架，做到半死咁樣，難得今日唔晏收工，想食D濃味食物刺激下個味蕾，就去呢間。先叫個蒜香拍青瓜 ($38)黎當小食食住先。蒜香味幾出，偶爾食到蒜粒，青瓜夠爽脆。想好味撈飯?!  咁就要叫蕃茄牛肉炒蛋 ($88)啦。蛋炒得幾香，單用蕃茄酸甜汁用黎撈飯都掂呀，牛肉普通水準唔韌。叫返個凍檸樂 ($26)及烏龍茶 ($16)黎爽下先。招牌香鍋 ($28)要唔辣嘅醬香炒，加上大量蔥芹爆炒，五餸起，多款食材選擇。咩都選擇少少，要咗鮑魚 ($68/4隻)，鷄件 ($42)，牛肚 ($46)，豬皮 ($36)及花菜 ($26)。鮑魚口感彈牙鷄件走油後變得皮香而豬皮就可以索醬汁，惹味流汁。成個香鍋都好好送飯，材料自由配搭，岩晒想食多花款嘅客人。食下食下發現有九成入坐率，兩口子拍拖有，幾個朋友一齊又有，滿足地埋單。

麻辣香煱🌶️🔥放工後在旺角逛街，經過這間麻辣香煱，被香味吸引，就進去試一試🤭獨特的麻辣風味刺激我的嗅覺💥籐香雞🌿🐓雞肉鮮嫩多汁，籐椒味道濃郁，辣到啱啱好食落去一口接一口，根本停唔到😋招牌香鍋🥘自選的香鍋材料有鮑魚、魷魚鬚、萵筍同土豆片，海鮮鮮美，特別係鮑魚，口感滑嫩，搭配小辣麻辣口味，特別惹味，鍾意清淡嘅朋友可以揀醬香味🦪🐙🥔百香果檸檬茶🍋這杯飲料清新又解渴，酸酸甜甜的味道十分解辣🍹唔會太甜

麻辣香鍋 (旺角)旺角砵蘭街198號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：招牌香鍋(麻辣,大辣) $28，+ 肥牛 $46，+ 五花肉片 $42，+ 小酥肉 $48，+ 蝦球(4隻) $48，+ 豬頸肉 $48，夫妻肺片 $66，凍檸樂 $26招牌麻辣香鍋：麻辣鍋配料底香氣四溢，辣味十足，讓人感受到濃郁的辛香！肥牛肉質鮮嫩，吸附了麻辣的香料，口感滑順！五花肉片肥瘦相間，經過炒煮後更加鮮美，口感豐富！小酥肉外酥內嫩，數量多得很，為鍋底增添了脆口感！蝦球鮮美可口，非常大隻，彈牙可口！豬頸肉肉質緊實而脆口，帶有自然的豬肉香味！😄😄😄夫妻肺片：不同質地的肺片口感獨特，使用了多種香料和調味料，配搭著鮮紅色的香辣醬油，讓人一口接一口，川式的辣味和香氣交織，帶來了豐富的口感層次，用來送飯吃一流！👍👍👍凍檸樂：帶有檸檬的酸爽和可樂氣泡的清涼感，既解辣又解渴，非常適合在享用麻辣食物時搭配，能有效中和辣味，讓人感到舒爽！😍😍😍

想食得夠惹味，可以去位於旺角呢間《 麻辣香鍋 》🌶️試試佢哋嘅自選招牌香鍋，自行自選配料，想食乜就加乜😋！招牌香鍋（鍋底$28）隨個人口味，香辣、麻辣、醬香，味道超級惹味，越食越過癮！🐓雞件 $42 ～夠晒入味！🐟鯛魚片 $42~冇骨肉質好鮮嫩！🍤蝦球$48~共4隻，大大隻啖啖肉！🐚沙白 $46 ～冇沙，分量都算多！🦑墨魚餅 $36 ～分量唔算多，但甜中帶辣，好惹味！重有魷魚鬚 $46 & 薯粉$22清炒萵筍絲 $68除了爽口之外，特別加入了上湯，所以每一啖都帶有鮮甜味道👍🏻👍🏻！炸饅頭 $48一客六件，金黃色外皮香脆內軟，好好味😋！百香果檸檬茶 ＄36 ／柑橘檸檬茶 $28酸酸甜甜，特別醒胃，呢個天氣飲🧊啱哂！

呢間餐廳係我經常光顧的地方，麻辣香鍋和黃金蝦球都是我最愛的選擇☺️麻辣香鍋以其獨特的香辣風味而聞名，香辣惹味、香氣四溢，讓人一聞就食指大動。你可以選擇不同的辣度，無論是香辣還是小辣，都能讓人感受到麻辣的刺激與快感😊今次選了鮑魚、雞軟骨、牛肚、土豆片和芋頭，這些食材😋鮑魚鮮美、雞軟骨嫩滑、牛肚彈牙，再加上土豆片和芋頭綿密口感😋配上一碗白飯，簡直是完美的搭配，讓人感受到麻辣的熱情與滿足🤤黃金蝦球黃金蝦球超大粒🤩外脆內嫩，蝦肉鮮美，口感極佳。每一口都能感受到蝦肉的鮮甜，外層的酥脆蛋黃味道，讓人欲罷不能，絕對是餐桌上的明星菜品😍非常送飯👍紅糖糍粑作為餐後甜品，是絕佳的選擇。外皮柔軟，內餡香甜，口感Q彈，讓人感受到傳統甜品的魅力，為這頓美食畫上完美的句號❤️📍麻辣香鍋 (旺角)旺角砵蘭街198號地舖#麻辣香鍋 #砵蘭街美食 #旺角美食 #香港必去餐廳 #性價比高 #yummy #美味推介 #黃金蝦球

麻辣香鍋（旺角)今天中午， 我去到旺角麻辣香鍋午餐。我叫了香鍋客飯套餐，選擇了小辣和醬香兩種口味；炒青瓜、豬頸肉和牛舌。侍應把香鍋放上餐枱， 果然色香味俱全，讓人垂涎欲滴。干煸四季豆，也非常美味，清脆可口。 配一碗白飯，飯量剛好，讓人吃得飽而不膩。最後，我點了一罐加多寶，清涼解渴。 在這炎熱的天氣 飲返杯凍涼茶 可以消暑解渴 真是一大樂事。侍應的服務態度，更是讓人感到賓至如歸；員工熱情周到，讓我的用餐體驗更加愉快。

係朗豪坊附近行街，因為想食辣嘢，所以就搵到呢間餐廳。呢間主要係食麻辣香鍋，幾乎每一台都係食呢樣。我本身都好鍾意食，因為攞嚟送飯超開胃。香鍋客飯套餐（麻辣小辣）-自選3配菜$65；追加配菜$25/款雞軟骨 有好多粒，超爽口，同個麻辣汁好夾。魷魚鬚 條條都好粗，爽口彈牙。牛舌 呢間嘅牛舌都幾厚切好有咬口。萵荀 每次食香鍋都會嗌萵筍，鍾意佢超爽口，呢間仲要係大大塊，推豬大腸 呢度既豬大腸係炸過，再放落個香鍋度，口感係外脆又煙韌。覺得呢個係必嗌嘅餸香辣魚皮（小辣）平時都鍾意嗌魚皮食，呢間個份量真係嚇親我，滿滿魚皮。除咗魚皮仲有一啲紅蘿蔔絲同芫荽。魚皮大塊又厚，掛𣳽曬汁。個調味有夠香辣有少少滕椒嘅味，好開胃。孜然牛肉配6塊麽麽皮呢個孜然牛肉係同埋啲洋蔥一齊煮，所以除咗有孜然香味仲有洋蔥嘅甜味。同埋個麼麼皮一齊食，就算包到啖啖肉，個牛肉份量包曬D皮都未包晒。超滿足。每張枱都擺咗紙巾覺得好貼心。由於上面搭咗棚，唔係咁起眼，但係中午時段都好多人食飯 。

原本冇咩胃口食嘢，係旺角行街時見間嘢開門傳嚟好香嘅辣味，就入咗去食啦招牌麻辣香鍋 （$230）招牌香鍋鍋底$28，至少揀5餸，好多選擇味道可以揀香辣/麻辣/醬香（唔辣）作為鐘意食辣又係食肉獸嘅我就揀咗肥牛，豬大腸，牛栢葉，五花腩同椰菜花！肥牛同豬腸夠肥，撈埋麻辣汁好正，豬腸都有略略炸過，有誠意☺️！椰菜花就唔洗講啦，同麻辣香鍋係perfect match! 五花腩如果肥多少少就💯，而牛栢葉就相對地冇咁出色，冇咁吸味同韌咗少少。口水雞 （$66）同平時食嘅口水雞有少少唔同，冇落到椒麻油，所以冇麻嘅感覺。但係雞上面鋪咗豆豉醬，仲落咗花生碎，白芝麻吊味，口水汁亦調得啱啱好，落咗少少醋但食落冇酸味，仲好香添，最重要喺雞夠滑🤤！雖然叫咗2個餸，但個麻辣香鍋個份量都好多，2個人食都好夠飽，下次可以再食過 🥰

今晚同同事食辣，首選又係麻辣香鍋！又抵食又正宗又大大碟！。🥢夫妻肺片 $66色澤紅艷，令人眼前一亮。佢嘅口感相當滑嫩，搭配上香辣嘅調味，性價比高，絕對值得一試！。🥢鮮椒田雞 $138田雞肉質鮮嫩，鮮椒嘅香味融入每一塊肉，辣味適中，唔會太過刺激，反而令到整道菜更添層次。。🥢黃金蝦球 $138一啖咬落去，蝦肉彈牙，外皮酥脆，裡面仲有一陣濃郁嘅海鮮香。每一口都好滿足，蝦球嘅味道好鮮，配搭上咸蛋黃嘅醬汁，簡直無得輸！。🥢孜然牛肉配麼麼皮6人 $98孜然嘅香味好濃，牛肉切得薄薄地，味道吸收得好入味，食落去有咁啱好嘅香脆感。麼麼皮可以包住牛肉，口感豐富，真係好特別。

哩間麻辣香鍋係旺角朗豪坊附近好適合在附近行完街過來食店鋪主打四川麻辣除左有炒香鍋之外，仲有水煮系列酸菜魚、雞煲、小菜，多款菜式選擇麻辣香鍋$28 最少5餸🍲🦪沙白 $46🍖小酥肉 $48🦑魷魚鬚 $46🐔雞軟骨 $42🍄金針菇 $22黃金蝦球 $138濃濃咸蛋黃香味，每粒大大粒，好岩餸飯食香辣魚皮 $68魚皮爽口超脆，但如果再麻辣一點，味道會更好！而且份量都算多，都幾抵食麻辣香鍋 📍旺角砵蘭街198號地舖

嗌咗個酸菜魚同水煮牛肉水煮牛肉完全冇味，味如嚼蠟，一啲都唔香，牛肉都唔多酸菜魚嗌微辣，但係仲辣過小辣嘅水煮牛。魚得幾塊，下面全部都係薯粉墊住淡而無味，唔會有下次