麵屋武蔵 武骨相傳 (朗豪坊)

营业中

休息中

1 out of 10Do NOT recommend.Ramen & pork tastes raw生臭いけどサービスも最低。日本料理なのに。Apparently they are not using the material worth of the price. I can tell from the first bite of the pork slice.Worst attitude I have ever seen.Will NOT go there again.

好耐冇食拉麵啦! 趁今日放工約左人係朗豪睇戲, 趁開場前空檔係FOODCOURT旁既麵屋武藏食個拉麵! 好彩早到6點零鐘唔洗排隊可以直入, 食下食下出面勁長龍呀!武骨相傳‧麵屋武藏主打日本傳統配方製作既秘製湯頭, 識食一定係食豚骨湯啦~二刀沾汁麵有豚角煮同埋招牌叉燒, 叉燒大大塊, 而豚角煮肥瘦相間入口軟熟, 皮位同脂肪位都好香! 鐘意重口味既我地揀左赤相傳同黑相傳沾汁, 湯底質感濃厚, 入口香濃豚骨味, 濃而不咸好好味! 朋友鐘意食辣所以揀左赤相傳, 辣味唔會蓋過豚骨香, 反而令湯頭更惹味, 正!特別一提依度既麵條選用有坑紋既麵, 令麵條掛汁度極高, 食起上黎真係啖啖都彈牙又香濃。田之最強 $48沙律菜爽脆, 配上軟滑牛油果同埋溫泉蛋, 幾好食又解膩。狼牙手羽 $48推介!雞翼外層係薯片碎, 香口程度100%! 而且細心做成單骨雞翼, 方便易食。飲品有標明日本直送既蘋果汁, 另外自家製既蜜桃培茶都好好飲, 蜜桃味香唔會過甜, 讚~

同朋友行街拉麵癮起，旺角咁多選擇又想舒服啲，朗豪坊又最就腳，就嚟咗試呢間呢度湯頭都係豚骨小魚乾，有湯拉麵同埋沾麵，白赤黑山本湯底，好簡單，有選擇困難症都唔使驚，我哋有兩個人，兩碗沾麵，一個黑一個雞白湯就啱啱好👏🏻仲order 兩款小食，一份五輪燒餅同埋一份唐揚魚仔，一日一杯嘢飲，簡簡單單傾吓計已經好滿足拉麵癮起，旺角咁多選擇又想舒服啲，朗豪坊又最就腳，就嚟咗試呢間呢度湯頭都係豚骨小魚乾，有湯拉麵同埋沾麵，白赤黑山本湯底，好簡單，有選擇困難症都唔使驚我哋有兩個人，兩碗沾麵，一個黑一個雞白湯就啱啱好👏🏻仲order 兩款小食，一份五輪燒餅同埋一份唐揚魚仔，一日一杯嘢飲，簡簡單單傾吓計已經好滿足

今日同老友久違嘅出一次街，本來想食啲好嘅，點知真係令我大大失望。一開始見到呢間外觀裝修都唔錯，環境衛生都ok，咁就入去食啦！我同老友嗌咗兩個厚切叉燒蛋飯，一個叉燒沾汁麵。賣相睇落去唔錯，但飯太濕，叉燒一啲質素都冇，連臘味叉燒都比唔上！麵方面，叉燒一樣都係唔掂，講唔出嘅奇怪味道，感覺唔似日本拉麵嘅叉燒，可能我未食過日本正宗叉燒啦🤔，但真係好難食。沾麵普普通通，正常水平。我哋食到後面都好濟，都剩咗少少叉燒食唔落！好奇怪嘅係水都有浸游泳池嘅味😂，總括來說，雖呢個價錢喺旺角都算正常，但呢個味道真係對唔住呢個價錢！

麵屋武藏旗下有好多間拉麵店🍜其中武骨相傳印象最深刻因為第一次去日本食都係呢間😍今次黎到旺角朗豪坊新店一試佢水準！武骨相傳開店不足一年 主打沾汁麵▫️二刀流沾汁麵 ($88)有白、赤、黑三款味道選擇我就揀左黑蒜豚骨湯 用上自家製坑紋麵口感偏硬身 做沾麵幾夾👌二刀流係豚角配叉燒 五花肉煮得好腍👍叉燒肉味幾突出▫️黑鳥 ($45)炸雞用上黑芝麻醬 比起一般見到嘅樣有啲出入😂 雞肉肉質幾嫩滑 醬汁帶微酸 食落幾開胃▫️蜜桃培茶 ($28)蜜桃味好香 飲落唔會死甜 加入培茶令佢更清香 飲到底蜜桃味更突出呢個野飲出色👍

今日又係拉麵日，麵屋武藏開到周街都係，但質素如何真係要試過先知！行過郎豪坊見到佢開左新鋪，好奇心驅使下就入左去試🤣——————🐽 二刀流沾汁面（香濃豚骨湯、黑蒜豚骨湯）一上枱就見到2大塊肉！一塊係肥膏滿滿既豬腩肉，另一塊就係好中片既叉燒，2種肉都好林！而個沾面底亦係自家特製既坑紋麵，可以更加有效甘沾住湯底而2款湯個豚肉味都好濃，特別黑蒜油湯底特別香！沾面真係一流🐽 夢幻之唐揚魚炸鯖魚仔入口脆卜卜，細細條d鮮味好濃，送酒一流！🐽 黑鳥炸雞咬落好juicy，配埋佢自家製既墨魚汁他他醬一齊食更加係別有一番風味🕺🏻

最近麵屋武藏係朗豪坊開咗分店，位置方便易搵，收工即刻過嚟試吓😋🌟黑相傳叉燒沾汁麵$85黑蒜豬骨湯底勁濃郁，叉燒有手掌咁大，份量十足，食落冧滑唔嚡，麵質煙韌Q彈，麵身有坑紋更索汁😋🌟赤相傳二刀沾汁麵 $88朋友嘅赤湯睇落都好吸引，佢形容辛辣得來好開胃，仲有一塊好靚嘅五肉腩好鬆化，入曬味，好滿足😋🌟黑鳥$45炸雞賣相唔吸引🤣 但勝在有內涵😎 外脆內軟，肉質鮮嫩多汁，點埋黑芝麻醬好特別👍🌟五輪燒餅$58一分為四，每一件都大大件，餡料有廣島蠔同椰菜，蠔味突出，椰菜脆卜卜，加埋木魚絲點綴，完美配搭🫶🏻🌟梅子青檸梳打$28唔好甜嘅朋友飲呢杯就啱晒，清新得來有梅子香，味道一流👍🌟巨峰梳打$28山梨縣出產嘅巨峰提，質素當然有保證👍

今日喺朗豪坊想食得快少少嚟咗食麵發現佢都有好多款沾麵於是就覺得值得一試啦餐牌上面都有好多選擇環境方面咁啱有卡位坐得闊落舒服叉燒黑蒜沾麵上菜嘅時候個擺盤都幾靚又有溫泉蛋香蔥同埋荀撈麵食一流舊叉燒相當大嚿兼且好厚😂個湯方面個黑蒜油都真係好濃郁非常之濃味🉐👍🏼另外朋友就叫左叉燒拼豬腩肉 試咗豬骨湯豬骨湯顯然係比較清淡啲冇左黑蒜油嗰種油膩感如果鍾意清淡啲嘅朋友可以揀返豬骨湯啦豬腩肉真係好正，肥瘦適中另外我哋嗌咗個餃子食好開心嘅餃子超多重兼且新鮮滾熱辣相當滿足至於個燒餅個人就覺得一般般感覺就有啲似食緊小丸子食完咁濃味嘅沾麵梗係要飲黑果汁同烏龍茶嚟補充水份🤪整體價錢適中味道都唔錯位置非常方便推介大家去食🫶🏼

朋友係拉麵控黎🍜同佢行完朗豪坊，眼見唔洗排隊，就入左黎食☺️依間拉麵店湯底主要分為白、赤、黑，除左拉麵之外，仲有沾麵🥰.🍜牛肝菌雞白湯拉麵 $98依個雞白湯係用左8個鐘慢煮而形成☺️所以個湯超清同好濃😍成碗湯都係骨膠原，教我點樣唔愛佢🤣依間拉麵店既特色係用左自家製既坑紋麵😍好掛汁，同埋個麵好有彈性👍🏽.🍜二刀流拉麵 $85今次湯底簡左白汁（香濃豚骨湯），日式叉燒半肥瘦適中，值得一讚既係豚角，脂肪同瘦肉既比例好好，如果可以大舊啲更好🤣.🔆五輪燒餅 $58依個好有大板燒既感覺☺️入面放左大量既蠔同埋椰菜，整體黎講好唔錯，粉漿又唔厚👍🏽.🔆黑鳥 $45炸雞配上他他醬，個醬好特別🤨帶上沙沙既口感😍感覺好特別

看到這間餐廳的人流就知道受歡迎，作為拉麵愛好者的我就一個人隻身進去了坐落室內的朗豪坊廣場4樓，這家餐廳全場爆滿，排隊人數眾多，幸好我只有一個人， 不然都不知道要等多久呢侍應的服務態度很好，有求必應前菜黑南蠻炸雞$45加入黑色的沙律醬的炸雞，入口剛剛好， 皮脆肉嫩不會太過硬， 加上沙律醬汁非常creamy，真的好吃二刀流沾麵$88 黑蒜油所謂的二刀流其實就是用上叉燒跟豚角煮的沾麵，這裏的叉燒非常厚切，雖然比較瘦削但入口軟稔不會韌豚角煮基本上就是五花腩的慢煮版本，入口即溶非常好吃沾麵麵質相當彈牙，麵條中間的一條坑令她十分掛湯，加上味道相當濃郁的黑蒜油，配搭認真不錯呢蘋果焙茶帶淡淡的蘋果香，不會太甜很易入口，焙茶跟蘋果的味道平衡，不會過於滯膩

旺角呢一間麵屋武藏我一早想嚟😆 舊年年尾啱啱開，主打三種色沾麵🍜 食過佢其他分店D出品都唔錯，以前旺角Moko就最鍾意食黑武骨餐廳係中庭，好易搵到，安排咗坐卡位，舒服好多👍🏻見到有本店限定嘅牛肝菌雞白湯，梗係唔會放過喇😋叫沾麵就可以試吓佢啲湯最濃係點。另外又係叫咗碗日本牡蠣拉麵，睇圖有三隻大蠔，好吸引🦪牛肝菌雞白湯沾麵果然冇令我失望。雞湯又濃又杰，啖啖都係雞嘅精華😋配埋D坑紋麵特別好味。日本牡蠣拉麵隻隻蠔又大又飽滿，湯底蠔味十足。之後仲叫咗兩杯飲品同小食，真係食到好滿足👏🏼👏🏼👏🏼➡️ menyamusashi_hk ⬅

經過朗豪坊，想搵間坐得舒服啲嘅食個下午茶。就揀咗呢間，以前食過好多次，都覺得幾好食，今日見佢出咗個新嘢諗住試吓，話係新鮮蠔湯底，百幾蚊有個小食加嘢飲都幾抵。睇個賣相都唔錯，點知一飲個湯勁大浸腥味…完全唔好食，雞塊又硬左d..喺得杯嘢飲吾錯🫠

上星期約了好友到朗豪坊晚飯，選擇了位於4A樓層的麵屋拉麵店，晚餐時段很旺場，要排隊等位。餐廳主打沾麵及拉麵，我們兩人分別點了黑相傳叉燒沾汁麵及白相傳二刀沾汁麵，再加小食胡麻菠菜，田之最強沙律，再來兩杯特飲梅子青檸梳打及蕃茄梳打。沾麵有3款湯底可選，香濃豚骨、辛味豚骨及黑蒜豚骨，香濃豚骨及黑蒜香濃好味各有特色，特色粗身坑紋麵有咬口，掛湯特別多。自家製燒豚原來是用上歐洲梅花豚肉，以秘製燒汁醃72小時，現場燒製3小時，肉質鮮嫩多汁好味。胡麻菠菜份量多，非常香胡椒麻醬味，涼拌美味，另一款沙律用料豐富，有溫泉蛋、牛油果、粟米、番茄仔、生菜等，有營健康。兩杯特飲透心涼，蕃茄梳打更加有驚喜，感覺清新好味。餐廳座位舒適，服務員態度也很好。期待下次食湯麵。

老友想食拉麵，於是搵左間位於旺角朗豪坊4樓的#武藏麵屋， 看完餐牌大家都不約而同說要叫沾麵，我本身喜歡食拌麵，而佢則被相片吸引左🤣😘。呢度嘅沾麵正宗又超正，沾麵與拉麵🍜唔同嘅地方，是沾麵湯汁是超濃縮，跟拉麵分開上。我點了二刀流沾麵（黑蒜豚骨湯），有豚肉加叉燒，豚肉厚厚的一件，肥瘦夾雜醃製得入味，唔錯啊，而叉燒很大的一片，食落好滑又有韌性，咬落有油脂香，麵條比較粗身，配上超濃厚醬汁，麵條很索汁，咬落彈牙又有嚼勁。老友叫個碗是相傳叉燒沾汁麵（香濃豚骨湯），佢個醬汁都好香濃，叉燒更加厚同大片一點，糖心蛋很流心，見佢都食到津津有味😘。小食點了夢幻之唐揚魚，炸得非常香脆，成條魚可以原條食，點埋秘制醬汁，更加鮮味😘。田之最強有半個牛油果🥑、溫泉蛋、新鮮沙律🥗菜，加埋有點芝士，好味又健康。點了巨蜂梳打跟梅子青檸梳打，非常之正，微甜得來又很清爽👍。

事關我自己都好鍾意食拉麵🍜今次同朋友放左工之後一齊去MK行下然後就遇到呢間專食沾麵🥹位置都幾方便而且咁啱有位就試下啦❤️入面位置唔算好多而且繁忙時間都多人座位有分有Bar檯同埋卡位～不過嗰日好多野就想坐卡位值得一讚係佢地服務都好好～肯遷就我要求٩(´ε｀ ٩و～～～～～～～～～～～～～～～～～～～～♪ 黑鳥 $45 (9/10) *推薦！先上前菜～原來黑鳥就係炸雞配黑他他醬黑他他醬真係比較特別少見～吸睛！炸雞幾多塊之餘食落都唔會過份油膩而且黑他他醬同炸雞都幾Match♪ 相傳煎餃 $38 (8/10) 煎餃有五大舊而且煎得都OK既～食落係普通拉麵店食到的豬肉餃子🥟♪ 牛雜菌雞白湯拉麵 $98 (8.5/10)重點拉麵登場喇ε-(´∀｀; )一上黎已經feel到非常濃郁美味～因為湯底係經過八小時的煲製鮮熬而成食落麵條都彈牙爽口配埋牛肝菌好正！♪ 黑相傳叉燒沾拉麵 $88 (9/10) *推薦！黎到呢度點可以唔試下最具特色嘅沾麵？呢個完全冇令到我失望😚黑蒜豚骨湯非常強烈的Garlic味道再加上大塊叉燒同埋彈牙麵條完全係冇得彈！♪ 梅子青檸蘇打 $28 (8.5/10)梅子酸酸甜甜配合青檸檬成