麵麵店 (已結業)

知道開左間新既車仔面店，就同老婆專登過來試下，結果兩個字，“中伏”😩坐低後就用佢個二維碼落單，之後個侍應過來問我用乜嘢方式俾錢，我話支付寶，侍應本來叫我坐定定就得，佢會拎部機過來比我du下付款，但等左陣我問佢得未，又等左陣另外個侍應先話部機壞左，然後才叫我出去俾，出到去又再問我用什麼方式俾錢，點解問完再問再再問呢？！點左兩碗碗冬菇、雞翼尖、魚片頭+香菇素湯+熱豆漿豬紅、豬皮、豬腸+香菇素湯+咖喱汁+可樂結論豆漿熱到入唔到口可樂罐肥淋淋有油跡雞翼尖咸咗少少豬皮好硬完全唔夠淋份量太少，連老婆食完一碗都唔夠飽完全中伏，唔會再去食第二次

早兩日見有新店開，仲見到小儀來撐場，人流都多，所謂「新屎坑，三日香」！終於今晚可以來試試，但想不到是極之失望而回 ，可以說是我食過最難食的車仔麵…叫了碗粗麵，但煮得麵太「林」，湯又淡而冇味， 車仔餸算貴但大部份質素差，好難食，尤其春卷、墨魚卷同酸齋好差！而佢哋啲服務又差，QR code落單已經麻煩因這店位置接收差，碗麵來到後卻發現貨不對版，原來係冇你落單嗰款餸時佢會畀其他餸你，其實冇唔緊要，是但畀啲其他餸但又唔同你講返就唔得喇！而佢面口仲好木有冇講對唔住又冇話唔好意思。而且還再發現仲有漏餸添，攪到要逐樣餸數數有冇漏！食物差已經衰，仲要服務都咁差，真係好好好好失望！以後都唔再食！！！

試業期間有8折，去完隔離銀行出到嚟近近地食碗麵。貪新鮮，新開業、手機落單。 如果唔熟悉手機運作就要勞煩店員幫忙喇。首先搵個位，嘟QR，落單、付款，等上餐。雖然搵到位落單方便， 下午5點好多配料都係售罄， 希望日後正式營業配料齊備。今次食車仔麵好特別都幾新穎， 有酸齋選擇，我揀咗薑酒湯底。米粉底，豬腸、炸魚皮、咖哩魷魚、牛栢葉。車仔麵餸總括而言好味道， 我叫咗炸魚皮 識得分開上唔會浸淋，讚!辣辣地嘅菜圃分開上純豆漿只需要加$6， 用上470ml杯，抵飲之選。同集團轉型，食物出品好重要，會再次光顧。

5月27日試業，經過試下...就中伏!首先，要使用wechat於桌面二維碼下單，但只能下單不能用wechat直接付款，要打開付款碼等員工來「嘟」，失敗。由食物到湯底無一可取，咖喱魷魚原來真係兩樣嘢嚟，死辣味咖喱油係咖喱油，魷魚係魷魚完全無味的魷魚。雞翼肉身過淋但又唔入味，魚肉春卷似佳寶貨色，仲無喱頭煎硬個皮口感極差。清湯=熱水+雞粉，仲自信到枱面無任何調味料只得辣椒油，麵到的時候有跟少量菜甫，但成碗麵一粒蔥花都無。最後說說價錢，食咗一碗無味3餸麵連可樂，原價$55但試業期間(到31/5)有八折，俾咗$44。老實講就算長期有八折的價錢，都不能吸引我去食碗無味道的麵，當收正常價後更加唔會去，因為無論價錢及食物質素已無令人想再去食的意欲😥唯一可取是員工有禮貌，但不足夠令人想再去食...失望😵