影片
听朋友介绍呢度好食，仲系结业日，唔食唔知几时有得再食！哗，嗱嗱声掹衫尾去！去到发现招呼人嘅系个几靓仔嘅后生仔，厨师系个美少女！？得唔得架～系得嘅！卖相一流！碗中每样食物都有刻意安排同摆位，做车仔面都有摆盘心思，系对食物本身同食客嘅尊重。车仔面嘅灵魂～沙爹酱，系我食过嘅车仔面当中最适当最完美嘅味道！唔太咸，非常香，令全碗面味道提升！牛腩味道香浓有咬口，唔系平时出面啲头尾牛碎！一件件整整齐齐！扇形摆放嘅牛舌，软糯有致，越咬越有味道！糖心蛋，必须一次过全只放入囗享受！其他食物，冬菇、猪大肠、腐竹水准皆在期望之上！每一口都足以闭眼享受，每一碗面都有坚持有态度。多谢。
继续阅读
近年荃湾多数都系食米缐，食到都好厌，已经好少车仔面系好食，这家车仔面好食又干净，个上素腐皮卷真系好味，同埋个惊喜卤蛋一定要试，又几惊喜，系唐心蛋，非常好食，卤水鸡翼咖哩鱼蛋亦真心不错，👍🏻👍🏻👍🏻而且菜式选择都几多，D食材亦算新鲜，汤底D汁亦几够味，真心介绍，试过连续两天去食都冇食隔夜嘢嘅味道，所以真系要介绍下，希望支持下哩D好味嘅小店，等D街坊多D选择多D嘢食，支持本地原创车仔面👍🏻👍🏻
继续阅读
在荃湾揾食，突然想食车仔面，万水千山，又唔想行太远，就试了这间，其实都走了8分钟路。入到去，地方干净，可能人少，所以好舒适，桌子虽然小，但都可以，见到隔离桌食物个样靓靓的，看来不错。约下午1:30到，竟然食客唔多，未知原因，也许是贵？份量？定食物质素？叫了4送1面，面是幼面，确实比一般车仔面不是好咸，叫了鱼蛋，猪大肠，鸡翼，牛肚，送中规中矩，面唔够爽口，稍硬， 原本没念著写食评，所以没影相。应该唔会再去！
继续阅读
行经过见到车仔面，呢间未食过就入去试下遇著下午餐时间送一杯豆浆，不太甜，岩我！叫左三𩠌幼面有皇冠系推介，即管试下。呢三个𩠌都几好食😋但系面就唔够淋，有d硬。汤底唔够浓，无咩味，要再改善呀😢
继续阅读
第三次黎食野 质素keep到 够大碗 食完唔口渴👍🏻👍🏻咖哩鱼蛋 我次次都叫 正👍🏻今次仲试左卤水蛋 绝对系诚意之作😳 无谂过佢系流心蛋 好食🤤米粉 米线唔会煮到一pat pat 爽口🤤服务态度都好好好好😂
继续阅读