麺屋武蔵 (已結業)

與同事行開呢邊工作，早餐都未吔，又肚仔餓，行過呢檔拉麵店，唔諗，入去醫肚先～店內環境偏暗，唔理落order先～天口興恰恰，與同事都要了一份沾沾麵，兩份小食，凍飲當然唔少得啦～成餐都還可以啦～可以再試嘅～

夜晚拍拖去食二人餐，兩碗麵，兩個小食，兩杯野飲，大約$250。主食拉麵叫左豚肉同牛肉，黑蒜汁。黑蒜汁都幾香，但未至於好好味道。（以前食過，覺得呢間既沾麵好味d。）D麵都幾彈牙，溫泉蛋好味！鹹淡掌握得唔錯。小食方面，叫左三文魚凱撒沙律同番薯香芋餅，沙律就麻麻地，普普通通啦，都唔系特別好味。但係番薯餅同香芋餅就好好味！炸得夠脆，入面夠熱，同埋番薯同香芋既香味好濃厚，甜度都把握得好好，唔會好似有d餐廳過分甜/淡，配合拉麵食幾特別。特飲系芒果同蜜桃。特飲係唔錯既，有新鮮水果既感覺，不過兩個都太甜，建議大家去既時候同佢講少甜少冰。二人套餐來講，分量唔系話小食方面，叫左三文魚凱撒沙律同番薯香芋餅，沙律就麻麻地，普普通通啦，都唔系特別好味。但係番薯餅同香芋餅就好好味！炸得夠脆，入面夠熱，同埋番薯同香芋既香味好濃厚，甜度都把握得好好，唔會好似有d餐廳過分甜/淡，配合拉麵食幾特別。特飲系芒果同蜜桃。特飲係唔錯既，有新鮮水果既感覺，不過兩個都太甜，建議大家去既時候同佢講少甜少冰。主食拉麵叫左豚肉同牛肉，黑蒜汁。黑蒜汁都幾香，但未至於好好味道。（以前食過，覺得呢間既沾麵好味d。）D麵都幾彈牙，溫泉蛋好味！鹹

記得黃埔依個位置多數都係拉麵店，我太耐冇黎，原來已經變左麵屋武藏，之前聽過都幾好食，所以都想試下。我地叫左兩碗唔同湯底但係都係豚角煮，麵好小，隻蛋好味，本身我地都喜歡食肥豬肉，所以唔覺得豚角煮好肥，仲好淋入口即溶！白武骨豚角煮$75。湯底一般 赤武骨豚角煮$75。湯底比較油辛胡麻蓮藕$32，真係幾辣，不過蓮藕唔太好味最後有個男爵年糕，係信用咭優惠，食滿$180用指定信用咭就免費送一客。年糕炸得好油，又冇味，最怪仲要配沙律醬

又系時候去搵好野食，因為晚上到紅磡睇戲，決定去武蔵試一試。是因為太期待先至會出現失望既情況？唔知道，但Miss F確實不太滿意是次的黑蒜湯底。入到餐廳內，環境的而且確系好唔錯，還有日本人在用膳，服務也十分滿意。－餐廳內的環境，不過不失吧！極上沙律－好清新，酸酸甜甜十分開胃，而且賣相極好以及多種不同色彩，味道更是一流好推介的一款沙律黑武骨湯底其實系黑蒜油，湯底要做到油而不膩，師傅需要花上好多的功夫。黑武骨豚肉拉麵＋黑武骨叉燒拉麵－溫泉蛋：正，Miss F完完全全被綿綿而又香滑的蛋心征服拉麵：軟硬適中，有口感之餘又很爽明顯是次的湯底令我感到有點兒麻夫，沒有心機可言！激辛手羽－雞翼全開半，感覺十分不抵食，但勝在每隻都是剛熟雞肉夠滑身，而且好爽脆凍抹茶－驚喜中的驚喜，抹茶的清新口感將剛才的不快一抹而空，為這餐晚飯畫上完美的句號- Miss F

是新相識的朋友相邀到這兒來。我們點的是「白武骨拉麵」, 誰知麵一到, 不對勁! 麵湯紅彤彤的, 不吃得辣的朋友即時噴火! 小人則覺得湯油味淡, 辣油應有的香味全然欠奉, 自問吃過不少拉麵, 但對於湯面浮著的那一層油, 實在有點抗拒; 莫說那片半肥瘦豬肉, 小人吃完這個麵也有點難度。朋友說不想浪費食材, 極度勉為其難吃完, 辛苦他了! 埋單時小人特意一看, 果然落的是赤武骨拉麵$78, 難怪那麼辣! 餐廳的拉麵不算差, 如果在服務方面不多加留意, 亦無補於事。

星期日, 6:00pm, 人流唔多, 有幾枱客, 店員也得1-2個, 好悠閒. 店員都會主動黎加茶.友人叫左黑武骨拉麵. 我就叫左白武骨沾汁麵.友人覺得分量太少, 唔夠飽. 而女仔黎計就夠飽了. - 白武骨沾汁麵 :由於係沾汁黎食, 所以個湯會咸d, 濃d. 而麵身較粗, 可以沾味道重既湯汁食, 味道會平衡到.不過呢款麵沾汁黎食, 又唔算沾上好多湯汁, 所以食落味道不夠濃. 配料既叉燒係瘦肉, 有肉味, 比較清淡. 糖心蛋半隻, 味道好.總括, 味道清淡, 簡單既日式麵食. 反而佢地既湯拉麵更好.

同屋企人食lunch落左黎食拉麵叫左個白武骨同沾汁麵白武骨豚軟骨, 個湯底幾濃郁, 麵幾彈牙, 舊豬軟骨好淋, 整得好好食沾汁麵, 叉燒淋同有肉味, 個麵OK, 湯就鹹左少少overall黎講都算唔錯, 下次會黎試下其他麵

好耐無食拉麵，睇完戲見到就去食！成碗麵，好油，我同老婆都覺得好油，兩碗湯嘅油也成cm厚，入口過份油膩，食唔到其他味！未試過食拉麵係會咁油，湯底亦都沒有味道！而且份量較少，叉燒只有一塊薄薄一片！

赤武骨，味濃少少辣，豚角好厚身好大，但反而無咁好，有D硬唔太入味，面身OK，整體味道都幾好。白武骨，朋友話都幾好，但豚肉片很肥。煎餃子中規中矩，唔錯架。炸雞略嫌太濟，雞肉份量很少，皮較厚。

今晚與友人經過黄埔發現麺屋武蔵，竟然異口同聲話入去試吓，因為我們曾經在日本一嘗此店。我們點選白武骨叉燒拉麵、黑武骨豚角拉麵、燒比目魚、牛肉卷年糕。10分鐘後先來燒比目魚非常嫩滑、牛肉卷年糕燒得恰到好處，最怕食牛肉乾白武骨叉燒拉麵湯底清甜，麵質煙韌，軟硬適中黑武骨豚角拉麵一放低香氣四溢，豚角夠入味本來第一次嘗試此店期望不大，但味道竟然與日本店舖相差不大，出乎意料可能整晚暢談惜日，日本之旅加上美味食物，好似嘗到記憶中的味道滿足既一餐

Heard this was famed to be one of the more outstanding ramen stores in Japan, therefore chose to have an early dinner when passing by. The service started off as normal, then became downright non-existent as more clients were seated, despite it was far from fully occupied. It was pretty tiring when one had to beckon for the bill by raising a hand in mid-air and hold the posture for 5 minutes.The soup base was too salty for my taste, though perhaps some would find it just right. The texture of th

開店時吃過一次，記憶中不好吃。近日見尖沙咀分店經常大排長龍，好奇之下再次光顧。兩個人，點了一碗湯麵及沾麵。兩碗湯嘅油也成cm厚，入口過份油膩，麵及肉的份量也比起香港其他拉麵店少。寧願過aeon 888,  起碼喝得出那碗不是油，是豬骨湯。我也想黃埔多幾間拉麵店能選擇。希望能改善，否則做唔長。

一個人，星期六，中午12點，在黃埔想找地方求其食D野，想起附近的麵屋武藏。於是就去了。其實之前喺東京都想過去麵屋武藏試試，不過去到下午“準備中“未開，所以冇試到。試唔倒日本的，試下香港的都好。入到裏面，不是太多人，只有6個人左右，所以不用等位。環境一般、還可以。點了“白武骨叉燒拉麵“，5分鐘左右就有得食。我覺得好好食， 豬骨湯夠濃味，D麵都Ok，不過D叉燒就普通D。下次有機會再試赤武骨同黑武骨湯。 P.s. 真係唔明，佢度自動門係咪壞左？不停咁又開又關。真係好煩。又走鬼曬D冷氣。

是日, 我同老公係嘉禾黃埔戲院睇戲, 見時間尚早又好肚餓就係附近睇下有咩好食.老公話想食日本野, 見到有間麵屋武蔵同板長, 我地見好耐都未食過拉麵,所以我地就決定係麵屋武蔵食個日式拉麵之後先入戲院.門口都有人排隊但唔算多人, 等左約5分鐘就有位.我地叫左2個麵: 牛拉麵$75, 叉燒黑武骨$72, 另外叫麵可以半價$6叫汽水.另外叫左3個小食: 春雨沙律$38, 激辛手羽$32, 武蔵煎餃子$35.食到飽飽, 埋單共$264加一$290.4~整體評語: 價錢唔算貴, 食物質素上佳, 值得介紹比鐘意食日式拉麵既朋友們.基本上人均消費都係$100-150左右.老公話佢個牛拉麵好好食, D肉質幾嫩滑, 粒溏心蛋好香好入味,湯底都好濃郁, 只係個湯麵唔夠熱.而我就叫左呢個叉燒黑武骨, 賣相唔錯, 塊叉燒都幾大塊, 肉質幾嫩滑,溏心蛋都好香好味, 湯底都有好濃郁既黑蒜味, 麵就軟硬適中,同老公一樣覺得碗麵唔夠熱. 其他都覺得唔錯的.呢個沙律都唔錯, 配埋個酸辣汁撈起咁食, 份量都幾多.呢個炸雞翼炸得好香脆又唔覺有少少辣, 如果想辣D可以再加少少七味粉.呢個煎餃子都唔錯, 煎得岩岩好又唔會覺得好油

之前係APM成日見到麵屋武蔵好多人排隊, 想試都未有機會.咁岩星期日入左黄埔, 原來呢到都有間麵屋武蔵, 可能岩岩過左Lunch時間,見門口無人等位, 所以就決定入去食個拉麵都夠飽肚.一入門口見店內都好多人, 心諗可能要拎飛等位,侍應問我是否一個人, 介唔介意坐吧檯位置, 我當然無問題啦.坐好之後, 侍應就問我要水定要茶, 之後就拎埋餐牌同茶黎.睇左一陣都唔知食邊款拉麵, 侍應就介紹新出既牛拉麵,或者可以選擇黑/白/赤, 配豚肉/叉燒/豚角(五花腩), 另外仲有其他特別小食.我再睇多一陣, 之後就決定試下個黑武骨叉燒先, 唔夠再叫小食.呢個黑武骨係黑蒜湯底, 加上一大塊紫菜同一大堆葱絲,叉燒厚切同半隻糖心蛋, 賣相不錯.叉燒都幾大塊又偏瘦而且肉質都幾滑唔會太韌, 真係唔錯,而糖心蛋好入味, 不過得半粒唔夠, 成粒糖心蛋會更加好.個麵唔硬唔軟都幾爽口, 湯底好香濃, 成個拉麵都唔錯,唔怪得成日都見咁多人係麵屋武蔵排隊等食拉麵啦.原本想點個沙律小食. 不過食完碗拉麵都好飽了.都係等下次同朋友黎食先再試埋小食.