麺屋武蔵 (已結業)

假日lunch time見呢間舖幾多人 門面ok 入去試碗麵 叫了個白豚角煮 樣都唔錯 不過細細碗75蚊好貴吓 上菜啦 聞到有味 不過唔係豬骨湯應有香味  好難形容 只能說不是陣味絕對唔香摸吓個碗 熱到飛起 個侍應都叫睇熱 但飲吓湯又唔lat嘴  可能擺過落微波爐hing塊豬 (講明先 純綷個人判斷)提返正經嘢先 講吓好唔好食湯底: 毫無豬骨味  鹹度還可以 最神奇的是勁多京蔥但無半點蔥香味  都唔落埋做mud 另外個湯好味精 食完high high哋 麵: 比一般拉麵粗 麵質唔錯 幾爽口   可惜係咁嘅湯底浪費曬豬軟骨: 不算太差 燜耐啲會較好👌另外叫了杯凍latte 味都麻麻 得個甜字  服務方面都唔好  啲侍應嗰樣lau爆爆 又冇人加茶  Overall 佢啲巧唔掂嘅湯底整衰左成碗麪 加埋差勁嘅service同價錢 一定唔再幫襯  

岩岩新開，成日見到好多人排隊，唯有中午早少，十二點食時已經滿座，好彩仲有張枱比我地兩丁友唔係好多食物選擇，叫左個脆蕃薯，佢配蜜糖食，外面仲灑左d 砂糖，味道幾好，不過就唔脆囉另外叫左佢熱賣的豬軟骨拉面，湯濃，豬軟骨都好林好入味，d 面都彈牙，好味不過唔算大碗，所以有d 食唔飽的感覺朋友叫左豬肉角拉面， 睇相以為有d 肥肉，但唔係， d 肉仲有d 難咬，唔夠豬軟骨好食整體ok, 係等左好耐都無人同我地添茶，可能人多serve 唔切啦

東港城新店開了一排，每天放工行過都好多人等位，無他o既因為座位不多，今晚心血來潮想食，看了餐牌後發覺選擇不太多，所以很快有了決定，白武豚角，第一啖先品嚐湯低，好大陣木魚味，多過豬骨湯底的味道，再試麵質質地柔軟唔錯，溫泉蛋方面尺寸比較細和熟了少少，最後肉塊方面，肥肉與瘦肉比例各一半，所以很好味😁

由佢裝修開始就一直期待，終於唔洗再特登出apm食喇!上星期五出門口番工見到佢拆哂板，就決定即晚拉埋老公去食~ 第一日開張，都預左多人，等左30分鐘終於有位!!我嗌左個黑武骨豚肉片拉麵~拉麵既麵質夠煙韌…湯底味道亦都好濃郁*同Apm個間一樣咁有水準!!另外我地嗌左2個小食，明太子青椒~上面鋪滿木魚。。一撥開。。係3串釀滿明太子既青椒仔~好好味!呢款好似叫激辛乜羽。。?係辣既炸單骨雞翼~唔算好辣，炸到卜卜脆又夠熱。。另外我地每人嗌左罐汽水$6罐，埋單都係二百零蚊....唔算太貴~下次泥再試下其他小食先!