麻布茶房 (已結業)

年多沒到將軍澳麻布茶房，剛路過看到有安格斯牛扒優惠。食物一上枱，覺得完全不對板，牛扒10成熟，根本是大家樂質素。服務態度極差，不收信用卡不早説明。奉勸各位要三思。

話說啱啱收工， 到將軍澳已經九點，攰到一個點，同老公諗住試吓麻布茶房，之前未食過.....叫咗個聲稱係美國牛扒， 特價左都要百幾蚊，仲有天婦羅冷烏冬餐......天婦羅油到一個點，咬落去成口都係油！ 仲要天婦羅殻甩晒出嚟！ 牛扒等左大半個鐘，牛扒係有雪味，仲要一啲牛味都無！.....最好係個烏冬撈豉油..... 個餐跟一個甜品，未上之前已經聽到隔離枱話個甜品酸酸地，凍嘅粟米湯係酸味，好明顯係壞咗......估唔到佢會完完全全咁比返個壞嘅粟米湯俾我一定無下次！

好耐冇食過麻布茶房印象中佢係食日式同美式野今次去佢有牛排餐我叫左肉眼 5成熟肉質唔錯 唔會好硬不過就有啲似7成熟肉味好濃郁 唔似係雪左好耐既味如果叫排餐可以加廿幾數加小食/飯/飲品/甜品我要左飯，沙津同薯條薯條都可以既 都叫做熱辣辣沙津就唔得啦 好大陣青草味不過係呢到食到甘既質素既排餐都叫唔錯不過美中不足係唔係鐵板上不過會再試既

一分錢 一分貨同一分錢 去花園更佳！今次沒有好西推介，直接來個總結:服務: 店員店長三五成群，大聲講細聲笑，把餐廳都成了是遊樂場，令用膳感覺甚差！食品: 分別點了兩款78元的肉眼扒及108元的西冷扒餐。所謂餐，其實不包飲料配菜，若想要粉飯沙拉飲料，就要另加29元，可選三款。聽起來很吸引，好戲在後頭。兩款29元的小食點了兩個扒餐並另加6款小食(當中2款是飲料)。4款小食用4小碟送上，賣相非常不堪，若用心一點，把這些小食作扒餐配菜不是更佳？比這樣單調的要好很多吧！肉眼扒配黑椒汁食物賣相不過不失，有半塊已燒過的菠蘿及少許粟米伴碟。一般若不是高級或較用心的餐廳，牛扒我都會點五成熟。因為留返兩成給廚師失手，以防點了七成變Welldone! 果然一切開是七成熟牛扒 牛扒牛香味欠奉，靠黑椒汁提味，算是可以。牛扒切開有點煙韌難以咀嚼。西冷扒配蒜蓉汁地獄廚神曾經説過，不能吃的配菜就不要放在碟上。西冷加上幾條香草伴碟，啡中帶一點綠，最終那點綠都是被撥開一二邊。西冷完全沒驚喜，牛淡而無味，蒜汁有點酸味，整體很一般。總結，沒有喜 只有驚一分錢 一分貨

服務態度勁差 食物更加差 又唔係平過人 假日午餐走左入去 伏到一個點 叫左塊百令蚊牛排 我同佢講叫左5成熟 黎到比左一半筋位 一邊有7-8成熟 另一邊3成熟左右 咬都咬唔到 食橡筋冇分別 好多筋位食都食唔到 而塊野用左好多粉腌過 而我女朋友個塊更加垃圾 叫5成佢比左塊全熟咁制 同阿婆皮膚無分別 另外係d小食算係正常少少 服務不再說 佢叫落單好似我殺左佢全家咁 黑口黑面 仲要間野比起其他食店唔多人 唔想做咪唔好做 以後唔會再去呢間垃圾 同搶錢無分別

星期日度度都人多，見呢間唔洗等位，同埋見到有扒食都唔貴就入左去試下一坐低落單，女侍應一副好似我殺左佢全家既口面黎招呼我地，我地分別叫左份78蚊既紐西蘭西冷扒同108既美國安格斯西冷再加29蚊加左少少小食，份紐西蘭扒一到，我叫左5成，但基本已差不多到全熟，見佢係薄身牛扒我都算，無彈返去，食落就係鞋😕之後男友既Angus都到左，睇落係厚好多一食落去，落左鬆肉粉既，係滑嫩啲但。。。我唔係想食茶記扒呀佢同我係茶記食份扒餐既感覺一樣但係係貴啲既茶記 問有無salt and pepper,佢話無對於佢間餐廳咁多扒既廣告但連食扒basic既salt and pepper 都無，我感到十分費解之後都明白既係，咁既質素用salt and pepper 都唔全食到啲咩好味成個lunch我除左覺得加既小食係正常啲之外(+29可揀3款，我揀左飯，菠菜同薯角)其他，我真係淨係可以講佢毀左我假期既美好心情其實以佢既質素同服務我最多可以將佢定位係一間扮唔係茶記既茶記，仲要係扮高級既茶記是次無影相，快食快走亦唔覺得有咩值得我影

大佬，比少少應有既熱誠丫仲乜倒老細米呢態度差 食物又差食個lunch 每樣野等20分鈡法國菜呀？做錯野，唔好意思都無句 淨係識笑我第一次唔滿意到要寫衰一間野只係想呢間野個老板見到炒哂呢班廢人

呢個年代餐飲業鬥平已經行唔通，仲要食物好食同有好既服務態度先得，但將軍澳呢間叫麻布茶房嘅「嘢」，要平又唔係平(4大1B要6舊幾)，要服務冇服務(叫水唔俾水，叫補單話轉個頭，但轉個頭冇咗影)，要16安士牛扒冇16安士牛扒，咁咪轉8安士，但8安士2塊都係筋位，唔好講話咬，切都切唔入，點食丫大佬？平安夜趕收工人之常情，但都唔洗吹人走下麻？你唔明講客人都會明啦，暗示下咪得囉(例如早啲講明幾時截單，而唔係一早隊個雪糕埋黎囉)，下次唔洗預我，應該係冇下次先啱。

今晚Popcorn搵食，度度都甘多人，突然見到popfood 個牌落左去，求其入左呢間餐廳，叫左set日式魚餐同雜扒餐，倆個餐都難食到頂點，魚孫淑既，連基本飯都有生米，救命！個雜扒，牛煎到乾到好似牛肉乾，雞排薄到張紙甘，豬扒正常少少，加$29蚊既薯角難食到M記既薯角都好食過佢十倍，個意粉攞過黎，真係嚇親，少到得2啖。。。呢間野真系垃圾級別。。。送既甜品又奇怪，三樣野，粟米湯(鹹既，點解會當係甜品？)+雪糕+紅豆糯米糍，得個雪糕正常...最後全部都系食一半。。。好似無食到野甘。。仲要埋單$270...真係M記都好過佢。。。

班員工浄係喺度玩，我仲見到有個員工玩到唔小心整到個客人。🤭啲所謂經理一啲就隻眼開隻眼閉，一係就鬧交咁聲唔知嘈乜。😕三文魚定食遲遲未上都算，舊三文魚可以整到成舊磚咁就真係嘖嘖稱奇。😨啲配菜又可以整到全冇味度。真好嘢🤔什扒餐件牛叫七成熟，嚟到外熟內三成熟。😩最後杯凍檸茶先至勁！居然有條完整無缺嘅曱甴腳😡好彩未飲啫！見到隔離枱有位女士剛剛飲晒杯凍檸茶，真係睇見都🤮希望佢身體健康。呢間嘢真係免費都唔好嚟！

早兩天去食午餐，還有哈根大師雪糕送，超抵！食品不過不失，會帶朋友去！食左個拉麵同滑蛋豬扒還不錯，有飲品同雪糕，超滿足返公司，都算有服務，每個侍應都有笑容同招呼，唔似其他冇服務食店西口西面！

從來都無諗過要寫食評，不過今次真係好激氣。20/12/2018 lunch 時間去幫襯，order左兩個餐；其中一份餐既甜品係軟雪糕，係落單前已問甜品可否後上，當時那位侍應話所有甜品都係叫起才會上。係落單後不久另一位齊蔭短髮侍應就拎左杯軟雪糕放低，我同佢講餐都未到，佢態度極惡劣咁話「洗唔洗咁緊張呀。」我聽完佢依句說話就超嬲（1）首先係你同事話甜品係一定叫起先上的。（之後知落單果個侍應原來係經理）（2）我餐到未到你放個甜品比我，重可以咁既態度。食物質素已經越來越差，依家連基本服務態度都無，一定唔會再幫襯

今日同朋友去咗將軍澳食飯由於我哋想搵一間價錢平平哋嘅鋪頭但係我哋又諗唔到食咩好客行吓見到樓上有個food平台上咗去睇下見到佢個餐單又有牛扒又有飯又有火鍋感覺好似乜都有唔使諗於是就走左入去食啦 我哋分別叫咗一個牛扒餐同埋一個火鍋set 牛扒餐嘅價錢就係$138 我哋加咗29配多咗三款小食 分別係沙律白飯同薯角 原本每一款散叫要$12 牛扒嚟到都算幾大塊 呢個價錢來講係正常價正常份量 晚餐來講比起outback其他西餐廳抵食 另外我哋叫咗個火鍋 $83有一個火鍋同埋綠茶雪糕 呢個價錢同吉邊差唔多 但火鍋嘅材料比吉野家少但俾佢個綠茶雪糕吸引左所以最尾都係有叫總括來講如果大家晚餐諗唔到食咩又想食個正常價錢唔會太頹嘅話可以選擇嚟呢度食 但呢度嘅服務員比較趕 我哋一食完就叫我哋買單 呢方面可以改善下

本身都無諗住寫食評, 不過見openrice咁多人好評 唔太合理 真係要評論下見放假同媽媽落街食lunch, 開舖咁耐都未食過 就去試下因為真係無諗過寫食評, 相都無影.我地order左咖哩牛肉蛋包飯 + 生姜燒雞肉定食其實食物質素尚可, 都叫足料又大大份，只係蛋包飯嘅蛋 d油多到出流出黎，以屋企樓下餐廳的質素黎講可以接受(當然性價比真係麻麻)而重點要comment就係職員服務態度。我地去到果陣餐廳唔算多人, 唔洗等位之餘都有約一半吉位。我地踏入餐廳的一刻, 講2位, 職員木無表情又無講野就咁令轉身拎餐牌走入餐廳. 其實真係唔知佢係聽唔到 定帶緊位食完之後想搵個人講可以上甜品, 完全地表現出咩叫 unattentive staff. 明明望住我地方向, 舉手揮手都見唔到走過左. 當你有野做緊無留意。到一刻有經過ge人, 同佢講可以上甜品, 又係無舉手無表情無示意, 唔知佢聽唔聽到, 咁媽媽就襯佢啱啱經過身後, 令轉頭話上甜品, 職員立即方向面講, 得喇。惟一一張相, 其實甜品都standard. 係surprise在雪糕下面原來係蕃薯蓉食物其實算過得去同多野揀, 不過咁嘅staff,

2018.11.12 MON 19:10 - 20:10呢間野一定冇下次，愈諗愈嬲!你明唔明1 佢係我地未食完，問都唔問，見我地停手就收走d野，我只不過係袋到搵緊野，我要同佢講未食完佢先比返我，我朋友都係受此對待，佢碟到仲有野，even 佢真係唔食，係無示意職員收走既情況下，禮貌上職員係咪都要問下我地，或者比個手勢我地，而唔係直接拎呢? 其實呢間野有收加一。2 食火鍋唔開冷氣，傻的嗎，熱到呢，我見D材料熟哂已經熄左火，但都好熱，食完雪糕都仲熱緊。3 我正餐未食完，上🍨比我，會溶架大佬，逼我放棄正餐，我知你限時60mins 但仲有十幾分鐘都未夠鐘，使唔使咁牙，出面都無人。4 職員黑口黑臉，我做足禮貌唔該佢，佢吱一聲都冇。5 仲好意思收多我錢 xxxxxx，之後計返先發現，呢間野比多一蚊都會嬲，唔好講笑。我地坐門口位，佢安排咗卡位比我地，座位好寬落，空間充足，坐得舒服，但成個feel好殘舊，唔知係咪受燈光較暗既影響，加上好似無開冷氣咁，真係唔多掂。普通，湯底幾有牛味，偏咸，食完會口渴。為甜品而去，正正常常，底下既蕃薯暖暖地，配埋凍雪糕，其實唔錯。總括而言，成個用餐體驗太差，職員態度一般，環