麻布茶房 (已結業)

外面茶樓韓食店都爆人潮,等飛都等好耐,但唯獨身後呢間麻布茶房十分冷清,趕時間之際只好選擇這家,價錢不菲,一個餐加一差不多90-100。一進餐廳安排坐門口卡位,十分不錯,但想選擇坐店內,於是帶位到店內的二人卡座,但見到有四人座位想坐起初被拒絕,再要求時侍應竟然問我們一句：你地幾時走,係米好快走,態度似足茶餐廳,90-100蚊一個餐還要被要求速食有點過份。我們點了兩份雜錦魚生飯,魚生十分不新鮮沒有該有的鮮味,魚生飯很干硬,比普通餐廳更無質素 很佩服他們魚生飯比酒樓的白飯還更白飯,難怪店內人流顯然稀少。最後 咖啡是挺不錯的。兩個飯加一個西蘭花蝦沙拉,$260多堆單,永無下次！👊🏻

今早行完山，返到將軍澳，好鬼肚餓，見這間沒有人等，而且見到坐得應該舒服，一於入去食野及休息一下。一見個餐牌，第一個感覺就覺得好貴，以及心諗，究竟值唔值這個價錢，我見到鰻魚飯定食要$120左右，睇落好食少少的午餐差不多$100左右，好在我見到有個魚生飯定食$90左右，而且打晒星星，應該店舖推介。魚生果然足料，面頭全部都是魚生，而且有好多款式，有三文魚、吞拿魚、玉子、還有幾款魚.......但一食落口，覺得有點奇怪，為何個飯咁熱，好似同魚生唔多夾，個飯放耐些，魚生有些被熱熟了，失去了魚生新鮮的感覺。定食還有一些雜豆，味道是咖哩味，好特別。還有個湯，入面有些蛋花，飲左都唔知係咩湯。熱咖啡： 應該係用機即磨，咖啡味香，但杯咖啡好快凍，可能太細杯。但有些驚喜就是綠茶的味道不錯。

曾經有段時間麻布茶房差唔多全線結業，之後又再出現返，自此之後我就無黎過麻布茶房啦，印象中呢到既食物同服務都幾好，特別係甜品。今日黎開將軍澳，見呢到開左間，就黎試下啦。我地每人叫左一個套餐，套餐包一個主菜，一個味噌湯(湯麵除外)，同埋一杯咖啡或茶。味噌湯味道較淡，無咩料到，不過味道都唔差。辣味豬軟骨烏龍麵: 賣相好精緻，個湯底非常濃，烏冬夠彈牙，食得出唔係cheap 野 ，仲有豬軟骨做配料，肉質都幾嫩，所有的骨都係軟骨，好好味。雜錦海鮮丼定食: 睇落好靚好吸引，刺身好嫩，質感和味道都好好，種類多，新鮮度都好高，亦都無雪藏凍氣，刺身下面既飯係用珍珠米，加左少少豉油同wasabi之後真係令人食到停唔到口。蒲燒鰻魚飯定食: 味道好濃既鰻魚汁，送飯一流，鰻魚軟軟又無骨，易入口，好快就食哂。餐飲方面無咩特別，都係咖啡或茶，不過如果可以揀抹茶牛奶之類而又唔洗加錢，你話幾好呢?

自韓風吹起後，都好少食日式野， 對於曾經風摩一時的人氣日式食市一麻布茶房， 我之前食過一次甜品， 都ok 好食， 但今次入去食晚餐， 吾知又得吾得呢？ 男友點左日式咖喱漢堡扒飯， 扒肉嫩吾老，咖哩甜甜地， 一個飯真係吾夠送咖喱；我個拉面就普通貨仔， 吾覺得係特別好食，但已經係人氣之選，可能大家想食拉面無咩選擇， 所以人氣之選啦我叫個杯latte 好得意， 第一啖飲係淨奶， 無咖啡味， 再飲原來佢係將咖啡整成一條條口者口厘， 幾特別， 都好好飲， 但男友個薑奶真係吾鍾意飲，試左一啖無再飲，d薑味怪怪地；但驚訝係埋單個時，店員送左個家庭裝haagen dazs 473 ml 家庭裝柚子雪糕比我地， 話係食滿250 先有得送，即刻覺得呢餐好低食

好耐冇幫襯麻布茶房，印象中食物同服務都幾好，見將軍澳開左間就同老公去試下。星期六中午去到2個人唔洗等位，去到老公就叫左個照燒雞定食，我就叫左個海鮮魚生飯，結果老公個照燒定食黎先,佢食左一半我個海鮮魚生飯都未黎,我就揾個待應黎問下個飯幾時有，個待應聽完我講毫無反應木口木面埋去部機度check ，但之後就行左去，冇再埋黎同我講究竟幾時有，係咪整緊！完全冇follow up, 咁我都算，再揾另一個待應問，今次呢個好少少，起碼有過返黎回覆我一句：「就黎！」，就即刻行開。我知今時今日租金貴，人手少，個個都會踢晒腳，但都唔係咁的服務質素。再講食物質素，照燒雞定食的配菜完全唔好食，好求其，個照燒汁勁甜，飯又硬，質素黎講我覺得大家樂仲好過佢。海鮮魚生飯，d魚生冇味，北寄貝好韌，又鹹，最離譜係個魚生飯的飯，冇醋味，又硬似隔夜飯，咁都110未計加一，我早知去爭魚買外買好過！註：我平日好少留食評，今次呢間麻布茶房太極品！

麻布茶房一向給予的印象是品茶吃甜品的地方，今回跟朋友於麻布茶房用餐，才得知有其他日本菜吃。因天氣太熱，點菜時都集中於冷盤凍食上，芝麻涮豬肉冷烏龍麵，由內至外以至盛載用的大碗勻是冷冷的。芝麻湯底不論熱食或冷吃勻香口美味，加入少許冬菇提味更為吸引。涮豬肉肉香挺濃。烏龍麵凍食比熱食更煙韌富咬口。海鮮丼即雜綿魚生飯，內有三文魚、吞拿魚、北寄貝及另一款不太肯定款式的白身魚刺身。整體來說，各刺身鮮甜美味度普通喇，飯底較黏身。小吃辛味炸雞翅，雖辛味不太突出，但皮脆香口度還交到功課幾好食。甜品燒蕃薯霜淇淋芒果，上層軟雪糕挺滑，面上芒果醬給力不足。底層燒蕃薯本身帶甜，但拼上雪糕當然顯得淡一點。另外，因燒蕃薯是熱食，面上雪糕很快溶化，雖速吃。

日系食物、質素甜點... KsMeow極愛！早陣子，小妹來到將軍澳PopDeli里的麻布茶房，一嚐她家和風主食與甜點，【初夏】甜蜜感覺滿滿！．．．從將軍澳港鐵站出發，沿路上會看到PopFood的指示牌，不消一會，已到達位於商場2樓的麻布茶房！．餐廳裝潢和風味濃，餐具同樣富有日式情懷，配上暗紅色的餐桌，感覺優雅！．．．照燒雞肉飯飽滿的日本米飯，令人吃得滿足！「照燒雞肉飯」份量極多！盒子里的燒雞肉飯裝得滿滿，雞肉嫩滑，里外都醃得入味，配上香甜的雞蛋碎及飽滿的日本米飯，令人吃得滿足！旁邊的配菜也不少，包括爽中帶黏滑的蓮藕、醃青瓜、紅蘿蔔、玉子、豆及清湯，有肉又有菜，豐富健康！．．．軟雪糕份量多得如小山丘般的「宇治金時」霜淇淋抹茶甘甜平衡！超大杯的「霜淇淋抹茶」看到也令人透心涼！軟滑的雪糕，奶味香濃！配上帶甘的冰抹茶，甘甜平衡，沒有膩感，不錯吃！．軟雪糕份量多得如小山丘般的「宇治金時」墊底是溫熱甜糯的蕃薯蓉，兩者同吃，冷熱感覺於舌頭上遊走，刺激可口！．整體份量充足，質素滿意！吃得飽飽，人均消費也只是百多元，Cp值不錯！．餐廳：麻布茶房（Tel. 39023075）地址：將軍澳唐賢街9號PopC

服務態度唔好, 坐落後茶又唔俾, 野食又求祈⋯ 雞肉沙律雞肉有雪味, 沙律水汪汪, 菜又唔乾身⋯想攞碗仔食野都搵唔到人serve, 自己攞完後都完全唔會有人發現⋯叫到人加茶應完你又冇咗件事⋯個個都好似矇下矇下咁⋯ 唉⋯不會再來⋯ 

今日見麻布茶房形象不錯，就入去食啦，，點知完全錯覺黎味道像吉x家豚肉飯。。卻賣80還要加一， 完全不值得吃。。配料也是很便宜， 還有右下的豆子很難吃，只吃了一顆，， 味道像藥材味十分普通，卻50元，寧願吃haxxxx雪糕服務態度也很一般。。不知這店是想sale什麼呢？！ 大家選擇前請三思

服务员态度很差，不会主动给客人添加茶水，找她们来加茶水，一服务员将水不小心倒出了杯子，还没有立即找布来擦。过了很久才来处理，态度傲慢。点了套餐，里面的小配菜与图片不符。要求饭后才上的冰激凌是化了的！

星期日七點睇完戲以為要等好耐先入到，點知一上去話兩位就即刻入得😍叫左明太子沙律扁扁麵配海蝦天婦羅，同雞肉定食明太子配個麵超好食，入晒味，值得一試天婦羅林左d，不太喜歡雞肉定食男友表示一般，吾值呢個價

在PopCorn吃晚飯，大部分餐廳都要等位，麻布茶房亦然，但最奇怪的是一堆人站在店外，竟然沒有職員負責登記，眼見侍應們匆匆忙忙、來來回回，卻沒有停下來關注一下店外的人，大家差點以為可以像光顧茶餐廳般自出自入。最終等拿籌再等位，花了約十分鐘，比預期快可以入座。拿籌處有一張手寫的紙寫着「最低消費每位$130」，入座前侍應亦有提醒。本來以為很容易達標，可惜食物質素一般，鄰桌的顧客更不斷劣評，令我們食慾大減。話說旁邊的一對夫婦是日本妻子、華人丈夫，他們點的天婦羅只有蘿蔔蓉，沒有提供醬汁，二人大為詫異，向侍應查詢，侍應說就是以蘿蔔蓉來伴着吃。他們覺得非常奇怪，絕不正宗，於是整頓飯都在批評，甚為不滿。唉，我們坐在旁邊聽着他們滿腹牢騷，感覺很煩悶啊！只怪店內座位擺放得頗密，桌與桌的距離頗窄，環境不佳。人手不足，侍應忘了斟茶，經我們要求後，得到兩個透明膠杯的茶，原來平時慣用的小茶杯不夠，所以才有大大杯。服務實在要改善。食物方面，只屬一般。主菜奉送前菜和麵豉湯：前菜是蘿蔔和蓮藕，麵豉湯味道不夠濃。本來我點了海蝦沙拉芝麻汁冷拉麵($86)，但吃了一口，發覺拉麵太硬，於是請朋友試試，他認同是比平時吃到的韌，

今天與久違了的朋友小S會面，兩人來到PopCorn覓食。上到PopCorn 2樓，望見麻布茶房的雪糕挺吸引，不過還未食晚餐了吧? 哈哈~再望望餐牌，甜品晚餐皆供應，二話不說等位吧!周日頗多人，等了足足20分鐘多才用餐，打開餐牌首頁也是甜品，即想跳過晚餐吃甜品呢><也是吃過晚餐再說吧。我點了自家製和風漢堡、而小S則點了海蝦天婦羅冷蒿麥麵，然後再點了個炸雞塊。自家製和風漢堡可選擇白飯或梅子飯，怕太酸的我當然選白飯最穩陣，奈何來到時是梅子飯，舉手叫侍應亦視而不見，好不容易最後才轉了白飯。和風漢堡太乾身，內藏粒粒肉碎般，味道一般，而旁邊一併上的前菜及湯味道完全不行，其中湯喝了幾口便沒喝了，有點失望。小S的海蝦天婦羅冷蒿麥麵，蒿麥麵尚算OK彈牙，但海蝦天婦羅炸漿太多，而且來到時太淋身，一點脆口也沒。味道比較好的是另單點的炸雞塊，啖啖脆口，內裡的肉身亦軟，不過有點鹹。晚餐雖然有點失望，但入來的目的是甜品吧，立即點了巧克力香蕉聖代及蕨軟糖蜜豆沙。巧克力香蕉聖代賣相及味道不賴，雲呢拿雪糕及香蕉雪糕都好好味，配上朱古力醬，令味道更突出，而內裡的香蕉及蜜桃等水果亦新鮮。我就覺得蕨軟糖蜜豆沙

早幾年麻布茶房突然結業的新聞依然記憶猶新，最近在POP CORN竟然復活??麻布茶房前面多了”甘や”,,,,,究竟同以前的麻布茶房是否一樣??為了解開這疑團，今晚同老公去試下。位於POP CORN 2樓的甘や 麻布茶房 - 門面寛敞。門面似曾相識，問下門口的侍應，但侍應話同幾年前果間完全無關係～～日本餐廳門口總有一個放滿食物的模型。模型好真實，比起看MENU更加清楚，真係好吸引！只睇模型都口水流。餐廳裝潢清雅，有蝴蝶圖案的磨沙玻璃分隔，加上牆上日式的壁畫，氣氛環境不錯。２大１Ｂ被安排坐於梳化卡位，位置好寛敞，坐得幾舒服。一坐下，已送上茶及Menu，服務都不錯。看看MENU，這裹的食物價錢不是整數，總是.8尾。唔知有乜玄機？這裹食物種類都豐富；特別是甜品，真係環留肚食甜品！親子飯　$68.8用木盤送上，排放整齊，賣相不錯。定食有麵豉湯，２款漬物及２款前菜，好豐富！先試下這4小碟先~麵豉湯：清水加蛋絲？？好清。。完全沒有欲望去食蒸蛋：以為係豆腐，原來係蛋！！蛋味不太重，但有別一般日式料理店的蒸蛋，這個蒸蛋口感特別，食落軟綿綿，好似海綿蛋糕。紅蘿蔔及蓮藕：唔夠淋，唔夠入味，一般親子飯:賣相不

不知有多少人跟筆者當時的反應一樣？幾年前麻布茶房因為欠薪問題而全線結業，那時候筆者是銅鑼灣大丸分店的忠實粉絲，當然感到非常失望。突然有一天筆者的母親大人告訴筆者，麻布茶房在將軍澳開了新店，當時筆者的反應就是： 有甚麼可能？不過經筆者幾翻查證後發現是真的，真的很久沒有吃過不知會變成怎樣呢。麻布茶房位於Popcorn的二樓，這個地方有特別的升降機上去，但發現Popcorn的小天地，這邊開了四間新餐廳，包括韓燒和兩間中式飲茶，或許筆者之後會寫到。麻布茶房的店內面積似小非小，但四人枱肯定很少，筆者合共等了七張兩人枱才等到一張四人枱，十五分鐘算是可以接受，但當你看到那些剛到埗就有枱的確實不是味兒。麻布茶房嘛，筆者是個善忘的人，記起名稱已相當了不起，所以要說以往最好吃的真的想不起了。從新的出發，先點了一個茶房咖哩叉燒拉麵 (Sabo Style Charsiew Ramen in Curry Soup, $72.80)，這個拉麵咖哩汁質味頗濃郁，但味道相對來得平淡，拉麵屬不過不失，不算得上爽口彈牙，略嫌表面配菜過多有一點壞事，叉燒拉麵很小的兩塊，吃了像一陣風似的，像沒曾吃過的一樣，最好吃的是洋蔥煮