麻辣川米線

营业中

休息中

10月10日21;00日前見專兄棄拉麵，而選這店的麻辣米線，好辣之徒豈可不試。店地極少，要在外面等位，幸好5分鐘後便能入座。要了中麻辣豬大腸、豆卜米線。(姐姐溫馨提示：我店的中辣是好辣的)湯底：濃厚；夠麻、辣度一般、敗筆在偏甜。(日後會試清湯底，且看是否鮮甜)配料：點點清甜芽菜、惹味菜和淡淡的酸菜。(麻辣度不會蓋過配料食味)大腸：鹵水味濃(讚)，口感好。豆卜：有豆香，吸滿湯汁，極惹味。人氣店座無虛席，不想阻人品嚐，祇好極速離店。

作為半個長沙灣人,竟從未去過美居中心外面的"麻辣川".在油麻地BC出走,想吃辣味本來去雲貴川是理所當然,但是想起月前才吃過,個腦一轉,轉了去共同"主場"長沙灣,二話不說跳上巴士.來到美居"麻辣川".沒有可能同對面的"雲南風味"去比,一個雲南,一個四川,極其量大家都係賣米線.而且麻辣川的店子,比雲南風味的更細.轉個身都難.一碗五味麻辣米線要$40,份量很大..我選了竹笙,豬潤,豬腸,肥牛,雜菌等材料,麻辣湯底要中辣.友人的米線是麻酸湯底.另再叫多一碗菜肉餃,花雕雞翼,柱侯汁番薯苗一起吃.首先試一口血肉池林的湯底,麻香不夠,但整體味道濃厚,越吃越辣,實在刺激.米線上的材料,肥牛粗中帶嚼頭,鹵水豬腸沒有異味,豬腸本身很肥,口感油潤略帶點爽.吃米線叫竹笙,其功用例牌用來索味,豬潤切得很薄,質感不算特別爽.然而個菜肉餃也算不過不失.柱侯汁番薯苗出奇地好吃,個汁惹味,薯苗碧綠新鮮.十分討好.譚仔有土匪雞翼,這處有花雕雞翼,吃不出花雕味,但幾香口.吃到渾身是辣,如何是好?之前說過黑水能治百病,今次照樣一人一支可樂.大支裝飲得更添快感.本來想繼續爬下梯,但份量出奇地多,吃罷已經什麼也吃不下了.

這是我吃過最好味的米線, 我通常選擇麻辣, 小小辣, 湯底甜甜地, 配菜如芽菜, 酸菜, 九菜都排得很整齊在碗內, 份量恰到好處, 不會亂七八糟, 可以選的餸有很多, 我喜歡雞絲, 什菌, 猪肝等, 二個餸已經很足夠, 地方很乾淨, 這亦是我喜歡來吃東西的其中一個原因.

我常常來此開飯，只吃雞湯底，不是其他口味不好，只是這裏的雞湯底特別好好味!米線較以前「幼身」，令雞湯更為入味，雞絲是我必選的配料!腐乳通菜是我來這裏的主因，可以試試。還有香草雞翼都不錯。恰巧，大部分都是「雞」。

...因為今日大頭妹有事..要出去長沙灣.....咁就當然要睇下附近有咩好食啦....我同男朋友都仲以食辣..咁我地就一心去呢度試下....見咁多人都話佢好食...我地一早去到..諗住食午餐..但12點去度...發覺未開門...等左半個鐘度....開門啦..叫左以下的食品1. 米綫兩碗.....各有4個餸 (麻辣牛腩..豬潤..竹苼.豬腸...仲有其他..但唔記得啦...2. 麻辣雞翼..3. 飲品X 2我要左麻辣(中至小辣)湯..男朋友就叫左酸辣個隻(中辣)湯個湯好好味......麻辣..酸辣又有特色...正正正但D餸就...我同男朋友就一至認為..普通.....唔係咁好食.....南記的餸好食D.....但個湯真係好得......假如D餸好食D....就100分啦..個啊姐都好好人...見我到唔知叫咩都有介紹下又問我地食唔食得辣......都幾好..兩個人.....食左..$119.....以一個LUNCH黎講就貴左D..但以一個一心去試的人....就都可以接受...

不知為甚麼，我以前討厭吃米線，但自從搬到深水後，放工總會心思思到樓下的「麻辣川」吃一碗米線。尤其當行過時，聞到那些香草雞翼、燒豬頸肉和豬扒的香味，聞到那些酸酸辣辣的味道，我都不禁叫「好香呀！」「麻辣川」是一家小店子，只有五張檯，樓面就只有一位阿姐幫手，所以常常會看到門外有人等外賣。我放工回到深水，已過了繁忙時間，所以搵位也不難。甫坐下，客人都會熟悉地拿起點菜紙仔，用鉛筆選擇幾款餸和湯底，湯底有麻辣、麻酸辣和清雞湯，麻辣和麻酸辣再分少少辣、少辣、中辣和大辣，不嗜辣的我通常會選麻酸辣的少少辣。湯底帶甜，湯入口不辣但濃，唇上慢慢會有被蟻咬的感覺。除了點的幾味餸外，配菜有咸酸菜粒，韭菜和芽菜。我現在雖然搬走了，但總會心思思回去試試！

因陳小姐及cheap兄幾經介紹下，就算餐廳位置不太方便，也忍不住誘惑。第一個印象在賣相方面已有好感，師傅將每款餸 排列好整齊，不會胡亂堆砌。主角的湯底，我要的大麻椒，渴一口後，慢慢發麻的感覺在口喉及口腔內發出。麻的程度十分強勁，而其辣度已被甜味搶去，反宜是麻中帶甜。而老公的上湯底，他說也是偏甜。其次米線又滑又爽，而配料也經過醃製，雞肉及豬潤相常美味，尤其是豬潤，爽嫩而起沙。油菜揀了芥蘭苗，配以麻辣汁，每條芥蘭苗幼嫩而爽綠，而麻辣汁亦是偏甜，有點似沙爹醬。下次再試下麻酸湯底，是否同樣偏甜。

食左呢間野都十幾次,次次都好有水準,唔太食得辣昸朋友可以試下小辣,唔太辣得黎又可以試下果種麻。不過就成日冇位...... 另外特別推介佢果個麻辣牛楠,叫佢另上~真係超正!1個人都係25蚊左右,雖然冇野飲,不過呢個價真係好過附近好多食肆。

教會O係附近幫襯過2次..佢D麻辣湯底我2次食都覺得好甜不過真係好麻!聞說係因為加得太多味精之後加D糖去蓋住味精既味,,,唔知真定假..但總括黎講係幾好食價錢不貴21蚊有1餸麻辣湯米線加餸都係加3或4蚊有機會都會再黎既不過,,,長沙灣實在太多米線鋪頭有更多更好的選擇! =]]

very very nice, next time try 麻辣this time the sour chili..too 酸

住o係樓上, 以前佢地仲有阿姐送外賣兼且鍾意佢地既勁辣湯底夠正(雖然每次水準唔同),一個星期起碼幫襯二次... 但係之後阿姐無做唔送外賣, 又唔想企街等... 都無幫襯佢地lu... 搬屋前一晚, 雖然執野執左幾晚累到死下死下, 坐低諗下附近仲有咩野好食, 原來我想食勁辣米線!!! 好在o個陣仲係六點幾, 鋪頭唔係好多人, 等10分鐘就有得攞走, 嘻嘻!!!叫左雞肉鹵水大腸米線, 鹵水大腸夠入味, 又唔肥; 當然雞肉係雪藏貨啦! 米線依舊唔錯, 湯底今次又ok wor, 幾驚臨別秋波佢地令我失望呀!!! 夠麻...不過以我程度我覺得未夠辣lor!!!

時常途經此處卻無緣食這看似幾好味的米線,今天終走進這間小型米線鋪,有所驚喜!首先麻辣湯底,又麻又辣,正~ 米線口感不俗,材料之中,椰菜水餃,鮮甜唔錯.再配以冰凍可樂,一流的配搭!!還有兩個大電視~幾好~~~~

點了一碗小辣的麻辣米線加大腸﹐不會辣﹐可是很麻﹗好像打了麻醉藥的那一種麻﹐覺得怪怪地﹗湯更是甜得過份﹐大腸好像泡過糖水一樣﹐可能今天廚房今天不小心吧(希望)﹗米線一點都不Q﹐軟軟的不彈牙。。唉~超失望﹗

我住喺樓上,成日都叫外賣,但係發覺佢地d水準越來越差!我好愛食辣,每次都例牌叫佢地既麻辣湯底,米線份量雖然足,口感滿意,但係好唔鐘意佢地湯底既水準次次都唔同,時辣時唔辣,時麻時不麻...不過佢地d香草燒雞翼我好鐘意,好好食...希望佢地既湯可以保持水準就好喇!

睇左下面食評而試呢間,同媽咪, 細佬一齊去食,試齊咁多種湯底:湯底- 麻辣湯底, 小小辣已經好辣,但唔係好濃烈果種囉..麻辣辣湯底, 不錯, 冇譚仔的酸辣咁辣, 而且有麻辣味!清湯, 有味, 但不是熬出來的鮮味....米線- 都幾滑! 腍身那種,合格!小食- 另外叫左個烤花雕雞翼, 唔覺得有花雕味,只係普通bbq雞翼, 都幾好味, $15 4 隻, 幾抵!價錢- 唔係好大碗, 但亦唔貴, 所以萛ok! 冇野飲送,又冇得加錢叫...冇咁抵...不過我屋企人話譚仔好食好多喎......呢間好求其喎....尤其湯底比唔上喎.....咁我都覺得佢個湯底的確係唔正既, 係麻辣辣好少少囉............