麻辣串串香

营业中

休息中

今次在荃灣發掘到一間寶藏小店「麻辣串串香」，係中日式餐廳，每樣嘢食都勁有特色，食完真係想encore！ 雲南米線湯底微辣香氣四溢，肉沫等配料多到瀉！滷水雞翼入味到骨，魚腩鮮嫩無腥味，雲吞同餃子皮薄餡多，冬菇吸晒湯汁，豆芽清新，成碗超豐富！特上虎蝦鍋燒手打烏冬虎蝦大大隻，爽口彈牙！烏冬係手打嘅，超級煙韌，豬骨湯底濃郁鮮甜，仲有雞蛋、海帶和鮮菇，石鍋暖笠笠好滿足～餃子釀雞翼 呢個真係創意滿分！雞翼去骨釀入爆餡餃子，外皮煎到脆卜卜，咬落去先係嫩滑雞肉，跟住就係juicy嘅餃子餡，兩種口感一次過滿足，點埋甜辣醬更加惹味！ 蒜香焗生蠔 生蠔大大隻好飽滿，焗到剛剛熟，蒜蓉牛油香爆棚，蠔肉肥美creamy！ 秘製豬頸肉 豬頸肉切到薄薄哋，外層酥脆，個秘製醬汁甜甜哋又帶少少麻油香，沾住食一流！ 羊架 羊架燒到外脆內嫩，一啲都唔羶！肉質粉嫩多汁，灑咗少少孜然同辣椒粉，風味十足，食肉獸必點！ 雞中翼串 雞翼燒到外皮微焦，肉質超嫩滑，食完一串即刻再叫多一串！呢間店每樣嘢食都誠意滿分，價錢又合理，絕對值得專登過嚟試！

荃灣有間麻辣串串香呢排裝修完，見到餐牌都有啲新嘢，所以就搵晚去試吓本身佢都有麻辣燙、重慶酸辣粉同埋串燒，見到佢新Menu有烏冬同埋米線，今次就試吓佢個雲南米線先佢個米線湯底唔錯，唔會好重味精，叫咗小辣，辣到啱啱好，飲得出個湯係自己煲👍🏻啲餸都好好食，尤其是豬手同埋牛腩，炆得好夠腍又夠入味！另外口痕試咗幾串串燒，揀咗釀雞翼、雞軟骨、羊架、金菇肥牛卷，燒得好夠火候，其中羊架大力推薦，佢好有羊味，燒得夠腍，勁正！另外仲要咗個燒生蠔，生蠔勁大粒，又有勁多蒜蓉調味，勁香！另外仲叫咗個鐵板牛油帶子，上枱真係好夠熱，就算放咗喺度一陣先食都仲係熱辣辣，而帶子嘅質素都唔錯，有五大粒，吸收晒啲牛油嘅香味，好邪惡！佢嘅炸物都好出色，我哋叫咗一份炸多春魚，有四條，炸粉厚度啱啱好，炸得好香脆惹味👍🏻整體都覺得質素唔錯，下次再試吓佢啲烏冬先

麻辣串串香，位於荃灣，裝修幾新幾光鮮，坐位都闊落👍🏻中日式餐廳，主打雲南米線、麻辣燙、串燒、小食、鍋飯等等，精緻吸引，都幾多人食爭啲要排隊😆啤一啤就開餐🍻串燒時間🍖燒牛舌，厚身，多汁濃味，麻辣風幾爽，好味😋墨魚丸，牛肉丸，加咗蜜糖燒，少少甜幾彈牙，唔錯，牛肋骨串，好香，牛汁好多又夠嫩滑，正👍🏻芝士蘑菇，流住既芝士，香濃夾埋juicy蘑菇，推介，韭菜串既香料好夠好有風味👏🏻白鱔厚肉爽身，彈口好味道🤗雲南米線，估唔到咁大碗，好香，先試湯，酸辣平衡得唔錯，味道仲幾有層次🤘🏻米線個口感非常鍾意，輕彈口，食極唔厭🤤鮮魚腩，好大舊，真係魚腩又夠鮮味👍🏻湯餃子，餡料少少脆幾得意，尖椒皮蛋，香辣好味，雞泡魚乾，滋味😎識食一定叫追加左個下酒菜，香脆多春魚，超juicy香脆，原來炸嘢咁出色😳下次一定要試多啲，價錢相宜有咁出色既食物質素，串燒啤啤佢定係正餐食米線都係好好既選擇！✨

去完荃灣觀摩完同歸於盡菜檔，要填飽肚先😂聽街坊話呢間鋪頭啱啱裝修完✨光猛乾淨嘅中日式餐廳🍜重慶酸辣粉 $30(加豬紅$8響鈴卷$10肥腸$10)酸辣粉30蚊好抵，湯底叫左多酸，真係有料到，BB辣真係BB辣，又香又酸BB辣真係食到好爽小食:🐙涼拌墨魚頭 $49成碟都係正宗嘅墨魚頭部位，食到墨魚嘅軟骨，爽口彈牙，個汁酸酸辣辣都好正🧄蒜香焗娃娃菜 $38🍆原條茄子 $44蒜怪之選，重蒜！香得黎又唔會越食越鹹串燒：🍄金菇肥牛 $26🍢韭菜串 $16🐔雞軟骨 $13🧀芝士蘑菇 $23🐥雞中翼串 $19🥒脆肉瓜 $16👅牛舌 $44串燒冇孜然粉，係簡單嘅調味，反而食到食材原味！超推脆肉瓜、牛舌同雞軟骨！厚切嘅瓜咬落係勁juicy！牛舌爽口一啲都唔韌，鹽味雞軟骨食到好過癮，送酒一流🍹凍香滑奶茶 +$9🍹凍檸檬茶 $18

荃灣開左十幾年，重新裝修後環境好光猛，又乾淨🤩🌟牛肋骨串🍖🌟牛肋骨肉質軟嫩多汁，燒烤後散發濃郁牛香，配上秘製醬汁，一啖咬落去超滿足！😋 推薦配啤酒🍻 🌟蒜香焗生蠔（2隻）🦪🌟生蠔肥美鮮甜，鋪滿金黃蒜蓉🧄，焗到香噴噴！蠔汁爆出嚟嘅瞬間簡直係天堂～💖 🌟餃子釀雞翼🐔🌟去骨雞翼包住爆餡韭菜餃，外皮燒到脆卜卜，一咬雙重口感！🤩 🌟燒白鱔🐟🌟魚皮燒到脆如薯片，魚肉油脂甘香，灑少少孜然粉更惹味！🔥 🌟金菇肥牛🐮🌟肥牛捲住爽脆金菇，燒到微微焦香，醬汁甜辣開胃～💫 食到停唔到口 🌟芝士蘑菇🧀🍄🌟蘑菇爆汁！面頭芝士融化拉絲，濃郁奶香+菇鮮，和風feel滿滿～🎌 🌟羊架🐑🌟肉質粉嫩無羶味，表面撒滿香料，豪邁啖啖肉！配薄荷醬更清新～🌿 🌟雞中翼串🍗🌟皮脆肉嫩，蜜糖燒烤醬甜而不膩，啃骨頭最過癮！👅 👍 🌟蒜香焗娃娃菜🥬🌟蒜蓉鋪到滿瀉！娃娃菜清甜多汁，焗完保留水份，健康又惹味～🥢 🌟雲南米線(鮮魚腩, 豬紅)🍜🌟湯底酸辣醒胃，魚腩滑嫩無骨，豬紅入味彈牙，米線吸晒湯精華！🌶️ 加多啲芫荽更正～ 🌟凍香滑奶茶☕🌟茶味濃郁，奶香順滑，冰凍解辣首選！❄️ 甜度剛好 🌟凍檸檬茶🍋🌟酸甜清爽，檸檬片搗出果香，食串燒解膩一流

餐廳的環境簡約舒適，門口的設計吸引人，內部則是明亮的裝潢，營造出輕鬆的用餐氛圍。我們點了以下幾道菜：1. 午市米線套餐（豬肚雲吞雲南小鍋米線）$44 - 湯底鮮美，米線滑順，搭配的豬肚和雲吞都非常入味，讓人回味無窮。2. 凍奶茶- 加餐$9 - 奶茶香濃，冰涼可口，適合炎熱的天氣。3. 蒜香焗生蠔（2隻- $45 - 生蠔鮮美，蒜香味濃郁，外脆內嫩，十分美味。4. 鐵板安格斯牛肉粒- $78 - 牛肉鮮嫩多汁，搭配洋蔥和青椒炒至香脆，鐵板的熱度讓肉質保持溫暖。5. 羊架 - $40 - 肉質鮮嫩，燒烤的香氣四溢，搭配特製醬料更是美味。6. 餃子釀雞翼 - $19 - 餃子內餡豐富，雞翼炸至金黃，口感滑嫩。7. 金菇肥牛 - $26 - 肥牛薄切，搭配金菇，肉質鮮美，湯底吸收了所有的精華。8. 雞腎- $13 - 炒至恰到好處，口感脆爽，適合喜愛內臟的食客。9. 芝士蘑菇 - $23 - 芝士融化後的蘑菇香濃可口，令人驚喜。10. 牛舌- $44 - 牛舌切片厚實，煮至剛好，口感滑順。11. 獅威啤酒 - 清爽的啤酒，與豐盛的餐點搭配剛好，

已經好多年冇去食！今日再次重遊舊地🤣仍然有驚喜重慶燒烤串燒和雲南米線❤️‍🔥今日有少少咳，又好想食串燒，都係去咗荃灣嘅麻辣串串香叫唔辣。本身唔辣都冇咩期望，但d野食真係超有驚喜！平時食米線都係是旦去附近啲米線鋪頭，點知佢嘅雲南米線，味道係拍得住米線專門🤩。絕對係要極力推介㗎！$30一碗，唔單止食得飽，仲可以quota食串燒😎串燒啲嘢燒得香脆，味道適中，特別要講下佢嘅燒鱔🐟，厚肉外脆內嫩滑，難忘！咳完一定會再返去食多幾次😋

荃灣麻辣串串香，開業多年重新裝修乾淨企理，又坐得舒服，串燒都係$11/起主打小食、串燒、鐵板、石鍋、粉麵飯等…唔返大陸可以係道過下口癮🥒翠玉瓜$16🧈鐵板牛油帶子$70牛油香氣，外脆微辣有咀嚼🥒涼拌青瓜$28秘製蒜椒汁，微辣無窮，清新爽脆但清瓜唔算泰太入味🐟鯖魚$49唧啲檸檬檸汁，清新又無魚腥🥬蒜蓉焗娃娃菜$38石紙盤上又可保溫，鮮甜娃娃菜吸收蒜香🍍燒菠蘿$36｜🌽燒粟米$12片片菠蘿鮮甜多汁容易食，食串燒可解膩大大碗酸辣薯粉$60BB辣有齊晒十幾款料足夠兩個人share -配菜：肉碎、花生、榨菜、芫茜、蔥花-潮州魚蛋、魚皮餃、豬紅、豆卜、牛腩、墨魚丸、支竹時菜🍋凍檸檬茶｜凍奶茶$9

🩵尖椒皮蛋透明流心皮蛋，比較軟身，係我鍾意既口感，值得一試！🩵燒白鱔&秋刀魚 魚皮燒到微脆～ 白鱔好厚肉，一串有三舊，即日encore左串，秋刀魚幾大條，抵食😆🩵燒菠蘿份量十足🥹 超甜爆汁！🩵燒原條茄子 滿滿既蒜茸，茄子好juicy，口感一流🤤🩵鐵板牛舌&鐵板帶子牛舌個汁好惹味～ 肉質爽口彈牙，帶子用上牛油同炸蒜，好香口～🩵雲南米線揀左紅薯粉拼牛腩、鮮魚腩，紅薯粉軟糯得黎帶點煙韌，牛腩有4-5件，大大件，魚腩肥美無腥味👍🏻 湯底有肉碎同酸菜，開胃又香肉味，推薦雲南湯底😛

💥 放工誤闖河背街發現「串燒界黑馬」，由小食到主菜全部高質到犯規，即刻要開名畀食肉獸隊友！ 🍋 凍檸茶一出手就知有料！茶膽濃到似阿媽煲足鐘數，檸檬厚切到要「的」起先飲到，酸甜比例啱啱好仲有陣花蜜香，解渴能力💥MAX！ 🐔 七味雞軟骨粒脆過薯片新地獄！紫菜粉+辣椒籽+芝麻玩層次感，咬落「索索聲」好似食緊日式仙貝，送啤酒簡直係罪惡二重奏～ 🦪 蒜香焗生蠔邪惡到要報警！蠔肉肥美到啜落爆海洋鮮味，面頭金蒜脆到似食緊薯仔絲，最過分係連殼底啲蒜油都香到想撈飯！ 👅 串燒牛舌厚切到似食緊和牛！邊位微微焦脆，中心位彈牙得嚟仲有炭燒焦香，灑咗少少山椒粉吊味，食完成塊舌頭跳舞～ 🍗 雞翼控注意！蜜糖脆皮雞翼燒到玻璃紙咁亮，咬開脆皮仲有肉汁滴落手，秘製孜然粉混埋七味粉，香辣後勁仲有啲回甜～ 🍜 雲南米線轉粉絲係神來之筆！滷水雞翼滷到連骨都有味，豬腩片肥膏位入口即溶，粉絲索晒滷汁精華，掛湯力強到似食緊撈粉～ 🔥 壓軸鐵板安格斯牛柳粒玩視聽享受！上枱時「喳喳聲」伴隨蒜片狂舞，牛粒外層焦糖化，咬開肉汁多到要用手擋，連洋蔥都甜到想encore！ 📍 麻辣串串香 (荃灣) 荃灣河背街84號地下A1號

以前去楊屋道經過有食過的麻辣串串香， 今日經過發現重新裝修咗環境幾舒服就去試下。而家多咗好多嘢食，有米線，拉麵,韓式石頭鍋飯,小食同串燒等等。試咗幾款招牌串燒，小食同米線。尖椒皮蛋皮蛋流心，配埋爽脆尖椒同麻辣汁，開胃又過癮 芝士蘑菇蘑菇上面層芝士香濃得嚟唔膩，好味蒜香焗金菇金菇吸盡蒜蓉牛油香， 金菇嘅鮮甜味帶哂出嚟。 秘製豬頸肉肉質爽彈，秘製醬汁帶蜜糖甜同麻辣香花虎蝦有手掌咁大隻，燒到蝦殼脆卜卜，蝦肉鮮甜彈牙！主打美食雲南米線湯底麻辣鮮香，米線滑溜，加埋串燒一齊食超滿足。串燒即叫即燒，火候控制得好好，麻辣調味夠正宗， 啱曬一班朋友鍾意食咩都可以滿足到。

第一，所有食物大約加價$3-5。原本有既串燒種類變少，反而多左啲石頭鍋飯/手打烏冬。完全違反麻辣串串香既名🤣第二，食物品質變差，簡單來講吾好食。啲野食黎到吾熱又冇味。另外麵既份量變少。

麻甩肥仔同麻甩朋友一齊去咗間麻辣燙串燒食，環境同食物的多，所有bbq即叫即整嘅，真係令人食指大動！🥒涼拌菜：涼拌青瓜、尖椒皮蛋青瓜同皮蛋都用好正嘅醬料，酸酸甜甜加啲微辣，開胃之餘仲有啲清新感，特別啱喺炎熱天氣食。😋大大碗雲南米線😋碗裝嘅湯粉味道濃郁，湯底帶有陣陣香辣，啲粉條彈牙，配上啲新鮮嘅配料，真係一啖接一啖停唔到。😋大碗麻辣燙😋花椒粉、辣椒油，肆意蘸染，麻辣鹹爽，湯水濃郁，味道層次豐富，暖胃又滿足。🍖BBQ：鵪鶉蛋、骨附腸、餃子包雞翼串燒肉質juicy，表面燒得香脆，啲醬汁滲透入去，食落去好有滿足感。🍆燒原條茄子🍆雖然外觀有啲油膩，但蒜蓉味好香，味道唔錯，帶啲焦香。🍲蒜香焗金菇🍲上菜嘅時候仲有錫紙包住㗎， 蒜蓉同辣椒仔嘅份量恰到好處，唔會話太辣，突顯到金菇嘅鮮味。🍍燒菠蘿🍍酸酸甜甜，作為飯後果非常完美！整體嚟講，食物嘅質素同份量都算高，份量同味道性價比高。一邊食串燒一邊飲啤酒好正！唯一小小缺點可能係環境有啲嘈雜，尤其係人多時，可能要大聲傾計。推薦大家有機會可以嚟試吓！

由呢間店由我單身住係荃灣到認識我老婆同居 一星期都要食一兩次 到到依家搬左去天水圍 大大話話都幫襯左有3年多。一有時間都要番黎呢度幫襯。我自己都係從事飲食廿年有多 呢度既串燒出品拿捏既干濕度適中 調味唔會太重 睇得出串燒既切法 串法 都有心思熟慮去保留突顯食材既最佳狀態。令外佢既麻辣燙又係一絕！分量足 味道好。私心大推佢既豬腸。我自己每次都點兩份以上。 講真近來都有番大陸消費。但係串串香真係我暫時食過既串燒天花板。香港成日話反攻大陸就要有呢d質素！ 再講就真係以為係打手😂 只係覺得真心優秀分享下

讚-酸辣粉係幾好既 夠煙韌 啲醬汁唔會有種怪味 比區內另一間酸辣粉好彈-三款串燒都實在無燒既香口感 翠玉瓜係灼熟左既多汁感 墨丸係連淋上去既醬汁都有啲凍 春蛋係叫左辣既 啲粉灑左係面 但粒蛋係無燒過既痕跡-價錢貴 $35／支大啤 咁食法已經百鬆