麻布茶房 (已結業)

份量不太多，但夠女仔食。環境幾日本feel，最好幾個女仔傾下，食下野。主菜就淡D，唔係太好食。甜品就幾好，有好多款幾特別的甜品。價錢都唔貴。其實甜品的價錢= 一個餐。所以不吃甜品就會平D。

2005年7月4日因為前一餐吃不飽的關係,我們要再找地方進餐,突然想起這裡,同行二人也和議說好,相比起前一餐,這餐的水準簡直就是好得很.茶房風炸豆腐:上一餐吃不到的,這餐再叫來,外脆內滑的豆腐超好味,和著的熱湯把食味也提升了,妙!茶房風紅酒燴雞配梅子飯:雞肉頗滑,紅酒味不太突出,但汁料做得不錯,梅子飯略帶酸很開胃,隨餐的不是味噌湯,而是蛋花湯,清爽得來又熱呼呼,喝一口也大呼過癮.自家製芝士漢堡伴香菇紅酒汁配雜魚飯:半溶的芝士淋在漢堡上,只看也是享受,漢堡做得厚厚的,入口尚算有質感,汁料不算漏,雜魚飯的小魚兒炸得很香脆,伴飯吃是一流的配搭.這回比前一餐相差不算多,但味道絕對高出幾倍.

週末與友人往看斷背山，先往麻布茶房「醫肚」。尖沙咀麻布茶房的環境光亮舒適，部份靠窗位置可享海景，唯桌與桌之間距離很少，與友人聊天要「細細聲」，以免騷擾他人。我們點了海鮮薯仔沙律和蛋包海鮮炒烏冬。海鮮薯仔沙律配料有蝦、魷魚、小帶子、薯仔絲、青瓜絲、生菜、蕃茄，加上大量沙律醬。中蝦口感新鮮，魷魚和小帶子普普通通，個人認為沙律醬下得太「重手」，吃兩口已覺飽滯; 蛋包海鮮炒烏冬賣相吸引，用煎蛋皮包著炒烏冬，灑上大量木魚絲和紫菜絲，口感豐富，味道不錯。PS 很多人都說斷背山「文藝」得可以，除了一開始萬山群羊的壯麗山景可觀之外，其他都悶得不得了。我可不怕它的慢節奏，它的「慢」反而讓人能消化主人公的心理變化。最深刻的一幕是片末Ennis發現原來Jack多年前在斷背山暗中取了Ennis的襯衣收起留念，並用自己的襯衣套著Ennis的掛起來，感覺就像擁抱著對方一樣…突然想起陳慧孄的舊歌傻女(只有請你的毛衣從此每天飾演你…)，只是「傻女」變了「傻佬」吧…

我o係澳洲讀書，次次放break番香港去開海港城行街都梗會幫襯麻布茶房，因為佢d雪糕好好食！7月時去過一次，到今次再去發覺真係差左好多！食物同service都好差！！先講食物，叫左個燒雞飯，真係唔好食！雞又鞋又冇味！亞媽叫左個牛柳定食，佢話等十五分鐘，但足足等左成半個鐘！叫d侍應追下d野食，佢地又好似唔多想理禁！淨係顧住自己傾計！見到都火滾！！等左好耐個牛柳終於黎，但原來都無乜特別‧‧‧又鞋又多筋!早知叫第二樣，可能唔洗等禁耐！食完當然要叫我最掛住既雪糕，好彩都無令我太失望！食左乳酪芭菲都幾好食！d service就真係比之前差好多！d侍應成日好似懶懶行禁，又無笑容，係自己玩個陣時笑得最開心！d茶杯空晒都無人理，叫佢加d茶佢先加。真係好激氣！！希望麻布茶房真係好好改善下d侍應既服務態度，都唔知點解會差左禁多！已經唔算好忙但d service已經係禁，忙個時真係唔敢想像！真係好令我失望！我都係懷念之前既麻布茶房多d，起碼你見到既係友善既服務態度同多d笑容！！失望！

初三赤口唔駛拜年, 同家姐去左尖沙咀逛逛. 四點黎到麻布茶房, 都有幾多人等位, 仲要大部份都係自遊行, 可能有d旅遊雜誌推介呢度啩?我地要左季節限定o既雙莓乳酪芭菲x 2. 原味軟雪糕+呍呢拿雪糕+糖漬草莓+藍莓醬+原味乳酪+蛋卷碎片. 每款原料都非常好味, 係略嫌軟雪糕比以前細份左.另外, 可能太多人啦, 出單有d亂, 隔離兩檯都"遲來先上岸", 需要改善下.

17-1-2006 跟朋友去食晚飯, 叫了一個豬肉鍋同一個雞肉鍋. 火鍋食物只要新鮮問題不大,味道還可以. 但服務完全唔掂,一定唔會再去.麻布的茶杯已經細,兩口就飲完.侍應生哥哥茶壺响手行來行去都唔幫我倒茶, 唔通想當啞鈴用? 食完差不多十五分鐘都無人收嘢, 之後收咗個鍋, 淨番碗筷又係唔收(足足放到我埋單走人仲响度).埋單重正, 拎走我張credit card, 轉個頭我就見自己張卡响地下. 簽卡連原子筆都無, 借支筆慢到死, 最後我要用自己支筆. 之後侍應哥哥就咁將我張放响枱中心, 大佬, 張枱未執, 又油又汁咩都有, 我仲要响侍應生隔離, 都唔知點解佢仲要放响枱中心, 直接比我仲近啦.食完一肚氣走, 以後一定唔會再幫趁. (銅鑼灣那間service都係麻麻,但無今次咁差)我會同所有朋友講, 無理由比錢食飯仲要一肚氣, 為咩!重點,那天餐廳並非滿座,侍應行來行去淨係識講笑. 如果Full House, 服務會點各位自己想像

如果係TST, 冇乜特別野想食的話,都係會去麻布之但係我短期內應該唔會再去囉...定食係凍既...我唔係叫冷飯冷麵wor...service都比以前差左,尤其係新做野果個呀...d定食係凍既,幾好食都冇用啦...

星期六下午同兩個舊同事0黎呢度食, 我0地未有人0黎過, 但我聽聞呢度0的甜品有好多款, 所以試0下!! 我0地12:45到, 坐低之後叫0左兩個主菜set, 有牛柳同一個什麼卷, 預備留肚食甜品, 點知一等就等0左成半個鐘, 旁邊遲過我0地order的都已經食完, 即刻問waiter, 佢話等多一陣...等到成1:30先有得食, 0的牛柳勁實, 好似食香口膠咁, 0個個卷又炸到黑哂, 飯團0的飯又硬, 真係唔掂!!唔緊要, 我0地主要想食甜品, 一口氣叫0左4個甜品, 都ok啦, 一路食就一路傾, 到0左2:30, 我0地0的0野收哂, 有個女侍應竟然走埋0黎趕客, 抵死到問我0地叫唔叫甜品?? 哈, 我0地3個人食0左4個甜品你仲問, 真係cheap!! 唔緊要, 我0地話食0左, 傾多一陣, 到3:05叫埋單, 收錢0個個waiter竟然話3:00前同hsbc卡埋單有75折!!! 有無搞錯, 完全無講, 檯面上一張傳單都無, 2:30 0黎趕我0地走時又唔講!! 我0地覺得好唔公平, 埋單出門口時問個經理拎0左一張意見書, 我0地3個就圍住個reception檯寫意見, 我0地由

3點未食飯,去左麻布食下午茶,叫左個豚肉炸菜拉麵一黎到,嘩!勁多油,係咪因為d炸菜關係呢...碗麵又幾辣下,又唔知係咪d炸菜關係...都幾失望囉...下午茶嗟,唔駛咁既...

星期六同佢未到六點半就去左呢度食飯，平時晩飯黃金時間一定好多人等位，今次可能早的關係，去到冇人等位，但個侍應話要一個半鍾後交枱。我一心係諗住食佢地出名的甜品，食完一個都已經夠我一餐，所以只係叫左一個蟹肉蛋包定食，我就食左少少，全力食個抹茶葛軟芭菲。蟹肉蛋包定食配魚食：估唔到蟹同蛋係份開架，仲以為蛋裡面包住d蟹肉添。都唔知點解送到黎唔熱架，個飯魚味唔係好足但質地唔錯，可能係我鍾意食較較身的飯，但個蛋較硬。抹茶葛軟芭菲：佢係我的主菜，但可能期望高的關係，我個人認為唔係其他人講得咁正，仲話係人氣推介。d葛軟幾軟糯，有d無味的魔竽係底，綠茶味唔係好濃，但都頗甜，整體都好一般，這個價錢，我覺得食Haagen Dazs 值d。佢地的服務都唔係咁得，明明唔係咁忙，但見到食完哂野都無人收野，淨係識得用日文同d客打招乎，叫佢地加茶都等左好耐，叫佢俾本menu我都黑口黑面，真係要改善改善。

之前細妹比左張coupon我,送一個小食.昨晚和朋友一起去,本抱有不少期望.因為細妹話幾好食,看到在此的評語好像也不錯.結果令我十分失望.我叫了個xx牛定食,點知d牛肉十分"鞋",而且沒什麼味道.那些佩菜又淡又難吃.反而那個味僧湯淡淡地幾好味.總括來講,比吉野家的牛肉飯更不如.我朋友叫了個燒雞定食.我朋友都話十分難食,雞肉很"鞋"口.之後那個免費小吃是指定的--炸豆腐.只能說普普通通,沒什麼特別.再之後我個朋友見到好多人叫雪糕,佢想試下係咪咁好味.佢叫左個番薯雪糕.我試左少少.個番薯係熱的,唔太甜,加埋d又凍又甜的雪糕一齊食,竟然好好味.但我朋友卻覺得唔好食= =||雖然個雪糕好味,但其他野實在太差了,所以我同個朋友都決定以後一定唔會再去.

上星期中午做完o野過o左去尖沙咀搵女友食Lunch.又想坐得舒服D.就叫o左女友落o黎搵定位先.坐低o左佢就叫湯麵(唔記得咩味^^"), 自己就叫牛肉烏龍麵.牛肉幾新鮮.烏冬亦幾彈牙~^^~又坐得幾舒服.唔錯!但略嫌侍應有D新手同生硬.

我去過好多次，不過有一次，我碟飯裏面有蟑螂!!!!我好中意去呢間餐廳嫁，風景又好，d野又好食，尤其係宇治金時，但係我宜家都唔係好敢去呢間餐廳。有一次，我叫左個照燒雞扒飯，食左大半，發現有一隻只有手指尾一節咁細既蟑螂，我都好愕然，因為呢間餐廳外表真係好似好乾淨咁，真係估唔到...你話勒，食飯就有蟑螂，令到我好驚，唔敢食佢d雪糕，我好擔心唔知佢d雪糕同冰放得好唔好...好彩，我果次都無肚痛，雖然，我都覺得可能係個別事件，不過，都好想大家小心d，睇清楚先好食...

說過會再試多次, 今次係同男友來的. 一坐低我已同他講有關上次的經歷, 他笑笑的揀了紅酒雞塊定食配角豚飯, 另一個麻布烏龍麵.今次兩款食物的賣都較好, 起碼同相片的差距無咁大. 今次的烏龍麵即湯烏冬, 配料有些荀, 冬菇, 日式魚蛋之類, 最搞笑係有一撮菜心, 唔通師傅真係咁"烏龍"放錯菜心去代替海帶??? ^o^另一個定食的雞件都唔錯, 個汁少少甜, 雖然食唔到有咩紅酒味, 但都唔太差. 個飯今次就熱熱的, 比上次的好好多. 成個定食我鍾意的反而係伴雞件的薯仔, 粉粉甜甜的, 我一個人食晒雖然就咁睇個定食份量唔係好大, 但食落都幾飽, 加埋個烏龍麵, 搞到今次連甜品都無食到呢...

同媽子行完街, 又到食晚飯的時候, 揀這裏係因為有飯有麵兼有甜品食^^要了一個麻布涼伴烏冬(確實名字忘了)及蟹肉蛋包定食. 落單時問侍應個冷麵有咩配料, 佢話頂層有白飯魚, 跟住係蘿蔔蓉加冬菇絲. 但上檯後卻發現所謂的白飯只是一小撮白飯魚乾, 果然如絕大部份食肆的餐牌所言"圖片只作參考". 有點後悔為何唔要棒棒雞冷麵呢... 起初以為個蟹肉蛋包定食, 蟹肉是被包在蛋內的, 結果出乎意料, 蟹肉是混在湯中, 個蛋包是百分百的雞蛋, 再一次後悔. 經過先前的失望, 甜品則不容有失, 揀了燒蕃薯湘淇淋-宇時金治. 雪糕好軟好味, 但底層的蕃薯更吸引, 個人食左三分二雖然兩款主菜的賣相與期望的有出入, 幸好味道亦唔錯. 若然在附近shopping的話, 都會再來試試其他食物, 睇下係咪只係今次唔好彩呢~