麵屋豚豚拍子 (已結業)

黄昏四点入到舖头一个食客也没有，见员工们各自各呆坐叹手机，我地自己招呼自己坐低睇餐牌。晏昼只有定食及拉面供应，上网睇还以为类似大埔一鸣拉面居食屋，到访后原来真身为大妈茶记车仔面，国产山寨日本居酒屋。眼测厨房由大妈全权主理，楼面则由另一大妈招呼。自家制饺子⭐️⭐️⭐️⭐️⭐️塞满肉肥美结实胀卜卜不空荡荡，饺子质素极高拍烂手掌好好味，大妈整饺子系有一手无可挑剔！赤豚拉面⭐️⭐️没有辣度给选择，先来一口吧！辣度浓厚属中辣水平，两块松化日式叉烧衬托，有葱花、竹笋、木耳点缀。大妈版日式拉面唔难食，即食拉面质地滑嘟嘟微弹牙，汤底散化明显即食汤粉味道。黑豚拉面⭐️⭐️还以为会系全黑汤的黑蒜油汤，非常失望！再次遇上猪骨浓汤加几笃黑蒜油，发现有蒜皮在其中，真系黑蒜肴成的㖞。面质、伴菜完全跟赤豚一模一样，只是汤底不同。香甜猪骨汤有著蒜香，蛮满意的，难怪仍有不少食客支持。烧肉饭⭐️半生熟爽脆洋葱丝，不够腍而且未炒到焦糖化。韧韧的豚肉片带猪甜味，没半点镬气，微温阴沉没灵魂。白饭湿烂浆嘴，完全系微波炉翻叮出来的，洒下大量七味粉入口好味许多。只碗崩就不要比客用，我极度讨厌用烂碗烂碟烂杯的！。…查看更多

已经好多年无食日式拉面食到咁想拍枱。好多餐晏昼都喺厚福街揾食。心血来潮想转下口味，就行入后巷，发现呢间门面都装修得几企理嘅日式拉面店。我点午市套餐，加八蚊嘅虾汤拉面加烤鸡软骨。一入门口，听店员讲嘢有普通话口音，老实讲会有些少戒心。但唔入都入咗，畀次机会咯。地方算寛敞，当时无乜客，我一人坐四人卡位。由于有疑虑在先，所以都留意下厨房阵势。师傅畀我感觉有啲懒懒闲，单手拎起碗面唔知同店员讲乜。最后见师傅亲自拎碗面出来畀客人。拎畀我𠮶时，佢单手沿边边慢慢跣落枱面，一声不发。成套动作怪怪地。一食就嬲，估唔到今时今日喺香港重会食到呢种明显扮日式呃钱嘅垃圾。汤系简单粗暴嘅味精汤，系面头加咗羹虾米同疑似虾油先无咁肉酸。面就似超级市场买返来嘅货色渌一渌。好慷慨咁跟咗一块叉烧，切得唔厚唔薄，唔觉有特别调味，胜在有咬口啲咯。居中放咗几只熟虾，就系白烚嘅熟虾，真系开咗我食日式拉面嘅眼界。勉为其难咁食完。通常食拉面我会饮晒碗汤，有饱腹感。今次捞少少虾米就算，食完个嘴同个胃都不得满足。之后上嘅烤鸡软骨就不过不失。串烧或其他小食似乎系由一位都系有普通话口音嘅大婶负责，同样系边个煮就边个上菜，所以系大婶递畀我。埋单重要加一，承惠 $85。通常食完好嘅日本菜，我都钟意静静地坐一阵叹下茶。今次食完只系成肚中咗伏嘅怨气，快快脆走，边埋单边打紧呢篇食评。我会形容呢碗面系侮辱紧香港人嘅味蕾。都咩年代喇，唔通重觉得香港人好蠢啲钱好好呃？咁今舖我无查清楚虚实就贪得意试咗，的确蠢咗一次嘅。喺附近咁多食肆嘅尖东，呢间山寨拉面完全无存在价值，快啲执唔该。见呢度赞好嘅帖咁多，真心疑惑当中有几多系做枚喇。讲开都几奇怪，既然有咁多工夫卖山寨面呃钱，点解唔好好地煮返家乡菜呢？或者索性锻炼返门手艺先开舖呢？…查看更多

🇭🇰🇯🇵 尖沙咀港式日本拉面 🍜午膳时分到一间外观极富日极风情的餐厅午餐。看到餐牌上有拉面及饭类套餐，便内进试试。🐷🍜 白豚拉面 $69 餐牌上写著特浓豚骨味，但呷了一口汤，不难喝但也不惊喜，面质也有点像超市买到的拉面类，面质较实，没有回弹的口感。叉烧有两薄片，口感一般，欠缺丰腴的肥美滋味。🐷🍳 吉列流心蛋猪肉饼小食选了吉列流心蛋猪肉饼，猪肉饼外层微脆，流心蛋有蛋汁流出，但免治猪肉层肉质过软，味道偏淡，亦有一点油腻。🔸小总结：虽然价格尚算实惠，但食物味道一般，以同等价格来说，会有更多更高质的选择。👅 味道：3/5💰CP值：4/5🕴🏻服务：4/5🔰餐厅环境：4.3/5👀回头率：3.5/5🍽 餐厅： 豚豚拍子🌐地址: 尖沙咀乐道7号嘉乐大厦地下A舖🐮 #cowing吃在尖沙咀 #香港美食#foodie #hkfoodie #hongkongfoodie #852food #852foodie #foodstagram #相机食先 #吃货 #食好西 #尖沙咀美食 #豚豚拍子…查看更多

喺一个比较隐秘既小巷🪵餐牌上款式都几多！但拉面味道真系。。。汤底真系…. 买日本拉面即食面仲好味好多nehhhh呢个真系搞唔掂🥴🥴🥴🔎茶香蒜豚肉拉面最钟意佢配料多（讲紧啲木耳、笋！）其他方面就真系很还好。汤底唔太似拉面会有既汤底。面就几有口感！🔎溏心蛋猪软骨拉面溏心蛋：不太合格猪软骨：okay配料：多！款式多、份量也多🥰拉面：不是太腍、会吸汤的𠮶种～口感几好！可以坐几耐下！不过想食拉面既话，完全唔会推荐呢间…查看更多

呢间面屋豚豚拍子拉面店，睇见装修布置都有D日本风味，谂住应该都唔差，点知一试个汤底就知唔得，似系一间港式茶餐厅😅。order左个二人餐 $208，好抵食咁。当中包括自选拉面或饭类 二个，再可以自选小食三款，一定会食得好饱😂。咁都有好多唔同既选择，不过好多都要加钱既。选择左白豚拉面同咖哩饭，个白豚汤好淡，同埋好似豚骨粉开既味道，唔似淆出嚟嘅猪骨汤，失望😶。咖哩饭都系好一般，都系似咖哩粉开出黎既咖哩🙄。至于小食， 质素就比拉面同咖哩好，炸鸡系粉浆厚咗啲，不过D鸡几幼嫩。饺子都ok，热辣辣。 鸡翼就有啲雪味，麻麻地。总括真系唔系好欣赏呢间D拉面，真系好一般，只可以话系价钱抵D，平平地一餐，想坐得舒服啲，先可以试下🙂。…查看更多