影片
以上资料只供参考，请与餐厅确认详情
今日嚟咗湾仔附近工作 见一个人嚟食饭就谂住揾间面舖静静地食完就返去做嘢啦😗 其实我都行过好多间餐厅 但系中午时分接近1点真系好难等位 咁啱呢间铺嘅店员出嚟同我打招呼话入面有位 咁就入咗去快快趣食个面就走啦😂店舖嘅食物主要有分手作面或者饺子🥟 我就觉得面类会饱啲 所以就叫咗个面语经典手作面 主要有三样嘢可以拣🥰 可以拣面条款式 汤底 汤底嘅辣度 更重要嘅系可以拣上面系咩𩠌啦😎特选肥牛手作面我就拣咗阔条面 黑胡椒猪骨汤 中辣 一上枱就俾佢肥牛嘅份量吓亲 肥牛嘅份量好多🐮 阔条面咬落口口感好好 好似喺台湾食阔条面咁 而汤底嘅黑胡椒味都有嘅 不过饮落口唔系好确喉果种 只有淡淡嘅黑胡椒味😋 食食吓先发现原来有个比较简单嘅Menu 就系面语经典手作面餐 主要系睇你嗌咩𩠌而定嘅价钱 不过要拣返以上三样汤底呀 面类呀 𠮶啲都系睇返复杂𠮶版会好啲😺 整体来讲我觉得呢个面嘅质素都几好 至少有特色过啲乜乜云南米线咁样啦🙈
继续阅读
今日放午饭本身谂住去食个海南鸡, 点知比我见到海南鸡隔离开左间手工面档@@中意试新野既我立即去试试！🏃🏾♂️🏃🏾♂️外卖左一碗胡辣黑椒蜂巢豆腐手作$37(其中$2系外卖盒)P.S. 佢系有得选择面嘅款式, 汤底口味亦都有五个选择, 而辣度都有得拣返到公司食仲系热辣辣！胡辣香味扑鼻, 对我黎讲小辣已经好够，所以我觉得自己冇叫错！手工面十分之弹牙, 蜂巢豆腐有成八粒绝对冇揸流摊👍🏾👍🏾如果面份量可以再多的就好喇😅
继续阅读
今日去咗面语度食饭终于嚟到实习嘅最后一日，谂住食餐好啲嘅，原本谂住食斜对面嘅车仔面，但系觉得一桌嚟到就冇晒啲咁颓嘅嘢啦。呢条巷仔有好多食店，我哋千拣万拣之后终于拣咗呢一间标榜手工面嘅舖头，不过地方细细位置真系唔多，我哋都等一阵先有位置坐我嗌左一个手撕鸡冷面，佢嘅面可以拣天使面或者系阔面，卖相都唔错，麻将味都好香好好食😋，不过我嫌佢杯柠檬茶虽然少甜左都好鬼死甜。只要我朋友嗌咗帮我切羊肉手作面同埋牛肉手作面，佢哋都话啲肉好好食好滑好爽甜，汤底酸辣汤都好香够晒辣🥰好开心今次拣啱咗舖头
继续阅读
午餐时间被我遇上呢间新开面店，店内细少，只有5-6张2人枱左右啦。此店主打新鲜小麦原作面，店员介绍餐牌上有4款面条、6款汤底和11款𩠌可选，也提供捞面、手工饼、饺子和小食。鲜滑牛肉清汤阔条手作面 (HK$48)．每一条阔面条都份量十足，但好有烟韧弹牙嘅口感😋，不过面阔比较难夹起😅．多片薄片牛肉，煮得刚好．清汤其实系猪骨汤底，养生又清甜．汤里也有些生菜、芽菜、舞菇*热杏霜 (单点HK$12/跟面+HK$6)
继续阅读