麻布茶房 (已結業)

服務好好, waitress主動介紹幾個categories 既甜品, 有問必答仲要識答, 又鬼咁好笑容, 有個好笑到我地忍俊不禁. 佢話店內既硬雪糕係自家製既, 不過最後我都係食最愛既宇治金時蕃薯霜淇淋, 依然香滑, 非常滿足. 強搶左少少人地果份既芝麻同綠茶硬雪糕黎試, 真係幾正喎, 味道濃郁, 下次試真D.

放左幾日假,周圍去搵食,星期六晚就同奇哥哥黎左好耐未黎過既麻布茶房。見到有我最鍾意既冷烏龍麵,即刻要叫番個,不過都有三款選擇,我唔係好知各有咩料,所以間個女侍應,佢既態度令我好impressed,因為佢一d 嫌我煩既樣都無,仲好耐心咁同我解釋,又話邊隻通常多人叫,又講味道鹹定酸定甜,真係好抵讚!最後我揀左梅子汁五色冷烏龍麵。所謂五色,包括紅蘿蔔絲,雞絲,蛋絲,冬菇絲,同埋一樣唔知咩絲(綠色既,應該係菜既莖部),其實呢d絲都無乜味道,但係呢個冷烏龍既精緒係在個汁!我起切怕梅子汁太酸會唔好食,點知原來只係酸酸地,好好味!配埋冷烏龍麵,好清,感覺好好,食完成碟之後仲想再食!反而奇哥哥話佢既壽喜牛肉井(飯)唔係咁好,一來無乜汁,二來牛肉靭,最後佢都食剩左。

20040926 8pm買o左飛睇<The Terminal>, 未夠鐘又無o野做, 逼住食飯.2人吃-我要- 涮牛肉+野菜肉碎飯定食, 還以為是湯上, 上桌先知一早灼好, 牛肉淡而無味, 乾過柴皮, 肉碎飯就一般.朋友要- 炸魚+梅子飯定食, 炸魚份量多但係無味, 炸粉勁厚, 梅子飯朋友o既comment 係......"都幾難食"為一可取係跟餐個湯都幾好味.得個裝修靚lor. service 就一般.

星期四和朋友聚聚，晚上十時多到，不用等位。點了:1. 綠茶豆腐芭菲2. 雜錦烏冬(exact 名忘了)3. 蝦豆腐關東煮總括只有雪糕好味，芭菲中的紅豆及綠茶醬太甜。烏冬太咸、太油，又沒什麼特別。關東煮卻太淡，一點味道都沒有。(還說是廚師推介﹗)service 都算ok，會不斷加茶，但由於杯淺，加茶時茶常濺出來，要改善。但以這個價錢，應有更好選擇。所以應該不會再去。

我去過好多次,我覺得呢度d野好食呀~*especially 甜品呀~呢度既拉麵同冷麵好好食呀~而烏龍麵(即係烏冬)就整得唔太好喇,蟹肉飯,壽喜燒飯同親子井都唔錯~定食都唔差架~芝士炸豬扒,蟹肉蛋包,紅酒燴雞都幾好味~軟雪糕好味既原因我估佢係用煉奶整,所以好香奶味~配燒蕃薯一冷一熱超好食!我就唔好紅豆既,所以我唔多鍾意食蜜豆沙同巴巴羅亞,仲有果個煎年糕都好食架~最好service 我覺得係呢間囉~你問佢野,d職員會好詳細咁分析d野有乜材料同點整,仲好有禮貌同耐性架~我會成日去~~*

在十時許到麻布,只有少數人在等位,感覺舒服多,立即就坐上座,甜品不算多,只有六種冰淇淋可選擇,我點了一個叫芒果聖代表(即是芒果新地),有軟雪榚,芒果和一些類似椰果的東西,賣相好好,有特色。可是服務員的經驗不足,有漏單的情況,累我要等二十分鐘才可吃到我的冰淇淋,要加強培訓。

我覺得d野食就唔係樣樣都好食喇!!最好我覺得最好味,雖然都係軟雪糕,但比出面果d好味..d烏冬都幾滑,湯低就一般啦,我食過雞肉串燒同燒三文魚雞肉好鞋,三文魚就一段d服務都係好似佢地d野食咁,有好有唔好有個黑衫0既男人,同塊面件衫一樣咁黑,我諗係經理個樣真係趕客,一d笑容都冇d waitress有d就真係幾好笑容,有d就係黑面神仲有成日企0係cashier傾計好似冇乜人做野咁而且環境太嘈,唔值咁0既$$如果我再去,都會係食tea,食下雪糕,tea time冇咁嘈呀仲有一次我個fd,個茶杯有個lip膏印幾恐怖呀,好彩未飲乍

哈哈我係麻布廚師之一啊！多謝你對食物的讚賞啊！我地會再努力去做啊！再加多Ｄ新菜式

天氣實在太熱啦, 所以星期日行行下街走左入黎食雪糕. 以前已經食過佢個宇治金時, 今次就叫左新野, 個sauce係honey lemon. 我個friend就叫左黑芝麻. 我不嬲都覺得呢度個軟雪糕係較坊間o既滑, 但係個honey lemon sauce麻麻地, 都係宇治金時好d. 個芝麻朋友就幾鍾意. 而番薯, 亦都可能係夏天關係, 唔甜, 冬天時食好甜嫁! 我同朋友都覺得下次可以要個無番薯o既試下!

本人係麻布茶房既長期食客,我boss係日本人,所以同boss食飯多數去光顧,咩時段都去過.有次同boss去,門口個女仔好欣勤係門口都走入來幫我地落order,之後我同朋友去,見佢行來行去,叫佢幫我落order,佢好似好唔鍾意,唉,Ithink 佢可能只會對日本人客氣.有次叫佢幫我收左d食完既啦,點知好佢唔耐煩話等等.我諗佢就係之前俾人投訴既reception.事實上,呢間餐廳真係換左個矮經理,之後d waitress服務真係差左,而事實上我覺得個經理真係成個黑面神甘,不過我雖然成日去,但大多數都見唔到佢,lunch 佢大多數都係度,dinner就超少見到佢,so,如果唔想見到佢既人,大可以去食dinner.其實我覺得佢好唔professional,有咩理由唔係黑面就係同女同事毛手毛腳,由其係門口個個矮reception,點解依家既女仔甘唔自愛,俾人抽水都俾個靚仔d啦!我覺得呢間餐廳有個共通點,都係又肥又矮,好好笑.不過,有次見到佢不停甘做野,都差唔晒,係一個好好既收銀.其實有一個黑面神經理都好既,起碼對我地長期食客有好大幫助,佢係度趕客我地咪唔晒等甘耐囉.講真啦,人誰無過,希望唔lik

上次同個fd去之前. 我就上黎openrice.com 睇過評語係好一般.但個Fd猛咁話想食個"宇治金時"咁就即管黎滿足下佢啦. Fd叫左個日式牛肉飯. 坦白講. 我覺得"吉野家"做得好過佢; 我叫左個鰻魚蛋飯.普通水準. 太多洋蔥了. Even 我好鐘意食洋蔥. 但係太多都食到厭厭地.. 另外叫左個鹽燒三文魚腩. 一上檯個下我已心知不妙. 就係過左火.晒是也. 點解黑成咁都可以拎出黎俾客人呢? 於是我要求換過囉. 戲玉到喇. 宇治金時. 紅豆同雪糕就幾好的. 但係個雪糕比一般的易溶..因為趕住怕佢溶所以"hur hur" 聲.三趴兩撥就食晒. 哈哈.呢間麻布個樓底好矮. 焗住晒D聲浪. 所以個環境真係超嘈. 食飽出黎我隻耳仔" Vee Vee" 聲.

我yesterday 去o左Habour City個間,唔使得位wor,d waiters都好有禮貌,我地幾個朋友去,大家share黎食,初頭佢地無比碗我地,之後我地同叫甜品,佢就主動比埋碗我地食甜品.我地食見佢地又無趕住逼我地走~~~都Ok ga~~Food又幾好食,不過d soup就mama la~~~

去過一次,我諗我唔會再去!~ waitress服務"一流",黑面神功一絕,明明睇到你叫佢都扮見唔到,好戲程度足以夠拎影后,仲要好唔小心咁整潟左我個friend杯茶!! D野食嘛,,,,冇咩大驚喜,同普通日本菜冇咩分別.但係D甜品呢,都算係咁上下架喇,都算係色香味俱全!~叫左個唔知咩咩sunday,係cookie呼0既icecream,都算係好味. 不過,咁0既價錢同咁0既服務,,,,我諗我唔會在食架喇!~

你講的說話我亦有同感！門口位waitress同manger真係不知所謂！

上年聖誕左右,我同男朋友去過銅鑼灣間食晚飲,食都唔差,但係D服務同等位就差到你都唔信呀,Waitress好似好不在乎我地感受,我重同個載眼鏡經理投訴過,但係都好似習以為常甘,只係講哦哦哦,我都唔知一間咁有名氣餐廳,竟然連主管都係咁,試問waiter同Waitress又會好得去邊呀,但係烏冬同埋甜品就Very Good啦,我尋日同男朋友去開尖沙咀,行到海港城又見到有間麻布茶房,門口有好多人等緊,都無想過再去,但係有位waitress主動介紹轉左夏天menu同埋好有笑容,我回心一想,呢間係唔係麻布茶房呀？？？就係因為呢個waitress有甘主動同笑容,所以令我再一次光顧,等左十五分鐘左右就可以入去,但係門口個waitress話入座後計一小時十五分鐘要交返張,我問點解？她說係因為現在都係因為之前一小時十五分鐘客交返出所以先可以甘快有位,希望可以方便大家唔駛等甘長時間,我想都夠時間,都幾為客想所以無所謂之下就再次享受呢間餐廳食品,我今次叫個雞肉烏冬、芝士豬扒、燒飯團、炸雞扒、芒新地同埋個綠茶雪糕配葛....甜品,又幾快手媧,食完重有成半個鐘先交,今次我所感受到同上次差好遠好遠！食物依然甘有水準